10
6
3
營業時間
今日營業
09:00 - 04:30
星期一至日
09:00 - 04:30
以上資料只供參考, 請與餐廳確認詳情
同同事行過想食碗雲吞面，入到去環境恐怖蒼蠅昆蟲橫飛完全食唔落，最後同事叫左碗牛腩撈面，我就叫外賣唔響堂食，落單時候個女職員講撈面要蠔油唔要牛腩汁，居然要加七蚊，算，碗麵黎到之後勁細碟，牛腩又硬又難食輪到我叫外賣碗豬雜麵，就係圖片顯示依碗45蚊，湯死咸，面得兩淡P.S.依間鋪頭啲職員應該係皇親國戚，落單個女職員話加七蚊蠔油錢，開價自由發揮，成個餐牌完全冇寫，另一個女職員見我等緊外賣大大聲聲叫我地兩個出去門口等，當時鋪面客都唔多個，如果唔想做生意做咩打開門口，門口貼咁多宣傳都冇意思啦，既然係咁唔會再幫襯！
繼續閱讀
//14 08 23 晴天🌞13:44 旺角 砵蘭街深仔記/ 有錢人先會食細蓉 /「香港」五十年代興起露天大牌檔熱潮🪭，一塊大大嘅招牌、一片綠色嘅蓬布頂、積滿塵垢嘅牛角扇、一張又一張標誌性嘅圓枱同摺凳。相信，只要年過四十，都一定幫襯過。但唔知由幾時開始，大牌檔就漸漸成為香港人集體回憶！當中有款價廉物美嘅麵食，到目前為止，仍然深受大批市民嘅愛戴💖。「雲吞麵」—— 出現於清未民初，從湖南傳入廣州，一般按份量分為「細蓉」、「中蓉」同「大蓉」。雖然聽起嚟，你會覺得無太大嘅分別，但喺民初時期，「細蓉」確實只適合「西關大少」—— 富裕人家享用。好少體力勞動嘅「西關大少」，胃口自然比一般人細，當每次食雲吞麵，都會主動要求店家，將麵嘅份量減半。但對於勞碌嘅百姓，份量確實太少啦😔，所以只能將「細蓉」作為點心或者宵夜。/直到今日，香港每個大街小巷，都能見到「雲吞麵」嘅蹤跡💁🏻♀️。無論十三歲定八十歲嘅你，至少都一定品嘗過一碗滿滿情懷嘅「雲吞麵」啊！#90後眼中的老香港-淨雲吞 HKD$34—————————————————————————雲吞皮薄 蝦肉夠大隻 食起嚟口感爽嫩每粒都以 7:3 比例嘅蝦 & 豬肉做餡料湯底用咗金華火腿、大地魚、羅漢果等材料熬製所以每啖都帶有大地魚嘅甜味 & 蝦肉嘅鮮味零味精 飲完唔會覺得頸渴但有輕輕鹹 不過唔太影響整體嘅味道麻辣黑牛柏葉湯撈面 HKD$56—————————————————————————黑柏葉爽口 配埋辣油醬 & 薑葱非常惹味麵底彈牙 有嚼感 鹼水味一啲都唔重麻辣鵝腸 HKD$33—————————————————————————鵝腸火候控制得好好 食落去爽口而不靭，兼且絕無異味配埋麻辣醬 & 薑葱 鵝腸鮮味會更加突出—————————————————————————
繼續閱讀
🥟 淨雲吞 $34/8粒啲蝦好鮮好彈牙，佢真係粒粒蝦肉原粒夾入去，好爽好有口感，成粒啪落口好爽，不過係咸左啲啲，皮又薄又滑🐦⬛ 黑金蒜燉竹絲雞 $38唔知咩係黑金蒜，嗌黎試下，完全唔係蒜頭嘅味道，個湯滋潤，落到喉嚨都好清甜，湯渣都唔會比太多搞到無湯飲，啲瘦肉吸哂啲黑蒜味，睇黎真係煲左好耐
繼續閱讀
凍凍地打算搵個盆菜食下 ，網上見到呢間有2人盆菜岩哂我地，兩口子。23號就去訂盆菜27號取，當時就覺得怪怪地，點解店內明明有收電子支付，唯獨是訂盆菜要收現金。聽到d呀姨話要交錢比工場（心諗外判得唔得架。。。）到27號取盆，我早半小時就打去問係咪準備好我一陣到，聽電話個呀叔好似發緊夢咁問左我幾次先明，（哦 盆菜有呀有呀）到現場之後，我話拎盆菜 都冇人理我 （沒乜客的）等左一分鐘 應該係聽電話嗰個阿叔過嚟話好我拎俾你，之後佢拎咗舊冰凍哂嘅盆菜出嚟就咁拎個膠袋入起叫我拎，我話點拎啊，最少有個盒或者保溫袋吧。跟住先走去搵咗成分鐘先至搵到個鋪晒塵嘅環保袋出嚟，求其咁放入去就話ok。因為係成個冰凍用保鮮紙包住成個到白色面，我不以為意以為係湯都結晒冰一齊。點知拎到返屋企，加熱後先發現無湯。。真係買左咁多年盆菜都未試過無湯跟。 。垃圾服務 垃圾盆菜 。之後我打電話去問佢地，呀姨回我：應該係唔記得左，你返黎拎吧，我比返d你（細細聲）（唔好意思都無句，個感覺就係工場無比湯佢地，到時是但溝番個湯俾我算。）住得遠算鬼數，我地唯有自己整個湯底。出去買盆菜就係想唔搞咁多野 ，點知仲要自己搞湯底。什麼麻辣盆菜，盆菜入邊無一件材料係用過麻辣調味，無左湯d味好似清蒸咁淡，備料備得咁求其，我諗就算有湯個味都應該麻麻地。連咁重要既野都可以唔記得比，相信因為係太少人訂，員工太耐出過盆菜吧。
繼續閱讀
宵夜時間，可以食到好食嘅粉面唔容易。深仔記有粥有粉麵，特別有黑帕葉，唔似平時食嗰啲白色嘅牛柏葉，嗰種黑柏葉嘅味道好爽甜，仲有好好食嘅雲吞同水餃，雲吞嘅味道唔覺有太多味精，蝦肉新鮮而且不只一隻，夠大粒，咬落去好滿足，再加埋撈麵，撈麵唔太油，麵質爽，夠哂咬口，值得推介。油菜好食，雖然係普通嘅芥蘭，但配合麵食特別好食。價錢合理，平均消費$50至$60，算很不錯。薑蔥撈麵，個湯好好味。之前試過蠔油撈粗麵，都非常好食。
繼續閱讀