海鮮站

營業中

休息中

兩人慶祝生日已鎖定心食海鮮，經朋友介紹到好近佐敦地鐡站的海鮮站，入座7點已經満座，自家小店，之後先知原來前身尖沙咀東部知明度極高，現佐敦地點更為方便👍🏻所以未開餐前極有期待。眼見現場大部份為熟客，兩人點了：蒜蓉蟶子皇果皮蒸鮑魚避風塘瀨尿蝦皇西非蠔清蒸瓜子斑籠仔蒸菜心椒鹽魷魚🐙🦀🦞🦐🐟海鮮即叫即蒸所以好鮮，種類很多，另一驚喜食物種類不單海鮮，有炸物，湯及出名焗飯類，但今晚已大満足價錢優惠，下次有大班朋友仲可再試多幾味!

首先畀個概括呢間舖頭: 鮮味、無味精、用料新鮮、中西合璧。經常經過呢間鋪頭, 都覺得佢係一間食海鮮(龍蝦之類)嘅西餐廳。認真了解過之後, 先知道佢哋係一間中西合璧嘅港式餐廳。用新鮮嘅食材, 無添加味精, 烹調出美味嘅菜式。第一次試就嚟食個午餐, 因為路經見到價錢都幾街坊價, 而選擇都幾吸引。一坐低就會放低一個茶壺、幾隻水杯, 客人可以自斟自飲。我哋嗌咗<海鮮濃湯湯飯>及<茄汁焗豬扒飯>。<海鮮濃湯湯飯>材料都好充足: 有炸魚塊、蝦、魷魚、花甲、菜。魚湯鮮美奶白, 再配上薑絲及蔥粒, 呢種中式嘅煮法非常好味, 入口暖胃。<茄汁焗豬扒飯> 有新鮮嘅番茄做汁, 再加上都幾大量嘅芝士, 又香又清新。豬扒煎香再焗, 皮脆又保存到肉汁。喺呢間餐廳食嘢嘅感覺好悠閒, 平和舒適。飯後慢條斯理飲返一、兩杯茶。老闆好好人送咗兩包糖, 畀我個女食, 氹佢開心。

外型設計很西化，但要有心理準備，其實都以中菜為主或中式西餐。入內見客人多數食蒸魚，隔離枱叫咗上湯中蝦伊麵，都是中式煮法。一坐低，便先上一壺茶。心想叫得海鮮站，就叫金牌海鮮焗飯，睇吓有乜海鮮先。叫完餐後便有埋例湯：紅蘿白木瓜湯，熱辣辣又清甜。焗飯都是中式煑法的芝士白汁，即濃稠的白色茨汁，因舖有芝士關係畧帶鹹鹹地。海鮮方面最有睇頭是2隻中蝦，好新鮮爽弾牙，其他炸魚柳塊和鮮魷並非一般雪貨，都唔錯。海鮮與飯之間由椰菜分隔，令焗飯變得無咁油膩。

呢間舖頭係由尖東嗰邊搬過嚟嘅新舖，不過之前係尖沙咀食過覺得都好抵食，好好味今次咁啱經過就嚟到嘗試一下啦! 叫咗個豉汁蒸班腩，味道果然唔錯，好難得唔會超鹹，班腩又蒸得剛剛好，keep到肉質! 同老闆傾開計，知道佢每朝都親自去街市選購新鮮嘅海鮮，非常有心。咁既質素都只係68蚊，邊到揾?! 仲有呀上，班腩上面嘅葱花都一絲不苟㗎! 做到酒樓咁，切得幼幼、靚靚; 還有些粉絲吸味，餸飯一流! 這樣簡單既一碟魚其實都要用心做先令客人記住㗎!

這小店已是第二次到來，上次中午過來試蒸魚套餐，每碟魚都熱騰騰拎出來，感覺到確有誠意的，所以決定再來⋯⋯今次同朋友再來試吓西餐如何，我們點了兩個中午套餐，包括是他們的招牌焗豬扒飯，中午收$48套餐，還送一個例湯，真係好過去大X樂, 起碼有一壼茶，可以自斟自飲吖⋯⋯至於白酒蜆意粉，午餐都要$128, 最初以為是白酒蜆炒意粉，是乾身的，點知上到枱時，發現是煮意粉，有湯的，個人覺得，如果是濕濕地有湯的話，唔應該將意粉放在咁淺嘅碟上，牛油味太濃，但勝在都算多蜆，否則就覺得午餐用$128而咁細碟就唔多抵了另外再散叫了翡翠螺，中蝦芒果汁什菓沙律，個人覺得太多芒果汁了，另外籠仔蒜容蒸菜芯，始終覺得下次食蒸魚先叫這個菜會比較好套餐有例湯送，是紅蘿蔔青蘿蔔煲豬骨，但始終覺得一間餐廳有中、西菜，有如媽媽在家㕑西餐的感覺