26
11
5
營業時間
今日營業
14:00 - 00:00
星期一至日
14:00 - 00:00
以上資料只供參考, 請與餐廳確認詳情
食家推介
海記合桃坊既果仁糊類一向都幾出色，感覺上應該無乜加澱粉去增稠，食到好原始既果仁味道。食合桃糊一定要叫沙沙，即上面既合桃粒粒，先夠香口！除左果仁糊類，佢既芋圓都係，之前食過有d地方既芋圓，包括我自己整既，都有一陣可能係木薯粉既怪味，但海記既就無，大小剛好之餘，又食到芋頭蕃薯既天然真味，仲要煙韌度剛好，不會過硬過淋。個雪糕都係出色，唔會有化學味不過佢serving size真係幾大，食完飯再食個紫米露，飽到行唔郁
繼續閱讀
海記喺土瓜灣屹立多年，一直為街坊提供平靚正嘅甜品，作為煙韌控，我最鍾意嘅就係芋圓系列，每次去到都一定會叫紫芋芋圓仙草凍/西米露($39)🥰佢嘅特別之處係面頭嗰兩球雪糕，食落又有啲芋頭冰嘅口感，但絕對唔係雪到起冰嗰隻，味道好濃郁好正😋芋圓唔算特別好味，偏向硬身咗啲，不過都叫到合格，咬落都有淡淡嘅芋頭香，嚟呢度主要係食佢嘅豐富餡料同埋雪糕，又有紅豆又有蓮子，食完真係飽到上心口😆強烈建議住附近嘅買外賣同人share🤣
繼續閱讀
我前陣子去咗海記甜品試咗佢哋嘅芒果腸粉。佢哋嘅腸粉係用椰汁皮包裹，口感好滑順。芒果肉鮮甜多汁，同腸粉一齊食真係好夾味。每一口都食得到芒果嘅鮮甜，好開胃。不過，我覺得海記甜品嘅價錢稍為貴咗啲。腸粉唔算大份量，但價錢卻比較高。如果你追求價錢平實嘅選擇，可能要考慮其他地方。如果你係芒果腸粉嘅愛好者，同埋對於價錢無特別要求，不妨去試下海記甜品嘅芒果腸粉。
繼續閱讀
外賣買咗佢地門口poster 貼住的沙沙合桃露。三十幾蚊。特別之處是另外附上一包仔合桃碎，合桃碎有微微油益味，不太嚴重。合桃露稀杰度適中，不過唔算香濃，加咗合桃碎口感幾好。
繼續閱讀
位於土瓜灣馬頭角道33號欣榮花園購物商場地下四號舖的海記合桃坊甜品，主打中式糖水。筆者和朋友當日約四點鐘到達，店內也有幾枱客人在吃甜品。曾經試過旺角分店的「海記」，水準也頗為不錯。。向職員落單後靜待五分鐘，各款甜品便陸續上桌了。。📌沙沙合桃糊 （可冷可熱）- $32 Grainy Walnut Soup～採用雲南頂級尖白合桃～自家磨製，合桃味道濃郁，幼滑可口。～合桃粒 -能增加糊的香味及口感～建議熱吃，合桃的香味更加出眾誘人😍～合桃有健胃、補血、潤肺的功效。合桃糊是這間甜品舖的皇牌甜品，味道也令人相當滿意。今次也是點了熱的合桃糊，剛上桌時合桃糊熱得燙口，要慢慢吹涼享用。。筆者愛吃充滿口感的沙沙合桃糊，如果不喜愛面頭澎湃的合桃粒，則可選擇幼滑的「補腎合桃糊」。。📌桑寄生蓮子紅棗茶（熱食）- $27Chinese Herbal Tea with Lotus Seeds～加雞蛋 （Eggs）+$2～加清心丸 （Chewy Starch Cubes）+$10。這款甜品也是相當滋潤養顏，適合女士享用。桑寄生茶熱度足夠，吃畢後相當暖胃，感覺幸福，這款甜品的甜度適中。。燙口的雞蛋也是剛剛熟，蛋黃質感鬆化，不會過硬。。朋友特意加了質感煙煙韌韌的清心丸，令甜品更為豐富。。📌薑汁芝麻湯丸 （熱食）- $28Black Sesame Dumplings in Ginger Soup芝麻湯丸的熟度也是剛剛好，湯丸質感煙韌而又不會過腍。可見炮製甜品的師傅技巧純熟，煮湯丸的時間相當精準。。裡面的餡料除了有芝麻蓉，還會有粒粒芝麻碎，口感豐富。。用來伴湯丸的薑汁味道濃郁，輕輕呷一口，整個口腔都是老薑的香氣，十分暖胃。。📌龍眼冰鮮果椰青凍 （冷）- $52Longan Top Ice with Fresh Fruit & Coconut Jelly (In Young Coconut)。這款甜品感覺相當清涼，適合炎炎夏日享用。椰青凍的份量巨大，適合二至三人享用。最頂部的是味道清甜濃郁的椰子雪糕。中層的為粒粒芒果、士多啤梨（草莓）及清爽的龍眼肉。。最底層的為椰青凍，清新的感覺就像去了曼谷旅行般。。海記合桃坊甜品（Hoi Kee Walnut Place）📍土瓜灣馬頭角道33號欣榮花園購物商場地下四號舖📍Shop 4, G/F, Jubilant Place Shopping Arcade, 33 Ma Tau Kok Road, To Kwa Wan
繼續閱讀