湯加 (積福街) (已結業)

湯加開到周圍都係分店～～鹹蛋芥菜牛肉湯飯：午市套餐連飲品很便宜，芥菜很多，口感較硬，味道偏苦；牛肉不會太老太硬，亦沒有筋，質素不錯！湯鹹了一點，稍後中和一下就完美極了！…查看更多

聽朋友講湯加份量好多、好抵食，今日經過便試一試。自選豬軟骨雞扒娃娃菜魚湯（$55）上菜時餸、米線、湯分開上，湯中有菜。魚湯魚味好淡，好重胡椒味，湯底遜色。雞扒外脆內軟，有一大塊；豬軟骨果醋味不夠香，不過夠軟焾，份量有兩大件；娃娃菜份量不多，米線軟硬適中，不過唔太夠熱。 整體而言，份量確係多，性價比高，不過味道就正常，唔係話特別好食。其實這裏湯飯比粉麵更出名，不過我實在唔想食飯，所以揀咗粉麵。基本配搭係自選2餸1菜，揀麵和揀湯底，選擇都好多，下次可以試下其他。至於環境，座位比較狹窄，衛生一般，見到1隻蒼蠅飛來飛去。…查看更多

炸得好香脆嘅雞扒今日嗌你學校返早有活動，送完佢返學無所事事嘅媽媽就去茶餐廳打躉😂,揀咗湯加，因為佢坐位舒服，而且唔係太多人，坐耐少少都冇問題。揀咗雪菜肉絲雞扒米粉配熱柑橘蜜。講真佢個米粉好食過米線好多，米線唔知點解成日煮得太淋，反而個米粉好爽口，勁大量嘅雪菜肉絲👍🏻,雞扒炸得好香脆🐔，浸咗落個湯度都仲食得到好香口。熱柑橘蜜，今次阿姐好豪氣，飲得出好濃味。坐喺度慢慢嘆左兩個鐘😂$32非常抵俾👍🏻…查看更多

大圍太多餐廳，成日都唔知食邊間好，但咁啱經過湯加，見到飯任添，當然要去試吓啦！▪️黃酒薑絲煮牛肉湯飯👍🏻牛肉嫩，份量多，有黃酒味但淡淡地，都幾好配飯，飯有米香，仲可以任添！😛▪️水蜜桃汁👎🏻杯水蜜桃汁實在趕客，好似飲緊水咁，店面得一個人，叫極冇人應，環境衛生有啲差。其實食物質素唔錯(個湯飯)，如果改善下其他野(👎🏻)，會再嚟食。…查看更多

一直都喜歡這餐廳，就算在其他區，都會去，因為食物夠清淡健康有營養。食材的選取都以有營養為主，煮食方法主要是湯灼，啱晒減肥、減三高，而且份量足，食得飽，又唔算貴。…查看更多

西式早餐🥣平時多數黎食午餐，第一次食湯加嘅早晨，估唔到都有咁多嘢食。叫咗4號餐，其實我麻麻哋鍾意食麥皮，可惜佢冇得轉麵或者米粉，只可以加$6配多個米粉，但係又驚食唔晒，所以就冇加到。飲品可以配熱柑橘蜜，都幾好飲。雞扒炸得好酥脆，配上特製嘅蒜香🧄燒汁，好惹味。班cake🥞配左一包蜜糖，炒蛋唔算太滑但係配左牛油🧈炒好香。牛奶麥皮，奶味重微甜，估唔到都比想像中好入口。不過我都係鍾意食鹹嘅麵多啲😂😂…查看更多

之前都有食過呢間⋯今次去咗買外賣，叫咗麻辣墨魚片⋯轉三色飯⋯返到屋企⋯食咗兩啖⋯發覺 點解有啲黑色嘢係度⋯仔細一睇⋯原來係蟑螂⋯🤮🤮🤮🤮仲要係整個身體分離嘅蟑螂⋯噁心⋯清潔衛生問題真係好重要…查看更多

知道大圍有呢間食湯飯既餐廳好耐了一直都未有機會幫襯今晚終有機會試下點左~生菜, 豬潤, 豆腐,  腐皮 (清湯+三色飯)本人偏好豬潤湯覺得湯底加左豬潤一流其他配料係正常反而腐皮就唔推介好似唔夠淋三色飯個份量都OK WO可能我唔太食太多飯就食唔晒~下次可以試下胡椒味菜湯好似好惹味咁…查看更多

你話係一碗湯，我梗係當湯咁飲啦！點知啲味精多到，叫佢做汁都嫌佢太濃味。食到一半已經口渴到飲咗幾杯水。史上最後悔一次！第一次係到寫野，就係希望大家唔好中伏。亦希望做飲食生意嘅攞番少少良心出嚟。…查看更多

今日喺外賣app 發現最近有啲新嘅餐廳加入外賣，我見到呢間餐廳有好多唔同種類嘅湯飯，有養生麵，仲有一款叫自選湯飯（即是兩個餸+一個菜配飯）。最後我㨂左姫松茸鮮淮山竹絲雞湯飯及泰式雞鎚，等左半個鐘左右，好快就收到我個外賣啦。呢個係姫松茸鮮淮山竹絲雞湯飯，養生系列入邊有半隻竹絲雞，竹絲雞好入味，不過有少少油。飯我就揀咗有機藜麥飯，感覺健康啲我成個飯食晒，仲飲埋湯，真係好滿足。💗泰式雞鎚比我想像中好食，有四舊，係小食呢個價錢差唔多啦。估唔到屋企附近有呢間湯飯餐廳，咁多選擇，下次可以試吓其他湯底。…查看更多

今日和好朋友在文化中心看利瑪竇音樂劇，散場後，在回家途中，便找個地方食吓野傾吓偈。我們選擇在大圍揾食。好快，便找了這間「湯加」入座。因為大家都未吃過，就即管試吓吧！一入去食客不多，但卡位已滿坐。我們坐二人枱揀食物時，一見有卡位便轉過去，那就有地方擺放手袋和背包，可以吃得舒適一點！餐牌選擇非常多。但好快，便選了2個特餐。這個豬扒公仔麵，湯底正常，不太濃味，豬扒味道也OK，不會太鹹。配菜有雲耳和西芹。越南春卷 和 香蔥薄餅 都 很好吃。朋友說：魚蛋爽口美味，墨魚卷正常，但沒有墨魚味。米粉湯底就有淮山的味道。我和朋友交換小食，瑞士雞翼很入味，好吃。我飲♡熱冬瓜茶♡ 朋友飲♡熱水蜜桃汁♡兩杯 都 味道不錯甚有特色。惟太過甜，少一點糖，那就更好。很欣賞這裡除了奶茶咖啡檸茶檸水還有別的飲品選擇，又不用另加錢呢！下次有機會，一定再幫襯。 下次必試出名♡淮山麵♡。。。🍜🍜…查看更多

係大圍探完病，一個人口淡淡唔知食乜好，經過間到有湯加，又可以吃我鐘意嘅淮山麵了。鹹蛋肉片湯，原來仲可以揀湯底，吃碗咸菜胡椒湯底暖暖胃都好，當然唔少得淮山麵啦。今日唔知點解有兩粒炸魚腐送咁好，第一次吃，又幾好吃喔！…查看更多

出街有時想方便又吃得比較健康，湯加都係幾好的選擇，大圍真係越來越多嘢吃，今次係第一次來這間分店。鹹蛋芥菜湯我最鐘意，今次試下椒鹽豆腐，新鮮炸出來，外層夠脆，味道唔錯!不過$18一碟油菜得5條真係少咗d。…查看更多

晚上到大圍搵食， 經過依間“湯加” 覺得個名好特別，英文名直譯soup plus,一於走入去試試， 食物係唔錯嘅， 不過叫菜之後就要耐心等候， 而且當晚仲聽到隔離枱吹單或者係漏咗單之類， 我哋僥倖冇漏單但係都要等一陣，唔係皮蛋粒， 係原隻皮蛋切開兩份俾你，抵讚！不過d 飯就好硬， 撈少少湯會好食D隻雞煲到好淋， 而且落咗少許紅棗， 蟲草花， 味道好清， 不過有太多雞油， 最好上菜前飛走D油先會好D其實依塊腐皮角又唔係咁厚身， 理應係可以做到酥炸嘅感覺， 但宜家只可以講有小小脆，味道一般農農嘅香茅味佈滿成隻雞槌，好食！墨魚滑味道ok嘅， 可惜太油了…查看更多

我地兩個都好中意飲湯🍲 今晚係大圍呢邊工作完就係《湯加》食晚飯🤗餐廳晚飯時間人都比較多，係門口等左一陣，counter姐姐都無理過我地😂🤦🏻‍♀️，我地見到兩個吉位，於是自己入左去坐低🤭坐低左想叫野食都等左一段時間先有人而彩我地，不過都唔緊要啦，我地都無好趕時間😊每次我見到有豬軟骨揀，我基本上都會揀😆 《湯加》既豬軟骨都唔錯，夠入味夠淋，軟骨部分爽爽的；雞件都算滑🐔；茄湯就茄膏味較重，不過都有少少茄肉食到既🍅😬 最喜歡佢可以任我揀白飯/三色飯/藜麥飯/燕麥飯，我喜歡三色飯，較有口感又健康😊。他喜歡海鮮，揀左魷魚仔、蝦滑仲有魚湯。魚湯夠鮮美，只係嫌魷魚同蝦滑分量較少，男仔可能會唔夠食啦。下次再食既話，加d小食好似會好d總括黎講，都算幾好食，不過姐姐d服務態度好d就更加好啦…查看更多