583
34
21
港鐵觀塘站 A2 出口, 步行約5分鐘 繼續閱讀
所有分店 (2)
電話號碼
27555328
27555728
95270700 (whatsapp)
開飯介紹
淥鼎記提供養生火鍋及高質中式私房菜,如花膠鮮雞美人鍋、江南八小碟、海鮮大拼盤、重慶麻辣鮮雞煲、金牌手打丸等,樣樣用料十足。餐廳嚴選最新鮮食材,呈獻優質美味的中式佳餚,用餐更不設時限,讓顧客細味各款美食。 繼續閱讀
特色
適合大夥人
家庭親子
營業時間
今日營業
10:00 - 16:00
17:30 - 23:45
星期一至日
10:00 - 16:00
17:30 - 23:45
公眾假期
10:00 - 16:00
17:30 - 23:45
公眾假期前夕
10:00 - 16:00
17:30 - 23:45
付款方式
Visa Master AlipayHK 支付寶 現金 銀聯 Apple Pay 微信支付 OpenRice Pay
其他資料
網上訂座
Wi-Fi
酒精飲品
VIP房
電話訂座
賞訂座積分
外賣服務
加一服務費
電視播放
當面支付
以上資料只供參考, 請與餐廳確認詳情
有關獎賞計劃
食評 (702)
成年無黎呢間觀塘淥鼎記打邊爐,今晚一於encore!今晚食小寶套餐,7:30前離座價錢$228加一。落單用QR code,包以下食物:湯底有八款揀,包括皮蛋莞莤豆腐鍋,大紅袍麻辣鍋,澳門豬骨鍋,菠蘿沙嗲鍋,老壇酸菜麻辣鍋,花膠美人鍋,正宗藥膳鍋,田園農香番茄鍋。今次揀左菠蘿沙嗲鍋,超正,夠哂濃味又唔過份,加左唔少新鮮菠蘿等佢少少辣辣哋又少少甜,仲有京蔥絲,我哋好鍾意。菠蘿沙嗲鍋令到所有食材都非常好味,真係必點,而且其實唔算太辣,好惹味。食到最尾都仲夠味,完全唔洗另點醬汁。安格斯極佳級精修肥牛安格斯封門柳安格斯封門柳一客兩片,好瘦,不過都唔韌。美國安格斯牛肩胛美國安格斯牛肩胛一客兩大片,就多少少肥膏,唔好淥太耐都好嫩,個人覺得牛味較好。唔會太薄切,食落有質感。伊比利亞黑毛豬伊比利亞黑毛豬一客3片,豬味好濃又嫩口。黑兒豬卷腩黑兒豬卷腩一客多片,係圓形切割,就脂肪較多。紐西蘭羊肉片紐西蘭羊肉片都係係圓形切割,一客兩片。食落好嫩口,脂肪少,味道只有少少羶。鮮脆鯇魚片淥一陣就食好脆口,好有魚鮮味又健康。手打鯪魚丸,墨魚手打丸,蝦丸手打丸手打鯪魚丸,墨魚手打丸,蝦丸手打丸細細粒,非常彈牙,果然係手打,好新鮮。另外仲有脆脘魚腩同雞子。日本枝豆呢款小食都唔錯。自助配料吧好衞生,全部用蓋蓋住或者用盒裝好,連青菜都用保鮮紙包住,抵讚! 選擇有好多,一般既配料如龍蝦丸,牛丸,豬肉丸,芥末貢丸,包心蟹籽丸,脆皮芝士腸,魚腐,魚片頭,午餐肉,蟹柳都有。較為特別嘅有帆立貝,魷魚,鴨血,鵝腸,台灣米血糕等等。餃類都有幾款,包括水餃,魚皮餃,韮菜豬肉餃,冬菇雞肉餃,鮮蝦雲吞。青菜有三款,分別係娃娃菜,生菜,西洋菜同菜心,全部都好新鮮。好正,青菜吸咗個辣湯好好味。其他蔬菜仲有淮山,萵苣,薯粉,南瓜片,冬菇,海鮮菇,粟米,金菇,冬瓜,山根,木耳,蓮藕片,響鈴。主食有稻庭烏冬同出前一丁。值得一提係連炸魚皮都有,淥一淥就食得,香脆好味。飲品櫃有兩大個,有好多選擇,有自家製涼茶包括竹蔗茅根,綠妍茉莉茶,蜜桃烏龍茶,凱米諾椰汁飲品,鴻福堂支裝飲品,道地包裝飲品,韓國樂天罐裝飲品,罐裝汽水等等。欣賞佢既自家製竹蔗茅根,少少甜味,感覺天然,係好清甜既蔗汁味。醬料自己係自助醬料吧攞。甜品有哈跟大師雪糕杯,不過要另外加錢。落單後上菜時間都好快,都冇乜點漏單既,所以兩個鐘實夠食飽。整體而言,食物質素唔錯!座位舒適,我地兩個人霸左個四人卡位,枱同枱之間距離足夠,坐得好舒服。整體衛生情況幾好,令人食得安心。計落價錢唔算貴,唔怪得平日晚市都咁多人。 繼續閱讀
(以上食評乃用戶個人意見 , 並不代表OpenRice之觀點。)
老公同阿女話想打邊爐,我揀咗呢間好多人話好嘅,阿女話佢食過好食,咁就放心去食啦。訂咗枱去到唔使點等就入得,不過就坐門口收銀位多人出出入入。侍應姐姐見我一個坐响度,提我出去攞嘢飲住等👍飲品款式大路,揀咗自家製竹庶水(密封包裝好一杯杯放雪櫃)主菜5選1我哋揀咗椰子雞㷛,侍應姐姐又提我哋食完個雞㷛先叫其他嘢食,到時幫我哋換個㷛同湯底。每枱會送一份魚生船、海鮮拼盆、牛小排,新鮮美味,冇乜食力嘅我哋,食完呢幾份已經半飽,淨係掛住食,影完呢啲之後其他都冇影相啦,另外叫咗2轉其他火鍋料已經好飽,手打丸都唔錯,海蝦好鮮味,蜆就普通正常,上菜速度都快要,最後每人有一杯Häagen-Dazs雪糕 繼續閱讀
(以上食評乃用戶個人意見 , 並不代表OpenRice之觀點。)
等級4 2022-08-13
0 瀏覽
為花膠美人鍋而來,果然沒有失望。觀塘店地方好大,獲安排坐卡位寬躺舒服,食物可以放得晒張枱。QR落單,基本上都不需要叫店員幫手,非常方便。湯底選擇多,花膠美人鍋清甜滋潤,而且紅棗花膠也多,真係要當湯飲。肉類方面,豬牛羊都有,牛肉仲有細分,安格斯封門柳,安格斯牛肩胛,伊比利亞黑毛豬,黑兒豬腩卷,紐西蘭羊肉片,呢個組合絕對有誠意。驚喜地發現有日本枝豆,自助區仲有日本醬油同wasabi拎,而我就係鐘意牛肉加少少wasabi食。手打丸反而細細粒,唔會食到飽晒。自助區同樣有豐富食材,比較特別係餃款夠多,丸類蔬菜類都好足。另一驚喜位是蔬菜好新鮮,仲會用保鮮紙包住,保質都做得好好。飲品區都好多選擇,特別有自家製竹蔗茅根同茶類,仲分埋常溫同凍飲,非常貼心。上座先送上四碟前菜,火鍋前都已經有好野食,麻辣鴨舌,鴨血幾出色,再食炸酥肉夠開胃。 繼續閱讀
(以上食評乃用戶個人意見 , 並不代表OpenRice之觀點。)
最近幾日打風落雨,就會好想食d暖既野😙聽朋友講Lee間火鍋店好抵食,咁就一於去試試啦😋今次我地係食早場$228任食火鍋放題,7點半前還枱😉入到去見到好多唔同種類既食材非常整齊咁排列曬係度,好乾淨同埋好新鮮👍叫左個花膠美人鍋,好足料,好多花膠😋前菜有4款,有鴨舌,鴨血,雲耳,炸雞條,非常出色😋點肉類就係用Qr code ,d肉都好新鮮,有肉既甘甜味👍😋飲品櫃有2個,有好多選擇,包裝飲品罐裝飲品就一定有啦,但除此之外仲有幾款自家製飲品👍 有竹蔗茅根, 蜜桃烏龍茶等👍😋整體黎講都幾抵食,質素都唔錯,感覺乾淨,款式多👍 繼續閱讀
(以上食評乃用戶個人意見 , 並不代表OpenRice之觀點。)
等級4 2022-08-12
0 瀏覽
觀塘亞太中心成座野都好多食肆,中、日式、西餐非常多選擇,今晚約左個舊同事,緊係要搵間坐得舒服,任飲任食嘅落腳地慢慢嘆啦😋。8樓嘅淥鼎記,中午飲茶我都係常客,晚飯火鍋任食都係第一次。店舖地方非常寬敞闊落,裝修中式合壁格調高尚,卡位亦特別多,坐得非常舒適。坐低第一件事緊係要四出巡視下有咩好野食啦🤣,近門口有一個區域取火鍋配菜,幾十款全部整齊以膠盒盛載,乾淨整齊;各款丸類、雲吞餃子🥟、蔬菜瓜果、響鈴、魷魚、牛栢葉……等等,最估唔倒連扇貝同炸魚皮都有😋⋯⋯。飲品就放於兩個大大雪櫃內,除一般汽水飲品,另外仲有淥鼎記自家製嘅竹蓆水、烏龍茶同茉莉茶。返埋位就見到有一份四式前菜,麻辣雲耳、鴨舌、鴨血同一碟好似係炸魚嘅香口野,呢個送酒一流👍🏻。今晚清清地order荽茜皮蛋湯底 ,拿拿聲點每款肉類都點左一碟,最後精選幾款係可以今晚不停encore嘅😂,安格斯肥牛,入口即溶;牛肩胛最有口感;封門柳比較林滑,牛味較重;豬腩片肥瘦適中,口感都唔錯。脆鯇腩都係必選;仲有推介係手打丸,爽口彈牙,呢個都係encore 食唔停。最後要提提果杯竹蓆水真係好好飲,唔會太甜,清熱又消暑,目測每枱嘅食客都緊有幾杯係枱面😄。 繼續閱讀
(以上食評乃用戶個人意見 , 並不代表OpenRice之觀點。)