海鮮站 (已搬遷) 新店位置

我本人就好鍾意食海鮮既，所以黎到海鮮站我就好興奮啦!今次叫左D聖子、蜆、蒜蓉蒸菜心、蒜蓉蒸白菜、龍蝦仔等。D聖子好好味，好似扇貝咁落蒜、粉絲蒸，超入味，又唔會搞到好林，絕對係今次既FIRST CHOICE。蜆湯我就覺得冇咩特別，可能成日食?但食得出D蜆係鮮既，D湯稍清甜。而蒜蓉蒸菜我地叫左兩個，因為叫菜心果時覺得好好食，之後就叫多個白菜仔啦。佢蒸出黎同炒唔同既係，蒸入味好多，個汁都係蒜味，GOOD。龍蝦仔我不嬲覺得佢陣味唔好食，但呢D又唔同WOR，好清甜，好有蝦味，唔似一般既龍蝦亂咁蒸左就算。呢餐，掂呀!

第二次來呢間, 之前試過印象的野食都幾新鮮好味..由於book左位..好快入到...但去到時候都唔係太多人...坐底有一壺茶..幾好飲.餐單有埋樣睇,,但有的係海鮮價 琵琶蝦 menu係寫98隻,但海鮮價即場有2隻一大一細168/118, 最後簡左118, 開邊凍食,整體OK, 蝦幾鮮,之後見我地order左一隻食左…佢廚房又會拎返隻細出來。龍蝦湯必點, 味道濃郁，湯底有小小龍蝦肉, 如果識飲一定會叫佢地加的白蘭地, 加左白蘭地既龍蝦湯, 口感味道層次即時提升左好多…蒜蓉包好好味!!!白菜仔很嫩，上面有炸蒜蓉同新鮮蒜蓉加醬油，吃下去不會覺得很鹹或者太重蒜蓉味另外仲試左蒜蓉粉絲蒸象拔蚝仔(忘了影相), 呢個正常..唔覺得個蒸象拔蚝仔好鮮味…好普通,,仲試左西班牙生蠔….幾ok…好鮮味…去尖東想舒舒服服食海鮮之選!

有朋自遠方來，晚上帶他到尖東海鮮站晚飯。這家店是我比較喜歡的小店，它供應的食材很新鮮，食物一直以來水準都很穩定。我們訂了8點，提前20分鐘左右到達，坐下便問侍應當晚有什麼生蠔，她說有美國珍寶，法國和西班牙。西班牙蠔？很少聽到亦未試過，於是點了 "人頭蠔"，另加：螺頭湯，蒜蓉粉絲蒸扇貝，蒜蓉豆豉蒸聖子，籠蒸白菜仔。之前吃過它的cherry clams，但可惜當晚訂不到。螺頭湯的螺肉很爽很有咬勁，湯除了螺肉外還加了冬菇、紅蘿蔔、龍眼肉、淮山和杞子去熬，材料豐富，喝下去非常清甜開胃。西班牙生蠔帶有很濃烈的海水味，中間的肉很creamy而旁邊的裙邊很爽口，吃完的餘韻久久停留再口中，很複雜的一種生蠔，下次要encore。扇貝和聖子大小適中，一人一個剛剛好，肉很爽很鮮甜，它的汁(蒜蓉+豆豉+豉油) 和粉絲伴白飯一起吃簡直就是天使和魔鬼的融合。白菜仔煮得很嫩，加了少許醬油調味，上面再放了炸蒜蓉，醬油似是調過，吃下去不會覺得很鹹，反而帶有一點點甜味。餐廳的侍應一直都是那幾個，服務水準穩定，經過看到我們吃完會主動收碟。朋友吃得滿意，我亦吃得開心，一頓皆大歡喜的晚餐。

從店外看, 似西餐廳, 打開餐牌, 似粵菜館, 好錯綜複雜偶爾會經過此店, 總覺得是一間西餐廳, 即是有seafood platter那一種。老婆是個海鮮癡, 見到海鮮就開心, 差不多每星期都要以海鮮祭五臟廟。剛好今日不太餓, 不怕她吃窮我, 來試一試這個海鮮站。6時半, 不用等, 但7時半要還枱, 無所謂。一坐低就有點錯愕, 侍應給我們一壺茶, 不是西餐廳嗎? 喝茶? 再翻看餐牌, 菜式做法多以廣東手法製作, 原來是包著洋皮的粵菜......反正老婆只要是海鮮都喜歡, 我亦不介意老婆新寵, 青口, 她之前吃過琵琶蝦嚷著超好味, 又點了一隻開邊的, 還有象拔蚝仔, 以及此店招牌中蝦沙律青口煮法中西合壁, 有蒜之餘又有蕃茄作調味, 很難形容叫什麼煮法, 湯汁非常可口, 青口煮至僅熟, 非常鮮嫩甜美, 廚師掌握時間恰到好處, 讚!琵琶蝦開邊凍食, 肉質偏實, 略帶爽口微甜, 我最欣賞是蝦頭的膏, 軟滑甘甜, 整體還可以, 不過性價比較低蒜蓉粉絲蒸象拔蚝仔, 完全粵式做法, 只要海鮮本身新鮮, 控制時間得宜, 不調味也很好美味, 蚝肉鮮爽, 精萃卻在粉絲上, 這一小堆粉絲及豉油足以伴一碗白飯

好耐之前(係佢未搬之前)黎過一次, 今次再黎食過. 感覺搬左之後環境好好多, 無以前咁迫, 整齊清潔左. 不過佢個位置就比以前更唔顯眼.2個人叫左6樣野, 真係好大食本來想叫蒜蓉象拔蚌, 但係呀姐話無象拔蚌同蟶子. 唯有叫第二樣1. 響螺湯 ($33) - 藥材味夠而且係好飲既藥材味. 料都算多, 有冬菇, 圓肉, 響螺片, 杞子, 淮山等. 都算甜, 不過響螺既鮮味略嫌差少少.蒜蓉包 - 唔知跟邊樣野黎既蒜蓉包 , 好好味. 牛油好足, 而且蒜蓉味好香. 包夠鬆脆.2. 中蝦雜果沙律 ($58) - 上面有一隻中蝦, 入面有哈蜜瓜, 蘋果, 火龍果 等等, 面頭有芒果汁. 食得到有D 生果未熟, 有D 酸, 幸好有芒果汁平衡返. 不過$58食生果粒, 可叫可唔叫.3. 海鮮焗飯 ($88?) - 見好多人叫, 所以叫埋一份. Ummmm....呢個同普通食到既焗海鮮飯差唔多,上面既海鮮比一般大, 不過味雖然唔差,但無咩特別.4. 白酒煮藍青口 ($98) - 藍青口個殼好大, 不過入面既肉就縮到好細. 肉都算嫩, 只係縮水得比較緊要.5. 蒜蓉粉絲蒸元貝($86 -3隻)- 好好味,

sunday同honey去尖東，夜晚果餐我即諗起海鮮站。我個人已光顧了好多次，但第一次帶佢來試，因honey麻麻地蝦蟹，但還有魚及其他殼類海鮮可吃，最開心既係響尖東地段竟唔洗收加一服務費，亦欣賞海鮮站既菜式多數都不太油膩(始終主打得海鮮同蔬菜), 我地今次食左勁多菜，order食物如下：響螺湯 - 由多年前在舊舖至現在此湯水準依舊，$3x落足料，我每次來都會order呢個響螺湯，極鮮甜，有花菇，龍眼肉，響螺片(當然冇原隻響螺啦哈哈), 但已好滿意，連honey都激讚話啖湯足料好甜~雜菜湯伊麵 - 勁多白菜仔及小棠菜，湯底應是魚湯，好清甜，伊麵彈牙，好大碗，都係$3x, 抵！籠仔蒜蓉蒸白菜仔$48 - 其實挣扎左好耐要呢個定水果茫果汁沙律(次次來都有食此沙律因好好味), 但最後點左白菜仔，雖然同雜菜伊麵既菜重覆左，但我地就當食得清啲同健康啲，驚喜既係蒜蓉夠多兼有豉油墊底，大蒸籠裡有好多白菜，真是健康的一餐~~白酒煮蜆配兩片蒜蓉包$7x - 海鮮站的蒜蓉包亦是鎮寶之一，香脆的包上搽上勁濃牛油蒜蓉，估可能用原粒蒜頭擦響包上，此包點上用蜆煮過的白酒實在一流，酒精蒸發後配上蜆汁的甘甜當湯咁飲都好

黃昏與友人恰經此處, 不約而同說, 試下俚間啦, 食海鮮嘅. 水果沙律不錯, 是用濃濃的芒果汁淋在上面, 沒咁肥. 蒜蓉蒸象拔蚌, 好吃; 薯蓉焗帶子; 我超喜歡薯蓉這樣吃;   蒜蓉蒸芥蘭很好; 我喜歡蒜蓉, 這些食物都沒炒, 很健康, 我會跟其它好友再來的!

本人十分鍾意食海鮮, 但平時很少自己買來煮, 因為唔識揀其實海鮮一般都好易整, 最緊要係佢本身靚不靚, 夠唔夠新鮮有朋友介紹過這間海鮮站,聽起來不錯,今日終有機會來一試龍蝦沙律,係用新鮮生果加龍蝦肉撈芒果汁, 龍蝦肉數量都還可以,不會太少。而且用芒果汁取代沙律醬, 感覺清新,開胃好多翡翠螺夠爽口,鮮味 (唔同平時食自助餐果D)薯蓉焗帶子,帶子好大粒,薯蓉好香,估唔到薯蓉同帶子都好夾 (不過都見到落左好多牛油)黃金蝦不似平時食開的味道, 太甜, 比較喜歡出面食開果隻味椒鹽瀨尿蝦皇, 夠惹味。(佢係斬開一段段的, 不是原隻炒, 大家都覺得好似少咁中間一段, 砌極都砌唔出佢show出來咁大隻)芝士焗珍寶蠔,焗得岩岩好, 蠔仲係生生地,夠晒Juicy蒸籠白菜仔. 白菜仔夠甜蒜蓉象拔蚌, 夠爽口, 粉絲亦吸晒蔥蒜,豉油味,正豆豉蒸蟶子,粉絲亦都吸晒蔥蒜,豉油,豆豉味,正

海鮮站是看過不眠王子食評後決定試試的。本身自己非常喜歡食蟹，簡單白烚已經覺得好鮮味。星期六怕晚上會多人，已經於前一天網上訂位，非常方便。當日晚上六時多準時到達，當時沒有太多人，其中一張台上放上多種蟹俾食客看看當天的新鮮靚貨快快看過menu 後問問老闆娘今天有什麼蟹特別新鮮，老闆娘立即搬來水晶蟹，不過size太大了，兩人未免太over。於是叫了主要吃膏為主的麵包蟹麵包蟹產於法國，常於100米的水域活動，因長期不動所以蟹膏特別多。一隻的份量個人認為兩個人剛剛好，打開蟹蓋蟹膏真的是特多，味道鮮甜又不會過份濃郁令人覺得太膩，加上紅醋很好吃。反而蟹肉一般。不知是否長期不動所以蟹肉不是很爽口。不過整體而言，味道是很好的。吃完依然有意猶未盡的感覺。翡翠螺亦是網上食評非常推介的一味，非常爽口，不過覺得小貴，差不多hk$1x 一隻龍蝦湯味道濃郁，湯底有小小龍蝦肉，雖然不懂得分是不是罐頭貨，但是喜歡點麵包喝湯的朋友可以一叫蒜蓉非常足，蝦腸清理乾淨，蝦肉亦爽口當初怕不夠飽才叫的海鮮芝士焗飯，芝士做得不錯，做到拉出一絲絲的效果，飯中的蝦亦不是急凍蝦，人多可以一叫更飽肚。整體吃得非常開心的一餐，不用加一但服務算

搬左舖後未去食過，今晚忽然間好想食他們的沙律，所以決定去看看有冇位…；新舖比舊舖大了近一半，8點半到達時剛有兩張枱，睇左一輪餐牌後決定叫以下食品:中蝦雜果沙律~唔係用傳統沙律醬，係用芒果汁取代，加新鮮生果蘋果，火龍果，哈蜜瓜，青瓜…堆砌而成，火龍果佔嘅比例係最多，如果生果比例均衡番d會較好蒜頭象拔蚌~蒸嘅時間剛剛好，爽口易咬開，蔥蒜粉絲亦夠多，所以好夠味焗蕃茄豬扒飯~朋友嫌個蕃茄汁偏酸，但我唔覺得! 雖然豬扒係薄身一塊塊，但份量都幾多，而且豬扒應該輕輕炸過或煎過，因為表皮有少少脆脆地蒸籠菜芯~不過不失，d菜老老地! 叫左碗響螺湯及送嘅蒜蓉包，我飲開住家老火湯，所以飲呢碗響螺湯時覺得偏咸，但足料的

週六中午請朋友吃飯，話要吃海鮮，佢又趕下晝酒店check out，所以先去呢間。 店裡貓狗亂跑，我本來非常介意，唔系趕時間我已經去左第二間。點一客琵琶蝦，menu話有3隻，上離得兩隻，問服務員啊嬸，話晚餐先有3隻，午餐只有兩隻，係餐廳規矩，然後隔離貌似老闆的麻甩佬答爹話menu有寫晚餐先有3隻。我12點去食午餐你比份晚餐menu我睇？去餐廳食飯睇menu都要打醒精神睇逐隻字咆，多謝老闆塞錢入我袋。另外叫左翡翠螺，同樣凍上。感覺好似去西貢食的海鮮，食唔曬打包，返屋企放入雪櫃摞返出黎食，重要雪左3日先摞出黎食果隻，最出色其實系碟加了芥辣的豉油，辟走了不少腥味。價錢唔算貴，西貢鯉魚門閒閒地double（當然海鮮質素唔止double），budget有限，味道又可以compromise的，此餐廳可以考慮。

每當提到食海鮮，相信大家大多會想起西貢或者流浮山，本著近水樓台先得海鮮的道理，要在繁華市區中試到新鮮海鮮好像有點困難。然而，這間位於尖東的海鮮餐廳，或者能夠為你帶你驚喜!餐廳原本面積不大，但已經建立良好口碑，但由於連鎖飲食集團進駐，致令餐廳需要另覓鋪位。不過，正正利用這個機會，餐廳搬到附近一個更大的鋪位，有著更好的發展。說回重點，餐廳全要供應午市/晚市，各式海鮮都有供應，筆者近幾個月已經差不多嗜遍蟶子、象拔蛘、石斑、黃金蝦。。。。。。除了這些，餐廳亦供應高價海鮮如龍蝦和外國進口的鮮蟹!每一款海鮮都配以白飯一碗，配上濃茶，予人一種十分中式的感覺。食海鮮對筆者來說，重點就在於鮮，只要食材新鮮，只需加上簡單的調味料，就已經是美味佳餚了。眾多菜式中，筆者推介蒜蓉清蒸斑球，當然如果不怕膽固醇超標的話，黃金蝦亦不容錯過，加上咸蛋的醬汁令人難以忘懷! 除了海鮮外，另外值得推介的是餐廳的大蝦沙律，沙律底部是不同的合時鮮果，配上大蝦和芒果汁，給人一種清新的感覺。另外，店舖另一特色是海鮮焗飯，香濃芝士，配上鮮味海鮮亦時一絕。當然，餐廳仍有改善空間，整間餐廳只供應熱茶，在炎炎夏日或者提供凍飲會更貼心。而且，

自問慚愧 在附近的學校晃悠了兩年 竟然從來沒有到過海鮮站低調又隱秘的小店還是因為有著一幫”食覺神經”敏感的好友 才有機會登門一訪琵琶蝦 $78/隻開了邊 原隻兩半上桌雖然肉質 并不至於飽滿到“不帶一絲空隙”但肉身白花花的上桌 還有黃油油的蟹膏確實也是絕不欺場的好貨色 

星期5唔訂位想食7點真係冇咩可能，好彩老早訂左，到達時已經8成滿 雖仲有吉台但職員都同walk in 既客人講已留位，看到好多人白走時慶幸自己英明訂台。 今次飯局皆因好友生日所以叫多d野食。見到台台都叫蟹唔叫好似對唔住自己，餐牌上好多種蟹花多眼亂，但老友話未食過皇帝蟹於是便點了半隻，都要成$4xx雖然得半隻但已經比人手掌大，蟹肉非常鮮美，鹹美適中完全保留鮮味在內，旁邊連帶的蟹膏也非常香滑，數量都唔算少的中蝦芒果沙拉，蝦3隻放面頭，入面香蕉火龍果哈密瓜應有盡有，味道可以但自家製難度都唔會太高遲早的包，跟人頭而家，雖小但非常重牛油香，好味道!!!個人不飲酒，但友人介紹就破例，建議食時將藍貝浸一浸，腥味不重而帶點酒味+藍貝鮮味令人開胃芝士拉到一絲絲睇見都興奮，配了煙肉的鹹味+扇貝的口感簡直一流只食海鮮想飽要用好多錢$ 所以最好叫個飯，同樣地芝士很多內裡材料也不少 魷魚 蜆 魚 蝦等4個人每人不用hkd$200 算是可以接受的價錢 今餐算是食得飽飽和滿足。 食完飯可以係海皮行行下順路探下忌廉哥 ^^

食海鮮吾同地方有吾同咬法，一般西式是 "拾" 的，日本是生食的，香港多的是煎、炒、煮、炸、炆、燉、焗、烤、蒸，真係乜都有。今次我去的吃西式做法，就是 "拾" 。 "拾" 有乜好可以保存完有的味道，沒有任可添只用水去 "拾" ，"拾" 好後，等待凍後才吃，所以係凍食。沒有任何難度，只取決於本身海鮮靚不靚。今次去海鮮站吃海鮮，都係朋友介紹，諗著沒有 版的心態去試試看。好！先來響螺湯花膠湯。D湯都都未到已送來2個蒜蓉包，夠熱夠脆。蒜蓉多D會更好。跟住湯來了，嘩依然好夠熱呵！心裡都覺得間野有D誠意，2個湯都ok，花膠湯很痴口。響螺湯(懷山) 味也有不錯。渴完個湯之後，馬上來個大虾沙津。如其叫大虾沙津，不如叫大虾芒果蓉鮮果沙津，成個小山丘都是芒果蓉有。很醒胃。吃完個沙津急不及特便叫琵琶蝦，和面包蟹。蝦膏雖然不多但有鮮味。沒有梅的感覺。蟹亦都是一樣。都可以的。不過記住一樣野，其實今次所吃的海鮮完全沒有煮菜的難度，只是有 "拾" 的方法去做。所以在我心中都不是一個大驚喜。價錢都OK既，以上的食物都是用了五百多元，如果我去了些買凍肉海鮮店買海鮮，相信會有更多野咬了。