添飯餸

營業中

休息中

燒賣不錯。每次提供豉油份量是很足夠的, 用來吃大師傅的炸兩還綽綽有餘, 店家給的很大方, 這一點值得一讚, 而且還會問我們要不要辣油, 這點挺貼心的。燒賣的味道亦相當不錯, 我覺得比三津湯包的便宜, 而且質素有過之而無不及。但不太好的是我當天又買便宜, 提著很多東西, 店家提供的器皿居然沒有蓋, 這是意料之內豉油和辣油必定會打翻的局面, 但最後店家仍是拒絕提供蓋子給我, 只給我一個膠袋, 結果當然是很狼狽, 怎可能給那麼多豉油而不提供蓋給客人呢? 我實在看不懂, 我又不是即食, 是打包的, 所以絕對要正視和改善

質素麻麻, 感覺這間店的水準每下愈況。明明點的是魚香茄子, 又怪裡怪氣的,第一次見青成這樣﹑像青椒般的茄子, 視覺效果已經頗吃不消, 味道亦麻麻,像生生﹑未熟的茄子般, 不入味, 亦沒有茄子香味,煮得亦不夠軟糯, 比紫色那種茄子明顯比下去。建議各位別聽店員解釋, 照自己的直覺去選便可, 每次店員提議的選項都挺伏的,不怕伏可以一試, 但都中過幾次招所以給各位一些良心建議。咖喱雞不錯,只是醬汁好, 就是意料之內的咖喱味,拌飯很搭, 但雞肉的質素沒有進步或改善過,像煲完湯的老雞肉般,不好吃, 薯仔則很粉﹑入口即化不用咬,好吃

是日1點45 才放lunch, 想嘗試新兩餸飯在軒尼詩道, 有好幾間兩餸飯, 第一次幫襯。價值而言中規中矩, 款式較多, 但味道較辣和濃味.是次選了涼瓜飯和牛肉薯仔, 雞柳, 味道不錯; 而且現購買滿HKD 40 有印仔儲, 儲滿指定印仔就可以當錢洗. HKD 42 3餸

初初開業時幫襯過，當時份量都正常嘅，見好耐冇幫襯，即使平日放lunch時段超多人排隊，諗都冇諗就幫襯下佢，點知出咗名，質素就差咗好多👎🏻。職員喺門口已問定要咩餸，我點嘅京都豬扒和肉餅都放在收銀機附近，相隔長長嘅走廊，我當時冇為意職員夾咗幾多入盒，從收銀接過個飯盒時都覺得輕飄飄，返到office打開個盒，竟然返半盒餸，白飯就正常偏多，白飯仲涉入餸底，墊高僅餘3小片嘅一口京都豬扒，其中1件應該以粒嚟形容，早知我睇下上一個食評先決定再幫襯😔份量少都算，京都豬扒好大陣漂白水加膠手套嘅味，連酸酸甜甜嘅汁都藍蓋唔過果陣膠味，🤮即刻嘔返晒出嚟。好彩嘅係肉餅尚算正常，係有碎骨咁囉，其實肉餅都好難唔好食🤷🏻‍♀️

由開業至今一直係長期支持者，成班同事都好支持，日日食，一星期食足六日。之但係，呢兩個星期開始發現餸格愈來愈多飯涉底，一次兩次都喺度諗，可能係裝飯嗰時唔小心。但係今個星期情況明顯嚴重咗，今日更加每邊餸格都有半格飯喺底，今次係食魚香茄子併炸豬扒，魚香茄子啲汁落晒啲飯度、豬扒得嗰三件仔真係好失望、食到火都嚟。另外，有其中一位裝飯靚姐都幾惡下。上星期聽到佢教訓排前面叫飯啲哥仔，明明係自己裝錯餸，哥仔提一提仲被反鬧阿哥仔叫飯都唔識叫、叫得唔清楚等。大家都係想開飯啫，咁都被佢鬧，真係有啲可憐。睇嚟要冷靜一排幫襯下其他食店。希望冷靜完有改善可以再幫襯。

呢間條人龍成日都長過楚留香$30既兩餸飯居然可以叫雞髀食🍗仲要size 都唔細唔怪之得成日排成龍味道又okD餸個樣又靚仔見得人$30算好高質希望遲下唔好加價啦🥹

灣仔區雖然食肆多，但有時外出用膳多左，反而唔知食咩好。幸好灣仔兩餸飯選擇唔少，西菜日菜東南亞菜最後都食過嘅情況下都可歸於原本，而且一盒嘅價錢相當廉宜，三十蚊就可以搞掂。今日就去左灣仔嘅添飯餸買兩餸飯做晚餐。餐廳門口用memo紙貼哂是日有無菜式，比起一般得八個十個餸嘅兩餸飯舖，呢間保守估計都有廿五個餸，而且可以喺店外慢慢揀先入去。餐廳環境有啲亂，但光猛乾淨。如果夜晚幫襯，餐廳會有湯水甜品提供。今日揀左西蘭花拼椰菜花，再加辣子雞。蔬菜類煮得啱啱好，唔會硬亦唔太腍。辣子雞粉有啲厚身，但無炸到硬哂，辣味同咸味都唔會太過份。三十蚊加上租嘅係商業區街舖，呢個水平嘅食物質素絕對收貨啦。

好近地鐵站，10月開了業。中午見好長一條龍等了大約15分鐘。無計，因為真係好平。好奇心驅使下，走去試食。門口有 是日精選， 但最實際還是直接睇有什麼“現貨”😂 因為有寫豬扒但實際沒有。。。單張係咁寫：我最後選了肉餅和節瓜肉脯：肉餅內有馬蒂和咸魚碎，都ok. 但不喜咸魚的人，不建議點這菜。節瓜釀都ok, 入面也是肉餅的料。節瓜好冧，幾好食。飲是正常硬度，有些少偏硬。留意是咸蛋有蛋殼，肉餅有碎骨，小心進食和咬崩牙這是抗通脹抵食午餐