82
16
3
港鐵金鐘站 F 出口 繼續閱讀
電話號碼
28773838
開飯介紹
下午茶的熱門地點,讓您在優美的環境下品嚐高級糕餅。 繼續閱讀
獎項殊榮
最優秀灣仔開飯熱店 (2015)
營業時間
今日營業
08:00 - 21:00
星期一至日
08:00 - 21:00
付款方式
Visa Master AlipayHK 支付寶 現金 AE 銀聯 JCB Apple Pay 微信支付
座位數目
76
其他資料
網上訂座
Wi-Fi
酒精飲品
自帶酒水 詳細介紹
泊車 詳細介紹
電話訂座
賞訂座積分
外賣服務
加一服務費
Live Music
食評 (111)
等級4 2021-02-15
1182 瀏覽
🧧農曆新年又到啦,熊妹放假無無聊聊,就搵埋𡃁妹去staycation。當然梗係搵間包埋high tea set嘅五星級酒店啦!《 港島香格里拉酒店》竟然會做呢個套餐,仲要好抵,𡃁妹都一致認同。📌Staycation 前就先睹為快,試下個 afternoon tea先。📌酒店大堂位於6樓,樓底好高,天花吊掛住亮晶晶嘅水晶燈,令到成個環境頓時變得雍容華麗✨,大堂雖然唔大,但係坐得好舒服。📌睇吓餐牌先,基本包上五款鹹點五款甜點兩款鬆餅同咖啡或茶,農曆年期間係新年餐單,攞盡新年嘅意頭。🎉📌經典三層架擺放著14件下午茶茶點,簡直琳琅滿目,花多眼亂。👀上層-甜點層新年喎!梗係搞搞新意思。甜點層全部都紅噹噹,以新年為主題,以好多新年嘅賀年食品做為茶點款式,非常特別。香料朱古力慕絲配雜莓果醬(左一)嘩!呢條咁長一碌嘅紅噹噹甜點,熊妹第一眼睇以為係年糕,精靈嘅靚妹一睇就覺得梗係炮仗啦🧨!外層包裹着一層紅色嘅糖漿,朱古力幕絲好濕,味道又唔算好出,口感麻麻哋,仲要偏甜。新春馬卡龍(左上二)紅噹噹嘅馬卡龍係藍莓味,唔係太甜喎,中間仲有藍莓果醬酸酸地,細細地一件,一啖份量啱啱好。合桃碎配雲呢拿忌廉(左上三)一塊印有牛仔樣嘅白朱古力牌,畫工好精緻。雲呢拿忌廉,牛奶味好香濃,質感唔會好濕,啖啖cream口感唔錯。桂花黃金糕配柑橘及伯爵茶慕絲(左下二)桂花味、柑橘味、伯爵茶味、黃金糕全部都食唔到,可能因為太多味道夾埋一齊,所以味道有啲奇怪,慕絲口感一樣咁濕,得個甜字,慕絲就真係唔係幾好食。白朱古力芝麻芝士蛋糕(左下三)芝士蛋糕口感幾好味喎!蛋糕質感好厚實,仲有幾粒藍莓陪襯,淡淡嘅芝士味仲有藍莓嘅清新,味道非常夾。中層-鬆餅層正呀!又有四件鬆餅喇!經典牛油味同提子乾味,一貫地熊妹都會食晒提子口味,因為有提子乾加多重口感同味道,牛油鬆餅好鬆化,就算放涼了,淡淡嘅牛油味都係口腔徘徊着,質感仲保持住鬆軟,果然係《香格里拉》,出品果然非同凡響!醬料方面,比較特別嘅係除咗一般選用嘅士多啤梨果醬同埋Clotted cream之外,仲有柑橘果醬,可能係襯返新春Menu,味道都幾清新喎!唔係嗰啲好難入口嘅橙橘味,都可以試吓!下層-鹹點層每人五款鹹點,的的式式擺喺碟上面,細細地一件放入口又唔會太過飽肚。望落去,用上嘅材料都好似唔惹少。珍珠鵝肝醬(左上一)又係熊妹最怕嘅鵝肝醬啦!但今次細細粒嘅珍珠形式呈上,而唔係一Pat嘅鵝肝醬,可以試吓嘅!好味喎!鵝肝醬味唔算太濃,冇熊妹最怕嘅內臟味,再配合埋側面嘅牛油撻皮食,脆脆地幾夾,唔錯!煙三文魚配蟹肉及鱒魚籽(左上二)煙三文魚同蟹肉嘅配搭一定冇得彈啦!上面仲有幾粒大大粒嘅魚子咬落去噗噗聲咁標晒啲汁出嚟,非常貴氣嘅食材。香脆乳豬配香蔥及紅菜頭法式軟包(左下一)乳豬脆皮放涼左就唔算太趣啦!入邊嘅乳豬肉有驚喜喎!揸埋甜醬喎!紅菜頭法包係上下色姐,味道就冇乜。紅噹噹一件,真係啱晒新春嘅主題。鮑魚酥盒配自家製XO醬(左下二)鮑魚切粒,放喺牛油酥盒入邊。鮑魚粒口感都幾彈牙,XO醬又唔係好食得出,不過份量真係好少,想食多啖都冇。有機蛋沙律配青瓜三文治(中)軟綿綿嘅白麵包中間夾雜着碎蛋沙律同青瓜絲,就係好典型嘅蛋沙律青瓜三文治🥪。伯爵茶超級驚喜嘅係竟然用上茶葉而唔係一般酒店用上嘅茶包!真係好驚喜!因為熊妹成日覺得用茶葉先會泡出真茶嘅味道🍵!非常窩心地仲有埋隔茶渣篩,呢套茶具真係好多地方都買少見少啦!值得一讚!用熱水泡出嚟嘅伯爵茶真係好濃味,熊妹都不禁加了幾轉水。📌好快地,伴隨着大堂優美的西洋樂隊表演🎻,演奏出各種中西合璧的新年歌曲🎵🎶,令到成個大堂都洋溢着新年的氣氛。📌就咁樣享受了兩個鐘嘅下午茶時光,臨走前記得圍住門口擺放嘅桃花樹走兩轉,行一行新春桃花運。🌸📌熊妹拜個早年先,祝大家牛年快樂,心想事成!㊗️ 繼續閱讀
(以上食評乃用戶個人意見 , 並不代表OpenRice之觀點。)
來到聖誕月,不少酒店都推出節日相關的Afternoon Tea Set位於金鐘的香格里拉也是其中之一 話說很喜歡這裡的環境和氣氛,周圍都有聖誕裝飾!還有一棵很大的聖誕樹而且在享用Tea Set 時還有樂隊現場奏樂,聽了不少迪士尼的歌呢Festive Afternoon Tea ($588 / For Two)每人可選一杯咖啡或茶~咖啡的奶是分開上,不加糖的話會有少許苦茶的話可以飲完後再加熱水。鹹點有五款~雖然貌相一點也不聖誕,但有用上聖誕中常見的食材像是 - 烚聖誕火雞配鵝肝凍及紅莓果凍,四層都有不一樣的口感,是麵包部份乾了點風乾火腿配無惹果紅菜頭法式麵包 也是相同的情況時令櫻桃蘿蔔配牛油果迷你撻 - 脆甜的蘿蔔加上creamy的牛油果,一小口不會很膩另外還有蒔蘿醃三文魚配醃製蛋 & 龍蝦卷配檸檬及香蔥個人喜歡龍蝦卷那個,吃落清新且龍蝦肉幾彈牙喔! 中層放的是 原味及合桃英式鬆餅,每款口味各兩個!配忌廉和果醬來吃。話說這也太大個了吧?吃完一個已經半飽 ... 值得一提的是,有提供三隻匙勺來搽果醬和忌廉~平時吃開的酒店都要混來用!鬆餅外層有少許脆身,內裡的濕潤度剛剛好~不會很乾的。甜點方面,每款看起來都很有聖誕感!但整體都很甜 要說最不甜的就是 - 黑加侖子紫羅蘭蛋白杏仁餅,因為中間那醬是頗酸的喔然後 柑橘朱古力撻、紅森林蛋卷、朱古力聖誕樹 都甜到非喝水不可稍微好一點的大概是 - 聖誕芝士蛋糕配椰絲柚子 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-05
0 瀏覽
復活節係 Island Shangrila 嘅 Lobby Lounge 食下午茶,不但可以relax 下,又有 live music 享受下午茶有三層架,仲跟一杯茶/咖啡,可以揀中式或英式茶。Scones 有朱古力味及原味,雖然普通一點,但勝在有3款果醬選擇,有朱古力榛子醬🌰、士多啤梨果醬🍓同杏肉果醬🍊,入面仲有新鮮果肉😍,其他甜品都好精緻,整體唔錯Easter Afternoon Tea Set🥳🌸龍蝦卷配忌廉芝士Wheat bread roll with lobster and cream cheese🌸鵝肝配乾果多士Foie gras with dried fruits on Melba toast🌸鵪鶉蛋配辣根蛋黃醬Pickled quail egg with horseradish and mayonnaise 🌸煙三文魚🐟配紅菜頭三文治Smoked salmon with beetroot sandwich 🌸芥末牛腰肉四榖包Strip loin with Pommery mustard on four-grain bread🌸十字包/英式鬆餅配果醬Hot cross bun / Cacao Infused scones / Plain scones🌸咖啡朱古力鳥巢Coffee chocolate bird's nest🌸開心果及櫻桃脆Pistachio and Cherry punch🌸復活節甘筍蛋糕Easter carrot cake🌸青蘋果柚子乳果醬Green apple yuzu curd Waiter / Waitress 佢哋好細心,有通知我哋HSBC credit card 有 discount,而且見我哋果醬差不多食完,都主動幫我哋添加🥰 繼續閱讀
(以上食評乃用戶個人意見 , 並不代表OpenRice之觀點。)
等級1 2021-03-04
241 瀏覽
今次同朋友黎香港香格里拉酒店staycation,有幸試到依個新春tea set,takeaway上番房食。分左五種甜點五種咸點,我地跟menu第一樣講起:珍珠鵝肝醬鵝肝醬味道,一入口唔會食到,要慢慢先出黎,有少少咸點還咸點,鵝肝醬還鵝肝醬既感覺,少少失望鮑魚酥盒配自家製XO醬非常香口酥脆,同鮑魚粒好夾,層次分明煙三文魚配蟹肉鱒魚籽食落去濃濃既煙三文魚味,配合蟹肉同鱒魚籽帶出鮮味香脆乳豬配香蔥及紅菜頭法式軟包乳豬脆香味配法式軟包帶出層次感,個人覺得最好味既咸點有機蛋沙津三文治冇咩特別,面包有少少乾身SCONE係原味同提子味,配左忌廉及果醬(strawberry同bitter orange),非常好味之後講埋甜點,甜點既造型更加有心思,充滿新年喜慶既感覺新春馬卡龍冇咩特別,馬卡龍式甜味桂花黃金糕配柑橘及伯爵茶慕絲造型十分,比起其他甜點味道清香d白朱古力芝麻芝士蛋糕芝士香味濃郁,味道唔錯香料朱古力慕絲配雜莓果醬好濕,甜到食唔到朱古力味合桃碎配雲呢拿忌廉頂上牛牛花紋變好精緻,有合桃碎更加有層次,個人覺得最好食既甜點總體黎講中意咸點多過甜點,食完有意猶未盡既感覺,而甜點味道太甜,好彩佢份量唔大同造型精緻。想體驗下五星級Tea set既話係值得試下。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-02-17
346 瀏覽
Staycation 個plan包左tea set,所以我們就訂左第一輪時間,下午兩點至四點個tea set真係好睇唔好食😂個set有兩款,一個新春款,一個情人節款,因應酒店決定咁我們兩點就落左去,幸好唔係好多人, 而且枱與枱之間距離都好寬敞個環境好elegant,而且還有樂隊欣賞首先講下個menu先,最低層咸點,中間鬆餅,最高就係甜品紅菜頭玫瑰花蟹肉凍批配鱒魚子醬黑毛豬風乾火腿配橄欖魚子醬蛋沙律配西洋菜三文治鴨肝醬配士多啤梨乾法式軟包4款咸點都👌, 唔可以話超好食,但可以接受鬆餅,唔夠鬆軟士多啤梨罌栗花拱形蛋糕櫻花朱古力撻紅桑子黑朱古力蛋糕玫瑰莓果蛋白杏仁餅最難食就係個櫻花朱古力撻同玫瑰莓果蛋白杏仁餅,因為實在太甜,食得甜都感覺超級甜唔知係咪情人節士sweet 士sweet😂,甜到呢😅包左兩杯茶,這就唔介紹喇如果叫我比錢食D個tea一定唔會囉,一無咩特別,無噱頭,不過宅渡假包左,無計啦所以都無食晒,頂唔順走左😂雖然有點浪費,但真係入唔到口 繼續閱讀
(以上食評乃用戶個人意見 , 並不代表OpenRice之觀點。)