影片
真。石磨腸粉加超抵食小食🥳-而家石磨腸粉既熱潮真係超火熱，最近喺黃大仙區都發現一間小食店有得食石磨腸粉，店內仲要有真既石磨機，絕對唔係溝粉扮嘢👍🏻。-唔少得一定係試吓佢哋嘅腸粉，司令試左雞蛋豬肉腸($22)同牛肉腸($23)，上枱自己落豉油、辣，腸粉皮會比一般食到既煙韌有香味，加左雞蛋既仲會多一份蛋香😚，腸粉內仲加咗花生， 一軟一脆既口感幾特別。-話得係小食店，點可以淨係試佢嘅腸粉，炸燒賣/炸魚蛋一份五粒只係賣$7，抵到唔敢相信😂。炸無骨雞翼($15/四隻)、生炸雞脾🍗($15)同樣都係超級學生價，仲要係真係即叫即炸，一食會辣親🥵，味道啱啱好，唔會醃到啲肉梅曬👍🏻。-最後要特別推介嘅係佢地既石磨豆漿，同樣都係由老闆自家製，飲落豆味香濃，重點係，只係$3一杯😧，如果喺附近住，司令應該每日一杯😂。
繼續閱讀