影片
營業時間
今日營業
10:30 - 00:00
星期一至五
11:00 - 00:00
星期六至日
10:30 - 00:00
公眾假期
10:30 - 00:00
以上資料只供參考, 請與餐廳確認詳情
日前到將軍澳中心嘅深仔記叫了碗麵同油菜，發現油菜有隻有長手有長腳有長髭深啡色約7mm長類似甲由嘅物體。為免影響其他食客及尊重深仔記，本人已經刻意細細聲跟店員反映，豈料該中年女性店員望了一眼就大聲只說係條菜蟲，之後就走開完全沒有任何跟進。但嗰隻深啡色類似甲甴嘅物體啲手手腳腳又長又有關節，點睇都唔似係條菜蟲。為息事寧人同當自己當黑唔好彩，唸住快快食完碗麵，唔食碟油菜就離開。點知該店員不斷在我身後同廚房某男性員工不斷持續數分鐘大大聲連全店顧客都聽到咁講一些帶有侮辱性同嘲笑，完全不尊重本人嘅說話。查實，呢間店以前有幫襯過，就算年初一貴啲都會去食。但經過今次非常不愉快經歷，以後絕對唔會再去，亦不會推薦朋友去。今時今日，居然仍然有啲咁嘅服務態度，唔怪之得香港嘅食店執完一間又一間。
繼續閱讀
深仔記進駐將軍澳中心商場內，舖位比較細，環境不錯，座位舒適也蠻乾淨，食物質素仍保持水準（雲吞）。南乳豬手撈飯豬手比較硬，唔夠腍但都算入味。羊腩飯就很嫩，份量都算多。淨雲吞雲吞皮薄內餡飽滿，鮮蝦非常彈牙，裡面真係粒粒蝦肉原粒夾入去，鮮甜又脆口，但湯頭就很一般。整體來說，CP值不高，但將軍澳中心沒有其他粥粉麵的選擇。只有招牌雲吞麵沒有砸了自家的招牌，其他食物個人就覺得一般，不是太出色，淨雲吞嘅，可再幫趁。
繼續閱讀
深仔記嘅雲吞同水餃一向都好高質。今次呢碗鳳城水餃河粉亦一樣無令我失望。首先湯底有韮黃點綴，一飲落去已經好有大地魚嘅鮮味，亦食得出來自水餃嘅淡淡麻油香味，湯底保持住金黃清澈，唔會覺得油膩，溫度熱辣辣，同水餃河非常配合。重頭戲嘅水餃，大大粒漲卜卜，每粒都包住3隻鮮蝦！最令我欣賞係每隻蝦都去咗蝦腸，所以食落鮮甜，無沙，唔會腥，非常有滿足感。啲蝦基本上已經佔據咗每隻水餃大部分嘅體積，入面其餘配料就係木耳絲同竹筍絲，同豬肉增加風味。整體係十分滿意嘅一餐。
繼續閱讀
向來對呢間似乎專做大陸人生意嘅麵店冇乜好感，咁岩經過見餐牌多左湯飯選擇，終於決定一試。46蚊個瑤柱海皇瓜粒湯飯，預左唔會有咩海鮮，果然就係細過尾甲兼食唔到味嘅蜆肉同蝦。最諗唔到，連基本嘅冬瓜粒我都擺唔得落口... 試左三粒都變酸左，可能係處理食材嘅環境過熱。湯又唔係雞湯又唔係魚湯底，叫冬瓜水比較貼切啲。自己煮都好食過佢，永無下次。
繼續閱讀
行過路過TKO PopCorn 見到一間有雲吞麵吃的館子，人氣也不少，入去試試味道，叫了豬手麵，麵質彈牙，可惜‘’鹼水‘’味很重，加了浙醋好了一點，豬手很入味焖得又夠林，不錯。很可惜吃完之後非常口渴，只能给一個負評
繼續閱讀