深燒烤魚 (已結業)

劣食之最之前post左唔知點解唔見左個post 堅持要post 公諸於世用餐時間17/12/22 7點半左右同朋友行過見好似唔錯 坐左入去 當時有一枱 佢地話老闆娘行開左 我地照坐等 之後order完 全間店得兩枱 但都等左半個鐘 之後烤魚同啲飯到左 啲飯勁重膠味懷疑係微波爐叮叮飯 我同老闆娘講 佢態度即刻變差 話d飯係係隔離其他店買番黎 唔明咩叫有膠味 然後開始大罵問我想點 情緒好唔穩定 果刻我就知大獲 今次踩哂坑..之後轉烏冬 18蚊一個 quality係果d最cheap既質素 開始食d魚 叫左個烤魚但條魚絕對唔係烤魚 條魚無乜肉 又腥腥地 成餐400幾 食完好似無食過野甘 唯有之後去左m記 唯一可以話最正常既就係支可樂 呢個故事教訓唔好係行亂入舖頭食野 星期六8點入面本身得一枱都應該出出地事 總結：我同朋友一致認同呢間係係香港食過最難食 最無性價比 唯一真係大罵小客既餐廳 沒有之一

本身個人鍾意食燒烤 行過經過見有檔野食燒烤入去試下 叫左燒蠔 燒茄子 燒雞脾菇 燒一字骨雞翼 同埋有個叫做雞肉軟骨 再叫多支啤酒其實食燒烤一定要叫啤酒發覺依間既燒烤唔錯 食落覺得個廚好有心機 燒蠔加上蒜蓉真係好好味 蠔又夠肥美同埋鮮甜 燒茄子原條大大條 最令我意外既係果串雞肉軟骨 口感好特別 唔同雞軟骨 再加上燒汁 真係送酒一流 一字骨雞翼真係睇到廚師手工一流 好有心機 自問小弟好鍾意食雞翼 唔似食普通雞翼咁麻煩 同埋間舖唔只有燒烤食 仲有雞煲同烤魚 老板又好人 都一邊食一邊吹水 下次同啲朋友再黎試下個雞煲同埋烤魚