16
4
1
港鐵荃灣站 A4 出口, 步行約9分鐘 繼續閱讀
電話號碼
24903134
開飯介紹
少數仍有保留推車仔賣點心的屋邨茶樓,還有很多傳統點心,如豬肚燒賣、炒銀針粉等。 繼續閱讀
營業時間
今日營業
04:00 - 00:00
星期一至日
04:00 - 00:00
付款方式
現金
食評 (24)
等級1 2021-05-16
190 瀏覽
趁今日假期去懷舊酒樓嘆下一盅兩件!今次去位於福來邨既海連酒樓試下,本身諗住食雞球大包,不過點心姐姐話今日已售罊,有點兒失望!之後點左糯米包 同 魚翅餃,呢2樣點心都係好少酒樓有得叫!除咗呢2樣點心仲叫左碗仔翅、牛肉 同 蝦餃,不過掛住食唔記得影相,整體點心算皮簿,可以再黎試! 繼續閱讀
(以上食評乃用戶個人意見 , 並不代表OpenRice之觀點。)
作為一個荃灣區居民,一直都未去過福來邨呢間懷舊茶樓,今日有時間經過附近就去試一試,一個人叫咗盅鳳爪排骨飯,山竹牛肉(得兩粒),同埋雞扎埋單價錢80幾,我相信係因為冇咩嗰啲孖寶優惠亦都冇話特別平嘅10零$20一盅飯,不過貴都唔緊要,味道就真係見仁見智。 繼續閱讀
(以上食評乃用戶個人意見 , 並不代表OpenRice之觀點。)
荃灣舊式茶樓除左好出名嘅川龍街端記同彩龍,仲有啲唔駛上山嘅,好似今次介紹位於福來邨嘅海連,佢就仲係保留由姐姐推點心車嘅做法,令每次點心車推過都好期待(雖然大部時間都只有一架點心車),亦由於要時時刻刻留意有咩新鮮點心推出,成個飲茶過程都十分專注🤣除左點心車,門口仲會有包、盅頭飯可以叫。包仲可以單點,唔係一籠上,咁樣就唔駛迫全檯同你一樣叉燒包😎但唔太推介佢嘅奶黃包,吉士餡太甜亦冇蛋黃味😨其他點心都好食,只係款式就唔多,食果日亦冇炸物😅 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-08
1394 瀏覽
今朝早啱啱經過福來邨路口,好難得啱啱有一個錶位,拍低架車發現隔離有間茶居,同屋企人一齊試吓。坐落先發現佢哋嘅點心全部都係用推車仔嘅形式,都有10年八載冇見過呢一類茶居,,朝早好多食客,好難得先至搵到位坐,當然係呢一類茶檔唔會坐得好舒服,但基本環境都算乾淨。雞包大包,都幾大個,入邊嘅雞係雞件而唔係絞碎嘅雞肉,麵包質地好鬆軟。叉燒腸唔算好高水準,但係都係可以接受。山竹牛肉好大隻好,牛肉感覺好新鮮好彈牙,有牛味。蝦餃我覺得水準好高,雖然蝦唔係好大隻但係好新鮮,好有蝦味。我隔離坐住個86歲嘅茶客,佢話呢度都超過50年歷史,已經係第三代經營,一直都保持係傳統師傅現場即做,所以好多熟客同埋上咗年紀嘅人士幫襯,但係價錢一啲都唔算平,係大酒樓嘅價錢每人都要差不多$50。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-07
1589 瀏覽
海連在荃灣已有相當日子,年紀越大越愛,筆者很喜歡過來飲早茶,尤其星期日,越早越有氣氛,那香茜餃、魚翅餃、魚翅包、干蒸牛肉、還有銀針粉⋯⋯正宗的一盅兩件,茶葉清香,現今難得的茶樓。老友從外地回來,要求要吃地道小炒,於是便帶他來這店。食店一般作街坊生意,喜歡看到牆上的餐單,古老舊制的價錢寫法,令筆者回憶起從前跟媽媽到街市買菜,價錢牌也是這樣標記,一張長形的紙牌價錢,寫上古舊的數字,一一放在一堆堆的蔬菜上,幾多錢一斤,一目了然⋯⋯又再想當年⋯⋯由於老友回來只是三數天,飯局頻密,一坐下來便說吃少少,因下午茶吃得很飽 ,故此點三幾個小菜,重點是閑話家常。海蜇燻蹄~海蜇彈牙,燻蹄味道唔會太濃,下酒小吃一流。啫啫通菜煲~生炒骨~不過不失。三色時蔬~筆者喜歡那三色蛋夠豐富。煎魷魚肉餅~肉餅和肥肉比例平均,不會過分肥肉,還有那點點的馬蹄粒,爽口,筆者大愛。老友見到這個肉餅已大讚,明明說飽,除即加多碗白飯。整體來說:這是筆者久不久會過來早茶或晚飯的食店,早市喜歡那舊式茶居的感覺,晚市小菜質素很平均,由於是作街坊生意居多,店員那種熱情,就算久不久過來,都會感受到那份親切感,值得一讚。 繼續閱讀
(以上食評乃用戶個人意見 , 並不代表OpenRice之觀點。)