深味餃子

行過見呢間餃子店未試過，同埋見openrice個樣都唔差，就想試下💚雲耳椰菜湯餃 10隻 $48湯餃+3轉左肉碎湯，其實可以唔洗加，味精水，似公仔麵湯底，肉碎幾粒，餃子包得幾實，啲餡算滿🤍雲耳椰菜煎餃5隻配湯麵 $43煎餃同上，啲餡包得好實，味道唔會太咸，肉多。但係湯麵就失色，加$3轉左魚湯但係個湯非常淡，麵質就似上海麵，冇乜口感💚韭菜煎餃 10隻 $50 本身想叫黑松露芝士，但要加$44非常唔抵，最後要左韭菜。個人幾like呢款，韭菜同肉嘅比例都ok，煎得幾靚，皮脆得黎又唔會太油，賣相完整🤍蜜糖焗雞翼 $30估唔到雞翼都可以係難食，同其他朋友一致覺得味道奇怪，食得出佢表面係搽蜂蜜而非蜜糖，調味唔得，亦都係凍嘅👎🏻💚和風醬拌秋葵 $20秋葵都幾嫩，味道正常🤍麻辣豬肚絲 $30呢個係三個小食入面最好食嘅一款，麻辣汁惹味，豬肚食落爽口💚豆漿$6夠大杯，甜度適中剛剛好🤍蘋果雪梨茶$9唔知點解有陣酸梅湯嘅味😂同平時飲開果啲唔同，唔建議叫呢到都坐得舒服，亦都係自助電話落單。食餃子都ok，但就唔建議叫餃子以外嘅食品…查看更多

呢間餃子店私藏咗一段時間，今日決定公開佢！！佢係手機落單，老友記可能要同後生嘅朋友一齊去🤣.1️⃣10隻雲耳椰菜/芹菜豬肉餃 $55雲耳椰菜餃口感好爽脆，芹菜豬肉餃啲豬肉亦都好新鮮（佢啲豬肉比較粉紅色，亦因為咗試過有客投訴，店家所以貼左張紙喺啲膠板解釋呢個係佢地烹煮方法），魚湯飲完清甜，唔會太口渴，正！🍲.2️⃣10隻韭菜豬肉煎餃 $50食煎餃就係食佢個香口脆卜卜嘅口感，而呢間係超額完成！一上枱已經熱到辣嘴，餃子邊皮仲好脆，配埋佢自家製嘅辣菜甫真係好食到不得了！🤤.3️⃣惹味鵝腎片 $25鵝腎片喺一般餐廳可能比較少見，食落其實同雞腎差唔多，爽口。本身expect佢係譚仔小食嗰種食唔停口嘅惹味辣，但食落口隻辣椒油無乜料到😐甜味仲多啲…建議可以再整辣啲就真係惹味嘞。…查看更多

第一次係荃灣搵餃子食，近近地荃新天地就試吓~-💛 雙拼餃子 (10隻）💰57芫荽豬肉餃+雲耳椰菜豬肉餃 配肉碎湯 (好味道: 💛💛💛)肉碎湯有輕微香辣味，雖然幾香，但唔會特別想飲個湯。餃子🥟都算大隻，芫茜餃比雲耳椰菜出色，比較有香味同咬到芫茜嘅爽口感👍🏻 但反而雲耳椰菜就唔太食到口感🤔 口味清淡一點~-💛 韭菜豬肉餃 (6隻）配柴魚清湯 💰36 (好味道: 💛💛💛💛)柴魚湯只係紫菜湯咁解，咸咸地無咩特別。韭菜比想像中有驚喜！一咬見feel到好重韭菜😆 亦都好新鮮有口感👍🏻👍🏻 -💛白灼菜心 💰18 (好味道: 💛💛💛💛)幾貼心嘅位置係落單時有得揀煮淋一點👏🏻 本身係有醬料選，但男朋友話食菜要食原味，所以就走醬了😂 講翻菜心係新鮮的，大小適中，唔會太大條要咬好耐，而且食落無渣👌🏻-💛和風醬拌秋葵 💰22 (好味道: 💛💛💛💛)見好少地方有得叫秋葵，所以試試佢～份量有有十條左右，配上芝麻醬都幾好食的👌🏻 夠爽口，同埋係熱上，不是涼拌☝🏻-💛蘋果雪梨茶 💰9 (好味道: 💛💛💛💛)叫左冷熱各一杯，淺色啲個杯係凍，唔係加冰上去，而係雪櫃倒出嚟，所以唔會溝淡，不過真係幾凍下。推薦大家叫熱飲，因為佢唔係煲到好熱，只係啱啱好keep到入口嘅溫度👍🏻👍🏻 飲落好舒服-人均消費:💰76 (免加一）環境:💛💛💛服務:💛💛💛推薦:💛💛💛…查看更多

我叫咗外賣去拎 寫住14:29有得拎 我早咗到 14:23到左 跟住問佢有得拎未 佢趕我出出面等 態度好差 好似買外賣好cheap明明入面冇乜人 出面曬到痴線 都唔俾係入面等14:35拎到個外賣 之後走 行到一半個職員追上嚟 話比錯咗我 又冇解釋 明明袋外賣寫我個名佢轉身就拎咗入去 關咗對門 我又喺門口等。。。真係嬲 又喺度等 出面真係好曬…查看更多

🧡呢間餃子係荃灣西食街大霸街後面，好似有少少比食街嘅光茫掩蓋左佢(?)😂😂 🔅煎雙併餃（黑松露芝士餃併韭菜豬肉餃）$79煎餃正🔥煎得非常之香脆，兩款餃都有滿滿嘅餡料，黑松露芝士餃口味濃郁，而韭菜豬肉餃新鮮多汁，不過黑松露芝士餃要加$22，個人覺得有d貴😮 🔅餃子麵配野菌豬肉餃 $53豬肉餃皮薄，餡料塞滿晒成隻餃，咬落都幾fresh幾juicy，個麵同湯就正常野，清清地都唔錯 🧡總結餃子整體質素唔錯，價錢比其他餃子店會貴少少，但都值得一試 🧡餃子配上店入面提供嘅菜脯醬更添風味喔😛 …查看更多

餃子餡好乾，偏硬，味道似肉餅多過似餃子。我係唉外賣既，但即使係外賣都無理由會乾到咁，食落既感覺似係一收到order就已經整左係等，而且唉左個煎餃子拼盤，味道卻每款都差唔多，都唔知食緊邊款，想對性，價錢已經偏貴6隻野菌要66蚊，但味道同口感根本唔值，如果係手工餃子餃子皮應該有少少麵粉既香味。尤其係煎餃子，但完全食唔到，內餡既口感同調味需要在改進，確保口感彈牙既時候都要儘量保留水分。…查看更多

前陣子特別愛吃手工餃子🥟有次與男人在荃灣逛街時發現一間想試很久的手工餃子店，就去試試看這店的味道又如何🤔黑松露豬肉煎餃6隻 $62男人喜歡💕吃煎餃我喜歡吃湯餃就各自點兩種來吃先說黑松露豬肉煎餃，賣相不錯👌🏻煎得亦漂亮金黃，未入口已嗅到黑松露香咬開有驚喜🤩，中間有芝士🧀流心黑松露的份量十分多，餃子的其中一邊全都是黑色🖤，愛吃黑松露的男人很喜歡這個整體味道豐富，皮薄餡料多，不用沾醬吃已經好吃不過總覺得怪怪的🤨，因為豬肉呈相當厲害的粉紅色！以為是未煮熟，但吃起來又不像看網友分享也提及相關問題，店家指與供應商查詢後得出結論是豬🐽的飼養方法不同所致雖然吃得出豬肉是熟透但這種顏色難免令人誤會吧！雙拼湯餃6隻（韮菜 + 雲耳椰菜）$45比起煎餃我偏好湯餃🖖🏻 點了雙拼由於我🙅🏻‍♀️不吃芹菜或芫荽餃，野菌跟黑松露又要額外收費💰 所以只好選韮菜跟雲耳椰菜餃子兩款餃子晶瑩剔透✨，同樣餡料飽滿，可見餃子皮厚薄適中有滿滿的韮菜，豬肉爽口有質感，味道會比較豐富，比例不錯另一款就有爽口的雲耳增加口感，但有點可惜吃不出椰菜味而這款餃子的豬肉比例會比較少，味道亦較為淡口，感覺更健康湯頭是肉碎清湯，普普通通不過不失，肉碎很少豆漿（跟餐 $5）蘋果雪梨茶（跟餐 $8）豆漿味道正常💁🏻‍♀️，跟外面很多食肆供應的味道相似，應該是外購的蘋果🍎雪梨茶相對出色，喝得出是店家自行烹調，味道濃郁夠滋潤😌上一次打算到店吃晚餐，卻失敗😞而回，原因是店家竟然是⏰繁忙時間打烊了，想來吃的朋友要留意有機會空肚而回手工餃子的整體質素還算可以，款式不多主打傳統口味～ 不過💵價錢真的比較昂貴，吃完6隻餃子亦覺得不算飽肚，還要買多點小食，要不要回訪實在要考慮考慮…查看更多

星期六出街前是旦搵野食，見到呢間餃子鋪突然想食餃子，平時比較去開旺角餃子源，今次試下呢間丫食物種類好清楚，6款餃，可加麵，小食幾10款同仲有飲品，睇來貴精不貴多，咁就簡單叫一份小食兩份餃試試小食-涼拌青瓜$20夏天食真係好岩食，蒜泥芫荽配上青瓜，爽爽脆脆清清香香，好快食晒之後先來湯餃- $42芫荽豬肉餃轉柴魚清湯，餃子尋偏長型但包得好飽滿，芫荽味好特出，配上清湯一齊食完全岩晒晏就想輕食的我地，一配6隻一人三隻岩岩好過一陣另一款煎餃到埋喇雲耳椰菜豬肉餃-$38可能佢唔算厚皮所以煎出來唔會覺得肥肥滯滯，無油膩感，加上餡料係雲耳椰菜食落清新，真係唔錯本來想試埋雞翼同雞腎，不過下次再試，呢間餃子店同餃子源一齊列入我自己的必到餃子店之一啦😋兩人剛好$100，抵食…查看更多

第一次食 外賣叫左3樣野其中一樣黑松露煎餃 d 肉新鮮到呢～～～仲係心心眼ge 粉紅色💕💕💕自己睇圖唔多講一個字嬲😡😡😡可能我黑仔啦但絕對唔會有下次。。。。…查看更多

外賣餃子麵冇麵我在6點時外賣自取訂了餃子面及小食取回家後發現冇跟到麵致電回店 當席員工話太遠冇人手送唔到比我說下次退番錢比我其實我外賣就係唔想煮重點係 當時未有堂食客人有兩位員工包緊餃講真有點 ...失望…查看更多

🏰環境：3.3/5 小店，得十幾個位倒💸性價比：3.5/5 😋好味指數：3.5/5 芹菜湯餃：個湯係無味😅😅但餃子質素唔錯，皮夠薄餡夠多，大大隻咁，餡都新鮮食得出芹菜嘅香！🌱韮菜煎餃：煎餃必叫！因為佢個皮夠薄，煎得好香脆，加埋個菜脯醬一齊食好惹味！韮菜切得大粒有咬口！（最憎果d碎得滯嘅餡，唔知食緊咩嘅感覺🤣）後記：繼餃子屋又一選擇！不過4x-60蚊6隻餃子有d貴🤣🤣🤣見好多人食佢嘅黑松露芝士話好正，有機會可試！⏰排隊時間：星期六晚去排左5分鐘Encore?：想食餃子會嘅🤔…查看更多

星期5唔想老豆煮飯，一於買餃子返去比佢試下。之前食過呢間煎餃，真心好食。今次再幫襯，除左20隻煎餃，雞亦仲買左一打生餃。啲店員真係好有禮貌，特別係馬尾果位。打去落order 果時係，收錢果時都係，又多謝又拜拜。而家香港好少鋪咁有禮貌，好抵讚。下次會再幫襯。😌❤️…查看更多

點左芫荽豬肉湯餃 同埋野菌豬肉煎餃首先先講芫荽豬肉餃子 $58 10 隻芫荽份量好少，冇乜味豬肉份量就好多，本來應該覺得好足料但係因為芫荽份量太少，感覺好似豬肉肉餅比餃子皮包住咁⋯ 中肯講句，份量都幾多大大粒湯底係魚湯，清清地，都唔錯煎餃點左野菌豬肉 $47 6隻野菌喺邊度？一啲都食唔出淨係食到豬肉煎餃，一啲味都冇中肯講句，都煎得幾香口其實叫咩味都唔重要，因為都係一大舊豬肉，好少配菜！可以話係食唔出個味以呢個價錢，好貴囉！！同其他比較，餃掂、甜記都好食抵食過佢菜莆就幾香口嘅，辣辣地幾惹味另外環境一般啦，見到地下有紙巾，醬料完全冇人清潔，感覺衛生好麻麻…查看更多

🇭🇰深味餃子·因為我哋行山之前想食餃子 所以就搵咗呢一間我係OpenRice評分好高既餐廳 我覺得佢食物一般而且佢衛生情況真係好惡劣🙊🙊·雙拼湯餃$58佢個餃子都大粒嘅 而且入邊都多料既 但係調味冇特別好食咁🙊佢個雲耳椰菜都正正常常既 但係佢個野菌真係好唔好食 佢啲野菌好唔新鮮 好似有啲酸酸地咁🤦🏻‍♀️🤦🏻‍♀️之後最重要係我有一粒中間咬開有一條頭髮 我覺得真係勁唔開胃🤦🏻‍♀️·惹味鵝腎片$25 l 蜜糖焗雞翼$32對比餃子佢呢兩個就好食啲啦 佢個鵝腎調味都幾好 個蜜糖焗雞翼都係熱辣辣既 不過隻雞翼骨嗰啲部份就好似有啲未熟透咁🤔·豆漿$5呢一個我男朋友飲咗一啖話唔係特別好飲 我就一啖都冇飲 因為我見佢面頭有兩條毛😀·📍荃灣享和街43-49&53-59號都城大樓地下E1號舖…查看更多

最近愛上餃子，又有餃子控介紹，就試下每次試未幫襯過既餃子店都會試韮菜餃先，一來自己鐘意，二來韮菜餃唔會點花巧，唔怕中伏！第一次幫襯試咗魚湯韮菜餃！有種家庭味道，餃子大粒實淨，一咬就覺得係新鮮包 (有個姨姨喺後面枱好努力包新鮮餃)，肉唔算好多啦，個人來說接受到，本人鐘意多菜少肉！不過魚湯就非常淡，魚味可以出啲，又或者轉另一款湯底第二次幫襯，就係同餃子控食啦！今次我依舊食韮菜湯餃，要清湯底，果然係有返味！餃子不過不失餃子控叫咗煎茜茜餃！食完感覺比較多肉少菜，有啲蓋過茜茜味。另外再叫咗黑松露煎餃！咬完勁後悔，因為9成都係肉，成舊粉紅色肉感覺麻麻地，唔係唔好食，只係個人唔鐘意一舊肉！鐘意黑松露又鐘意肉就good！黑松露餃偏貴，約$10粒小食叫咗兩款，爽脆泡椒蘿蔔微酸甜，作為開胃小菜不錯！香辣醬拌秋葵好好味！…查看更多