渝村米線 (已結業)

前晚偷懶唔想煮飯, 就同老公兩個人走左去渝村食飯, 貪佢可以叫小菜同燒烤食, 一次過滿足兩個願望。我地兩個人叫咗個涼拌海帶絲, 燒多春魚同麻辣雞煲。涼拌海帶絲好開胃, 酸酸辣辣的, 而且啲海帶好爽口, 好好味~個燒多春魚都好ok, 個面燒得有點微焦, 加埋啲醃料聞落好香。食落個魚身一啲都唔亁, 攞起條竹籤成條魚就咁咬個感覺非常之豪氣同方便XD麻辣係老公的至愛, 所以特登叫左個麻辣雞煲。我唔食得好辣, 所以呢煲野都係老公一個人主力食哂。佢就話個麻辣做得唔錯, 夠辣之餘又唔係只得個死辣, 有帶有一啲麻香。我雖然唔食辣, 但都夾咗幾件雞食下。個雞都幾嫩滑, 冇話係個煲煮得大耐變到好老, 我都幾滿意~呢間渝村食物整體都算ok,有一定的水準, 不過唯一麻麻的地方就係service有啲慢, 唔知係咪因為我地去個陣人流有啲多佢應付唔切呢? 但佢食物同價錢都ok, 我地應該會再黎幫襯~

星期三下午去咗土瓜灣做野，見天口咁朝濕，想食啲辣野去吓濕，俾我發現間食米線之如又有得食小菜。叫咗四川口水雞，有白飯，再加客小食(涼拌海蜇)，加杯咖啡。只不過$48蚊乍。1)四川口水雞我覺得可以再辣啲，我鍾意辣。2)涼拌海蜇勝在夠爽。最後睇清楚個Manu原來全日供應超低食

好久之前, 渝村米線開張無耐都有嚟食過這裡食米線, 那時可能剛開張所以啲食物質素痳痳地, 今次再幫襯多次, 睇吓啲水準有無改善. 今次果然改善咗, 都算有進步先.我地一行4 人坐低, 先叫咗個傳統過橋米線 ~ 話晒有13款餸, 先唔計甜酸菜,時菜, 韮菜等, 另外有鮮豬肉片, 火腿片, 手撕雞肉, 魚腐等餸. 跟鮮茄湯底. 都算唔錯. 好底食, 又多餸. 可能除開4份感覺好底食掛.跟住再叫咗半隻麻辣雞煲, 超好食隻雞夠晒滑, 辣味適中.

已經有好一陣子時間沒有踏足土瓜灣. 本來想去落山道的米皇, 試試粥品. 可是卻遍尋不獲, 因為, 店子已經關門大吉了! 於是沿著土瓜灣道找點吃的, 便來了這間試試. 店子看來很光猛, 應該是開業不久, 環境也OK, 侍應的手腳也快. 點了豬膶特色小鍋米線, 另加凍豆漿($3). 豆漿很袖珍, 沒有豆香之餘又太甜, 好像喝糖水一樣, 可以不喝. 特色小鍋米線本身附有甜酸菜, 韮菜, 芽菜, 和香肉碎. 配菜的份量很少, 甜酸菜的味道很淡, 好像浸了很久似的. 米線雖然滑溜, 但卻很腍身; 豬膶的數量也算多, 可是它們的大小, 厚薄不一, 部分較薄較細小的入口爽脆嫩滑, 但其他較厚身較大塊的則不爽口之餘還有點韌! 至於其上湯底, 喝不出上湯味, 跟一般館子用的普通湯底分別不大. 食物方面其實無甚特色, 不過它以價錢取勝, 今時今日的物價, $20一碗包一款餸的米線, 還可以有甚麼要求?

大概六點，一行二人都唔需要等位就入座。裝修卷猛整潔，鋪頭可能大所以食起黎就覺得熱。叫左生菜、冬菇、韮菜餃小鍋米線同一碗醋紅、牛柏葉小鍋米線(兩碗都揀左小酸辣)食落係唔酸又唔辣，湯底ok 略嫌唔夠濃。d冬菇用舊身既貨，冇冬菇味只得一陣"行"味(冬菇舊身0既味)。韮菜餃冇韮菜味.....加3蚊有杯茶杯豆漿.....但係得6成滿。

今晚一個人食飯，就試下呢間渝村米線，發覺真係唔錯wor因為離晚巿時間尚早，不用等位。入到去，見成班員工食緊飯，有講有笑，唔知點解覺得好有feel佢地既服務度都好好，地方乾淨整齊，裝係幾靚

本身都算幾鐘意食米線~呢日親愛的唔得閒同我食野~咁唯有自己搵野食啦~本來仲唸緊食乜好?行過呢間米線鋪佢開左咁耐都未試過~又記得openrice寫佢都好似幾ok~咁就入去叫啦~豬頸肉+順德魚腐+煎雞扒米線唔辣~外賣返屋企慢慢食>w<返到去開蓋~個樣都ok~料都算幾多~但個米線又真係....幾少下....雖然我唔係話好大食~但佢d米線仲少過人地車仔面檔XD第一口順德魚腐~=_=外面一PAT野入面有少少UM....真係難以入口.....可能係我唔識食O掛豬頸肉都唔知佢放左幾耐....入口有陣油益味.....雞扒應該係最正常個湯底...哈哈哈...真係清到真係好似無乜味....成個米線最好味GA我覺得係芽菜總括來講....應該唔會再去-_-"好可怕

這間在土瓜灣道落腳不久的"渝村米線",短短個多月,已經在貴網有十多個評價,對一間在舊區,沒有作任何宣傳的小店,可算是一個異數,當中戰績為十勝兩和三負.此店與我相近,這天想吃一點來刺激自己,便前來一試,早上十一點多,人客也不少.裝修相比同類小店,顯得更光鮮.湯底有清湯,麻辣,酸辣,不吃辣可要個用豬骨,雞,金華火腿熬成的清湯,想吃辣但又怕辣,可來個小小辣,如是麻辣狂人,大辣要再加$1.小吃也是那些涼伴青瓜,皮蛋,豬肚絲,口水雞等等.晚上來更有串燒供應.米線配料有大約三十款選擇,每一碗米線內已包甜酸菜,芽菜,韭菜,肉碎等等.先吃個涼伴皮蛋,賣相非常求其,好像炒雜碎一樣.是我吃過多間涼伴皮蛋之中,外表最醜的一間.雖然賣相差,或者味道不錯呢.皮蛋並不是那些"黃金皮蛋",沒有一點溏心,辣味也刺激,但欠缺一點麻香,層次感單調,反而最大亮點,是配角生蒜粒.這個麻辣米線,我選了小辣程度,湯底色水略淺,材料選上鹵水牛展,豬潤,試一口湯底,此店的小辣對我而言,已經很辣,與皮蛋一樣,沒有一點麻香,只有單調的辣味.鹵水牛展質感不夠淋,鹵水味道亦單薄,豬潤呈薄片,入口爽脆,味道甘香.米線爽滑,缺點是少一點米香.眼

今日在土瓜灣等男朋友收工, 見有D餓就求其搵間野食lunch.前排喉嚨痛, 好耐無食辣野. 今次我叫左個魚腐肥牛米線(大辣) + 口水雞我一向都好食得辣, 但係今次呢個辣, 真係辣到我想噴火, 呢種感覺好刺激好過癮. 個湯底幾好味, 魚腐同肥牛都OK.口水雞:唔知係咪因為食左個麵先，所以覺得d雞唔夠辣，但係d雞肉就好滑好好味！這間野都算合格，可以再去！

Lunch 時間去咗食米線，因為去得早，所以好多位，服務態度都好好我叫咗碗酸辣肥牛+魚腐米線，個湯底好味，D餸料都比想像中多及好味，朋友叫咗碗麻辣豬潤+雞肉，我試咗少少，本身都冇乜期望，啊...又比預期好wow...食落都唔錯，唔會太辣，連飲品$30幾蚊呢區嚟講都ok會再去食過

早幾日去完土瓜灣開會, lunch time 搵野吃, 見到呢間米線店打正旗號吃小鍋米線, 無辣不歡既我, 即刻入去試下先12:15去到, 已經有少少爆場, 好彩等左5分鐘就有位,小鍋米線廿蚊起計, 每款餸+4,5蚊, 我地3個人, 樣樣叫d, 交換下d餸食, 可以試多幾種餸丫嘛我叫左個冬茹,豬潤,魚腐,中麻辣米首先要講下個"中"麻辣湯底, 比起譚仔既中辣 冇咁辣, 但勝在夠鮮味 至於配菜都唔差, 幾多份量, 如果有埋腐皮就perfect 啦!! 冬茹 -> 夠淋, 都幾入味 豬潤 -> 唔係講笑, 最正呢個, 好少吃到豬潤咁鮮味, 厚薄適中, 好嫩, 岩岩熟, 唔"鞋口" 魚腐 -> 可能係來貨問題, 比較硬身, 一般啦 牛怪朋友叫左個牛肉, 牛展, 牛柏葉 大麻辣米嘩! 唔好講笑, 大辣比中辣真係辣好多!! 唔怪之得落單姐姐要俾溫馨提示啦! 不過我個牛怪朋友話吃牛要加勁辣先夠過癮喎~ 呢款岩曬佢 由於碗野對我黎講太辣啦...我淨係吃左個鮮牛肉, 都好好味, 好嫩~ 最緊要鮮牛肉既份量都好多, 真係好抵吃!! 另一個朋友就試左個豬頸肉, 豬腩肉, 蘿白

自己好鐘意食米線,終於等到土瓜灣開米線鋪頭, 由佢裝潢, 等到開張!見到佢開張無耐, 就即刻去試!!裝潢就靚了, 價錢ok啦~加上新張有豆漿送...不過當食物來到, 食物的賣相真的太差.....=.= 有種"黃黃灰灰"的感覺=.=我叫了3送米線, 男友叫了4送米線~~先講我的, 我的豬頸肉近乎沒有味道=.=雞肉普通啦, 過得去...腩肉太差了, 是肥肉....仲以為係雲貴川的腩肉....明明男友叫了4送, 我找極也找不到腩肉, 當然係廚房出錯了.....可能新開無耐, 鋪頭仲未RUN得好, 男友都說這間米線吾好食=.=餐廳的食物有很大進步空間......

我係第二次食嚟間米線，新開舖個陣食過一次真係麻麻地唔係咁好味，但今曰因為趕時間咪諗住是但食碗面所以近近地唔簡擇食完快d走又走左入去食。不過真係喜出望外出奇地好味，比起初初開張個次食真係進步左好多，所以好想嚟推介同比個好食評鼓勵一下。同上次一樣都係叫牛肉+豬潤大辣米線，牛肉分量好多，唔un又唔會（那）到好梅 又唔會無哂牛肉味同口感，豬潤係好靚無渣架，亦唔會滾得太老，湯底係要讚架因為真係好味左好多, 同之前唔同哂好夠未同好野味（我都飲左好多湯），不過唔太夠辣同d米線林左小小，我已經叫大辣但都唔夠辣下次要特辣先，之但係唯一唔好嘅係個侍應無記性, 無同我走葱囉! 搞到我要夾好耐夾番d葱出嚟。整體都唔錯食物正左好多，我都會再食過。

0係附近返工，見新開張，lunch落黎試下。平時食開譚仔，味道係幾好，但坐得唔舒服，d伙計又囂，感覺好公式化。呢度坐得舒服d，同埋可能新開張，d伙計個個笑笑口。我叫左豬頸肉、蘿蔔、雞翼米線。我怕辣，叫左清湯。同事叫左貢丸、肥牛、冬菰米線要小辣。d野食幾入味，蘿蔔夠淋，甜甜地，唔老。個湯底都ok!同事話佢0個碗辣得黎夠香，貢丸就standard啦，冬菰就好夠味！d野食都黎得快，最怕lunch要等好耐！唔錯唔錯！~

我本身無開 open rice account, 但食過呢間嘢之後, 忍唔住要開返一個嚟鬧下!我住土瓜灣, 所以成日喺附近食嘢, 但附近既都食都有點悶, 所以當我知道呢間新嘢開都幾興奮...一來我都幾鍾意食四川麻辣嘢...但當試過第一次之後, 真係好失望! 嗰日好多人, 我午市去食, 都預左落單後要等好耐, 估唔到真係咁耐, 等左成四五個字先有得食! 我叫左個小辣豬潤米線, 一食落口.......完全唔掂, 啲湯無味的, 得少少辣味....啲餸好少, 可能食之前我個腦已經充斥譚仔同旺角川之味同類米線既樣同味道, 所以食落覺得好失望, 完全唔係嗰回事! 配菜少不特止, 得幾粒肉碎, 芽菜都無條....仲要米線勁少, 男仔食一定唔夠飽! 諗住俾多次機會俾, 就0係幾日之後我晚餐再去試多次...今次都係要小辣豬潤........結果都係失望! 碗嘢一嚟到, 啲料無比上次多, 係多左浸紅油.......飲一啖湯.....辣到噴火! 但一樣無味....無鮮味 or 咸味.......但辣過上次起碼三倍! 辣到好似譚仔既中辣咁!!唉, 啲質素太唔穩定喇! 喺呢間野隔離有幾間開左十年以上既食店,