添好運點心專門店 (已搬遷) 新店位置

一間小店被評為「米芝蓮」級，好奇驅使要去試試。位於旺角總店之添好運，真係嚇人，門口積聚成班人，攞了籌，等入去食既時間同去急症室相若，無兩個鐘真係唔駛止意排到你；門口阿姐做到鬧人。我攞完籌去附近掃小吃，食臭豆腐，飲貢茶，食壽司再行街消磨時間，返轉頭比一間雜誌訪問點解來添好運，如是者過一個鐘有多都未到，頂唔順轉外賣就亦去了半小時；攞到外賣飛的返屋企試：招牌酥皮焗叉燒包：醬汁無傳說之濃香，汁份量不足，叉燒量少；咸水角：真係食唔出有乜特別黃沙豬潤腸：豬潤太薄太碎，無口感，味道尚可；潮州粉果及牛肉球，普通過普通；鮮菰棉花雞：雞算滑，不過食到最後竟發現有一小曱曱腳，真係驚嚇！比較好係杞子桂花榚：清香好味！用大眾化既價錢，只能說比返大眾化既水準，我心目中既「米芝蓮」級不是這個水評，我去開既４、５間中價酒家點心質素，絕不亞於添好運；算是到此一遊，嚐到所謂「米芝蓮」一星級食肆！

今日放假, 特地慕名而來。遠處已經見到門口有好多人圍住, 可惜遲遲未有服務生出黎派籌...終於有人喇!!原本話要等2個鐘先有位, 但個服務生係咁勤d人去深水埗間分間, 所以我地既等位時間由2個鐘縮短到3個字入到去, 衛生環境算唔錯, ok乾淨。我地一共叫左6樣點心: 馬拉糕: 非常鬆軟, 又唔會太甜 窩蛋牛肉飯: 一般, 冇乜味, 牛肉係牛肉球既牛肉 酥皮焗叉燒包: 不得不試!!! 欣賞佢既叉燒一D都唔肥, 不過食一個已經好"濟" 蝦腸: 一般, 冇乜特別, 可以唔叫 棉花雞: 一般, 冇乜特別, 可以唔叫 燒賣: 唔錯, 可以一試

很少經過這店，但每次經過，也看到很多人，令我也想試試。雖然天氣頗熱，與朋友也禁不住忍耐著等候的辛苦，嚐試一下，但最後也決定點外賣。一共等了約40分鐘，終於拿到想吃的酥皮焗叉燒包（$17）、煎臘味蘿蔔糕（$12）及晶瑩鮮蝦餃（$24）。找個地方坐了下來，馬上試試即點即製的美味。 酥皮包層不油鬆脆亦香，叉燒餡味道剛好，肉做得軟而不肥膩。蘿蔔糕有很香蘿蔔味，與臘味味道平衡恰當，一吃便知料很足，鬆軟美味。蝦餃是我前所未有所吃的有很多蝦肉，新鮮肉嫩；餃皮有一定厚度，但做得亦軟，不錯。整體而言，是次所吃的每個點心亦用心製作，味道亦很好。能抵得住等候的話，也應該試試吧。

６／６／２０１２同母親在ＭＫ，　晚餐時間唔知食咩好，　想想去試吓運氣，　如果唔洗等太耐的話，　就食添好運啦。８：００ＰＭ，　我地２個人，　大約等４張枱。食物：莧菜餃：個皮比較乾，　麻麻地。鳳爪：４件，　好入味，　ＯＫ。馬拉糕：新鮮，　甜甜地，　鬆化　，　好味。酥皮叉燒包：新鮮，　熱騰騰的，　外脆皮、內有濃汁的叉燒（唔肥）。。好味。本來仲有叫炒麵，　不過無哂，　所以轉叫：叉燒腸：腸粉皮夠薄，　都ＯＫ多叉燒，　好味。環境：好迫。衛生：唔多衛生。ｓｅｒｖｉｃｅ，　叫做好咗　（除咗收銀那位女士），　其中一位男侍應好好口，　又ｒｅｆｉｌｌ水快。Ｐ。Ｓ。等位期間，　見門口貼住，　好似北角會開店。

Tim Ho Wan, the Dim-Sum SpecialistsA cheap Michelin 1-star restaurant, flaunting that their Dim Sum are freshly steamed only when you ordered them.Kwong Wa Street, Mong Kok — a hot spot belonging to our RC racing car fanatic. Each time when I was here, I will think of the secret behind this little restaurant’s successful, why many local people and tourists like it. But the queue is always crazy… so I would not try to get inside~.~Today was also the same as before, frightened by the queue. But I

若不是太太的光顧意願好像蠻強烈的話，小弟應是永不會再到這間名聞中外的米芝蓮點心小店吧....從她還是寂寂無名，到後來成為星級名食肆，要排成粒鐘才能進店食它一兩籠點心的時候，自己已先後幫襯過很多次。現在由於這小店所帶起的點心專賣店熱潮仍是方興來艾，坊間的選擇自不然多了很多。以小弟那種心多多的喜歡試新嘢的性格，除非那間點心店是着極出色的水準，不然的話要"翻兜"的情況可說是絕無僅有。這龍頭點心小店始祖，在自己多年的覓食經驗來講，已屬異數....這裡開業都差不多有好幾年吧，印象中記得人龍是從來沒有減少過 (只依稀記起只有在剛開業時還未有人得悉此店的老闆乃龍景軒之大厨的時候，是仍可以很輕易就找到位)。是夜隔了好一陣子後再來，仍需等二十分鐘才能就坐....侍者安排了一個近廚房出菜的位置。猛然醒起了這便是上次我倆坐的地方。數數手指，都已有兩年多了....在這裡，有好幾款東西是必然要叫的。很多人會說是酥皮焗义燒包，也有些人會說是煎蘿蔔糕，不過小弟的其一心水卻是這裡的糯米雞 ---- size不僅夠大隻而且夠足料，糯米不過濕還剩餘少許咬口；雞肉不是如其他地方的只給一小只瘦掹掹的雞翼而是一件脾的部位，十分

今日放假, 就同女朋友一齊去呢間飲下茶, 睇下係唔係真係咁好食~我地9:45 去到, 都已經好多人, 結果10點拎完籌都要等一個鐘先有得入去食, 不過冇所謂啦, 等咪等~11點入去食啦, 由於係入門口前已經點好曬要食d乜, 所以d 野食都黎得好快~第一個就黎呢樣!!!!!酥皮叉燒包!!!!好好食好似食菠蘿叉燒包!!!!!正!!!!!!!外表係酥脆的!!!!!蘿蔔糕都好滑好軟~腸粉就一般, 冇乜味, 唔係太香口馬拉糕熱辣辣, 好鬆軟!!!!蝦餃雖則同出面好似冇乜分別, 但我個人覺得就好彈牙奶皇包入面d奶皇好香~佢應該試整流沙奶皇包~腐皮卷有「九」王係入面, 好脆口糯米雞就好大隻!雖則料就差少少, 但整體都ok食左咁多野連$2/人的茶錢都係$13x, 幾抵食~一定會再黎食多幾次。食緊野個陣, 見到老闆周圍走, 又教人點食蘿蔔糕/燒賣先係最好食, 又幫手執下位咁, 感覺上真係好nice, 連我自己跌左隻筷子落地...我想搵人黎換時, 佢地已經聽到跌野落地的聲音, 跟住即刻拎新一對黎~今次我地都覺得服務真係幾好~

果日收工唔知食咩好,上一上openrice旺角區睇睇,見到佢排係頭幾位仲列入米芝蓮,又大眾化價錢,就決定去試下.果晚去到都差唔多9點,等左位15-20分鐘就入到去,坐低即該叫野食.有:酥皮焗叉燒包,叉燒腸,古法糯米雞,咸水角,鳳爪,蝦餃,燒賣,粉果.其實咁多樣除左個叉炖包真係好特別之外,其他我覺得去茶樓會好食好多.叉燒腸不過不失,糯米雞太普通完全無荷葉香,咸水角淡而無味只有油,鳳爪無味,蝦餃同叮叮即食無分別,燒賣一般.只可以講試過一次唔會再尼!

很久以前已經想試,但礙於永遠它的門外都堆着一群人每次都令我卻步. 一天在旺角過夜,終於"的起"心肝要試試...十一點幾十二點鍾到達原來是攞籌制的,那就簡單了,取籌後回樓上抖抖兩小時後再回來...一小時四十五分後已過了幾個籌所以要再等了約＋分鍾再安排坐位. 為了一入坐可早些品嘗美食,在等位其間已先取了點心紙下單.古法糯米雞,不知它有幾古法,但真的好味又多料!酥皮焗叉燒包,正到爆!每枱必點!熱辣辣酥皮又香脆. 好想再encall...春卷就略嫌不夠脆陳皮牛肉球,吃不到陳皮味但是冧冧的,老公十分喜歡.叉燒腸雖然份量少少勝在皮夠薄又夠滑.蝦蛟一般沒什麼特別雖然店輔小小坐得很迫,但是依然值得. 另外還設外賣,那下次我就不用等不用迫而可隨時嘗到美食了!

食品雖然好，但員工態度差。旺角店食過幾次，有水準。但係員工態度越來越差！今日去到，同門口櫃檯個阿叔講要兩位，佢一句＂兩位聽日 la" 。駛唔駛咁串呀。唔好意思都冇句，真係好冇禮貌。服務咁樣，幾多粒星都冇用。

昨天老公話想食呢間, 我地都好耐無黎啦, 之前食過好食, 但有一次叫了蒸飯外賣, 真的不好食, 飯又唔好食, 餸又唔好食, 自此想食點心都到太子啦, 在大圍食過雞飯就黎呢度食, 我地大約5:30拿號碼, 當時問口都有十多人等, 以為要等好多個號碼, 但只等10個號碼, 我地以為好快啦, 在家樂行15 min返去, 睇下多少號碼, 但原來未有人埋單, 未叫過枱, 於是我地再行一陣, 佢隔20 min先叫一兩張枱入座, 我地差唔多6:30才有枱, 原來10個號碼都要等咁耐架我地叫了菠蘿叉燒飽, 鳳爪, 排骨, 牛肉腸和鱆魚肉餅飯, 等了5 min, 叉燒飽到了, 很好食, 但好似不同以前的菠蘿皮, 以是墨西哥皮, 叉燒是熱的, 飯就一般吧, 肉餅麻麻, 牛肉腸很好, 皮薄, 牛肉料豐富, 又芫茜的香味, 鳳爪, 排骨, 很細碟, 鳳爪好似得4隻, 排骨只是10件8件細細的排骨, 大致都係腸粉最好

之前已經想幫襯呢間米芝蓮一星既點心店,今日終於去左試一試5點半拎排隊飛, 等左10幾分鐘就有位點左幾樣比較大路既點心:叉燒腸粉, 煎蘿蔔糕, 蝦餃, 奶黃包, 山竹牛肉, 桂花糕食完之後追加左一籠燒賣叉燒腸粉腸粉尚算滑溜, 但份量徧少煎蘿蔔糕粉太多, 蘿蔔太少, 煎得唔夠香脆蝦餃可能係太晏先去, d蝦一d都唔爽脆奶黃包奶黃包倒是不錯, 甜味剛剛好, 不錯山竹牛肉牛肉都算不錯, 好少粉, 啖啖肉桂花糕太甜! 甜味完全蓋過桂花既清香燒賣普普通通, 一般貨色其實佢只係一間好普通既點心店,出門口時既感覺是:「原來咁樣就係一星, 咁一星唔係好難拎啫」可能老外既口味同我唔同啦,但我真係覺得冇咩特別.我同朋友都認為:「佢唔算難食, 但我食過更好食既」應該係因為米芝蓮既關係, 都幾多外國人黎幫襯有英文點心紙, 都算幾貼心但佢既服務真係麻麻旁邊果枱追加左order幾次,個侍應阿姐即刻就話佢地,「點解唔用點心紙一次過叫晒」咁多外國遊客會幫襯, 咁既服務態度, 真係有少少影響到香港既形象總結: 未去過既人可以一試, 但你唔會有太大驚喜

一心諗住襯有時間去試下依間得獎熱店點知一去到成羣人係出面等緊咁去到無理由唔等嫁，點知一等就成個鐘，真係由有時間變無時間入到去之後一睇，原來間野好細間，怪唔得同埋有一樣野要提，我覺得幾搞笑的，係真心搞笑門口個呀姐係出面派飛個樣係凶神惡殺咁但一等完位入番去見佢就笑容滿面，態度好到爆我一見到佢個樣都笑左出黎好啦講番野食我都叫左好多款野食下，不過其中三樣係覺得特別正第一樣係咸水角，個皮碎中帶軟，熱度適中，入面d料又唔會多到爆曬出黎，同埋個味道又岩岩好！正！第二樣就係傳說中既酥皮焗叉燒包可能我中意食波羅包，我覺得依款野超好食，食完再order，total order左三次第三樣係蘿蔔糕，大家可能估唔到不過蘿蔔糕其實好難整得好味好多節日食個d都覺得太粉，反而依個就有好多蘿蔔絲，好唔錯！

皮滑，牛肉唔老唔夠鬆~甜左D蝦唔係好爽，皮唔Q皮唔脆，唔夠火喉，又冇平時甜甜的味道個餡味道都好怪，好似叉燒包O既餡咁...好咸OK，但唔特別

這家店子摘下米豬連一星，一直想慕名來試試，可是被門外的人潮嚇怕了。晚上六時左右到達，出乎意料地只等了十分鐘，友善的老闆就安排我們入座了。店內很多說國語的內地遊客，看來成為了旅客必試的食店啊。雖然環境狹窄，必然搭檯，但食物水準沒有令人失望，全是即叫即蒸。蝦餃：新鮮 juciy，真的皮薄餡靚。馬拉糕：非常鬆軟，極香甜，密度高一點就更好。皮蛋瘦肉粥：粥底棉棉的，皮蛋瘦肉的份量很多。豬潤腸粉：腸粉皮超滑啊，豬潤切成小片的。酥皮焗叉燒包：這裡的名物，男朋友讚不絕口！超鬆化的外層，內裡是熱辣辣的蜜汁叉燒。春卷：卜卜脆，餡料是密麻麻的，香口小吃。木瓜燉雪耳：超‧足‧料，木瓜雪耳的份量極多，在冬天好滋潤呢。米豬連一星絕對不是浪得虛名，難得男朋友說要再來 encore