影片
🤤🤤開心星期五來到呢一間很有特色的Cafe，簡簡單單的裝修，已知道很喜歡寵物，店內的坐墊都是貓的擺設來設計，而且門外亦歡迎寵物一同進食😆😆首先一講，店舖真是十分優惠， Cafe好少有套餐，全日只需要嗌一款主食，就可以加$20有一杯飲品，再加$28就有一款甜品👍🏻另外下午茶時段，只需要叫任何飲品，加$28就可以有一款甜品😲主食方面🍱日式咖喱蛋包飯配草字牛肉眼 150g 首先肉眼煎得非常好，咬落去不但只有牛肉味，而且肉質豐富，一食就知不是用普通牛，而且咖喱汁亦很濃郁，即使配菜的薯仔，亦是先處理過，食落去與眾不同，十分高質🤤🍱蕃茄魚湯烏冬配雞扒雞扒煎得剛剛好，值得讚讚賞是蕃茄魚湯真是非常出色，是自家製作，飲得出完全沒有味精，而且很濃郁的魚湯味道👍🏻🍵牛油果乳酪奶昔牛油果是新鮮打造，不但奶昔十分香滑，而且又濃濃牛油果的香味🍵凍抹茶牛奶香香的抹茶味加上濃郁的牛奶，與出邊只用返死甜的抹茶牛奶完全不同🍰法式焦糖奶油布甸香濃的蛋味，配上面頭脆卜卜的焦糖整體來講這間Cafe 很高質，雖然位置並不是近地鐵站，但食得出所有食材都很新鮮，而且很高質，價錢亦很合理，包括全日都有餐可選擇，我必定會再來試以及推介！
繼續閱讀
𠽌𠽌🙀@syut__syut身邊有冇朋友聽到Cafe就不了🤡貴又份量少、樣樣散叫、最低消費一杯飲品、限時趕人、打卡得個樣唔好食、地點隱世偏僻呢啲缺點一樣都搵唔到❌ 食物即叫即整，加$20有飲品，加$28有甜品，貪心啲加晒兩樣都得，連加一都唔洗…🥶木系暖色為主調，配上家庭式經營嘅溫度🧑🧑🧒🧒 不同品種嘅貓pat pat 坐墊🐈 治癒感滿分。牆邊有書、有boardgame📚 室外位置仲可以帶埋毛孩一齊chill🐕🦺蕃茄魚湯烏冬 配香煎三文魚 🍜帶蕃茄香嘅魚湯好有住家湯feel👵🏻 豆腐、菠菜、蕃茄同芫荽，驚喜有營養⛑️ 分開上嘅煎三文魚，完全保留住皮脆肉嫩嘅口感🐟牛油果燒雞片三文治 配沙律菜及薯條🥪酸種麵包烘到脆脆地，牛油果滑溜🥑 燒雞肉嫩滑，令三文治疊得高高🏯 配上沙律菜同粗身薯條，好滿足🍟蘑菇忌廉湯 配酸種麵包🍄🟫蘑菇大爆發💥 蘑菇粒粒都咬到口感，唔係靠精華/粉沖出嚟。餐包一啲都唔hea係酸種🥲 加牛油又烘過，點落湯更軟熟🥖紅火龍果乳酪奶昔🥛雖然yogurt冇加購優惠🥹 但飲落就知係真材實料，入口豐盈綿密，同加水果汁smoothie完全冇得比💦 搶眼嘅桃紅色賣相💓 啖啖都係紅肉火龍果嘅天然甜香，消暑解渴🌞熱玫瑰白茶🌹古典feel茶杯，茶色清澈，玫瑰味淡淡地滲出嚟🫖留肚食甜品係必須！比好多甜品店更有水準😱黑芝麻意式奶凍 ⚫️養生系列。震揗揗咁入口🫨 最黑嘅頂層帶起沙嘅感覺，芝麻香氣伴隨奶香🍼菠蘿焦糖燉蛋 🍮少見有菠蘿味🍍 焦糖面薄脆，配上小心機嘅水果，甜中帶清新🫐呢到嘅性價比完全係擊破對Cafe一般嘅偏見🥹
繼續閱讀
又嚟到周五晚可以同老婆出嚟食飯鬆一鬆，我哋嘅工作唔算忙，不過，周五先出街食感覺特別輕鬆啲。最近，咖啡友推薦我哋試吓呢一家以貓為主題嘅咖啡店「𠽌𠽌」，讚其環境舒服，餐點製作用心。一入夜呢截街就好靜吓，但正正咁，更突出店舖嘅存在。未入餐廳，單喺門口已好有一股文青風，原來門口位喺專俾帶有毛孩嘅客人，呢個安排幾好。走進餐廳內，就會明顯知佢喺間以貓做主題嘅咖啡店，牆上嘅擺設，櫈上嘅坐墊，都喺貓貓元素。而一室簡約日系予人感覺喺小清新，枱櫈嘅編排又唔密，加上今晚客人唔算多，閒逸舒適。開放式廚房，除咗睇到店主做菜之外，做菜時香氣四溢，未食已被香氣所吸引呀！而廚房尾位，放齊好多調味料、紙巾、水杯、清水……等等，自由取用。落單模式喺先晌門口收銀位落下單，再等食物送上，至於俾錢，下單時俾埋又得，食完先一次過俾亦得。而食物嘅種類，以貴精不貴多為路線，種類包括全日早餐、沙律、三文治、湯烏冬、意大利麵、日式咖喱蛋包飯、甜品及各式飲品，可謂麻雀雖小，五臟俱全。不得不提，飲品、甜品皆有加配優惠。All Day Breakfast $118大多時候，啲成品跟餐牌嘅相片都有好大出入，但先讚一讚店家，你晌餐牌見到嘅，跟送到上枱嘅，近乎一模樣，而餐牌亦標明有忌廉芝士酸種麵包、黑松露炒蛋、牛油果、香煎雞扒、沙律、希臘乳酪，絕無欺場。睇樣你可能會話：唓！咪都喺嗰啲，識食嘅話就會食出到分野。件酸種包口感好夠煙韌，較特別喺個皮脆口得嚟唔會好硬，事後同店主交流先知，啲包喺煎過，唔喺用翻焗；炒蛋有好強黑松露香，落得一啲無手緊，牛油果、乳酪都喺超級食物，夠晒健康，後者更加咗少少蜜糖同果仁，令味道同口感更豐富；雞扒亦有意外驚喜，皮下脂肪極少，煎到個皮勁脆，真喺有種食燒肉嘅感覺。煙三文魚日式咖喱蛋包飯 $108本來就好想試草飼牛肉眼嘅蛋包飯，可惜無貨，但三文魚我都啱嘅。唔喺講笑，件三文魚好大件，而且，煎得甘金，除咗啲肉好嫩滑、好油潤之外，層皮煎到脆卜卜，店主話佢哋喺用冰鮮貨，唔喺雪死晒嗰啲雪藏貨，啲點就顯示誠意。蛋包飯方面煎成旋風形蛋皮包住啲飯，配上好多野菜，啲野菜亦炒過嚟，調上味，唔喺白烚，香口好多，再加上帶甜味嘅日式咖喱，撈飯真一流。菠蘿焦糖燉蛋 +$28原價四十幾蚊嘅甜品，依家加$28就有，再者，小弟嗜甜，無理由唔試囉。法式焦糖燉蛋食得多，加入菠蘿咪都喺第一次，估唔到都幾夾，有驚喜喎，既有蛋香，亦滲出陣陣菠蘿嘅清甜，口感亦好柔滑，此外，面層嘅焦糖做得又薄又脆，有水準。朱古力巴斯克芝士餅 +$28原本另一客甜品試試奶凍，不過，知道今日嘅芝士蛋糕喺朱古力巴斯克芝士餅（每日口味唔同），老婆就最鍾意朱古力，當然要試佢。一身全黑，餅面烘得焦黑，篤一小口試試，好濃郁嘅朱古力味，而質感夠挺而軟滑，襯咖啡真喺一流。朱古力 +$20飲品嘅加配優惠就只需加$20即可（除生果乳酪奶昔系列，需正價），等同半價享用。都話老婆鍾情朱古力，所以，佢都喺揀熱朱古力。杯朱古力賣相好靚，拉花精緻，始終都加咗奶泡嚟拉花，奶味有番咁上下重，但不失朱古力香，口感順滑。鮮奶咖啡 +$20講到襯甜品，小弟都喺鍾情鮮奶咖啡，除咗表面非常之平滑之外，拉花亦幾唔錯。但重點都喺要好飲，的確沖泡得好唔錯，咖啡嘅香味醇厚芳香，口感細膩，奶泡跟咖啡撞得均勻，好飲。用餐完，店主都會走過嚟問問啲食物點，簡單交流吓，知道佢哋真喺做菜好有誠意，而且，親切有禮，招呼好，晌度食飯唔止喺味道，待客仲有一份溫度。下次再嚟，一定要試試佢哋嘅蕃茄魚湯烏冬，喺店主嘅真心推介。
繼續閱讀
最近搵左一間好舒服既cafe☕️🌿cafe新開張🖇️位於深水埗基隆街📍店內環境好休閒舒適，行簡約木系風格🪵裡面播放住好輕鬆抒情既音樂，聽住聽住就放鬆左😌另外仲有戶外座位，好有日系feel，幾chill☁️係Pet-friendly架，可以帶埋小動物黎嘆下咖啡☕️❥ 明太子煙肉蘑菇忌廉汁意粉 $98意粉掛滿忌廉汁，夠晒creamy💕明太子既咸味同鮮味融入意粉之中，好香口✨🍝煙肉和蘑菇份量都幾多，食落有咬口，令成碟意粉更有風味☺️❥ 日式咖喱雞扒蛋包飯 $88超級推介蛋包飯💛份量超大✨蛋食落軟嫩滑口，撈埋米飯好正🍚雞扒外皮微脆，內裡肉質好嫩！配上濃郁既日式咖喱，米飯吸收左咖喱的香氣，食落去好滿足🥰❥ 薄荷特飲 +$20好refreshing，解喝🌿好啱夏天飲用👍🏻❥ 泡沫咖啡 +$20咖啡香濃滑順～泡沫輕盈，飲落去好有層次感🙌🏻❥ 菠蘿焦糖燉蛋 $28口感滑嫩，菠蘿既酸甜味道搭配焦糖🍍～面頭仲有層薄薄既焦糖面～甜而不膩💕❥ 黑芝麻意式奶凍 +$28有驚嘉❤️🔥黑芝麻香氣濃郁😍🖤奶凍香綿軟滑，口感獨特！知唔到黑芝麻同奶凍味道咁夾☺️
繼續閱讀
話說其實我每個星期都會去一次深水埗做頭嘅treatment，塊面要護膚，頭皮同頭髮都要🤣 今日係附近發現咗一間用貓做主題嘅cafe，見佢嗰裝修好chill就去食嗰超豐富嘅午餐🤗 如果你有幸仲會見到基隆街金仔🐱 我哋瘋狂叫地嗌左兩嗰主食，兩個甜品同兩杯飲品🥤 埋單$352，甜品跟餐只係加$28，用呢個量嚟講都幾抵食😌 佢係先落單俾錢🤌🏻 甜品好細心會後上🩷蕃茄魚湯烏冬配雞扒 $88 - 佢嗰湯底都真係幾正，好濃郁，係店員推薦我食🤗 不過我覺得佢嗰雞扒反而有驚喜，佢送到嚟嗰陣勁香🩷明太子煙肉蘑菇忌廉汁意粉 $98 - 佢係真係煮，唔係求其落汁落去，幾好食😋 不過要等得耐少少🤏🏻牛角窩夫配雲呢拿雪糕 (跟餐價$28) - 用呢嗰價錢俾到呢個質素，超級平😍菠蘿焦糖燉蛋 (跟餐價$28) - 我未試過菠蘿味嘅焦糖燉蛋，好有驚喜，係師傅自己原創 ，佢同平時嗰啲燉蛋口感好唔同，好重菠蘿味芒果乳酪奶昔 $55 & 牛油果乳酪奶昔 $55 - 佢啲乳酪奶昔超棉，超正，又唔會覺得甜😍 呢個絕對值得encore‼️註: 佢餐廳外面嗰area可以帶寵物，帶🐶🐶嚟chill下啦
繼續閱讀