添好運點心專門店

營業中

休息中

Very typical HK spot! The brown bun as the beef balls are so good and dim sum are obviously very tasty!

平日人客不多D上點心是做定部分只是一點點暖，到了星期日生意好點就不做外賣但無告示，等選好點心排隊付款收銀拿單看才說，一句說從第一間添好運旺角開始光顧，發覺服務越来越差，點心又不是即叫即蒸，不值。以後不會再去。

添好運點心，偶然都會試下，每次都只會去深水埗福榮街這間，貪其就脚方便又多座。最近呢幾年，可能米芝蓮介紹關係，好多內地人幫襯，繁忙時間有時一等就半句鐘。所以，我會選近黄昏至夜晚7時時間，不用等便可直接入內，因香港人比較少在晚上食點心當晚餐。😅我每次也必點其酥皮焗义燒包，熱辣辣即製，皮造到好脆，但味道始終覺得以前好食好多，依家味道雖不太差，但餡少了而醬汁味太甜。其它點心都差了少少，希望日後有所改善。

平時一話飲茶就坳坳聲既我，無啦啦想飲茶食點心，晚餐喎！老公話有間米之蓮點心，是單啦，唔洗我諗就去邊都好！最後去左深水埗分店，門面好光鮮，一入去，嘩，熱鬧到成間打邊爐店禁，閒日夜晚8點幾9點都可以禁滿，勁！last兩個位比我地坐埋，望一望張點心紙，種類雖然唔多，但係一望就覺得每一樣都好吸引，好想食！真係岩我呢啲唔想揀野既最後叫左6樣，唔講笑，每樣都好正，好新鮮唔油膩唔會望落覺得好膠仲要熱辣辣米芝蓮叉燒蘇唔洗講野，必試煎釀尖椒好新鮮，唔會油冧冧，唔熱氣但香口咸水角第4樣落台，但罷到最後先食，一咬仲係滾熱辣唔逐樣數啦，都係讚架啦，下次再去試埋其他點心，真係平靚正

同朋友行街想食點心又唔想去酒樓，又諗下好似好耐冇去添好運食野，就來呢度食野。穌皮焗叉燒包熱辣辣，外面好鬆脆個包又好多叉燒䱤，同我之前食依然一樣冇失水準👍糯米雞又好夠味，內有雞肉和潤腸，糯米又不會太淋，味道又不會太咸。鼓汁蒸鳳爪就太淋不好食冇口感，鼓汁蒸排骨還可以。韮黃雞絲粉卷和韮菜牛肉餅一般。呢度的服務太度好差，d阿姐又唔點幫人收碟，又會怒啤人實在太差，好似持住間舖出名完全一點禮貌都冇和叫飛帶位的阿姐太態都非常差。

先前聽到旺角分店因貴租倒閉，才得悉此店。因為其榮獲米芝蓮提名，久仰大名，所以特意去食。星期六晚上人流繁多，好睇兩個人去，都算快有位，10分鐘左右，其實都係睇彩數，因為間鋪都唔算大。服務又無話特別好，正常啦。之後就講講食物，兩人一共點左五樣野，酥皮焗叉燒包一定要試，脆卜卜既外皮。對於食開傳統叉燒包既我，幾有新鮮感，外層變左做焗酥皮，味道都ok，又無話好唔夾。蝦腸既皮都算滑，但size太細 好似好縮水咁。飯同燒賣就正常，無特別深刻。綠茶煎堆就勁怪，可能唔岩我口味，外層係綠茶味，中間係流心花生唔知係咩玩法，我自己就麻麻

這次在星期六的午飯時間光顧添好運，人山人海，等了約20分鐘才能入座。我倆2人點了鳳爪排骨飯（$23）、蜜味叉燒腸（$22）、美味炆鮮竹卷（$16）和杞子桂花糕（$11）。由於太肚餓的關係，所以忘了拍照就馬上開動了$23能吃到這樣一大碗的鳳爪排骨飯實在十分化算！排骨蒸得很冧，夠入味。沒想到叉燒腸原來份量很少的，腸布皮非常滑溜鮮竹卷略嫌有點過油，不過仍然很好吃。杞子桂花糕是女生的養顏食物，咬下去滿口也是桂花香，十分清甜。現時創意點心盛行，即使添好運賣的是傳統點心，仍然有其吸引力

當天下午1點15分, 我和我先生到奧海城添好運排隊飲茶, 因為我喺門口覺得唔舒服, 同带位肥妹講我想入去坐, 佢語氣非常唔客氣: 唔舒服就去睇醫生啦! 當時我好嬲, 我先生同佢理論, 佢仲聲大夾惡, 當時我真係忍唔住 想打佢 ,好彩有個廚房大佬出嚟調解, 否則可能會把件事再鬧大 ,頂住道氣冇飲茶就嚟開咗,請個咁嘅 带位帮老細倒米啦!經過呢次我都唔會再去奧海城添好運飲茶了。

知道佢好出名、知道佢老闆買左好多樓、做到風生水起。以前有幫襯開，但多左人之後，我就費事排隊！😕😕😕😕😕😕今日經過開，唔算多人；我就排左一陣有得入。😬無錯，熱嘅嘢唔會難食得去邊；但係同以前嘅水準，真係天淵之別！😱😱😱😱😱😱💥腸粉唔滑、燒賣料少左，多左咪精、菠蘿X燒包已經唔再有驚喜，因為又甜左又唔夠脆。人怕出名豬怕肥。名不副實！就係小店成名後必然陷入的困境。要留得住名氣，唔係要拎咩星，而係究竟仲有無用心製作食物！唉！

星星名店，怕多人，一直無試過。噚晚搵食期間，唔見人排隊，於是試吓。杯茶淡而無味；需知道食點心，杯茶好緊要！古法糯米雞，超鹹；但糯米蒸得幾軟熟，膶腸好甘香；不過雞肉唔夠滑。豉汁鮮肉釀茄子，茄子一般般，餡料幾好味。陳皮牛肉球，不過不失。香芋牛肉腐皮卷，餡料碎濕濕，完全食唔到係乜嘢，但外皮炸得唔錯。晶瑩鮮蝦餃，至好味；皮薄饀靚。杞子桂花糕，一般般；其實桂花糕好難做得難食。陳皮紅豆沙，至為驚喜；好香陳皮味，起沙，唔太甜。總括嚟講唔難食，亦唔太好食。

今晚得一支公食，悶悶地諗住食的平時冇食的。諗左好耐，諗返之前好鍾意食添好運，隔左2年冇食。一於去幫親。之前食過奧海城，今次去呢間福榮街，附近方便泊車。八點幾入去，好多人，唔少外國人添。點左叉燒包，牛肉球，呢兩個係必點。叉燒包來到，咬落去，正，好脆，入面的叉燒及汁好正。之後再點多個豬潤燒賣，第一次食，好鍾意，好多蝦配少少豬肉，又重冬菇味。好滿足，都係$67

在奧海城二期分店內，有位穿黑色制服身型是全店最肥的女職員，態度非常差，其她職員都友善及有禮貌，唯獨是她又要指定食客坐的位置，例如坐的位置近在門囗玻璃門常打開，又或者要指定食客坐－些不舒適的位置，明明對面有位她都不準坐，但對面的位置有另一位食客來到又比他坐喎，大家人數都－樣點解我們不可坐呢？而且我們又有老人家及小朋友，都唔比坐，－定要我們坐擠迫的位置，當時的時間是不多人，而且還有很多空位，我都好語氣對她說，可否坐對面的位置，但她語氣太差，她說不可以一定要坐這裡。我覺得去食嘢都係大家開心，而且我都有比＄呀，但冇權選擇位置，係咪我態度好所以比＄都要受她氣，重話係米芝連餐廳而且有咁多遊客專程品嘗，有個咁的職員，遊客見到都影響香港形象啦！她都不是第－次，之前亦見過她都是這樣對其他食客，這職員是否欺善怕惡，態度好的食客就一定要指定坐位，態度差的食客就坐任何－個位都得。叫我以後怎樣再惠顧呀？食都食得唔開心。我想信不只是我們感受過，還有很多食客都身受其害，身同感受！

今日Lunch又焗住要黎食，因為有朋自遠方來話想食。今日無乜人，隊都唔洗排，入到黎仲有位剩 ，原因係咩？openrice唔比人係度做過份失實既猜測咁話喎~Anyway，報導下啲態度先啦。態度唔會有改善，但有新野發生。侍應因為其中一枱客人取消了單，等這枱客人埋單，離開後，口裡不停說：食"S"啦！取消單，食"S"啦！催催催！咁多食客仲食緊野，講呢啲。遞餐同收碟都係繼續晦晦氣氣，啲單近乎係飛比你，好似好燥底咁喎！不過唔緊要，希望你們會繼續係咁啦，咁我先可以再上黎差評架嘛我覺得黎幫襯呢間野，態度再差我都無所謂了，咪食親都上黎差評下，當報導下佢啲態度差既新聞囉，都幾有趣啊！食物果啲相就唔影喇，因為食來食去都係果幾味，而叉燒包好似越來越咸囉環境一般啦，啲碟掟去個收碟車度掟得好大力，都幾嘈架咁啱我果坐張櫈有啲食物係上面，好明顯係將枱上面啲垃圾掃左落張櫈度，各位坐之前要睇清楚喇

My favourite spot for dim sum whenever I'm in Hong Kong! Fast tasty food that will fill you up for the day!! The pork buns are to die for!!

給負分，主要是因為態度奇差。平心而論，食物不是難食。不止光顧一次，但每次都沒改善，全間店的職員的態度都不好，不要說什麼服務了，就說態度已是負分了。所有收銀的大姐黑口黑面(光顧多次，分別見過2個阿姐收銀，黑衫男侍應有時都會收銀，但態度也不好)，問她們問題好像你好礙事一樣，講真，如果真是覺得這麼辛苦你，不如別做了。這次我是買外賣的，那個侍應很勞氣地搶你的單，差點就被紙割到手了，有必要這樣嗎？如果不是放飯時間不長，我寧願走遠些，去光顧別間點心店。(不便在這裡幫人賣廣告，就暗示一下，是個數字的店)被米芝蓮轆過，大家想試也可以去試，但態度實在不敢恭維，人家店大欺客，我自己是不會再光顧了。給大家一個參考吧。