影片
港鐵深水埗站 D2 出口, 步行約1分鐘
繼續閱讀
營業時間
星期一至日
07:30 - 23:00
以上資料只供參考, 請與餐廳確認詳情
今日係復活節假期既第一天…懶洋洋不想岀街行街，但又要去搵野食…咁就去左深水埗福華街個邊搵下野食…我哋去左湯加叫外賣食…叫左兩個下午茶餐…等，等，等左好耐…要等近成 25分鐘才準備好野食…等到頸都長。攞到番屋企…終於開餐，有炸雞脾，西多士，炸魚柳，班戟，薯條，雪菜肉絲米粉，柑桔蜜和柚子蜜。整體都係麻麻，炸雞脾炸得太耐太乾身太硬，柚子蜜太過甜，好似一斤糖一斤水…不停加番開水溝淡才飲食落，其他真係好一般，下次未必再試呢間
繼續閱讀
今晚來到食湯飯，因為胃口麻麻地，想食清淡啲就來左呢間湯加，專食湯飯既餐廳，其實都有其他野食既，不過就以湯飯為主。來到餐廳，其實都會有一種唔係咁乾淨既感覺，不過算啦，平平地食個飯，我叫左個腐竹勝瓜魚肚清湯飯，飲熱柚子蜜，過左一陣就上菜喇！呢個湯飯就擺明係清淡野，但出奇地味道都幾好，魚肚都幾足料，有8舊左右，勝瓜幾新鮮，湯底都好味，不過不失，係熱柚子蜜就hea d，連杯邊都有柚子蜜啲糖漿響到😴服務都係要扣分，成日叫人無人應🙈
繼續閱讀
深水埗有好多小食、小店，但多數煎炸油膩，冇營養，難得女友係福華街揾到間健康小店，一於去試試。餐廳地方細細，乾淨企理餐牌有唔少選擇，如常餐、湯飯...... 更有坊間少見嘅健康養生淮山麵、有機藜麥飯.... 而且三色飯仲可以免費添加，岩曬大胃王未食過淮山麵，我地就叫咗蝦滑勝瓜淮山麵同豬扒淮山麵。淮山麵同湯分開放，淮山麵味道偏淡，但配合濃郁湯底一齊食，好夠味呢度價錢偏貴，碗麵已經要四五十蚊，轉紅燒牛肉湯加3蚊，配熱帶菲芒冰又加9蚊
繼續閱讀
湯加係一間主打健康嘅餐廳。裝修用咗復古嘅風格。有唔同種類嘅飯可以揀，但係今日我唔太想食飯，所以就叫左淮山麵。蕃茄湯嘅熱度非常足夠，凍冰冰果陣個身即刻暖翻曬。蕃茄酸味都幾突出，但係就少左啲鮮甜。飲完都有啲頸渴，應該都有落到咪精。淮山麵爽口彈牙，質感十分好，隱隱約約好似食到少少藥材味咁，健康又好食！推介！豬軟骨係魚米隻豬軟骨嚟，口感軟𣺉，十分入味，好食！娃娃菜同埋豆腐都不過不失。套餐係唔包嘢飲，要嘢飲就要加$7（凍飲再加多$3）有少少貴。本身都有湯，建議可以唔洗加嘢飲。
繼續閱讀
餐廳就在深水埗地鐵地面出口右轉的福華街。人們說起深水埗食街，都會想起成名更早又有日間步行時段的福榮街的名氣食肆，往往忽略了充斥街檔且路面狹窄的福華街也有不少特色小店。湯加在其他地區都有分店，但不少都是開在商場裡，深水埗這店址和門面都更隱蔽，內裡也是偏向小店格局，燈光偏昏黃。湯加最初開業時，主推的還是湯飯和燉湯，後來也有蒸飯，後來則有了自選湯面，配菜以素菜和魚蝦為主，標榜食材健康高纖養生，煮法和口味都偏向清淡無添加。那晚帶著親戚逛電腦商場，走得累了就想吃。親戚們喜歡清淡，但附近出色的素齋店的菜式都偏油膩，而且路程有距離，這邊的星級雲吞麵店倒是不少，但很多都講求翻枱率以致吃完就要勿勿結賬，最後還是親戚也沒力氣走太遠，就提議來這裡。我們五人我們這次就叫了自選湯麵，都是淮山麵（如不吃麵，也可以選吃飯，米飯可選藜麥飯 / 紅米飯 / 三色飯，煙韌有嚼勁，免費添飯）。淮山麵沒有米粉那麼軟滑和吸湯，但麵質更幼小更彈牙，包含高纖、黏蛋白、維他命，更高營養，降血脂降血壓。我們的淮山麵都是另上，變成半撈麵，這樣不會讓麵過快吸乾了湯底，吃麵時也更能喝到湯的原味。胡椒湯淮山麵，配菜：牛肉＋西蘭花＋木耳＋豆腐。湯底是胡椒味菜豬肚湯，胡椒味香濃，秋冬吃點，胡椒味辣味和暖氣直通胃部，可以暖胃驅寒去濕。牛肉份量很足，還算新鮮嫩滑軟腍；西蘭花煲得軟腍，幾乎是熟透；豆腐口感幼滑，但勺了兩下就沒有了；木耳的份量挺多，口感也爽脆。酸辣湯淮山麵，配菜：青口＋西蘭花＋木耳。湯底是酸辣湯，由於酸菜不少所以酸味挺充足，但反而蓋過辣味。青口竟然有三隻，比想像的多，算是驚喜；西蘭花煲得軟熟，剛入口已半化掉；木耳在這碗的份量就稍少。蕃茄湯淮山麵，配菜：魚角＋魚滑＋勝瓜＋木耳。湯底用了不少新鮮蕃茄，也沒太重味精，還留有新鮮蕃加的酸甜。魚角以腐皮包裏，口感更彈牙更有嚼勁；魚滑似是鯪魚肉，也算新鮮軟滑，而且碎骨不多；勝瓜就是絲瓜，口感也爽口；木耳也加了量，但份量好像也沒分別。鮮魚湯淮山麵，配菜：青口＋海蝦＋蝦滑＋魚柳＋蘿卜。湯底湯底是鮮魚湯，像是用黃花魚之類慢熬熬出，湯色奶白，有些魚肉魚骨都化在湯裡，用料精純，清新清甜。海蝦有三隻，比想像的多；青口也有三隻；蝦滑似是下了生粉再以手打，吃上有彈牙質感；魚柳也算軟腍，沒有雪藏味；蘿卜也熟透清甜。牛肉湯淮山麵，配菜：牛肉＋魚片＋魷魚仔＋芫茜。湯底是紅燒牛肉湯，帶有濃重的燒牛肉的咸香味，在五款湯底當中算是最重味的湯底，但這湯底好像是最近才有。鮮牛肉嫩滑軟腍；魚片像是生魚片或鯇魚片，份量不少而且大塊，但有點小骨；魷魚仔也有三四隻，口感還算煙靭；芫茜像是稍微辟了味，而泡在牛肉湯則更易入口，至少不會刺鼻。說下價錢，由於我們轉要淮山麵要加錢，轉要特色湯底也要加錢，外加三四個配菜，每碗粉麵就要接近六十塊，確是不算便宜，但湯底都是以真材實料熬出，湯底配料（西芹，酸菜，木耳）也豐富，自選外加的配菜的份量也挺豐富，營養均衡，調味不會太鹹太重也沒味精，算是物有所值。
繼續閱讀