影片
營業時間
今日營業
11:30 - 15:30
17:30 - 22:00
星期一至日
11:30 - 15:30
17:30 - 22:00
以上資料只供參考, 請與餐廳確認詳情
有關獎賞計劃
食家推介
元旦日嚟幫襯湘蜀人家,同朋友由太古城行落嚟好快好方便，一出電梯右面直行到門口，一入內待應有禮好好招呼，安排既坐位好寬闊，同朋友二人坐了卡位，內裡裝修有風味，夠晒舒適!先嚟睇睇餐牌，好多選擇，先點了四川涼皮，涼皮好軟身，煙煙韌韌好食，配埋個四川汁，不是太辣，美味!嚟食四川菜一定要點四川口水雞，四川醬汁好配合雞件，雞肉好嫩爽!欣賞!點了常德大盤長豆，長豆新鮮好惹味! 夠晒鑊氣👍🏻讚！飲品見到有花臉啤酒，未飲過所以叫了一枝，好特別，濃濃酒香，個人很喜歡，好配合食物! 最後忍唔住再點多一支！最後點了出名既甜品紅糖糍粑，炸了既糯米軟綿綿，點了紅糖好夾，不會太膩，回味！整體食物質素唔錯，同朋友又可以舒舒服服傾談，價錢又好經濟，下次有機會會再嚟幫襯👍🏻
繼續閱讀
香港沒有很多湘菜的餐廳，好食嘅更加少之又少，今日嚟到鰂魚涌附近，試咗呢間位於英皇道嘅食湘菜餐廳， 味道和環境都不錯👍🏻餐廳食物 重慶辣子雞 $151/例愛辣人士不妨試下呢個重慶辣子雞，一我都幾喜歡嘅經典菜式之一，呢到嘅雞肉炸得外面十分酥脆，花椒和指天椒嘅雙重刺激，自己在家難以做到這種大廚房爐頭嘅火候，呢種火辣辣的味道，冬天食真是一流。廚師另外亦加入花生一起炒香，配合辣椒同指天椒嘅焦麻感，份外野味，用嚟送啤酒一流🤣香茜魚頭豆腐湯（半份）$218湯水呈奶黃色，可見師傅下足料去熬製，配合煎香左嘅魚肉同魚頭，同埋豆腐同芫荽一齊煮，除咗充滿魚香，蘊含豆腐嘅豆香，加上黃薑同埋芫荽一齊煮，一啲都唔會腥，係好適合冬天飲嘅湯❤️千絲萬縷（4隻）$39係一款絲狀嘅饅頭，包身呈現千絲萬縷嘅狀態，口感軟熟，食落層次分明，千絲萬縷在口中，點上煉奶食用，更加好味😋餐廳環境餐廳環境都幾寬躺，有好多卡位，另外都有室外座位，或者包廂。服務質素店員都好友善，會介紹吓餐牌唔同嘅食物，禮貌很好，上菜速度都好快👍🏻
繼續閱讀
原來鰂魚涌都開咗湘蜀人家✌🏼今日就同家人呢試！ 涼拌土豆🥔入口OMG 好好食！ 個調味小小麻 小小辣 有點酸味 加芫荽 開胃一流！ 份量大之餘，薯仔好新鮮 有薯仔嘅鮮甜， 好爽口。 乾煸四季豆裏面有啲四季豆同埋肉碎炒埋一齊， 配合埋佢嘅醬汁💯 四季豆仲有啲爽脆，唔會太過老。 火候應該啱啱好。農家小炒肉小炒肉好有鑊氣，調味亦都啱啱好唔會太油膩。 送飯食好正❤️紅油抄手個皮好薄， 裏面嘅肉餡都好大。 有啲蒜蓉同埋芫荽， 醬汁有少少甜。重慶小面雖然叫小面但係份量一啲都唔少。 麵條比較幼， 整體唔係好辣。花臉啤酒見到佢有一個出邊飲唔到嘅啤酒，飲落個味道濃郁少少，但係又唔係麥味重。所以整體都幾清新，食呢啲辣嘢好啱飲。 ❤️餐廳環境好舒適，大部份都係卡位。 個姐姐好好禮貌，又主動幫我哋斟茶。 下次來一定試下佢個招牌酸菜魚。👍🏻
繼續閱讀
鰂魚涌嘅怪獸大廈，因為變形金剛而出名。而我對佢印象就係，非常堅固，一排咁長既大廈，咁多個窗口整齊排列，相信山竹打到黎，都係甘穩打穩紥。位於佢對面嘅一間食店，我一坐低，即刻有相同既感覺。佢既menu係硬皮相簿質地，裡面嘅食物相都影得好工整，每一頁編排唔會太密集，而且除左食物名，仲有好多菜式嘅背景介紹，似係飲食文化交流嘅書籍。真正食物嘅賣相，同menu又極為相近。因為以上，我對佢地既信任大增。 🍖 酸菜魚，可以揀桂花魚或者鯛魚，平時都係食桂花魚，想試下啲唔同既。鯛魚真係好特別，我唔知同平時刺身個種，係咪一樣，雖然刺身鯛魚都有d爽，但呢種係超爽。爽到我以為喺脆肉鯇。由於未食過，我要特別鍾意脆口野，真係欲罷不能。另外，佢下面又有紅薯粉，平時外面食嘅喺一條條粗扁身嘅，食幾條會覺得好飽，哩度係麵條形狀，一樣咁好味但就唔會飽到食唔到其他野。 🍖大盤炒椰菜花，真係一個好簡單炒嘅椰菜花，但係就可以見到手勢同埋時間嘅準確拿揑。椰菜花無炒到淋哂，師傅兜炒嘅技巧準確，醬汁充分又均勻分佈喺椰菜花上面。只需要小小肉絲做點驟，成個椰菜花嘅味道就即刻立體哂。 🍖胡椒豬肚雞湯，踏入秋天，選個餸真係好啱時候。個日岩岩開始有啲涼，出門口仲特別加左件外套，飲完哩個湯，成身暖粒粒，無獨有偶，豬肚又係爽口脆身，好配合成晚嘅主題。 🍖🍺豆沙鍋餅，雖然唔知道豆沙鍋餅算唔算係湖南同四川嘅特色甜品，但係依樣本身就係一種好吸引嘅甜點。豆沙唔會太甜，外面熱辣辣。配合埋菊花茶，成為全晚完美嘅句號。而且菊花茶仲做到解辣清熱嘅效果。 ✨️優雅既老闆娘，老闆娘講野不溫不火，面帶笑容。同行既朋友，之前食午餐都黎過黎度幫襯，佢話就算炒場時間，老闆娘都係笑容滿面。我十分欣賞。
繼續閱讀
係附近返工成日都想食川菜但係選擇不多，湘蜀人家應該係我之後經常想食嘅餐廳選擇🌶️今次夜晚嚟食叫左個精選貳人套餐，個人覺得呢個套餐性比價真係好高，包晒燉湯、涼菜、小菜同埋招牌水煮，招牌水煮仲可以揀酸菜魚，仲有埋碗白飯，最後真係會捧住個肚行出門😂😂前菜係夫妻肺片同木耳，兩碟都好入味，小小微辣，會愈食愈上癮，而且份量但兩個人絕對足夠燉湯應該係我今日嘅驚喜，超級足料而且飲得出真係花時間燉左好耐，雞腳基本上係燉到骨都勁淋，仲食到猴頭菇，真係好鮮甜👍🏻小菜揀左川椒回窩肉同埋黑醋小排骨川椒回窩肉炒埋蒜心勁惹味，肉嘅份量係食極都仲有，配飯一流，如果再入味啲就更好啦😋黑醋小排骨我勁鐘意食，酸酸甜甜每一塊排骨都包裹晒醬汁，勁入味，同埋排骨位啖啖肉，一啲都唔乾招牌水煮就揀左酸菜粉條鯛魚，一上枱真係有啲嚇親，勁大盤，仲要前面已經食緊啲小菜同飲緊湯，呢個set真係勁抵🥹基本上全盤都係無骨，食得好放心，鯛魚好爽口，完全唔係一夾就散嗰啲魚，入面有埋幼薯粉，份量又係唔少咖，基本上真係食極都仲有，而且個湯好清又好味，夾埋酸菜同埋蒜粒，唔會好油膩，下次可以再試下加辣最後最後另一個好嘅呢度員工勁nice同埋勁細心，基本上會留意你有咩需要默默提供，但係又唔會打擾到你，呢個真係要比個credit
繼續閱讀