27
9
7
開飯介紹
由前港姐冠軍譚小環有份開設的魚蛋店,主打各式港式小食。 繼續閱讀
營業時間
今日營業
08:00 - 22:00
星期一至日
08:00 - 22:00
付款方式
現金 八達通
其他資料
支持防疫 詳細介紹
食評 (60)
等級1 2020-10-23
0 瀏覽
Lunch 時間唔知食乜好,就去咗渣哥度買碗仔翅同渣哥三寶,價錢一D都唔平,兩個外賣小食已經要五十蚊。我再三問店員係咪有匙,佢話有,點知返到公司先發覺冇匙,所以服務態度真係好一般。食物方面,碗仔翅除咗好油之外,我就食唔到其他味道,淡到呢.....至於渣哥三寶,都成三十蚊㗎,不過蘿白佔八成,其餘只有少量豬皮同魚旦。蘿白多唔緊要,不過D蘿蔔又係無味,好似用水洽熟一樣,好難食。下次免費都唔會食,再一次講好難食,嘔。 繼續閱讀
(以上食評乃用戶個人意見 , 並不代表OpenRice之觀點。)
今日系渣哥買早餐平時食燒賣就覺得唔錯決定試下個三文治$28 蛋牛治 熱檸水我本身以為咁厚蛋系滑蛋點知原來其實系蛋皮有好多層咁樣不過可以安慰自己咁樣無咁肥畢竟滑蛋要比好多油蛋雖然就都有啲鞋煮得有少少太老啦但都幾有蛋香既 應該無撈其他野掛再次發現自己接受唔到蛋牛治d蛋同牛系分開個麵包就有啲乾 本身唔expect太多 所以都無咩整體我覺得回頭率為0....因為自己整既蛋治好食太多啦如果你對蛋治無咩要求,只求早餐食飽飽,就可以一試 繼續閱讀
(以上食評乃用戶個人意見 , 並不代表OpenRice之觀點。)
等級4 2020-08-21
495 瀏覽
渣哥嘅小食不嬲都唔平,不過佢識得搞marketing令到有好多人幫襯,我自己都間中會買吓佢嘅燒賣。今日想轉吓口味,買咗碗渣哥三寶嚟試吓,點知原來真係伏味甚濃。所謂嘅渣哥三寶,其實即係豬皮蘿蔔魚蛋三拼,因為屋企人唔食得辣所以揀咗唔辣,我梗係第一時間篤粒魚蛋入口先啦,點知一咬,心諗咩嚟㗎,點解好似食緊粒擦子膠咁嘅,我真係未食過咁樣質地嘅魚蛋喎,冇魚味,實的的,完全唔彈牙,真係令我好失望呀⋯⋯好啦,跟住再試埋塊豬皮,一咬落去,辣嘅,我明明話要唔辣㗎喎,不過再睇返啲食評,我開始懷疑佢問辣唔辣只係講緊啲魚蛋, 而豬皮就冇得揀,any肥,塊豬皮都叫做索到啲汁,軟硬適中,可以話正常嘅。跟住再嚟蘿蔔,蘿蔔似係用清湯煮,同佢三寶個汁係完全兩回事,而且啲蘿蔔好老好多根,食起嚟有啲渣,fail 呀所以有時嘅嘢,支持還支持,都要對得住自己嘅味蕾先得嘅🥺 繼續閱讀
(以上食評乃用戶個人意見 , 並不代表OpenRice之觀點。)
去年開始前往九龍灣一帶工作,覓食的機會多了,吃過不少餐廳。Home Office期間,懷念的當然不是公司,而是渣哥的燒賣。更精確地說,是頭抽腸粉套餐。有魚蛋、燒賣和腸粉。其實吃過幾個月,所以都試過其他食物。如生菜魚肉、蛋牛治、車仔麵,但心中最愛還是腸粉餐。主要原因為我十年來都很不喜歡吃腸粉,是第一印象不太好,去了街邊小食攤買腸粉,很多漿不是罪,但食極都有,味道很濟,像跌入了無底深淵。所以十年來我都沒有怎樣再吃過腸粉。我都不知道為什麼去年鼓起勇氣踏出了第一步,在渾渾噩噩尚未睡醒的早上,點了這個頭抽腸粉套餐。明知山有虎,就是要吃吃看,竟發現是可愛的山貓。這比喻或太差,但我只能說這渣哥腸粉打破了我舊的認知觀。腸粉不再可怕,雖然我也沒有特地去吃別家的腸粉,但我很接受這味道。混醬混得相當不錯,芝麻、甜醬撈腸粉,讓在九龍灣撈的我對早餐有著期待。魚蛋,是很細粒可愛的,辣其實都不算辣,還好。燒賣也是很美好的事物,留在家工作很難有,叮叮燒賣唔掂,蒸蒸燒賣都唔得。是那獨特的味道,讓我留戀的滋味。自從home office就戒了早餐……之後工作地點也變了,也少去了渣哥。但再次來臨,也是同樣的興奮。順帶一提,早上該還是多人的,但中午基本上沒有什麼人。當大家都在排bean時,你可以考慮買渣哥做午餐。26蚊腸粉餐,對小胃的我而言也是相當飽的~本來我並無寫食評的念頭,因為這店實在非常有名。但依然寫了,而抒發對腸粉餐的喜愛之情。 繼續閱讀
(以上食評乃用戶個人意見 , 並不代表OpenRice之觀點。)
等級1 2020-05-13
1014 瀏覽
每朝由九龍灣站行去德福橋,都會見到渣哥門口大排長龍。.於是呢一日我都決定嚟幫襯一吓,叫咗份腸粉。.腸粉幼滑細嫩,細細卷,米漿味濃。.等嘅時間唔長,份量唔多,價錢偏高($18),假如啲份量再多啲就好喇。 繼續閱讀
(以上食評乃用戶個人意見 , 並不代表OpenRice之觀點。)