添福漢堡

營業中

休息中

雖然食過無數咁多次，但係從來都冇寫過今次要扚起心肝寫下因為極度欣賞佢哋嘅食物就係自從好幾個月前食過一次麥當勞之後話俾自己聽唔會再食麥當勞一次嘅經過見到好吸引一直都冇食，只係買俾個仔，點知次次阿仔都話好好食今日老公就去買三個餐，只要你落order 10分鐘後去攞就更加順暢一個收錢一個煮嘢其實都好快捷同埋漢堡包裏面嘅口和牛漢堡非常Juicy 嘢飲就喺雪櫃自己任揀，通常我都要新奇士OJ 童年回憶飲品叫咗一個大姑和牛一個添福漢堡一個雙層黃牛都係一樣咁Juicy好味都要講返句，多謝兩位姐姐薪水生汗不斷接order 值得欣賞性價比超高支持本地消費欣賞小店

食過深水埗果間ok，諗住呢間應該都好食，結果失望。叫左3個套餐，薯條因為外賣淋哂就no comment喇。漢堡唔覺得有咩特別出色，只有好重黑椒味。另外加錢叫左黑松露醬，結果無比到。專登11:30am打去落單話12:00拎，但12:10去到都仲要等到12:20，好采無準時去。另外，外賣紙袋釘實哂（可能驚倒瀉野食），門面亦完全無位置比我有機會開袋check返食物啱唔啱，結果係比漏野都無機會check倒。同佢講返，無反應，其實呢個質素唔駛比呢個價錢仲要等咁耐。

漢堡包係一樣好邪惡既食物, 成日都想食但又因為佢既卡路里而郤步, 所以係好想食既時候都要揀過先食今次就揀左明明係屋企附近但一直未有機會試既添福漢堡本來諗住去到買完就有得食, 但去到先知原來無堂食, 只可以買外賣攞走係等既過程其實我都幾"不滿", 因為佢D 野食既味道真係香, 可能我又肚餓啦. 個晚我差唔多7點到落order 見到我前面都有五六張單排緊隊, 等左15-20分鐘我哋兩份餐就搞好. 之後仲要行到番屋企先有得食, 成個過程真係好折磨 LOL不過呢個等待係值得既! 我點既係黑松露啡菇牛堡. 我打開包裝見到個菇時其實我係有少少失望, 因為佢唔似出面個D 切碎左再炒香佢會有D汁咁, 而係原隻菇夾落個包, 菇既表面又無汁比較乾身, 我心諗咪會好似後期唔多掂既triple o 咁, 會係一塊有青味半生熟既菇俾我呀.... 但係一咬落去, 嘩, 原來係好熟, 佢好軟身但又唔係冧到咬唔開個d, 係新鮮既啡菇先有既效果! 塊牛肉本身都係軟身多汁都好好味, 但我已經完全俾塊菇既美味吸引左去! 超好味!! 成個餐先五十幾六十蚊, 我覺得淨係個包都值呢個價.跟餐既薯條係粗身個隻, 熱食好好味, 不過

每次過到去長沙灣，荔枝角一帶，心裏面都係掛住添福漢堡。就係因為佢嘅黑松露醬，用黎點薯條真係好好食。當然佢個黑椒漢堡都係我念念不忘之選。當日去買外賣，都十分多人。套餐可以跟既沙律醬已經好好味，但對我黎講，一定要加多$5轉黑松露醬，食得出好重黑松露既味道。對於大食既人黎講，一個漢堡一份薯條一罐可樂唔算好夠食。所以我單點了一分炸雞件，點返佢跟的沙律醬。咁我就可以兩個醬都試到了。添福漢堡不設堂食，所以大家要留意啦。最緊要係我和兩個女都享受~

走過此店多次，總被那遠處飄來一股令人垂涎的漢堡香引領著...被牽著鼻子走到店的門口！一天決意一試這個早已著名的平民漢堡包！為免受排隊之苦，先致電落單，之後約十五分鐘到取，全程無需等候。 其實甚麼叫做港式漢堡？以小人的認知，通常都放入類似「卡夫」的芝士片，加一些茄汁，以前未有健康概念，不會放大量甚麼菜蔬的，快餐店賣十幾廿元就有一個，實在是平民美食。今日試的黑椒牛肉芝士漢堡正正符合了港式漢堡的所有條件，不同的只是由茄汁變為黑椒汁。 漢堡包黑椒味道相當濃郁，兼且極似茶記的黑椒汁味道！據聞小店供應的漢堡包所用的牛肉漢堡扒全部手打製成，今日一食，牛肉很明顯是手打的：漢堡扒咬下有大小粒粒，當中有三粒更是咬不開要吐掉！但都算肉汁豐腴。然而最神奇的是應該夾著的半溶芝士！咬到一半蹤影全無，莫說邪不邪惡，根本已忘記了芝士的存在！$45套餐包薯條飲品：雖然薯條並不是傳統港式的坑紋，有點失落，但其實套餐內的薯條亦相當脆口，絕非「千年貨」。薯條咬下去吃得出是炸出來傾向硬身，裡面薯味正常，吃到杯底都不是太多油，如果份量再多少少會更加好。小人沒有加錢轉黑松露醬或其他醬，就只是原來的茄醬，卻沒想到是出奇的味美！酸酸的

一直以來都鍾意搵一啲良心小店去幫襯，呢日咁岩係長沙灣戲院睇完戲，又未到晚餐時間就打算食少少野先，開住個良心地圖一搵，就打算試下呢間舖頭了，大家首先要知道呢間舖係冇堂食架，只有外賣自取，而佢附近亦好似冇鄰近既公園，當然一向唔麻煩既我同女朋友坐巴士站食又係另一番風味，價錢唔貴之餘細細個又幾好，不過因為係即叫即整，輪候時間就多少少，比少少耐性終於等到了，感覺上ｓｉｚｅ比較細，一啖咬落去，味道都幾好，個人建議淨包同肉冇加蔬菜會比較dry，都係嗌有菜既較好，一個包當下午茶既話岩岩好，套餐會配薯條，但自己覺得薯條普普通通，冇乜特別！

添福 香港人既漢堡大家都聽得多🤨到底點解呢？🤔黑椒芝士漢堡首先即叫即整即整即食都吳覺得太熱牛肉都夠大磈咬一口已經食到牛肉慢慢就有牛肉汁➕黑椒汁係個口到流出黎個黑椒汁，而吳係 黑椒味個汁好有 茶記 黑椒牛柳炒意粉咁🤣🤨有地道😏結: $28單點黎講ok既又好食👍🏻#黑椒芝士漢堡#添福

叫咗套餐 跟薯條、汽水 ($42)經典芝士牛堡 ●●●◐○嘉頓生命麵包外層烘過 整體味道真係超港式😆用料簡單，係經典嘅芝士+茄汁+牛組合 如果漢堡扒可以大份啲juicy啲就好，畢竟比較少材料就噉食個包唔會夠飽🍔所以平時我唔會散嗌😂😂🥹薯條 轉黑松露醬 (+ $5) ●●●◐○少少脆 粗過M記已贏 份量多🍟黑松露醬味道都有嘅 但未算好濃✍🏻 漢堡扒標榜「即製手打」，所以落完order至少等十幾分鐘先有得取餐 而且等候空間唔大 心急人士要注意注意

冇咁抵食+效率超低之前食過幾次，見即叫即整味道唔錯所以返兜，今次真係認唔住比差評，希望店主見到之後可以管理好啲即叫即整製作需時，所以我都會提早打電話落單再去拎，落單嗰個話要等15分鐘都ok可接受點知我去到仲要等10+分鐘，去到比錢先，落單個個好忙，我等咗3-4分鐘先比到錢，之後就係一邊等1.效率超超超低總共6個店員(what?咁細間鋪咁多人?)Anyway 1個落單，1個執單，1個嘢飲，1個煎扒，1個組裝包，1個炸薯條燒賣，分工好清楚冇人multitask，但效率依然好低外賣店係繁忙時間+6個店員可以1分鐘都出唔到1個餐（甚至更耐，可能定位唔係快餐店😓？）由我打電話開始計，出餐要等25分鐘有多其實我睇咗陣，問題出係出包出得好慢，唔單個店員手腳慢（慢到我覺得佢第一日返工，手法好唔熟練），肉餅飲品薯條一早整好，所有人係到等個包，想問下其他5個店員係咪唔可以整包😓已經整唔切都冇諗住幫手（可能係位置唔夠，我冇責怪店員意思，係管理問題）最好笑係拎包個陣店員會提醒客人下次打電話先唔洗等咁耐（態度好好唔係串人），但我都聽到有店員話唔好聽電話先，會整唔切2.肉餅細咗好多，冇咁抵食之前睇採訪片話用香港本

估唔到非連鎖嘅漢堡包店都有咁平嘅選擇，就係$15嘅豬柳芝士漢堡，而且即叫即製，攞上手仲係熱辣辣👍🏻豬柳都係預期中嗰種味道，當M記漢堡包只係得少少洋蔥同酸瓜，呢度竟然夾住咗幾塊生菜，麵包都正正常常、唔會軟瀨瀨🙈不過份量真係唔多，想飽肚應該都要跟餐🍟除咗基本嘅薯條、炸雞可以叫，仲有各款特色飲品，嗰日都見到好多車手入嚟攞餐，相信有唔少忠實客戶🤣住附近嘅朋友都可以試試，宵夜想食啲邪惡嘢就啱曬😎

至尊黑椒牛堡，食落去好黑椒，牛肉juicy ,食得出係手打既。樣貌勁普通，食落唔錯以咁既價錢來講，算係好好食，性價比高。雞塊，好好食，比麥樂雞薄身，但肉嫩醬似係蛋黃醬，太杰，同好甜。就咁食好食過dim黃色果個醬。用黑松露醬好食啲。薯條配黑松露醬。叫左兩個餐，所以有兩份薯條。原以為放在紙杯內得好少。點知放到滿滿的，薯條好多，無呃秤。薯條粗身已經無得輸。黑松露醬好多，好香，好濃，好多粒粒，醬好滑。成件事好夾。全部醬都dim晒嚟食

未寫過食評，但呢間真係CLS一定要寫👇🏻前幾日嚟外賣自取，經app點餐，之後顯示 落單成功等咗15分鐘都未有，就問啦點知原來冇落到單，聽到啲職員細細聲咁話部iPad冇開收唔到單之類啦你問題！漏單都算啦我問完之後冇人比過個交代我，咩事又唔講連「唔好意思」一句都冇講過啲staff自己溝通完，你又唔同個客交代返？我就企喺度，冇人應我之後佢即刻備餐啦。拎完餐之後，佢仲好意思講「下次可以打電話嚟落單」我火都嚟心諗，你個app/你啲人唔ready就唔好做online ordering啦一句「唔好意思」都冇，真係好耐冇見過服務咁差嘅餐廳

早排睇完段片介紹呢間之前喺深水埗都食過嘅小店，見佢開咗另外一間分店當然要支持一下啦，間舖頭係冇堂食嘅大家要注意，淨係做外賣生意門面唔算太寬躺都OK嘅不過如果lunch hour去，大家應該要打電話去order定，如果唔係都起碼等成四五個字 3號餐招牌天福漢堡再加$5半個黑松露醬漢堡包外賣外貌一般啦，呢方面好難要求更多，麵包都係用香港嘉頓品牌，配上生菜芝士蕃茄，最Classic嘅漢堡包，佢哋主打手打牛肉食得出都係鬆化juicy嘅不過略嫌啲洋蔥混合喺牛肉入邊咁樣煎就有d生，你冇得走洋蔥因為佢已經混合左係入邊, 可接受OK，對得住呢個價錢反而薯條有驚喜，一嚟粗薯二來份量多，黑松露醬都好好食值得加呢$5

新店登場，舊店位於深水埗黃竹街已經係人氣小店，新分店坐落荔枝角，荔枝角工商區既打工仔有口福啦。今次再食「經典芝士牛堡」，即叫叫造，保持舊店既水準。自家手打漢堡，食出啖啖牛肉，少許胡椒味，配上芝士和茄汁，麵包應該係嘉頓生命麵包，新鮮烘熱。充滿港式漢堡包既情懷。#添福漢堡 #經典芝士牛堡 #手打漢堡 #小食 #荔枝角 #長沙灣 #美食 #疫情下的日常

呢排已經好耐冇食過漢堡包薯條,但又唔想食M記,所以就試咗呢間添福漢堡,呢間店鋪位於長沙灣工廠區,喺正郵局隔離,而佢哋只係會做外賣,好彩我早咗到,因為佢一到12:30人流就會開始湧現 ！呢次我就試咗佢哋個經典芝牛堡,入面嘅材料好簡單有芝士蕃茄汁同埋佢哋自家製嘅牛肉漢堡,即使係咁我都覺得比起食M記其實係更加好食嘅~ 因為一個漢堡嘅靈魂在於佢返漢堡扒,而添福個經典芝牛堡咬落去係好有肉感同厚,唔似老麥咁薄同乾,當然呢個價位一定做唔到好多肉汁個種漢堡,但我覺得性價比已經合格！