深井陳記燒鵝 (已結業)

今天特別想食不健康且邪惡食物 ... 所以駕車回家，駛入荃灣市中心，停在路邊，往這間燒鵝店買個外賣，挺方便的。老實說，堂食真有點尷尬，服務不算賓至如歸，餐廳又不算整潔，老實說，樓面實有點髒、亂，但外賣基本上沒問題 ... 這個掛著深井品牌的陳記燒鵝，其實在荃灣也開了很久，只是轉過舖位，燒鵝質素還有一定保證，基本上可算肉嫩、皮脆，回到家還暖暖的，做一個米粉，把湯隔走，用燒鵝下的鵝隴汁，做個“鵝隴汁撈米”，一流！

今日突然想食燒味飯，因為成日行過，又見到佢個名深井燒鵝，就諗住試下呢間啦！點知去到第一時間比個疑似老闆娘既收銀嗌我啊姐都算，連睇餐牌時間都唔比就問我食咩，又唔係好多客，之後我叫左個燒鵝瘦叉燒飯，佢62蚊包飲品，咁我見佢包緊我外賣，就叫左個疑似老闆娘既收銀比左包甜酸醬我，見到佢西西地面。之後我番到屋企打開，哇，中伏，無蔥油無菜⋯盒野乾巴巴，食落原全無味，燒鵝又肥又多骨無咩肉，叉燒明明叫要瘦叉切得細舊仲有啲肥又係好乾，仲要賣成62蚊⋯仲做得仲差過街市人地啲燒味檔啊，陰公 真係唔會再番轉頭！

寒流又來了，又想食暖粒粒的煲仔菜，平時行經一間餐廳在冬天就有羊腩煲賣，價錢係148連煲賣，唔要煲平十蚊，138一份。之前買個連煲食完留番個煲用來裝其他嘢食，今次就唔要煲，冇咁多地方放。第二次買係因為佢D羊腩都整得幾好食，而且份量足。羊腩夠淋又唔膻，其他配料有冬菇、馬蹄、枝竹，雖然配菜種類唔多，但份量多，醬汁又調較得好，在凍冰冰的大冷天，圍住這個煮到熱辣辣的羊腩煲就真係好正。附送兩小盒的腐乳醬，用來點羊腩都好好味。

平時都有幫親午餐粉麵，尚可接受。今晚點了兩碗粉加油菜，未開始食便收起我們未用過的碗還放雙快子在臺面。今日幫親小都唔應該受到這樣對待。如果唔歡迎客人晚上食粉麵，晚上可以唔做粉麵。這樣的小店荃灣多的是，可試別的。服務其差，我唔會再幫親。

突然間好想食香腸墨魚，路過荃灣街市街，見依間幾出名，88蚊一碟，豆腐另加12蚊，當時覺得有啲貴。不過算啦都試吓啦，點知個過份量係咁多，返到屋企數過香腸都係得8塊，好似食剩咁，真讚嘆。

放假訓晏d，10點先起身，經一番擾攘，同家人出外食午餐。最終敲定去街市街食魚蛋面。此店其實是陳記燒鵝店，店面不大，大約10張枱吧，裝修古式古香。由於經常光顧，跟店員很熟，當然能坐好位置。午餐點了炸魚皮，牛腩魚蛋河，魚蛋面，再要了藍妹，8蚊枝，掋飲。炸魚皮淨食就香脆，輕泡湯就少了香，泡不多過一秒哦。店員說這裏的魚蛋是自家製，爽彈可口，不會硬硬的。牛腩都無得輸，炆得很軟，不喜歡吃肥的可能要叫瘦一點的，下次吃燒鵝吧。

兩條麻甩佬開餐, 地方不用講究, 坐街邊也無妨.   韭菜豬紅豬皮蘿白, 最多是豬紅, 其他的都很少, 蘿白最失色. 最弊係唔夠香辣惹味, 要自己點辣椒醬, 水準爾爾.   菠蘿生炒骨, 酸甜失衡, 有欠鬆脆, 唯有多吃菠蘿和洋蔥, 配角反成主角.   平時話題, 不外乎講飲講食講波講投資. 這晚, 卻為感情事大吐苦水. 一向瀟灑的苦榮, 完全變了另一個人.  朋友不禁問, 她到底是如何美若天仙, 竟有如此強大的魔力? 

都知道唔係深井食陳記預左唔會好掂。食得燒味d環境都唔舒服得去邊。不過琴晚去荃灣見到有間陳記，又想食燒鵝咪入去食下囉。叫左碟例牌上庄同白飯同個friend兩份分。d野未到去個廁所諗住洗洗手。問店員洗手間喺邊，佢就咁呼喝左話喺鋪頭後面。指一指門側話鎖匙要自己攞。好啦燒味舖都吾係會點好招呼。點知攞起條所謂鎖匙扣，係用紙做嘅，仲要濕嘅，果下難受到一個點。去廁所要經後巷廚房，環境惡劣到不得了。彷彿唔洗手仲好過洗。已經冇晒胃口。出到嚟食燒鵝，賣相正路。可惜皮完全唔脆，肉味一般滷水味囉。整體經歷因為廁所同濕笛笛嘅紙鎖匙扣印象深刻，燒鵝又唔係出眾。好似發左場唔係好開心嘅夢，但又未至於惡夢囉。

中午用膳時間，可能是新開張的緣故，餐廳裡人數不算多。下單後不久便有例湯奉上，餐牌上卻說湯是加8元才有，店員亦沒多作說明。管他的，當是新店優惠吧。本人叫的是燒鵝燒肉飯，以燒鵝的雙拼飯來說56元也算便宜。與附近聯發同一水平。燒鵝：是鵝肚部位，偏咸而肉少；燒鵝皮不太韌，鵝肉夠熱而不鞋口，吃得出新鮮燒鵝味道，或者其他部位會更好吃。燒肉：師傅把皮肉斬至分開了，但口感還算中上水平。燒肉皮脆卜卜，半肥瘦的燒腩位夠淋夠滑，同樣是熱辣辣上碟，夠新鮮！白飯：煮得過度濕軟，淋上燒味豉油令飯更黏，個人不太喜歡。例湯：蓮藕豬骨湯，加了不少味精，飲後非常口渴。總結燒味質素都過屬可接受水平，路過附近可以一試。