深記海南粉

深記海南粉所有材料都是原產地寄出的，豬雜撈海南粉，獨一無二。不是周圍都有得食，D荀特別香。海南雞皮薄肉滑，有雞香味，再用雞油煮白飯，讓我特別有胃口食多碗，我是特意從九龍來元朗食這碗粉。…查看更多

Social Media見到有人推介位於元朗既深記海南粉，提供正宗的海南雞飯，仲大讚極好食又性價比高，所以專登入元朗一試。這裡的油飯雖然不算特別油膩，但卻香氣四溢，口感滑嫩，每一口油飯搭配上海南雞，更是絕配～雞肉滑嫩多汁，肉質鮮美。每片雞肉都保持著原汁原味，讓人不禁想多點幾碗飯。我好快就已經食完一碗飯❤️❤️❤️薑蔥的香味恰到好處，既不搶走雞肉的鮮味，又能提升整體的味覺享受。$52唔收加一黎講，依間真係好抵食🥺如果下次再入元朗～都會去食依間…查看更多

呢間海南雞 同 胡椒豬雜真係出色，住係朗屏同元朗廣場附近應該都會知呢間店都係經朋友帶先知呢間咁出色，佢係地道平民價小店，所以衛生同服務質素都好難要求得高，如果豬雜/雞部位有咩唔食或者海南雞有啲咩特別部位要求店員落單前會盡量滿足但唔係有求必應，算係一間好良心嘅食店！海南雞湯米線$52海南雞真係好有特色，雞肉很滑而且份量都好多湯底都好濃郁，唔剩係得上湯咁簡單，海南雞配埋米線食落好順滑，而且雞皮唔會話太厚好油需係好爽個隻，記得配埋佢黃辣椒勁好食！豬雜湯米線$50湯底有啲似胡椒豬肚湯只係配上豬雜，豬心比較多，唔食嘅朋友記得落單請要講聲，估唔到豬雜湯配米線係咁夾！…查看更多

一間開業多年的小店，講究的不是什麼裝修綽頭，而是一種簡單的美味。一碟深記海南雞飯配上一碗豬雜湯，就係我每次來深記既組合。今日好好彩比左雞脾我，雞皮爽滑雞肉嫩口，加葱油又得，點啲辣汁又得，一啖雞肉一啖雞油飯，真係幾多都唔夠。個雞油飯望上去帶有微微的黃色，飯粒煮得啱啱好，有咬勁之餘充滿油香。絕對唔可以漏左碗豬雜湯，個湯鮮甜搭上啱啱好既胡椒味，飲完一啖又一啖，入面既豬雜仲好足料，差唔多成碗都係，而且洗得好乾淨，一啲苦澀味都無，一碗湯好快就見底。人均都係70蚊左右，真係抵食。…查看更多

住元朗區既人應該無咩邊個唔識深記海南粉，一間細細間又少位既小店，經過多年屹立不倒，靠的都係用味道同質素嚟留住客人，平時我多數都係為左食海南雞飯，但最近試過佢地既胡椒豬雜湯飯驚為天人，帶有恰到好處胡椒既辛辣就咁飲湯已非常美味，湯亦做到非常清澈又夠味，豬雜煮得夠淋粉腸又無咩苦澀味，加上開胃既酸菜同幼身芽菜都配合得好好，飯依然係用上香口既油飯，最近既首選都係依款海南雞飯依然保持水準，雞算叫做頗為繳滑了，亦有佢地自己既signature味道多年都無太大轉變，不過印像中係有跟一碗湯，但最近兩次都無比到，唔知係漏左定係改左無跟湯，食海南雞飯好多時都係為左嗰一口簡單又夠味既雞湯…查看更多