添樂園 (已結業)

諗起食煲仔飯...我第一時間諗到九龍城出名又抵食添樂園..佳因佢個到份量十足加上材料新鮮.添樂園的鼓油我食暈好多間食店從來都未食過咁好味的鼓油.原來佢個到的鼓油係佢老闆特別製作,真係好味道!! 我都忍唔到手買左一瓶返屋企.你地都快D去嘗試下個煲飯!

一段時間無去，最近再去試，發覺店舖裝修過，冷氣勁度十足，食煲仔飯一流！叫佐幾款小菜，樣樣都幾好食，有番咁上下水準。煲仔飯同豉油保持咁好味，香味撲鼻。日重見到靚老闆娘，走過黎問我地好唔好食，一路食一路同佢傾，食得好鬼開心。

星期五去吃煲仔飯真的叫人失望,第一d伙計好似食左葯咁,叫佢寫單好似發夢,要人客講幾次,第二跟住食碟金銀蛋莧菜有沙話佢知,佢話有沙都無法,換過一碟都係咁嫁啦,你一係叫過第d 嘢 啦! 咁既態度點叫人去食呀!

慕名而來,但期望過高,有點兒失望.豆腐鯪魚煲: 算足料,除了豆腐和鯪魚,還有菜,又可以當湯飲,唔錯腊腸排骨煲仔飯:排骨鋪滿飯面,肥廋剛剛好。水準算唔錯,但始終都不是用上碳爐,飯香和質感都未及預期另外,衛生環境不太理想,所以更覺得不值.

今日排除萬難終於去到呢間野度食煲仔飯！點知‧‧‧都唔好味既！我食左個窩蛋牛肉飯，D牛肉又老又"un"，真係好失望！我未試過食煲仔飯要用胡椒粉黎吊味！真陰公！仲$34添！我另願去上環食啦！同埋細支裝可樂要$6呀！

粥底唔錯, 不稀又不過杰, 但d魚就完全冇味o既$21

雖魚腩夠大舊，但飯焦不夠脆，選擇亦不夠多。感覺名過其實。

今晚要執屋﹐無食晚飯﹐改為食宵夜。諗起好耐無食煲仔菜﹐思索一番後﹐印象中附近只有添樂園係比較好﹐一於再試。我自己要左一個“大馬站火腩豆腐煲”同生滾滑牛粥﹐太太則要左一個油鴨脾煲仔飯。最初唔知“大馬站火腩豆腐煲”係乜﹐個煲仔上到檯一聞先知原來係馬拉盞。用料有大量豆腐﹐切成細片的燒腩肉﹐唐生菜及蔥。馬拉盞味濃﹐夠重手﹐非常惹味﹐加上煲仔中有不少滾熱辣湯汁﹐呢個煲要黎撈飯真係一流。如果淨食就可能會太鹹。油鴨脾飯吩咐了多飯焦(因太太最愛煲仔飯的飯焦)﹐但後來發覺跟平時並無分別﹐飯焦是有的﹐但不多。似乎對於顧客的特別要求﹐員工並不會認真去處理。至於煲仔飯的味道則依然有水準﹐打開蓋已經香味四溢﹐撈埋煲仔飯醬油後就真係可以話係色香味全。滑牛粥則一般水準﹐粥底是不錯的﹐但牛肉就不太新鮮﹐扣了分數。下次唔夠飽都係要一碗淨雲吞好過。

天氣漸漸寒冷,心內總是懷念着添樂園的煲仔飯,終抽空到九龍城一躺以慰泠冷的身軀。到達時已近八時,近乎滿座。我點了豉汁白蟮飯,朋友點了臘腸田雞煲仔飯。約十五分鐘上桌,當然先加秘製醬油。白蟮有六件,一打開煲蓋,香噴噴,魚上已淋上豉汁,很惹味!飯焦很脆,有點黏牙,但無燒焦,好!果然是老字號!田雞肉嫩,臘腸爽脆鬆化,食到尾聲仍熱刺刺。待應態度良好。很滿足的一餐!踏出門口寒風刺骨,但內心仍然是暖的。幸福,就是如此簡單!

煲仔飯真係好正!!!臘腸脆卜卜,又甜又香潤腸軟,酒味夠!唔喜潤腸都覺得好好天口涼啦,一個人o黎食,感覺良好

成年冇來過，最近幾日翻風，帶點寒意，梗係要食番煲煲仔飯暖o下身啦。與男友叫了一煲黃鱔+臘腸share，另外要一個八珍豆腐煲，煲仔飯端來時，以九秒九的速度，打開蓋，淋豉油蓋，然後享受豉油因煲的熱力發出o劈o劈啪啪的聲音，很是過癮！煲仔飯依然出色，黃鱔夠肥美，飯粒粒分明，混了秘製的豉油和魚油，份外美味。豆腐煲也很討好，最喜歡墊底的白菜仔，吸盡晒所有菜的精華，不過茨汁太杰，攤涼後，有如在吃喱豆腐，所以一定要趁熱幹掉。

星期日，本來想試城寨風情，但六點鐘去到己滿座了，九龍城的星期天果然不同凡響，一家六口唯有轉去不用等位的添樂園。第一次在這裡食紅豆冰，原來都好得，紅豆當然無樂都咁多，但份量亦不算少，而且起沙，味道不會太甜，本人叫了兩杯，真是好味道！另外又點了北菇田雞煲仔飯加潤腸，這個好得，潤腸夠粉，北菇有兩件，田雞好靚夠肉味，煲仔飯的豉油調較得非常惹味，飯焦勁脆勁香，老字號舊式餐廳果然不會令人失望。

It's taste the same la. It is truth that it got a bit smaller than regular price, but i think its a great idea when u want to eat less for a tea set. If i go alone, i can taste sth different on the menu since the set is only $10. 水餃用料十足(so hard to type in chinese, but i want everybody to know lar . I find it good cause they don't put much fat pork in the dumpling, the shirmp and mushroom it's really tasty, just wish they can put one more per bowl. I ask the boss, he said the ingredients is re

這裡的麵自從做了特價十蚊碗之後好像變差了，但生滾粥和煲仔飯就依然保持水準，好好食。

下午三點半剝同補完牙，要隔四個鐘頭才可進食，而且暫時只可吃些流質或軟性食物，所以晚餐選擇不多，本來想食牛肉面，但找不到清真不知是否執了？經過添樂園想起這裏的粥好像也不錯，便決定在這裏晚飯。朋友甲乙都要了公仔面餐﹝$34﹞，有奄列和蛋跟，再加兩樣餸，她們要了餐肉和腸，但腸仔看似來自非洲，又乾又瘦賣相不討好，而出前一丁煮得太冧，奄列只是煎蛋中間夾着未煎過的火腿，面包也沒有烘過，整個餐都是失敗之作。老公點了一個北菇滑雞煲仔飯﹝約三十幾元﹞，應該很不錯，豉油很夠色香味，飯味十足又有咬口，雞肉也很滑，但只有一件北菇。我要了一碟油菜﹝$13﹞，沒有甚麼特別。另外點了一個滑牛粥﹝$18﹞，牛肉又香又滑，非常可口，而粥也很夠味，值得推介。總括這裏的中式食品都很不錯，始終老字號總有它的吸引力和叫座力。