影片
營業時間
今日營業
11:00 - 23:00
星期一至日
11:00 - 23:00
公眾假期
11:00 - 23:00
公眾假期前夕
11:00 - 23:00
以上資料只供參考, 請與餐廳確認詳情
有關獎賞計劃
相關文章
✨今日來到太古城「湊湊火鍋」午市時段，門口餐牌有午市套餐吸引咗我，沿路睇到自助吧幾吸引，提供吃火鍋嘅客人。***** ***** ***** ***** ***** 胡椒豬肚雞小火鍋套餐🍜上枱非常豐富，有熱辣辣嘅雞喎，湯底係胡椒豬肚，味道非常清甜，仲有配菜滷水豆腐同豬紅，味道夠入味不錯，還有娃娃菜肉碎，睇嚟營養豐富，烏冬口感爽滑，好味到停唔到口，一瞬間吃完整個套餐。另外揀了餐茶「冰美人紅茶」味道但有微甜，香濃茶底。最後是送上紅豆布丁甜品🍮超級軟滑，滋味無窮。整體來說，餐廳座位闊落，同朋友來飲飲食食傾吓偈，實在係一個好選擇。
繼續閱讀
🍅寶島慢煮番茄牛肉小火鍋番茄湯底惹味香甜又清新，牛肉非常軟淋，入口溶化，午市餐仲有滷水鴨血，豆腐，以為炒野菜配滷水蛋，主食可以選飯或烏龍麵！而烏龍麵果然係最夾番茄湯。🐟老壇酸菜魚小火鍋老壇酸菜鹹酸適中，配飯食變成魚湯飯，魚肉脆滑無腥味，加上酸菜好惹味！同樣配搭小食，一人火鍋都可以非常豐富！🫶🏻會員可以免費享用自助吧，有前菜小食及水果，仲有台式滷肉飯！而且仲有紅豆豆腐花做餐後甜品！午套餐都係$88~ 🧋餐廳仲有自家手搖飲！點了雲朵絲絨奶茶及大紅袍燕麥奶茶！雲朵絲絨☁️其實係芝士奶蓋，棉密口感又順滑，入口有奶香，茶味淡淡有後勁。大紅袍燕麥奶茶，用上燕麥令手搖添口感，熱飲更有茶香。
繼續閱讀
間唔中都會去湊湊甄選打邊爐鴨血實在出色今日都心血來潮想食鴨血時間唔夠唔緊要@coucouhotpothk 而家出咗半自助午餐多款台式食物選擇僅有一款滿足到我只要成為會員半自助吧無限供應前菜 水果 滷肉飯 甜品 隨便吃老壇酸菜魚小火鍋配烏冬除咗一份酸菜魚湯用火鍋上仲有一碗娃娃菜同蛋另有台式鴨血豆腐酸菜魚熱住食唔怕涼魚肉嫩滑酸辣適中份量好足夠台北燉排骨飯（微辣）大大碗排骨排骨夠腍又入味另有鴨血豆腐辣汁撈飯一流人均消費💰 ： ＄ 100總結✍ ： 午餐多選擇NatNat評分💎💎💎💎(5💎為最高)
繼續閱讀
最近想打邊爐，但食唔落任食，諗住搵間有質素嘅單點，見呢間最近有啲優惠，咁就試一試。仲諗住六點去食，應該冇乜人，點知都幾多人等緊，好彩有訂到位🤭入到去首先去醬料吧攞醬料，原來仲有啲前菜，好似麻辣魚皮，麻辣杏鮑菇可以攞，仲有生果同埋炸麻糬。麻辣杏鮑菇爽脆，調味啱啱好。個炸麻糬超正，熱辣辣嘅時候外脆內軟，入面係紫薯同奶黃餡，就算凍咗個皮都仲脆。另外西瓜同蜜瓜都好甜。見到佢有會員價可以叫龍蝦，就即刻join咗個會員，$168就可以加隻澳洲龍蝦，另外新會員又有買一送一茶飲券，仲有兩張$400減$100嘅coupon，都幾抵玩。叫咗個椰子雞湯底，幾清甜同埋好香椰子味，入面仲有好多件雞，食完飯完全唔覺口乾。澳洲龍蝦就好新鮮爽口，不過龍蝦用嚟打邊爐好似冇咁正，都係鍾意中式烹調龍蝦多啲。見佢蝦滑係特別推介，同埋話有九成都係蝦，就叫嚟試吓，上枱嘅時候見佢同平時蝦話好似冇乜分別，但原來入面真係全部都係一隻隻嘅蝦，似食蝦多過似食蝦滑🤣肉類就叫咗牛板鍵、黑豚肉同埋雞腿肉，最鍾意個黑豚肉，冇臊味、肥膏又唔會太多。牛板鍵牛味都濃，但嫌佢切得太薄，冇乜口感。鱸魚肉有驚喜，肉質新鮮又夠滑。毛肚亦都好爽口。其他食物，例如蜂巢豆腐、萵筍、冬瓜都唔錯，反而個響鈴差啲，淋哂唔脆口。飲品就叫咗柑桔冬瓜同埋茉香奶綠，柑桔冬瓜就太甜，反而茉香奶綠甜度啱啱好。另外仲送咗沙冰，不過太早上枱，想飲嘅時候都溶晒。雖然訂枱嗰陣講咗限時兩個鐘，但都冇趕我哋走，埋單俾返個會員QR code，就會幫手扣晒買一送一茶飲券同2張$100 coupon，埋單大約人均$400，性價比都高。
繼續閱讀
今日放假就出去太古行街，本身想打邊爐，但係經過湊湊見到台式半自助lunch set好吸引，所以今日就放棄咗打邊爐。而家加會員，仲可以免費享用自助吧！抵到你唔信😚除此之外，佢仲有好多coupon送。自助吧比想像中多款式，除咗有前菜生果滷肉飯之外，仲會有埋甜品😍前菜有兩款，分別係菇同埋魚皮，小辣同埋麻油味重，好開胃又好味。連滷肉飯都係免費，仲有埋Sweet Potato Ball😗熱辣辣又唔唔會太甜😌食完嘢之後就可以食埋生果，今日有哈密瓜同埋西瓜，好清甜。今日嗌咗兩個lunch set，每個lunch set都會有鴨血豆腐同埋娃娃菜。食過湊湊嘅朋友仔都知道佢嘅鴨血同豆腐好出名！老壇酸菜魚火鍋配烏冬酸菜魚嘅配菜有芽菜芫荽酸菜同埋木耳，辣到適中，唔食辣嘅人都可以食得落😆如果平時食開辣嘅可能會嫌佢唔夠辣😜魚肉好嫩滑，但係唔會一夾即散。經典養顏花膠雞小火鍋份量比想像中大好多入面有好多舊雞，花膠大大嚿，軟硬適中，菇都炆得好腍。個湯唔會好鹹，配烏冬一流。大紅袍燕麥奶茶茶底濃郁😛美人烏龍珍珠奶茶茶味清香，珍珠好煙靭😌
繼續閱讀