6
0
0
港鐵銅鑼灣站 C 出口, 步行約4分鐘 繼續閱讀
電話號碼
3705 2556
營業時間
今日營業
11:30-14:30
18:00-03:00
星期一至日
11:30-14:30
18:00-03:00
付款方式
現金
食評 (11)
等級1 2017-05-14
294 瀏覽
地點方便,響銅鑼灣行陣街就可以行話去食飯。食材新鮮,而且選擇幾多,海鮮、肉、蔬菜樣樣都有!舖頭裝潢幾靚,唔迫,好坐,店員又會細心講解要點燒會好食d。有d近門口既位,揸車既朋友可以望到架車。短時間內已經去左兩次,第一次有粒蜆唔開,老闆(?)於是換左隻比我地。個人覺得幾適合2-4個人去慢慢燒下野食、傾下計。對上一次去佢地未拎到酒牌,之後有埋酒牌就可以邊嘆啤酒/Sake,邊燒,一定會更正。絕對會去第三次。 繼續閱讀
(以上食評乃用戶個人意見 , 並不代表OpenRice之觀點。)
等級3 2017-04-12
417 瀏覽
每次接埋男朋友收工一大班人想食番個宵夜都R爆頭 來來去去都系果d悶到爆 突然有人 諗起呢間串燒店 就即管去試試 駁下睇下有冇得食啦 結果今日就連個天都要得做吃貨地方較細似居酒屋咁 由於餐廳仲未有酒牌 所以我地唯有自來酒 食物約有4/5x款 更有幾款海鮮做緊半價海鮮都好新鮮 店長仲拎左兜 百搭蒜蓉。扇貝 個裙邊吾會un 吾驚食到會痴牙。聖子 可能我地燒太耐有某d位難咬 其他都系爽既。鮑魚 吾系街市$10隻果d 都算大隻 燒熟過後 外面小小乾身但咬落去中間軟軟地 好有鮑魚既鮮味。燒吊桶 開初仲以為系細細舊果d 點知系原條燒燒完仲要剪 正另外既就吾以配鹽 同辣蒜 同沙嗲醬。免治雞肉棒 系出面嗌貨既一般都系好實冇質感可言 但呢度可以食到雞肉soft 果一面之餘有雞軟骨咬口 。黑豚露筍卷 始終自己吾系pro黑豚既油脂較多到下子就搶火 黑豚就痴住個網我地系食中間個露筍為主。雞泡魚乾 平時就一定系廚房整埋拎出黎做助酒小食 但自己燒都吾難 因為本身就已經系熟既 燒番熱同燒脆小小就可以即食。西班牙黑毛豬 本人系極度吾好黑毛豬 因為肉太柴太鞋 唯鐘意豬味較濃既必食。日本和牛 根據個人喜好而燒幾熟 好香油脂又嫩 但不宜食太多 好濟。芝士年糕 不 得 了 外脆內芝味濃 好香軟。牛舌 厚薄岩岩好 好爽 。燒雞皮 唯一吾建議點 因為我地吾系大師傅 燒吾到脆既雞皮 服務好好 有幫我地手燒 又有提點我地點燒同熟左未 我地爛尾都冇黑面冇趕我地走 仲系咁叫我地慢慢 抵讚 繼續閱讀
(以上食評乃用戶個人意見 , 並不代表OpenRice之觀點。)
等級1 2017-04-09
243 瀏覽
有次去開tony wong買野,發現佢隔離有間燒烤店 所以就揾左日同D朋友去燒下。我地5個人 叫佢比門口2張台我地想坐門口好似正DD野食都好好 海鮮新鮮 環境都唔錯全部野自己燒,同fd吹下水 食下野 非常唔錯我覺得最正係可推介有幾款鵝肝雞翼,牛肩甲,年糕盒子,牛舌,蟹蓋呢幾款我最鐘意 尤其係個雞翼鵝肝 真係好食到 停唔到口走個陣店長同我地介紹話黎緊會有套餐推出 叫我地可以去支持下 ,所以黎緊既朋友聚會都唔諗啦 就呢度啦,哈哈 繼續閱讀
(以上食評乃用戶個人意見 , 並不代表OpenRice之觀點。)
等級2 2017-04-08
242 瀏覽
零晨時候灣仔,通常宵夜火窩,粥粉麵飯, 今天行過,聞到好香的燒物味,入去試下.唔係好大間, 但坐位都闊落, 爐就係用日本GAS BBQ爐. 老板介紹招牌菜, 用料都唔孤寒, 材料冇調味, 係會另有幾樽比你煮時加, 又可以依自己鍾意及保持食物既天然味.D蜆係個碟度開合, 老板見我地唔係好知點燒, 會主動黎教, 煮到少少乾身, 就會喞D日本清酒, D蜆肉好肥, 有酒香, 正。蟹蓋煮緊時,簡直係口水流, LIKE蟹人一定要試.辣酒螺上爐時只有一半汁, 老闆加清酒,滾時超香,唯一個螺肉較為細粒, 但之後食晒會落個麵, 吸晒汁,回味到可補回螺肉既失分最後有個燒飯團, 燒到焦焦地, 用比埋個D紙菜, 又香又脆仲有好多選擇, 但食唔到咁多,我地食完攬住個肚走。 繼續閱讀
(以上食評乃用戶個人意見 , 並不代表OpenRice之觀點。)
等級1 2017-04-04
171 瀏覽
個日行開經過呢間野、見佢裝修都幾靚跟住同幾個同事入去試下、估唔到啲野咁好食👍🏻正、即叫即炒有水準唔馬虎😋價錢銅鑼灣區黎講可以接受。宜家啲同事日日落去變左飯堂咁😂真心推介一下另外佢夜晚係做港式串燒、搵晚收工綯埋成班去啤啤佢先🤗 繼續閱讀
(以上食評乃用戶個人意見 , 並不代表OpenRice之觀點。)