海都酒家

營業中

休息中

星期六同屋企人食飯 入座後發現 座位淺窄 枱與枱之間比較淺窄 等齊人 叫落單叫咗好幾次叫上菜 叫咗好幾次等咗30分鐘 咩都無來過問員工 員工互相推卸職責問佢地上菜未，個個都話唔知 自己唔係經理女經理態度欠佳 只會照顧熟客買蘿蔔糕 扮見唔到你落單到上菜大概1 小時 落單時間18：59 (其實更加早 講咗幾次；不過唔緊要我地用相片作準)上第一道菜為龍蝦麵 時間 19：50足足等咗51分鐘呀 ! 途中仲要上錯菜 -需要提醒攞返走 最可笑係你同男經理講： 佢同你講等多過45分鐘係正常

臨近年尾，又係約親戚食團年飯嘅時候，之前疫情冇得聚餐，所以難得一聚都想食餐好嘢。人多當然食圍餐，但如果食圍餐又唔想太普通，就未必度度做到，而呢間海都就做得喇首先講個景，對住維港，一個字食到中途，會展上空仲上演夢幻香江無人機表演，睇到個個嘩嘩聲好，跟住就講食物喇，講前菜先：椒鹽魷魚鬚，香口好味百味豆腐，外脆內嫩蒜片牛柳粒，八小碟我最鍾意呢款，蒜片炸到香脆，牛柳煮到入味淋身，絕配金沙四季豆，鹹蛋黃配四季豆，香口好味麻辣魚皮：夠晒麻辣，好味陳醋雲耳：酸酸地，開胃四喜烤夫：有啲齋、菇、木耳，滷水汁鹹鹹甜甜，又索晒入個齋度雞絲粉皮：呢個粉皮好彈牙，唔會好淋，比較爽口前菜都已經份量好大，主菜仲堅重點推薦兩個超驚喜菜式：掛綠荔枝炸蝦丸，真係整到成粒大荔枝咁，師傅好嘢，而且係脆到嚓嚓聲，到冇朋友姫松茸燉老雞湯，好重姫松茸味，連飲兩碗最後食埋甜品芝麻煎堆，啱啱炸好，熱辣辣再食埋楊枝甘露糖水，開心、滿足

首先講下環境，地方闊落，有海景，好光猛，係舒服嘅酒樓食物嘅品質亦都非常之唔錯脆皮燒乳鴿好好味，熱辣辣，脆皮，有肉汁，調味啱啱好，推薦另外有個明月鹹蛋黃卷，好脆一啲都唔油，入邊就有原粒帶子同埋蝦，不過就覺得嗰半粒鹹蛋黃同成件事有少少格格不入紅米脆網腸粉就可以不試，因為佢個腸粉皮唔係做得太好，唔晶瑩剔透，食落唔滑，而且有啲太黏68蚊嘅灌湯餃個餃就冇咩餡，但係出面就有一粒瑤柱,一隻冬菇,同一舊小花膠,一試無妨黃橋燒餅就可以唔叫，因為食落好黏口，個皮做得唔係太好

今日午市，我哋第一枱客，11am開始，我哋準時到達。今次係第二次嚟，上次嚟食晚飯（大閘蟹餐），上次感覺服務好好，食物質素都唔錯，環境又舒適。所以，今次再約同好友一齊嚟，試下Lunch 。不過，今次服務員，似乎冇咁熱情主動，我哋舉手叫佢哋，都冇人望下，講緊係全塲仲係得我哋一張枱嘅時候，可能啱啱開工，工作人員唔多，又要食飯吧！明嘅，但係...我諗，如果未Ready ，不如開11:30am ，甚至12 noon，係咪大家舒服D呢？又或者我哋到嗰陣時，話聲...唔好意思，我哋員工要先食飯，幫你哋開茶先，你哋慢慢傾下先，我哋食飽之後，再招呼你哋。咁，我哋會感覺舒服D！總之，今次有D失望，因為特登推介朋友嚟，還好嘅係，環境及食物質素與味道，大家都滿意。

港島區傳統名人飯堂之一既海都酒家，早前曾試過佢地既兩皇一后大閘蟹餐已覺非常出色，今晚朋友宴客，主廚安排了餐牌都無寫的私房菜單，見識到好多令食客大開眼界既精彩菜式。頭盤蜜汁腩叉燒伴欖菜四季豆已經驚為天人，入口即溶既感覺尤如食緊大拖羅，而且全無油膩感但又極惹味，肯定係食過最好食既叉燒，而且四季豆切成幼條當冷盤既做法好有新意，保持到爽脆口感又可清新一下味蕾，跟肥美叉燒正好可以互補，精彩。清蒸江蘇大閘蟹跟上次食過既二皇一后餐一樣高質，2隻5兩蟹公都有極多白膏，而且酒家蒸爐火力同家用無得比，連蟹身既肉都係熱的，屋企好難蒸到依個效果，夠熱既蟹膏同蟹肉味道格外鮮甜，食完大閘蟹配上美味花鵰及薑茶湯丸係必備之選，尤其薑茶極辛辣但又好易入口，原來看似簡單既薑茶係要花極長時間去製作，風乾老薑後再煮兩小時帶出濃烈薑味，大師製法果然係不同。雞油花鵰澳洲龍蝦又係學到嘢既菜式，據講雞油花鵰係海都既傳統招牌做法，之前多用係蟹類既菜式當中，今次用係龍蝦身上非常之夾，雞油及花鵰混合後風味好特別又帶層次，食完龍蝦連汁我都唔放過，下次屋企都想試下咁煮，用嚟宴客一定好得體。招牌豬骨湯翅，傳統魚翅感覺都係配雞湯打獻做法為主，用上

大閘蟹的蟹膏甘香綿滑，讓一衆海鮮迷俯首稱臣，就算不好蟹的朋友也會抵受不了那股甘香誘惑而一試！所以每年秋分踏入蟹季，大家都引首以待一嚐這絕等美味。早前Keith Ku@古家私房菜 就造訪了一間以大閘蟹菜式聞名的中餐廳，在今年大閘蟹豐收年湊一下熱鬧。🔹中餐廳位於金鐘中信大廈，從地鐵站天橋連接過去也不過5-6分鐘腳程，交通尚算方便。店內坐擁維港美景，靚景伴餐當然未食先興奮。裝潢以白色為主調配上柔和的燈光，以中菜來說還算蠻有情調，在內用餐感覺舒適而富品位。🔹餐廳主打幾款大閘蟹套餐，由1人、4位或6位餐均有選擇，而且都是 #2皇1后 有夠份量，據講蟹公約5両重蟹乸則約3両重，一次過食3隻真的十分滿足。🔹套餐連大閘蟹包有8款菜式，今次試了4人套餐定價$2288，每位計只是$572/位，十分合理，論環境招呼甚至可說是性價比高。🍲羊肚菌燉螺頭湯，湯色清澈十分足料，味道清甜富菌香，羊肚菌爽口螺頭軟腍，濃厚暖胃。🥟鮮拆蟹粉小籠包 4件，一籠一件原籠奉上十分精緻，小籠包正宗皮薄餡靚，熱辣辣軟糯帶筋性的薄皮包著濃香蟹粉肉餡和湯汁，一口咬下去湯汁爆瀉而出，真的要小心燙嘴！那份濃郁甘香滿載了味蕾，滾燙的幸福感實在

九月十月又係瘋狂食大閘蟹嘅時候, 今年d蟹咁靚, 車車同埋幾位朋友去左位於灣仔中信大廈嘅海都酒家食蟹宴, 兩皇一后四人餐除左有主角大閘蟹, 當然唔少得用蟹粉整嘅菜式, 人均只係正幾蚊, 的確好抵食, 極高cp! 車車同朋友仲點左其他野食, 個個都食到捧住個肚仔走呢!✨️羊肚菌燉螺頭湯打開熱辣辣嘅湯, 車車係最喜歡的, 湯汁清甜鮮味, 十分暖胃 ✨️四鮮拆蟹粉小籠包每人一籠, 打開熱辣辣, 皮薄饀足, 入口濃郁既蟹粉湯同鮮肉, 滋味無窮 ✨️蟹粉蒜蓉包蟹粉質感creamy甘香, 搽落蒜蓉包上面, 咬落去索索聲, 鬆脆可口, 啖啖蟹粉好正! ✨️四虎蝦脆窩巴大大隻虎蝦上面再加上蟹粉,下面係脆脆既窩巴, 入口爽彈脆口, 口感好豐富!✨️清蒸大閘蟹終於到左全晚焦點嘅大閘蟹, 車車最中意就係食公蟹多d, 蟹膏鮮甜濃郁, 入口啖啖甘香軟滑, 蟹肉肥美豐嫩, 配搭蟹醋同食, 風味更佳 ✨️黑松露脆皮乳鴿乳鴿咬落去肉汁豐富, 沾上特製既黑松露鹽一齊食, 車車身一次食覺得味道幾特別, 黑松露味好香但又唔會搶左乳鴿嘅味道 ✨️蟹粉扒菜苗食左咁多海鮮同肉, 當然要食番少少菜啦, 菜苗同樣鋪滿左蟹粉, 超級creamy,

帶長輩去食飯，飲茶絕對係少不了嘅行程🫖今次就試咗呢間位於金鐘近海嘅海都海都位於中信大廈，離地鐵站都有一段天橋路程如果長輩唔慣行好多路嘅話就可以要搭巴士過去，唔使行咁遠😌劃點心紙嘅時候我地發現原來有啲點心係逐件計而唔係逐籠計🤣對食開一盅兩件嘅我嚟講好新穎逐粒金箔蝦餃上，真係好壯觀！一籠一粒嘅份量比較大所以唔會覺得好唔抵食而且味道都好好👍🏻奶皇包都可愛過人😍啱晒鍾意打卡嘅媽咪啦！今次有啲可惜坐唔到海景位置而無海景位置嘅枱就比較一般同無咩人理🫠不過整體都唔錯，食物質素亦OK之後同媽咪去開金鐘添馬附近會挑戰下海景位，希望有更好嘅體驗啦😆

《海都酒家 - 金鐘》每年到左九月十月，又點可以唔食大閘蟹呢😎年年到左呢個時段都會瘋狂食蟹食到人地滅村咁滯🤣今次多得車車 @kchelseapy介紹，去左一間水準好高既酒家食蟹宴，四人餐都係$2288，除左蟹粉菜式之外，餐入面一共有兩公一乸大閘蟹🦀呢個時候食公就最正啦，隻隻都足五兩巨大隻，連平日好少食既腳都好多肉好飽滿😋不過我成晚拆蟹拆到手都軟😂講下四人餐有咩先，我地四個人食，由頭食到尾未停過，個套餐每道菜式以人頭計，以為會唔夠食仲叫多左其他野，當晚真係食到巨飽💁🏻‍♀️蟹粉蒜蓉包 八件睇落平平無奇，但食落勁正😎個蟹粉係重點黎，質地十分creamy 而且甘香，仲有蟹肉喺入面，抹塗落脆脆既蒜蓉包入面真係巨正💪🏻💁🏻‍♀️鮮拆蟹粉小籠包 四件一人一件原籠奉上，要襯佢熱辣辣時即食呀👍🏻個皮雖然薄，但帶點煙韌既口感，入面包住濃郁既蟹粉湯同鮮肉，必食💁🏻‍♀️羊肚菌燉螺頭湯前菜幾道菜都係用黎暖暖個胃，個湯清新得黎入口有好香既菇菌味，螺頭煮得軟淋唔會韌，我當日係連湯渣都清曬的💁🏻‍♀️虎蝦脆窩巴賣相勁討好，大大隻煎香彈牙既虎蝦加上蟹粉，下面係脆脆既窩巴，整體口感好特別💁🏻‍♀️清蒸大閘蟹 重頭戲就梗係大閘蟹

一年一度食大閘蟹嘅時間又到，周圍都見到大閘蟹嘅蹤影，係時候要出動🤭🤭呢間酒家喺中信大廈，金鐘地鐵站行上去都唔算遠幾易搵。酒家有靚景，望到維港，我哋7點去到人頭湧湧坐滿晒😳 雖然係星期五，同行幾個同事都不約而同話呢個位置都咁滿喎我哋一行4人去，食個4人餐啱啱好～呢個餐有 #2皇1后 ，話公有約5両、乸約3両。食大閘蟹出街食有個好，就係唔駛喺屋企整咁多嘢，又要行嚟行去蒸蟹，一路食一路剪又有機會整污糟啲地方，又要預備蟹以外嘅嘢食，出去食有人執乾淨爽丫丫～先上咗個 #蟹粉小籠包 ，熱辣辣又多湯，食完呢個更加期待之後個大閘蟹🤤 再嚟上 #羊肚菌燉螺頭湯 ，個湯足料香濃，好飲！平時少湯水落肚，即刻舒服晒。然後到主菜！！先上蟹乸，都幾多膏，上到個蓋都有，啲膏又香，正🤭見我哋食到咁上吓，再上下一輪，一隻大過一隻～ 我哋慢慢拆蟹，都食咗好耐吓😂食完就上其他熱食，有 #蟹粉蒜茸包 好香脆，我啲舊同事鍾意呢個，話鍾意個味道好香～#虎蝦脆窩巴 虎蝦好大隻，襯窩巴好特別#黑松露脆皮乳鴿乳鴿都幾大隻下，好食！最後仲有 #蟹粉扒菜苗 同 #薑茶湯丸 食埋個薑茶湯丸，完滿嘅一餐👏🏻份量好多，我哋3女1男食唔晒😅

屋企人今日咁啱起身話想飲茶，上網搵吓就見到有呢一間茶樓，好多人都話佢個景好靚，所以我哋就去試吓！反正咁近屋企！我哋去到好快就有位，等候時間都唔係太長，我哋都安排到見到海景嘅位置，侍應都非常貼心 一嚟到就問我哋要咩茶比較推介嘅食物，有佢嘅鮮蝦腸粉，腸粉做到皮薄餡靚嘅效果！每一隻鮮蝦都有爽口彈牙嘅感覺，呢個位值得加分！品味配搭上極都做得唔錯！ 我個人嚟講就比較鍾意食佢嘅馬拉糕，覺得佢嘅味道非常傳統，同埋咬落去好鬆化，仲要熱辣辣！甜品嚟講簡直係一流！總括用餐過程愉快，有機會會返嚟幫襯

原本跟朋友慶祝生日晚餐，叫了龍蝦湯飯，酸菜魚，咕嚕肉，椒鹽魷魚！龍蝦湯飯不過不失，咕嚕肉可試可不試，椒鹽魷魚不錯，但酸菜魚一上菜是凍的！288元一個酸菜魚，只有幾塊，加很多芽菜，完全不值一試，是我食過最最最難食的酸菜魚😅埋單個時，竟然最後才說滿500元有88折，1000元68折，下單前和餐牌都完全無說過！非常不滿！不會有下次！

我一間頗高質嘅茶樓，好處係可以叫單件點心，咁小人去飲茶也可以。蝦餃超大粒，仲有埋金箔喺上面做裝飾，蝦肉非常爽口，皮滑餡靚，金箔顯得點心好高貴；另外今次試咗鮑魚酥，用脆口既蛋撻皮裝住原隻鮑魚，鮑魚咬落去鮮味十足，好少茶樓會有嘅款式，

朋友介紹，揀咗海都食大閘蟹😋😋我哋兩個人食咗個大閘蟹二人餐，個餐好豐富，我哋差啲食唔晒～由於經理每人送多一隻蟹，我哋食得慢，結果食到人哋差唔多打烊先至食完😂😂嗰日我哋食飯係平日晚上，餐廳唔會好full，坐得又舒服，可以離遠望住海景❣️下年大閘蟹季節一定會再光臨🥳🥳

同朋友食粵菜，早早訂左枱。午時約11：00，人不多，安靜，有幸被安排到近窗口的位置，無敵大海景，飽覽整個維港景，心情舒暢。望望餐牌，選擇有商務套餐，套餐中湯和波士頓龍蝦面的味道不錯。原隻鮑魚扣花菇：鮑魚细只，罐頭裝，勉強過得去。薑蔥霸皇雞：雞不是很新鲜，比較细只，味道麻麻地，吃不落去。總結：環境一流，服務態度好（換收碟子速度够快）但食物質素不是很新鲜