深井陳記燒鵝 (已結業)

買1/4 一隻燒鵝 斬完得丁屎咁細盒！明明見佢斬個陣斬好大份，之後收收埋埋咁，真係想講，希望大家睇完呢個留言真係唔好幫襯佢，克店之中既克店！當時仲要賣我168蚊！騙錢係呢個聖誕節發生d咁既事真係好嬲好嬲，無理由得咁小，我打返去同佢講，個女人仲話睇住佢斬，我明明睇到個師父左推推右推推，一隻腿斬開當成幾份，以為我細路細好細，拎走個時斬感覺怪怪地，咁克既克店大家千折千折唔好上當去幫襯佢，一年唔知道要騙幾多人錢財

首先，收銀落單個阿姐吾知係咪老細定皇親國戚，完全吾緊張有無生意同埋客人既感受，我企係度等佢落單足足等左五分鐘，吾係我老婆揀左食呢間我實走！等左太耐喇所以揮下手，咁佢叫我等等，好可以…點知整完呢樣再整另一樣，跟住走左去！好啦再等佢一陣返黎，落完單就話要杯水，佢夠膽答我佢地吾包俾杯水🤬🤬好勒，到拎左碟燒鵝飯，柴到無人有，d皮又分開哂，飯又吾熱，食左半碟就投降….. 唯一可取既就係杯凍奶茶，叫做茶味夠，叫左少甜又岩岩好

店舖打著深井燒鵝的排頭，雖然貴一點也冒險一試。先說成品跟深井出品相比，味道和咬口都差很遠，鵝的食味少香味也不夠，肉質不夠鬆化，肉不夠厚。已經是剛運到的貨，應該已經是最佳時間，出品强差人意。不知道是否真的深井出品。再說店員態度惡劣，我拍照打算寫食評，跟本沒有拍他，他指著我大聲叫我唔好影呀，你唔好post呀！態度惡劣，很不客氣。還拿起他的電話想反拍我，反應嚇我一跳。可惜我沒有把他名字記下，大家去到只能自己小心。

好耐冇去food court聽講開左好多唔同嘅小店，今次揀左深井陳記♨️燒鵝， 當然會選燒鵝一坐低menu都冇睇直接揀燒鵝瀨➕最愛凍檸茶燒鵝皮燒鵝皮鬆脆，入口即融，肉質厚實無燒鴨嘅騷味， 可惜份量比較少🙈差啲走漏眼，意外俾我發現呢個超值餐， 🧄蒜蓉蒸龍蝦🦞貴妃雞🐤飯🍚🥢新鮮的龍蝦簡單清蒸就己經好好味，爆香的蒜蓉蒸好的龍蝦肉質彈牙，蝦頭中的蝦膏搭配蒜蓉醬汁一起食👍🏻仲有例湯添。。。。 是日例湯椰子馬蹄雞湯，馬蹄同棷子好爽口， 如果畀多少少時間煲個湯，唔係味精湯就更加完美😅呢個超值餐仲係全日供應👍🏻

星期六仍有午市套餐，價錢約$60-$88，最貴的龍蝦雞飯套餐都係$88,，半隻蒜蓉蒸龍蝦，龍蝦並非波龍，龍蝦肉已經有一隻手掌的長度，不算細了，蝦肉都算彈牙，新鮮度有8分，蒜蓉味剛好沒有蓋過蝦肉的鮮甜；雞飯一碟，飯分量正常，雞有5-6件，雞皮爽脆；簡簡單單一碗例湯，沒有加入味精，冷熱飲品要加錢(好似$5-$8)。另外炒飯亦夠乾身、夠鑊氣，好味道。

今日突然想食燒鵝瀨粉，由於實在太懶唔想自己煮嘢食嘅關係，所以就去咗大本型 Food court 食深井陳記燒鵝😋價錢來講我覺得下午茶都偏貴，不過試吓都無妨嘅。我叫咗份腩仔燒鵝瀨粉，送一碗例湯。今日嘅例湯係霸王花湯，碗湯熱辣辣送上嚟，飲上口仲覺得一啲都唔重味精👍有埋粟米添跟住主菜就嚟啦，我覺得燒鵝嘅份量比較少，但係味道來講真係不錯，佢嘅酸梅漿都幾好食😋 燒腩仔層層分明，肥瘦平均👍 食飽之後，諗返轉頭，其實佢嘅價錢都合理🤣 呢碗瀨粉真係下午茶之選呀🥰

今日嚟到呢度當然要試下燒鵝啦,叫咗碟燒鵝飯,燒鵝的份量還可以接受,燒鵝的皮非常香脆,可能是新鮮的關係,咬起來卜卜聲,鵝肶的肉非常嫩滑,而且多肉汁,簡直冇得彈🤭🤭稍嫌鵝胸的肉較嚡口

除咗第一次食之外，之後去咗3次，次次都冇嘢食專登去食燒鵝，次次都冇頭先仲離譜8點想食燒鵝，話賣曬，要等8:30。好，我等，咁食住其他嘢先啦，叫個香蔥豆豉雞，話冇雞，連煮其他餸嘅雞都冇，ok fine，叫個菜有啦啩？叫個白菜仔，都可以冇喂，我叫乜就冇乜，上到燒鵝，下至一碟普通嘅白菜仔都冇，仲學咩人開餐廳？8點就冇曬貨？離唔離譜呀？仲坐喺到？即走啦！個女人仲話: 唉呀下次再嚟啦唔好意思喎，我會永遠Blacklist呢間餐廳，以後唔會再嚟！

明明加左錢買個飯，但點知冇送到。然後我打電話去話送漏飯，個職員話你下次黎食我送返比你啊。依家冇飯點食啊！正常你都要補返個飯比我 嫁啦！一係你就退錢！下次去食送返個飯比我？你冇冇啊嘛？我下次仲需要個碗飯咩？

心諗掛住深井陳記燒鵝嘅招牌應該冇死，點知伏到爆，燒鵝乾夾un，小菜重差過外庸係屋企自己煮。兩個字可以形容哂，差爆！奉祀各位係出門食food court大食代好過！

星期日都有午市套餐，五十幾蚊，有飲品。我叫左雞牛展飯(好似係f餐)雞係雞腿肉，好好味牛展嘅位都靚，一啲都唔un，燜得好林同入味。個飯加左少少甜豉油，好好味。坐位寬敞舒適。

之前係將軍澳食過一次 嗰次d鵝又肥又無咩肉原本以為之前係因為做節所以品質較差俾多次機會佢點知一次比一次差 鵝好肥無肉 雞都肥又鞋 汁好咸煎蛋係全熟 仲係凍既 懷疑係一早煎曬d米粉好粗好難食 自己焗個福字米粉都仲好食下午茶餐唔連野飲 47hkd 加凍飲total56hkd接受唔到 完全black list

星期日晏左起身，所以差唔多兩點先至食lunch，可以食到呢間舖頭嘅下午茶。我叫咗佢嘅叉燒煎蛋瀨加一杯熱煙央。四十五蚊，好抵食!煎蛋做到燶邊，個湯加埋個瀨粉好惹味。可惜個叉燒有少少嚡，佢畀咗瘦叉我，呢度扣咗少少分😣

燒鵝麻麻地， 好瘦同乾， 個酸梅醬勁酸， 試過一次就夠， 個飯ok， 大碟不過價錢可以綜合評分5分因為最出名嘅燒鵝竟然唔好食 ，唔係太開心囉.....冇試食其他嘢評論唔到其他食物好五好

是夜來到油塘大本型內的深井陳記，門口已見到一隻隻油光閃閃嘅燒鵝，好吸引。睇下餐牌，有燒味抵食二人餐，可從燒味雙拼或例牌燒鵝揀一樣，再另揀一款小菜，兩碗白飯仲有例湯添，價錢二百幾蚊左右。我揀咗叉燒併燒肉，食燒肉最緊要就係脆卜卜嘅皮，正，燒肉亦見香口，咸味適中。叉燒咸甜比例好balance，而且半肥瘦啱啱好，送飯一流。例湯係紅蘿蔔粉葛湯，而唔係一般嘅平庸味精湯，仲有入味湯料食添。烏頭一向魚肉鮮甜，又易入味，配以豉汁梅子煮法就最適合，不過今次烏頭肉質唔算好嫩滑，一般啦，撈汁送飯都幾好嘅。