添寶手撕雞 (牛池灣) (已結業)

麻辣雞煲收依個價($138/隻)真係超值，辣度適中唔over，自已加啲豆卜、枝竹、海參、菜及烏冬，兩至三人食夠晒，唔錯的選擇，可以再食。另外手撕雞都係一個不二之選，再加埋豬耳及其他配菜，返屋企煮個飯又一餐，下次要試客家鹽雞，睇下水準如何🤔平時晏晝都有客家鹽雞飯盒，$26都算抵，但未試過，唔適合評論，不過有時間都會試，最後提示，麻辣雞煲要預訂，最好早一至兩日，晚上食，就建議傍晚取，但疫情下出街受限，只能中午取，放涼後雪入雪櫃1-4度，翻熱後都不錯。

今日天氣咁熱，一諗起要走入高溫廚房，咩心情都冇，好唔想煮飯！所以今日經過牛池灣邨街市，見到有間新開張嘅「添寳手撕雞」店，走去試下買返屋企做晚餐，好好食😋😋😋，D雞肉好滑，加埋青瓜真係一絕👍👍，返到屋企只是加飯或湯麵，已經食到清涼感覺。下次再試下佢哋嘅「客家鹹雞」，仲有佢哋有好抵食嘅午飯套餐，可配飯或撈麵，只是$35，再加送飲品，如果想加小食，只不過加8蚊，好過自己煮，我見都好多人買，所以一定會再去幫襯😊😊😊