湖越

營業中

休息中

越湖lake Vietnam（ 大埔大美督）今日揸咗車去大埔，見到有間越南菜，門口仲要有得泊車非常方便，即刻入去試吓餐廳有室外同室內，見今日有風，坐室外感受一下，望出去仲有湖，非常舒服又休閒越南街頭牛仔骨$128肉質鮮嫩唔會太鞋，脂肪同肉嘅比例非常平均，香濃嘅牛肉味上面鋪滿大量黑椒，唔會覺得油膩馬拉盞通菜$88通菜顏色嫩綠，爽口，帶有微辣，濃郁嘅蝦醬同魚露嘅味道，用咗馬拉盞嚟炒係泰國一種經典嘅調味，鹹香味重，入口惹味，融入醬料，口感豐富椰青焗大蜆$128第一次食到用椰子肉嚟調製嘅大蜆，有好多嘅椰子肉喺入邊，每一啖都散發出香濃嘅椰子香味，大蜆份量算多，味道鮮甜，好新鮮，入口又冇沙，有香濃嘅椰青同埋香茅味，夠晒清甜，配菜有大蔥，香茅辣椒，炸蒜越南珍多冰$42顏色非常鮮艷，用咗斑斕粉製成嘅綠色粉條，質感爽滑，又清甜，椰汁味非常重，入面仲有新鮮菠蘿粒

今日落住毛毛雨又入咗大美督行陣，因為唔想出商場去迫，又唔想返大陸咁遠，香港好多集團式經營越南菜，味道已經做到好一般，入到嚟見到呢間湖越，有午餐，都幾抵食都係60至$70。我哋三個人，二話不說叫咗兩杯啤酒，有一個唔飲，夠晒凍有冰杯。我哋各自叫咗嘢食，有麵包有湯粉有小食，特別要講吓呢個法包，外脆內軟，滿滿嘅材料有雞絲同埋扎肉，肝醬同牛油，配料都有好多，好少做得好食，呢個真係推介。另外叫順化黑豚豬湯河，嚟到碗嘢真係嘩咗一聲好豐富，有豬肉，鴨血，豆卜，蜆，河粉幼滑，非常好食，湯底係用蝦湯，濃郁非常。生熟牛河（走蔥），店舖話明係60斤牛骨當然要試吓，上到台個湯夠晒熱唔在講，真係好香，牛肉靚，成碗嘢即是味道昇華，高分。另外香茅雞翼同埋越南春卷都做得非常正宗及入味，呢間越南菜真係我喺香港食過數一數二。

Happy Friday 去咗大美督食晚飯，朋友搵咗一間食越南菜嘅餐廳，去到餐廳覺得好驚喜，環境好舒服，我哋揀咗外面嘅座位，吹住陣陣涼風，感覺寧靜舒適。見到Menu嘅越式湯粉非常吸引，所以點咗一款試試，另外再點咗個咖喱同牛仔骨。順化黑豚豬腩肉濃蝦湯粉湯頭係好香濃嘅蝦湯，非常正！本身係配檬粉，我轉咗河粉，河粉非常滑。除咗有豬腩片，仲有蝦、扎肉、鴨血同豆卜等等，非常豐富。越式椰香咖喱軟殼蟹配法包咖喱汁加咗蛋，更加香同厚身，用嚟配法包非常好食。法包好脆身，好香口。軟殼蟹好大隻，切件後份量好多。抵食！炭燒牛仔骨牛仔骨好香，肉質又唔會乾，幾好食。食飽之後，由於環境太舒服，所以點咗杯特濃青檸梳打，再坐多陣，一面飲一面傾吓偈，吹吹風，好enjoy。整體食物質素唔錯，價錢合理，最重要嘅係環境自然舒適。餐廳外亦有地方泊車，啱晒駕駛人士入嚟食飯。

今日一家人入去大美督食晚飯，訂咗呢間越南菜，當晚唔多人可能係平日啦出邊風涼水冷，超好環境，又靜靜地我哋叫咗越南春卷，豬肉串，飯，牛油雞翼，燒魚，菜同埋米子卷好多嘢。特別要講就係個春卷同埋豬肉串仲有個河粉，個越南春卷係人手包，新鮮好食同我越南食嘅一樣，個豬肉串又係爆汁。蒜蓉牛油雞翼，好香牛油味，好食個牛湯河真係好正，濃濃牛骨味，之後仲忍唔住叫多個剩牛丸，呢度啲牛丸又係爆汁全部都係用靚嘢，而家好少小店捨得用呢啲貨，完全食得出。👍🏻

平時好少食越南菜，今日入到嚟揀唔到食咩就試吓呢間湖越，上網睇評分都唔錯，去到餐廳都坐咗一半人，有室外室外，我哋揀咗坐出邊。我哋叫咗個越式小食拼盤，有蝦餅，豬肉串，春卷，扎肉，香茅豬扒都好豐富，全部都好好食，可能我又好肚餓。跟住見到佢哋新出咗個蕃茄蟹膏湯檬粉，我知道出邊都有好多間有做，但係我就未食過，佢哋係原隻蟹釀咗好多蟹肉蟹膏入去，成隻蟹差唔多隻碗咁大，蟹膏餅唔同出邊咁樣係一塊塊，個湯係用咗大量蝦頭同埋蟹去煲湯，店員話絕無味精，我飲晒成碗都係冇口渴，呢碗嘢簡直係依半傷人，雖然佢買緊百幾蚊但係真材實料。跟住叫咗個咖喱，係越式咖喱比較稀少少，好香椰奶味，唔似出邊啲咖喱咁杰撻撻。香茅雞翼，正常味道跟住仲叫多咗個菠蘿炒飯，好有鑊氣份量夠大，可惜就唔係成個菠蘿上。仲有個明爐魚，好大條我哋四個人都食唔晒，不過呢個就冇打包，佢哋個海鮮汁酸酸辣辣幾好食。總括呢間餐廳係唔錯，食物質素係有心機，份量都偏大，價錢唔貴，四個人食都要打包走。坐出邊仲可以望住個湖景，靜靜地食飯，唔錯。

閒日經openrice訂位. 晚餐有折, 抵食好多 這間跟隔離泰太廚房是同一家.   反而我覺得這間食越南嘢. 做得幾出色. 味道唔錯那天食的. 樣樣都好味.  閒時家常便飯, 唔想煮, 渣車入嚟唔錯既選擇.  兩家店門口有幾個位可以泊.  如無位就泊去巴士總站果邊再行過都不遠. 十分方便.閒時客人真不多, 得一兩三張枱客.  服務當然都不錯. 坐室外應該更有情調. 但夏天就應蚊子較多.坐室內會較好, 不過室內裝修就一般. 不要要求.  但嘢食唔錯的. 

餐廳主要湯粉為主，部份有2個size，L/XL，第一張相係L，後面都是XL，真係超大碗，性價比極高，而且仲好好吃。特別介紹第2張圖嘅濃蝦粉，湯底非常濃郁，非常好吃其他都唔輸㗎，飲品每杯都係特飲，好大杯😆不過牛油果奶昔口感就差咗啲，牛油果未熟透，所以感覺有纖維，唔係咁滑，可以有待改善無論食物，定係飲品都特別大同多，細食嘅唔洗驚，佢哋仲有個米紙卷，平常其他餐廳，都係細細件，而且得3-4件，係小食份量，但這裡唔同，佢唔係小食，而係輕食有6件之餘，重點係每件都滿滿的，超足料，細食嘅完全可以當正餐，好健康另外，在openrice訂位有9折優惠等於免咗加一，又平咗啲

紅日去大尾篤行吓，順便食個晏晝，呢間嘢都接近滿座，就試哩間。順化黑豚豬腩肉濃蝦湯粉一上枱已經聞到都幾香，賣相都唔錯。可能我對豬腩肉嘅理解有錯呢中啦，一開始以為我自己嗌錯嘢，豬有三四塊少少柴。札肉一片正正常常，蝦就兩隻，肉質算結實但無調過味，無味。食咗一半之後發覺Menu上面寫有大蜆，但係並沒有。西貢椰香咖喱鴨髀湯粉鴨髀好似用香茅醃左再炸，但係浸咗落湯所以食落就唔係脆口嫁喇，但都唔錯嘅。河粉有啲碎，唔係咁易夾。整體黎講已經覺得兩款湯粉嘅湯底係夠味夠鹹嘅，但係就唔屬於濃郁厚身嗰種。開得係大美督都係主要做假期生意，呢個價錢配哩個質素都可以接受嘅。但係可能因為樓面主要得兩個侍應嘅原因，佢哋都幾忙無停手咁，搵位都係自己搵，抹枱等落單都要等一陣。

中伏，睇到都幾多好評，所以入去食 lunch 試吓，本來想坐入面，但服務員唔執枱，十問9唔應，其求執咗出面張枱叫我哋坐，但出面落過雨，出面D櫈濕的除咗有車位外，找不到甚麼好嘅地方，服務差，唔執枱，價錢貴，食物普通，不會有下次叫左2個頂級安格斯牛肉牛丸河，一個軟殼蟹米紙卷，份量及味道都係一般差👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻

同啲鄰居打完波，就預訂咗呢一間食晚飯。鄰居誤會咗以為我book咗隔離間泰國菜，好似有啲失望。點知入到去坐低，侍應放低個餐牌嘅時候，我發現佢連隔離鋪大個菜嘅餐牌都有。一問之下，原來越南泰國同台灣菜都係同一個老闆，可以一齊叫。即刻變得花多眼亂，呢個實在太驚喜！因為早一星期喺隔離食個晏覺得佢啲泰國嘢唔錯。鄰居都幾鍾意食薯條同炸嘢，先嚟咗個炸薯條同埋牛油雞翼，可惜唔夠熱同脆有少少失望。不過後面啲主食挽回唔少信心。火車頭飯，就好似一個越式拼盤加個紅飯咁，整爛咗個蛋漿撈埋飯嚟食係正。反而呢個香茅雞翼好食過頭先個牛油雞翼。個香茅豬扒亦都好入味，唔會太乾身。另外個冬陰功都好飲，可惜就剩係得一隻大頭蝦，三個人完全唔夠分。馬拉盞通菜鄰居就覺得有啲辣，我就覺得啱啱好。另外羊架就係隔離泰國菜叫我嚟嘅，真係即燒熱辣辣冇乜羶味又啖啖肉。我皮蛋蝦餅都夠熱，亦都好彈呀。同埋跟隊叫台式野飲，個香芋珍珠係幾好飲，就算我揀咗無糖都已經夠甜。雖然可以一次過叫晒三間嘢，但係記住check清楚啲單，避免有混亂。不過台灣嘢飲就係佢哋落完單，嗰邊同事送過嚟收八達通或者現金咁就好的。

><有一排冇去大美督 趁天氣仲涼涼地就入嚟行下食下嘢 唔燒烤都有各式餐廳揀越南街頭薄餅(98)以米紙裹成夾餅 內層塗上辣椒醬餡料加入札肉芽菜 辣辣地幾惹味椰香咖哩豬頸肉配法包(138)鐘意用包蘸汁 嗦滿咖喱後法包仍脆仲可以配香酥餅或者白飯香茅豬扒雞扒白飯太陽蛋(86)蔥花加蛋汁撈飯已經下飯得很很貼心有雙拼提供香茅薑茶(38)/牛油果奶昔(50)牛油果奶昔入口順滑><><><><><><><><><湖越大埔大美督村47D號地舖

上次公司帶咗我嚟大美督開餐，試咗隔籬嗰間唔錯，今日試吓食呢間越南菜，餐牌都相當豐富，基本上你想食咩都有得食。我同其他同事家人book咗枱，夜晚都好多人，出邊有得泊車，我哋三部車都有位頭盤嚟咗個小食拼盤，好豐富，全部都係炸物，有豬扒，雞翼，扎肉，豬肉串，春卷，墨魚餅，蔗蝦，問到店員話全部都真材實料唔係來貨野，係真係非常好食嘅。跟住叫咗米子卷，即叫即包，口感豐富，新鮮。跟住叫咗條鱸魚一齊食，都唔錯，酸酸辣辣。跟住叫咗碗順化濃湯豬肉粉，成碗湯俾我飲晒，都係唔錯，跟住叫咗豬手，炒飯，等等，仲有好多冇影相。總括嚟講都真係會有下次，同埋地方好大，環境亦都好好，夠乾淨，同時廁所夠晒乾淨衛生，份量多到食唔晒，價錢亦都合理，下次可以再叫多啲人嚟食

今日晏晝冇事做，於是入大尾督chill下，經過見到呢間越南菜都幾爆場，門外有得停車，自己本身都喜歡越南，於是我同我老婆試吓。我哋被安排室外位置，有梳化坐，對面望湖景，涼風陣陣，唔錯唔錯。我哋叫咗兩碗粉，同少少嘢食，費事食咁飽。湖越生熟牛肉湯河，湯底係用50牛骨熬製，清甜👍🏻湯夠熱，生牛肉剛剛好，牛味濃👍🏻辣椒膏炒蜆：唔係好辣，小朋友都食到，蜆新鮮👍🏻越式小食拼盤（小）：有豬肉腸，雞翼，豬扒，春卷，扎肉等將，非常豐富，樣樣都好食。蕃茄蟹肉蟹餅濃蟹湯粉：湯底超濃郁蟹味，一隻蟹入面釀左蟹肉蛋餅😱豆卜又索哂精華，呢個粉真係以本傷人，收費130，貴唔貴見人見智，不過非常足料，湯都飲哂👍🏻我就覺得超值

週末和朋友相聚，一起放鬆心情😃選擇了位於大埔的「湖越」越南餐廳！餐廳位置方便由總站下車步行幾分鐘就能抵達。外面還有幾個車位，對於自駕的朋友非常友好。我們選擇坐在室外的座位，微風拂面，陽光灑下，格外愉快🥰★湖越牛魔火車頭★這道菜包含安格斯牛肉、牛丸、牛筋等多種牛肉部位。五十斤牛骨製的精華，湯底濃郁。牛肉鮮嫩，搭配滑滑的河粉，很喜歡！★越式牛柳沙律★牛柳搭配清爽的沙律，口感清脆，酸酸甜甜的醬汁讓人胃口大開。★越南滴漏咖啡★這杯咖啡香氣撲鼻，濃郁的口感令人陶醉，搭配一點煉乳，是越南餐廳必點的經典飲品。★新鮮椰青★新鮮的椰青清甜可口，喝一口瞬間清涼，讓人心情愉悅。【湖越】📌大埔大美督村47D號地舖

今晚約咗兩個朋友食飯，諗唔到食咩，就揀咗呢間越南菜貪佢呢度風涼水冷，幫我個湖景靜靜地，好舒服，今日平日又唔多人。我哋叫咗支白酒飲，職員俾咗啖我哋試都唔錯，都係$188支。我哋叫咗個炭燒豬頸肉，燒得唔錯，係切得厚左小小，加埋佢個汁好好食。叫咗個越南蝦餅同越南春卷，即叫即炸，都好好食，份量又可以叫一半，可以食好多款式，蝦餅又彈牙，春卷好飽滿，好足料。跟住叫咗個炒通菜， 熱辣辣好香好惹味，菜靚，炒得唔老。香草辣椒炒牛腩牛筋，呢個送酒真係一流，牛腩好林，又入味。我哋三個人飲咗三支白酒，食咗少少嘢，都唔使$1000埋單，又可以靜靜哋食飯，又可以同老朋友聚一聚，真心唔錯。