開飯介紹
湊湊火鍋•茶憩突破傳統，破天荒融合“臺式有料火鍋”和“臺式現搖茶”，為食客帶來前所未有的正宗臺式餐飲體驗，令湊湊成為親朋好友聚首一堂，相聚舉杯的熱門地點。
繼續閱讀
營業時間
今日營業
11:00 - 00:00
星期一至四
11:00 - 00:00
星期五至六
11:00 - 01:00
星期日
11:00 - 00:00
*星期日至四最後下單時間 23:00; 星期五至六最後下單時間 24:00
以上資料只供參考, 請與餐廳確認詳情
有關獎賞計劃
食家推介
相關文章
我知我知，麻辣火鍋先係湊湊的主角，不過我並非嚐辣之人，雖然唔係食麻辣火鍋，但同樣欣賞餐廳有驚喜，唔好以為火鍋就係求其上碟靚肥牛、配料等等就搞掂，打邊爐的餐廳都可以體現出注重細節的心機之作。是夜點咗個湊湊二人套餐 $698，包兩款口味的湯底、兩款肉類、一款海鮮、一款配料、一款菜同埋一款主食。點選麻辣火鍋湯底可免費任添鴨血及豆腐喔，嗜辣之人必LIKE！我就選擇咗紅顏花膠雞鍋、清涼椰子雞。紅顏花膠雞鍋激讚，湯底超級濃郁又足料，除咗花膠，仲有雞肉粒、冬菇、雞髀菇等等，花膠分量幾多，養生感100%。侍應提醒，湯底滾起後可先飲一碗濃郁的花膠雞湯，然後再加湯打邊爐，好正！有個咁讚的花膠雞鍋，清涼椰子雞顯得比較普通，雖然湯底亦見清甜。美國特選級牛小排、美國特選級牛肩胛兩款牛肉均鮮紅色，牛味濃，雪花不多，不俗。兩者之中我比較喜歡牛肩胛，比牛小排更有嚼感。鮑魚好鮮甜，餐廳亦好有心機去處理，細心。墨魚漿製的企鵝丸造型可愛，口感彈牙。皇帝菜食到中段煮埋個冬粉，吸盡火鍋湯底的湯汁，正！另外再散叫兩杯飲品：茉香奶綠、水蜜桃綠茶QQ，微甜又大杯，抵飲！尾段彩蛋 >>>> 特別想推介喺自助醬料區旁邊的兩款前菜小食：外脆內軟糯的香芋番薯球，以及爽脆惹味的麻辣魚皮，一定要留肚食！
繼續閱讀
近年多左好多店式火鍋，競爭十分激烈湊湊價錢唔平，但食物質素確是比其他台式火鍋差少少麻辣湯底唔夠香，醬油太甜，牛肉比想像中差左幾個檔次，可讚的是蜆都幾新鮮飲品方面個檸檬茶真係麻麻，似係手渣檸檬茶/爆檸？
繼續閱讀
湊湊火鍋環境幽雅，空間感舒適，聚餐好地方！設有小食專區，當中魚皮爽口酸辣，炸番薯球非常美味，煙韌軟糯又香甜，滋味令人一試愛上😍✨清涼椰子雞鍋 雞肉🍗和椰子🥥令湯底馥香互相融合，相得益彰，非常鮮香，清甜解膩，嫩口的椰肉和雞肉根本就是一道菜餚！必點湯底👑⭐️飛魚籽墨魚滑一球黃澄澄上枱，玩得又食得🤣大小自由控制！爽彈墨魚肉伴隨滿滿的魚籽，每一口都有粒粒亂跳，增添口感！✨日本和牛肩胛眼肉華麗的擺盤，令人眼前一亮，呈現大理石花紋的日本和牛肉，果然無令人失望，入口鮮嫩無比，回味無窮！！我食唔返普通牛肉了🥹美國特選級牛小排其實都相當牛味香濃，但對比和牛⋯⋯真是無對比無傷害！⭐️時蔬湊湊（小份）一啲都唔細份，夠哂兩個人食，包羅萬有：粟米🌽、蕃茄🍅、紫薯、南瓜、冬瓜、金針菇、雲耳等的蔬菜🥬新鮮清爽！竹苼就是造型獨特，食落味道完全無特別😂可以打卡一用！餐廳：湊湊火鍋‧茶憩 地址：荃灣大河道98號如心廣場二期1樓121號舖
繼續閱讀
一大班人一齊食飯，打邊爐係其中一個好選擇不過，如果係帶長輩出去打邊爐🍲但係環境、食物質素普遍啲啲🤏🏻都有機會俾人話：「返屋企打好過啦」所以搵間fancy啱打卡嘅火鍋店就啱晒呢類型嘅長輩而湊湊就係我其中一間帶媽咪encore嘅火鍋店！湊湊嘅環境比起其他大型連鎖火鍋店精緻流水造景、乾冰效果同暗暗嘅環境好有氣氛！自助配料小食bar亦都好整齊乾淨我地嗌咗三個鍋底，分別係：台式麻辣鍋、紅顏花膠雞鍋同酸菜魚鍋我最鍾意就係花膠雞鍋😋湯味好濃，頭一轉可以先飲湯飲夠再加湯打邊爐🍲媽咪就最鍾意麻辣鍋🌶️除咗因為辣味足料之外仲因為鴨血可以無限添食兼外帶慳家長輩就最鍾意啦而食物擺盤方面都好靚好精緻需要份量亦都比較精緻不過小食bar有肉燥飯、麻辣鮮皮、蕃薯麻糬波任食當然仲有唔少得台式飲品啦完全唔怕食完會唔飽肚！我地當日有先叫套餐再散叫幾份食品6個人人均500蚊，比一般連鎖火鍋店貴少少不過環境氣氛同食物都值回票價最重要係長輩們食得開心🥳
繼續閱讀
之前成日經過呢間火鍋，睇幾有feel，前排決定去試一試叫左一個鴛鴦鍋，一邊係珍菌菇鍋，一邊係花膠雞鍋，花膠雞鍋唔錯，真係有雞同花膠，同埋佢既質感係有少少黏，另一個湯底就無特別火鍋配料方面試左牛肉，丸類個啲，個人覺得個啲就普通，無咩特別另外有試到蝦滑同企鵝丸，比佢個外型吸引到，不過就係為打卡，食落都係普通，企鵝丸其實就係墨魚漿，不過唔算彈牙雖然佢啲配料唔係任食，但係出面有滷肉飯同地瓜球可以自己拎，地瓜球係熱既，同埋脆，食左幾粒，滷肉飯都係屬於正常總結黎講，個人覺得可以一試，特別係花膠雞湯，不過CP值唔算高
繼續閱讀