淘館

營業中

休息中

當然可以，以下是針對這張圖片中烤牛排的食評：烤牛排這道菜展示了一塊經過精心烤制的牛排，呈現出誘人的色澤和質感。牛排的外層烤至金黃，帶有輕微的焦痕，顯示出其經過了恰當的高溫烤制，以達到外皮酥脆、內部肉質鮮嫩的效果。牛排上撒有香草，不僅增加了菜品的香氣，也為視覺呈現增添了一抹綠色。牛排的內部呈現出粉紅色，表明其熟度掌握得恰到好處，既保留了肉質的鮮嫩多汁，又確保了食用的安全性。旁邊的配菜包括一些蔬菜，為這道菜增添了清新的元素，平衡了主菜的油膩感。此外，盤中還附有一碟棕色的醬汁，可能是特製的牛排醬，為牛排增添了額外的風味。整體而言，這是一道色香味俱佳的烤肉菜品，無論是從視覺效果還是口感上，都能給食客帶來極大的滿足感。

👎 服務態度差到有火入到去，啲員工塊面臭過垃圾桶，成間餐廳嘅氣氛好似你欠咗佢錢咁。講句嘢好似打擾到佢，求其應你兩句，黑口黑面。嚟食飯變咗受氣，真係開餐前已經想走人。🍗 食物一般，仲要有怪味嗰啲雞唔知係邊隻雞，成隻有股怪味，好似雪藏完翻熱咁。食落去無肉味，啲汁又死鹹，食完仲口乾到爆。完全唔值佢個價錢。🤡 最嬲係啲KOL亂咁吹YouTube嗰啲KOL成日係咁捧呢間餐廳，話咩又靚又正，搞到我特登去試。結果？完全唔係嗰回事，根本冇講過嘅咁好，吹到成間餐廳好似神級，實際落場就垃圾級。收人錢講好說話定係口味有問題？💸 又貴又唔掂收你高價，俾你差服務，食物仲要一般得滯。🚫 總結：唔好信宣傳，自己試過先知咩叫後悔淘館，去一次夠晒。奉勸大家唔好盲信啲網上推介，信咗你就知咩叫畀人當水魚。

今日第二次去淘館食午餐，發現餐牌已有改動，加入咗幾款新菜式。今次試咗檸檬芝士炒蜆意粉，上枱一刻已聞到香濃芝士味，炒蜆用料新鮮，蜆肉飽滿無沙，意粉炒得乾身且掛汁，檸檬味帶微酸，正好平衡芝士嘅濃膩感，整體口味新穎又開胃。配餐嘅咖啡保持水準，滑順細膩，冇過苦或酸澀感，感覺得到用心沖調。值得一提，現金付款可享減$5優惠，性價比更高。餐廳環境一如以往，乾淨整齊，職員服務態度親切。比起上次初訪，今次感覺更加滿意，菜式有創意又保持質素。淘館算係中價位餐廳中表現穩定、值得再訪的一間，期待下次再試其他新菜！

【昨日午餐記錄】昨日中午同同事去咗淘館食午餐，主打港式西餐，選擇多又有折扣。午市時段用現金付款，每個餐仲即減$5，幾抵食。我點咗免翁汁豬扒意粉，餐送一碗羅宋湯同熱奶茶。豬扒煎得香口，肉質唔乾，免翁汁味道偏甜中帶酸，掛汁能力唔錯，意粉份量足。羅宋湯材料足，有番茄、甘筍、椰菜，飲落幾有誠意；熱奶茶茶味濃，唔會太澀，表現穩定。同事就揀咗蒜茸汁香煎雞扒珍珠飯，雞扒煎得金黃香脆，蒜香撲鼻，配飯啱晒鐘意重口味嘅人。雖然午市時間客人唔少，但等位同出餐速度都算快。整體而言，淘館係一間平實、味道穩定嘅茶餐廳，抵食之餘環境都幾企理，適合平日午餐醫肚之選。

見到影片分享平台介紹黎試下，牛扒係好大塊，但唔知點解個顏色係咁，似輕輕煎完用水煮，同埋食完個底有層生粉咁嘅野？食到懷疑人生。肉係好淋身，都有肉味，但有陣怪怪地薑味，唔會食第二次😅😂 紫薯蓉好好好食😋

之前又係見YouTube 介紹呢間好味又抵食 就黎試下✨香煎丹麥豬上肩胛肉 紫薯蓉 燒野菜 $150個豬好好食喎 軟腍得黎 夾雜少少肥 好有豬味👍🏻 個紫薯蓉值得加5蚊去食 香婆嘅紫薯味 有顆粒感 份量超多超抵👍🏻👍🏻✨大虎蝦飛魚子博多明太子意粉 $92兩隻大虎蝦大大隻 都係新鮮嘅😋😋 明太子好足料 全部意粉都沾滿👍🏻👍🏻 跟餐仲有餐湯 餐包 前菜 餐包我覺得個蒜茸包都好出色👍🏻 鬆軟得黎好脆 蒜蓉味都好重😋😋 餐湯我地揀咗羅宋湯都好飲 前菜係煙三文魚沙律 好清新 最後仲有雪糕！真係超滿足味道❤️❤️❤️❤️💔抵食❤️❤️❤️❤️💔服務❤️❤️❤️💔環境❤️❤️❤️💔💰晚餐人均～$160（包括+1）

第一次嚟淘館食lunch，我哋三個人，大概12:15嚟到，都差唔多滿座，剩返最後一張4人枱🤭 咁餐廳係要搭枱嘅，所以後來都有另一個人坐咗落嚟🤣感覺佢係港式西式快餐，餐牌好似寫住12:45前離座免加一，本身都覺得可能趕唔切。不過上菜好快，每個人食嘢都好快，end up我地係免加一的😆咁我就揀咗冬陰功海鮮意粉，白湯，凍檸茶。個意粉幾好食！少少辣少少酸好開胃，啲蝦都好新鮮爽口嘅；白湯呢就唔係咁好飲，好濃稠，但係冇味；凍檸茶就正常發揮。餐廳啲優惠有啲複雜🤣 現金埋單就每個餐減$5，所以我呢份折實$75。外賣好似好平！減$20左右🧐 喺附近嘅朋友仔可以試吓外賣🤩

今日放假去銅鑼灣買完野之後，就搵咗響附近返工嘅朋友一齊去Tea，佢話要支持下小店就帶咗我黎試吓，話呢度既下午茶幾扺食以為過咗LunchTime會容易啲搵位，估唔到3:30都重爆哂塲咁濟😮我哋叫咗兩個set share食😬🌀韓式汁燒豬扒脆朱包+蘋果沙律$52哇😮估唔到咁大份都係$52，仲要包杯飲品上枱時嚇一嚇，個餐勁大份，個豬扒勁勁勁大塊又厚身，炸得鬆脆之餘，一啲都唔嚡，好Juicy 😋連個脆朱包都好好食，蘋果沙律份量更加係大，味道仲要係唔Hea嘅，唔會好似出邊嗰啲咁整到水汪汪，冇嘢好挑剔，總之係又平又好食食完真係勁飽，大滿足吖🥰🌀焗三重芝士火腿厚多士+蘋果沙律 $52呢個厚多士又係超好食，極邪惡勁多芝士😍火腿都有好多，好鬼正呀😋

雖然做咗幾十年九龍人，但一直都離不開銅鑼灣。係附近返工，接送小朋友都差不多廿年。睇住佢由插針都插唔入，到而家周圍吉舖，確實有點唏噓！但由於經濟下滑，先有機會令如淘館嘅高質小店可於此黃金地段開業。淘館位處利園旁小巴街。由於有大量小巴停泊，好多路人亦不會察覺到她的存在。佢哋嘅雞扒同炸雞髀係佢哋嘅必叫菜式。雞扒雞髀炸得香脆。外皮脆而肉嫩滑又juicy。 即使作伴菜嘅沙律菜都新鮮翠綠，絕不行貨。香檸汁絕對係成個飯嘅神粹。白咖喱雞飯 係用香滑嘅白咖喱配上炸雞件，雞件雖然無煎雞扒咁香脆，但肉質嫩滑又減少油膩感。最後嘅煙三文魚意粉，捲成花狀嘅煙三文魚，足足有好幾片，三文魚嘅咸香提升了清淡的菠菜汁，絕對係perfect match.最後配埋杯大大杯嘅凍檸檬茶或紅豆冰，絕對減肥人士都好難抗拒

第一次食呢間野 叫咗個$8x的午餐 柚子雞排跟飯個餐擺低個時都幾靚～又有小小沙律菜 兩舊蕃茄仔雞排大大塊 個飯又係珍珠飯 望一望「咦點解個飯咁多黑色點嘅」再翻一翻塊雞排全部都係點點嚟㗎喎😂😂😂啲黑色多到 我以為自己誤會咗佢可能係黑椒/藜麥/香料無理由鑊撈多到咁㗎嘛問一問個姐姐佢話唔好意思 換過份比我🌚竟然咁多黑色都真係鑊撈🥀🥀到第二份重新出過比我再望一望雞排個底呢一塊雞排都係有少少鑊撈嘅🤏🏻都要照食啦👹食完會變Iron man 嘅午餐🤣🤣🤣雖然味道幾好 但真係無下次💩

呢間嘢平時放lunch嘅飯堂 佢每個禮拜都有新lunch set 咁啱有一次遲放 去到Menu已是下午茶 下午茶都好多選擇 有佢啲招牌白咖喱飯面意粉 輕食都有而我就叫咗千島熱狗配蘋果沙律想碟真係嚇親我熱狗超大份 沙律都好多，唔係平時出邊得一兩啖仔 熱狗入邊好多燒過嘅菠蘿 滿滿的千島醬同好大條熱狗腸 食埋個蘋果沙律真係飽到晚餐都唔使食咁嘅份量同質素 才$5x 真係好良心佢啲主食好食，估唔到輕食都咁有質量 打完呢個post已經想再食了

4:30有啲肚餓，搵間餐廳食吓嘢先，四圍行吓好多餐廳都係冇乜人食嘢喎！行到嚟呢間淘館爆晒棚！應該會幾好喎！叫咗一個下午茶，比目魚飯，呢度個樣都幾靚仔喎，有沙律，沙律上面仲有兩片新鮮檸檬，比目魚做得幾好，一啲都唔老，味道適中，好似冇乜味精咁喎！下次可以試吓其他款式，員工服務都幾好！😋

和朋友一起去銅鑼灣，使去了淘館早餐！吃過幾次感覺都好好👍最鍾意佢可以配牛角酥同有一舊紫薯我今次叫了德國紐倫堡腸配炸魚柳，魚柳好似塊面咁大，非常抵食，而且即叫即炸！非常鬆脆內軟！配上千島醬汁非常合拍！德國腸十分出色！一條白肉腸和一條芝士腸，醬汁在口中爆開，好好味🤤紫薯係呢度特色之一！幼滑清甜...每一份早餐都配有紫薯！大家都為左佢回頭咖啡是即磨咖啡不另收費係我喜歡的賣點之一！非常香濃！而且佢哋就算有多少客人都不會趕你走....等客人們安心享用一個精神完美嘅早餐

呢間小店平時都有食開早餐鍾意佢張枱大大張，人唔多坐得好舒服😌杯餐飲又大大杯，最特別係早餐有紫薯😃今日黎食午餐都幾好食😋但白飯濕左啲如果唔想喺鬧市同人迫呢間都係一個好選擇👍🏼

今晚同屋企人食飯，我叫咗一個紐西蘭牛柳餐有羅宋湯、前菜、同埋個紐西蘭牛柳加薯菜😎個汁我就要咗個蘿蔔泥汁，出乎意料地真係好好食。配搭住鹹鹹地嘅牛柳，再加上酸酸甜甜嘅蘿蔔泥汁，呢兩種Mix and match真係超級好食，超級正。極度推介大家黎試吓呢間餐廳🍴。💕值得提一提嘅，就係個前菜即係個頭盤，好特別，係一個好好嘅開胃菜。餐廳嘅員工服務都好友善，仲有個杯度凍檸茶，我冇影到相，但係同其他地方嘅凍檸茶有啲唔同，因為佢有薄荷葉喺杯凍檸茶度。😚所以真係幾好飲同埋幾清爽嘅一杯嘢飲。😋