海街丼 (海光街) (已搬遷) 新店位置

上個月去左東京，記得某電視節目介紹過海街丼，特地去了一次，十分好食。過左一個月，想回味一下，得知香港都有一間海街丼，所以就去了。一開始還有一點擔心，怕只是抄人地個名。不過去到見到門面，裝潢，放心唒，因為都是同日本如去一切。仲見到日本店的老闆來香港巡視。講返食物，海鮮是日本直送，海膽鮮味，魚生新鮮。同日本大部分海鮮丼一樣，所有野切成丁，不同香港大大片。丼飯有吞拿，帶子群邊，章魚，三文魚子，海膽等。魚肉等應該有醬料輕輕撈過，有淡淡香味，不會過濃。飯是暖的，本人很怕冷冰冰的飯，其實是海鮮丼三食，首先試魚生，再吃魚生加飯。第二食是加秘製醋啫喱一齊食最後加湯，如茶漬飯值得一提的是wasabi是鮮磨的，誠意滿滿整體而言，高質日本料理

完全無諗到香港可以食到正宗日本丼，不用醋米改用醋啫喱，好新穎+特濃漁湯做茶漬飯真係好驚喜，一丼三食無得頂，加上都係二佰樓下，真係超值，小吃日本蕃茄，豆腐，沙律，刺身，真係又新鮮又好味，天婦羅又香脆又唔會乾，不得了，會返食既一間日式店！

想試這間日式丼很耐了，但每次都見大排長龍。。心諗係咪真係咁好食。。要我等餐飽。。。。。。咁啱今日早左少少放飯，去到見冇龍。。一放衝入去試試佢舖位细細。。要搭枱。。餐牌(午餐)選擇不多。。見人人叫招牌菜“ 海街丼”。。一於叫個普通版侍應仲耐心教我地如何用啫喱 醋汁。。配合丼海鮮已調味。。基本上不加豉油也可材料及飯好正湯及茶亦不俗。。但午餐時段。。因想多做生意。。。有少少趕客feel...😣另一樣要減分係。。咁趕仍要加一服務費。。我寧願你明碼實價。。不用巧立明目

第一次去幫襯，整體感覺好好。店員很有禮貌，介紹食物好詳細。同朋友每人叫咗一個Set，份量幾好，唔夠好似可以加飯同醬。另外有一份小食，味道都好好。食材方面，自覺好新鮮，種類都有好多，海膽，蝦，仲有好多其他其他。我比較喜歡個飯底，唔會好重味，跟餐有一個啫喱醬，用來撈飯食，份量多少都可以自己控制。餐裡頭仲有一個保溫壺，入面係魚湯，可以食到7788果陣加入食撈黎，個湯好鮮甜。註：由於我遲到，所以友人已經先拎位，所以我唔清楚等候時間。不過目測店內已滿座而且店外仲有人等候，如果無訂枱可能要預時間等位。

11:45到達，被安排坐在吧枱座位，可以看到一直師傅準備食物。餐牌十分簡單，有三款魚生飯，熱吃有天婦羅飯、炸豬扒飯及親子丼。先介紹當天有一個特別魚生飯，是由昨晚新鮮來到的魚造成，有海膽、三文魚子、鯛魚和兩款白身魚。價值＄170。我叫了這個special 飯。看到廚師準備我的飯，魚生一早便切好，放在保鮮紙內，然後他把魚加到飯上，再加上蔥白和芝麻。我的那個定食還有一個Kimchi凍番茄小食丶麵豉湯和茶。我的魚生好像比另外那三款魚生飯的魚生少很多，有點後悔沒有叫另外那幾款。魚生沒有事先夾定，但是侍應怎樣吃，他只叫我加酸汁啫喱，感覺有點草率。好彩桌上有介紹吃法的咭紙，他會先叫你加豉油和芥末吃，然後再加特製的酸汁啫喱，不過提議不要全部的酸汁啫喱也加進，不然魚生便被酸汁蓋過了。最後應該有湯汁加進變成茶漬飯，但是午市並沒有提供，覺得有點可惜。其實廚房有四個廚師，這些準備功夫應該可以做到的，真是有點美中不足。另外那個番茄小吃十分惹味，是一個亮點。跟宗像丼比較，宗像丼比較地道，吃法和味道的層次感做得比較全面。但是在港島區這間也是一個比較便宜的選擇，下一次都會是他＄90的套餐，感覺比較超值。

 一入到餐廳服務員已經好好禮貌, 仲幫忙拉開椅子給我們好好坐底,  用心介紹餐牌既食物.當丼飯上菜時服務員用心介紹進食既次序, 驚喜位係我從來未試過食丼飯係唔洗加醬油既,  白飯底本身係無加醋, 不是醋米, 原來日本廚師用心將醋造成細細粒既啫喱, 比我地加入飯內食, 根本唔洗加醬油已經好夠味, 食到三分一 丼飯可以變身成茶漬飯, 個湯仲要係用魚湯, 相當好味,好似身處係東京食緊日本料理咁, 非常有驚喜.其他食物亦好好食, 新鮮番茄食得出係日本空運貨, 又新鮮又清甜又juice.  清酒煮蜆既清酒味剛好,芝士魚餅亦都好食,  梅酒又好好飲, 整體好滿意, 坐位舒適, 重點有驚喜+價錢又親民, 再會返食!!

每日到午飯時間都見到呢間日本餐廳好多人排隊，今日終於襯出糧黎試下去到嘅時候都要排隊，見入面位置相比附近餐廳都算多座位，排左15分鐘左右入到去，門口係一隻大趟門，平時長關，所以入面私隱度都高，入到去有張大枱，店兩邊就有d卡位，仲有一行面壁枱，我見一位的話可以唔洗等就入到黎坐面壁位。叫左海宝丼「上」，$115，d魚生都切得幾大粒，佢有個柚子醋啫喱俾你撈落去食，感覺幾清新，不過同事就話d魚生麻麻地，係d醋蓋過左d唔新鮮嘅味，不過份量都算對得起呢個價錢嘅。

一間開咗唔係好耐嘅魚生丼店，如果想lunch食，就真係要早少少，早幾日去到12:20已經坐滿，隔2日今日再去，再早dd 12:10到，就有位喇呢度嘅裝修好似去咗日本咁，好有日本小店特色，有好多黃色嘅吊燈泡幾靚基本上lunch set選擇唔多，魚生丼只有四種，呢都有熟食嘅親子丼每個lunch set都有麵豉湯，日式凍蕃茄前菜，同埋綠茶或者玄米茶，重點係有特色嘅醋啫喱，魚生先沾芥辣同醬油食，壽司飯唔夠酸可以自己家醋啫喱日式凍蕃茄辣辣地幾好味，有好香麵豉、麻油味，仲有少少辣螺肉汁嘅味- 海寶丼 $90 - 有紅肉、白肉、章魚、蜆、小扇貝、鰻魚、黃瓜，魚生都幾新鮮，不過部份係熟咗嘅，所以食落感覺唔似全碗都係魚生咁- 海寶丼 $115 - 比多咗真鱈蟹肉，蟹肉咸咸哋，唔係話好濃味- 吞拿魚蓉飯 $130 -吞拿魚茸略略唔夠肥美，但唔都算好味。

新開張嘅一間刺生丼店，今日第一次黎試食。叫左一個「海宝丼」$90 ，有紅肉白肉。鰻魚，蛤蜊...等海鮮。 我欣賞佢其中一點同佢它海鮮丼唔同嘅地方，就係佢唔係用落左好多醋嘅海鮮飯，係另上一碟醋啫喱比你撈飯。天氣咁凍仲要食凍飯真係唔多好。 佢飯暖暖的，幾好。 海鮮係新鮮的，章類本身係好彈牙。要少少牙力。不過overall 價錢，味道同環境。都係算唔錯。

行過見到終於開張，咁緊係試一試啦～但係門口一個餐版都冇，食乜都唔知，淨係知一定係日本野問佢食咩啦，佢話食丼飯，咁試下啦佢lunch 唔係好多野揀，有三款海鮮丼仲有兩款親子丼我叫咗佢最普通既海鮮丼定食，賣相都幾靚。有前菜，麵鼓湯，凍烏龍。筷子都係靚既即棄筷子，不過有D唔環保海鮮丼𥚃面有吞拿魚，三文魚籽，帶子裙邊，配埋蔥粒，全部都係我至愛呢碟係啫喱醋，佢話撈埋落個飯到食喎，一放入口眼前一亮，幾正喎，酸酸甜甜咁幾開胃，撈埋落去個味又幾夾唔駛15分鐘，成碗比我隊晒

由於早到（12:00）左右，所以一來就有位啦。侍應服務態度很好，坐的位置也很舒適，一睇menu就很快決定要吃海膽飯，我朋友點了滑蛋豬扒飯，侍應跟我們講可以免費加大飯底，如要凍飲加5蚊。尚算合理。過了五分鐘到飯就來啦。海膽沒讓我失望，而我朋友話豬扒飯也不錯。埋單總共235蚊（海膽飯+凍飲=155 + 滑蛋豬扒飯=80）價格尚算合理。唯一美中不足的是menu太少菜式選。希望遲下可以多點選擇。否則很難跟附近幾間日本食店競爭。