湯譜

營業中

休息中

諗住夜晚叫碗湯飲，係外賣平台揀左呢一間，我叫左一碗湯和馬拉糕。蓮子木瓜燉雪耳湯$68(平平)份量:偏少味道:偏甜（但尚算可接受）湯料:多木瓜和雪耳溫度:完全凍哂，需要自己翻熱。（氣溫為20度，餐廳步行到我家只需要9分鐘）馬拉糕$42(超級伏)份量:極少，在外賣平台放的圖片是清楚見到有2舊，而真正的份量係平日酒樓一舊的一半味道: 無味！溫度:完全凍哂，硬過石頭，都係需要翻熱後記：馬拉糕蒸翻熱左都可以係硬，好「銀」胃。

話說香港呢個繁忙嘅都市，有時真係懶得郁，想喺屋企都可以有個港式飲茶feel。今次試咗一間店嘅外賣服務，簡直係方便到爆燈💡！首先，靚靚嘅Minions紫薯包，睇落去真係夠哂吸引，而且食落去甜甜地，啖啖紫薯香，包皮又滑又軟，口感正！接住嘅蝦餃同燒賣就無話可說，皮薄餡美多汁，一啖一個剛剛好。至於呢個與眾不同嘅脆炸鮮奶卷，炸得啱啱好，外皮香脆得嚟又唔油膩，咬落去啲鮮奶味道慢慢滲出嚟，令人回味無窮👍。健康嘅碎牛粥同雞冬菇粥亦都一絕，綿滑嘅口感，低調嘅調味，用料真心不錯，啖啖肉感，粥水分佈均勻，暖笠笠嘅感覺直接暖入心窩，係秋冬天氣飲啖熱粥，實在太滋味啦😋。整體來講，試住呢間店嘅飲食體驗都算係蠻正！下次想飲個茶歎個靚粥，唔洗出街，輕鬆一click就搞掂，舒服！🥢🍽️

價錢和實物不符，和圖片不符，收到外賣之後見到湯入面只有水無任何肉，但收費$138+10 = $148 ，完全係不合理！中伏！勸大家勿試 Don’t try to order the food as the price and the picture are totally different from the soup I received by delivery, very disappointed

年初二foodpanda 買佢外賣，叫左豐富二人餐，好咸又食泥膠咁嘅梅菜肉餅同都係好咸嘅松蟲花蒸雞，兩碗硬硬地嘅白飯加兩碗好難飲嘅湯（黃耳雙菇竹笙桃膠湯同松茸菇瑤柱螺頭湯）。個湯難飲到我寧願飲水，一個苦又淡味，一個咸得濟。9點幾食完2個鐘到我先生開始肚痾，我到2點幾就醒左嘔哂出黎，嘔左我2次，我地兩個仲骨痛。今朝係屋企個肚仲係唔舒服隱隱作痛。新年流流搞d 咁嘅野，冇下次真係呢，難食都算，食到人又痾又嘔真係差到一個點。

夜晚肚餓諗住叫個湯叫個飯食下 點知黎到嘅時候發現個份量少到痴線，食物相我就唔post喇 同樓下啲師兄差唔多，但成150-180蚊先得咁嘅份量，真係好鬼過份囉！ 喱世唔會再食！I ordered a set dinner, 1 soup 1 rice 1 spicy eggplant minced pork. The size of their offering is really ridiculous comparing to their pricing. I’m glad I ordered it with foodpanda discount. Otherwise, it will be 180 dollars…

我係數碼港用佢地外賣app (只限用app) 12:22點落單 預計12:45-1:00 可以去攞 點知1:05都未見有 就打電話去查詢 幾經辛苦終於有人接聽 第一句就話 你打去數碼港 其實全香港都係得中環店有電話 職員就答 我幫你轉達 結果又等多5分鐘 無人回覆我 我就打去中環店 可惜 我用自己手提定同事 手提都係無人接聽 其實送唔到咪退錢 但張單仍然顯示準備中😅 所以我決定用盡方法都想攞返啲錢 IG inbox冇人回 ig 留言無人理 隔咗一日終於都見到退款🥲簡直離晒譜 一般打工仔 得40min-45min lunch 時間 如果你唔考慮呢點麻煩唔好做lunch hr

原價$138嘅套餐包一湯一飯點知揀個湯要加$10，揀個羊腩再加$44😂總共$192，然後俾返個折你埋單都係要$146講真呢啲價錢加多少少分分鐘成煲羊腩煲都食到，本身滿心歡喜諗住有啲乜嘢特別，點衰都有一盒羊腩俾我。唔好意思，嚟到同飛機餐冇分別。根本就當啲客傻既，比咩你就食咩，反正個價錢冇話包幾多，俾五舊算執到。飯無分開浸到粥咁，羊腩煲有陣塑膠嘅味，椰子燉雞湯酸嘅。我覺得完全係俾人詐騙！永久blacklist！

晚餐嗌外賣，個飯同叉燒都勁硬，牛腩飯勁重八角味。最誇張係個湯個花旗參雞湯竟然係入落個膠袋，得d 湯水仲要難飲到痴線，勁酸. 唯一嘅好處係飯盒幾靚但係又貴又難食。都係冇下次

有冇諗過足不出戶都可以飲茶同食點心☕️ 最近就試咗呢間外買平台 #Soupday 落單喺屋企飲個靚茶😆我哋叫左多款點心，有Minions造型嘅迷你兵紫薯包($38)，岩晒我呢啲童心未泯嘅為食友😂 紫薯餡好香甜，配上鬆軟嘅包幾好食👌🏻 其他點心仲叫左蝦餃($38)、燒賣($38)、灌湯餃($48)及脆炸鮮奶卷($38)，大部份點心都整得好食，而最鍾意係呢個鮮奶卷，炸到金黃香脆嘅外皮包住香甜嘅鮮奶餡，真係超好食！如果要食點心一定要試吓呢個🤤另外我哋叫左兩份粥品，分別係懷舊碎牛粥($48)及滑雞冬菇粥($48)，粥煮得好綿密，用嘅食材好似已經融入咗喺粥底裏面，調味唔會太濃，感覺上好健康！整體呢個外賣體驗都唔錯，有興趣都可以去佢哋個website落單😆

一向都好鍾意SoupDay 湯譜嘅湯，足料又好飲！宜家佢地有自家外賣平台可以港九新界周圍送，真係好方便！除咗《湯譜》呢個品牌，佢哋仲有《點潮》點心、《Fuhn to go 》多款越南粉、《啜》飲品及小食、《Congee Day》多款粥。透過佢哋自家外賣平台一次過落單一齊送！今次我叫咗兩款湯及兩款越南粉，準時送到，嚟到仲熱辣辣👍🏻▶️花膠螺頭蟲草花燉湯非常足料！入面花膠夠林、螺頭幾甜，仲有啲蟲草花、瘦肉、龍眼、杞子等。個湯濃郁又甜，好好飲！▶️黑蒜螺頭燉湯相當夠火喉！有黑蒜味，入邊有啲螺片、瘦肉、龍眼等等。飲完個人好暖身！欣賞佢嘅湯粉湯同餸分開裝，所以啲粉唔會淋身。▶️美國牛肉湯越南粉牛肉份量相當多，金邊粉幾好食。個湯清清地，配有辣椒🌶️、香草葉、青檸可以自己加調味！▶️香茅豬扒湯河粉豬扒幾大塊，切好一件件。面上有好多香茅及蔥花，相當夠味。有咗呢個外買平台，想幾時飲靚湯都得啦🥰仲可以一次過叫埋嘢食㖭！

外賣自取左一個牛奶花膠，坦白講，真係好一般，入邊有幾粒瘦肉，花膠少到基本可以忽略，搵左好耐只搵到一片，真係勁唔抵，而且味道麻麻，比較稀，真係試過一次唔會再有下次嘅店。

1/5 (Fuhn to go by soupday)Soup was okay, kind of taste like msg, definitely not any type of chicken soup I like. Shredded chicken is so dry. Chicken meat ball was good beside the first bite always have a sour taste to it. Both deep fried snacks coating was hard more then crunchy, greasy as well. Prawn cake was so firm then bouncy. Chicken wings was so salty.

🛋🪞【 湯譜 • SoupDay 】🪞🛋⋄—————⧫♟⧫—————⋄「SoupDay 」主打真材實料嘅中式燉湯、蒸飯、點心及粥，為大眾提供滋潤美顏湯水🥰燉湯將珍貴食材隔水猛火燉，起碼燉3個小時以上，匯聚食材精華，滋補效用更明顯💓⋄┄ ┄ ┄ ┄ ❖ ┄ ┄ ┄ ┄ ⋄🍲花膠燉鮮奶湯 ($98) (花膠、鮮奶、桃膠、雞肉、豬肉）🥟蝦餃 ($45)⋄┄ ┄ ┄ ┄ ❖ ┄ ┄ ┄ ┄ ⋄📍地址：天后電氣道108號冠貿商業大廈25樓⋄⋄#hkig #hkfoodie #hongkongfood #hkfood #hkfoodporn #hongkongfoodie #instafood #foodblogger #hkfoodbloggers #hkfoodies #相機食先 #hkiger #hkigers #ilovesharingfood #openrice #香港美食 #hkinfluencer #foodiehk #discoverhk #ccrreami天后 #ccrreami湯譜 #湯譜 #soupday #sipsip #sipsiprooftop @sipsiphk #s

好食平時都好少食中餐，但每次想食中餐都會叫SoupDay。所有燉湯試過晒，窩心、爵士湯一流。料好足，味道好平均。每次叫個湯都會叫菜苗餃同埋炸鮮奶卷，有時都會點佢congee。如果喜歡吃健康但美味的食品，叫呢間冇錯。Loyal fan for SoupDay. Ordered many times on delivery platform. This is the ultimate one stop shop restaurant that I can pick up different variations of Canto foods in one place. Fast delivery and good quality foods. Would recommend!

1。最基本嘅白飯都可以做到咁差🙄極硬！硬到好似食生米咁！唔知放咗幾耐🤮仲要盒白飯嘅份量好似兒童餐咁😒倒落去個細碗到都可以唔滿🙄2。喺平台叫外賣明明話20分鐘到，結果等咗差唔多兩個鐘，嚟到啲嘢食全部凍曬，仲要送漏order😡3。叫咗兩款湯（1.雪梨海底椰雪耳燉湯&2.黑蒜螺頭燉湯）1.雪梨湯完全冇味衰過滾湯，好似飲水！1&2湯純粹俾咗兩個湯包！兩個湯都完全冇料😡我同女朋友都懷疑自己係飲湯水定係飲燉湯😡4。打咗去佢哋中環鋪問有冇天后鋪嘅電話？結果佢哋話天后舖冇電話🙄最後留咗我嘅電話號碼同埋訂單編號話會叫天后鋪嘅同事覆我，結果不了了之🤬我同女朋友決定以後都唔會再叫依間外賣😡就算堂食都唔再去幫襯！😡😡😡😡😡😡😡😡😡😡😡😡😡😡奉勸大家如果未試過依間餐廳想試嘅話要有一定嘅心理準備😒😒😒 三思三思再三思