90
2
1
電話號碼
63773038
營業時間
今日營業
12:00 - 22:00
星期一至日
12:00 - 22:00
付款方式
Visa Master AlipayHK 支付寶 現金 八達通
其他資料
當面支付
食評 (97)
等級4 2021-03-25
701 瀏覽
以前想食高質兼抵食啲嘅日本菜,通常要去油尖旺一帶或者連鎖集團式日本餐廳先得,估唔到而家喺新蒲崗都有得揀。呢間海膽仔開咗冇幾耐,短短半年咁上下(?)所以環境裝潢都仲好新,前舖主要做外賣,後舖就堂食,一入門口左手邊係幾位師傅新鮮製作食材。格局分明,setting都幾特別。有唔少日式擺設,好有心思。如果播埋日本音樂,會更加似日本嘅餐廳先食沙律,鮮甜嘅蕃茄配上爽口生菜同麻醬,份外開胃,隻碗仲好得意呀!好鍾意❤️有貓貓圖案然後飲咗個海鮮湯,唔太鹹,我同朋友每碗都有兩大隻蜆肉,同一般嘅麵豉湯與別不同。開完胃,開始食主菜,我哋一齊食咗刺身定食配白飯嘅刺身先,因為擔心放得耐墊底嘅冰溶咗影響刺身嘅新鮮度同原汁原味。每款刺身都值得逐一評價下三文魚:正常發揮,不過不失油甘魚:厚肉有質感吞拿魚:略沾豉油已經味美可口北寄貝:唔係好大片,但爽脆唔過韌帶子:厚身彈牙甜蝦:好嫩滑,大隻多肉,鮮甜空運雜錦丼唔同嘅魚生粒拌埋嚟送飯一流蟹鉗睇落細細件,但係好好食!仲有辣辣嘅薑片同爆珠咁嘅魚子粒海膽都唔細舊,好滋味倍化帶子吞海膽賣相有啲似和式飯團🍙夠吸睛!最期待嘅海膽,留到最後先食!!作為招牌菜果然名不虛傳!食完真係會有一種「嘩」嘅感覺,一啲都唔腥帶子同海膽都帶淡淡鮮甜,同時一啖入口異常地夾好物深藏不露,帶子包裹著色澤呈橙黃色嘅海膽,而且實物仲吸引過menu上幅相如果要講呢間餐廳有咩不足,我諗係人氣?由於客唔多,有時服務員企喺附近望住我哋食,有啲唔自在,不過好處就係我哋有咩request都即時幫到手。例如打唔開碗湯嗰蓋,店員都主動上前幫手。可能要再宣傳多啲,我哋食嗰日人流唔多,大部分都係外賣,不過新開張又有水準嘅野食,相信都已經累積到一定嘅回頭客! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-17
1623 瀏覽
朋友推介過呢間餐廳一段時間,可惜一直冇乜緣份,聽佢話呢個餐廳嘅班底係來自一間銅鑼灣出名食燒肉同刺身嘅店。講起個名,你自然有就有興趣,因為曾經喺銅鑼灣稱霸一時。 今晚經過新蒲崗,見竟然冇乜人,就walk in入去試吓, send幅相俾我朋友,點知佢話,原來個廚已經走咗。坐咗落去呢間海膽仔,冇理由返轉頭,我哋就求其叫幾個丼飯餐試吓水溫。 首先第一樣野係,餐廳可能員工真係唔係好夠,我哋叫咗四個鐘飯餐,坐左差唔多20分鐘先有得食。 而佢哋大量處理緊外賣order,相信呢個係影響佢哋嘅服務質素一個主要原因。 不過冇關係,如果好食嘅話,等一陣又有乜所謂。 每人叫套餐都有啲前菜,麵豉湯,沙律都係正常水準。 媽咪叫了個汁燒雞扒湯烏冬來吃,當然你唔會將佢同座銀比較,我只覺得不過不失,以一個幾十蚊一碗嘅價錢,其實已經不錯。 烏冬餐附送了兩件太卷,就真係普通左少少,我承認呢個有少少令我擔心稍後壽司丼飯嘅水準。 幸好,丼飯中我覺得海膽三色丼最吸引,毫不猶豫便點了,無論海膽吞拿魚蓉魚籽都係expectation 水準以上。 壽司定食,最出色的會係海膽同蟹膏吧,其他正常business as usual 。 雜錦丼,最爽係有希靈魚在其中,爽口無比,提高了成碗飯嘅靈魂和水準,好少見雜錦丼飯會有希靈魚。 整體感覺中等,但價錢取勝,係冇乜日本菜嘅荒島新蒲崗,絕對係愛日本菜嘅人嘅福音,這甘泉,不錯吧。 海膽仔 新蒲崗衍慶街2-32號新蒲崗大廈地下Q號舖 繼續閱讀
(以上食評乃用戶個人意見 , 並不代表OpenRice之觀點。)
等級4 2021-01-31
1822 瀏覽
好耐冇食過日本嘢😊依日午餐嚟到海膽仔,我哋叫咗兩個set lunch,同埋點左一啲壽司佢哋嘅定食都配有沙律,以及海鮮湯。沙律菜好新鮮,配合沙律汁比較清新開胃。今日嘅海鮮餐兩邊也是用,都幾大粒幾好味牛肉烏冬包定食牛肉份量好多,牛味好香濃!烏冬香滑彈口,湯底係甜甜地嘅壽喜燒味道,配合埋烏冬好夾。另外,亦有金菇、冬菇、雞蛋、蔬菜等等配料。日本黑豚肉眼定食黑豚肉炸得外邊香脆,裏面的肉係好幼嫩。加埋新鮮檸檬汁落去,點沙律醬食,非常美味!火炙芝士三文魚壽司及帶子壽司三文魚肥美,火炙之後更加感覺到三文魚油香味。配合埋鹹鹹地香香地嘅芝士,令到呢個壽司更加豐富好味。而帶子壽司幾新鮮,帶子大粒而且味道香甜。鰻魚芝士卷鰻魚味道香濃,加埋芝士及青瓜等配菜,口感豐富。牛油果軟彀蟹卷牛油果熟嘅程度啱啱好,有果香,軟殼蟹炸得香脆,加上沙律醬味道非常配合。今次午餐覺得都幾抵食,星期日我們有午餐定食,店內壽司質素也唔錯,價錢亦合理,絕對值得再來 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-13
2264 瀏覽
今個假日去左新蒲崗呢一帶行下,相比以前呢到有唔少新餐廳進駐.行過見到呢間有做外賣及堂食既壽司刺身食材店內既魚生望落都好新鮮而且價錢亦都唔算貴,就決定入去試下個lunch.蔥拖羅海膽三色丼定食新鮮粉嫩既拖羅蓉上配搭晶瑩剔透既三文魚籽及珍貴既海膽見到都已經流晒口水.粉嫩拖中帶點淡紅既拖羅魚肉,除左打成蓉既綿滑感外亦帶點新鮮魚肉既彈牙感,令層次感更豐富.拖羅魚蓉香嫩,入口肥美富魚油甘香.味道無一絲腥味或鐵銹味.加少少醬油再配上蔥花及白芝麻粒,簡簡單單已經相當美味.以呢個平民價食到咁高質素既拖羅魚蓉真係抵.三文魚籽粒粒飽滿,清澈通透.外層輕輕一咬而破,內裏充滿海洋鮮味又甘甜既魚油立即滲入口腔內,馥香魚甜.海膽唔會霉爛,入口甘香而不腥臭而且質感順滑細緻.什錦角切魚生丼定食醋飯上鋪滿粒飽滿又富有光澤既魚生,有三文魚,吞拿魚,油甘魚,八爪魚,蟹籽,青瓜及玉子粒.刺身新鮮甘香,入口嫩滑帶有彈性.加上爽膽青瓜及蟹籽增添左份爽膽感,清新又美味.醋飯晶瑩飽滿,醋香味不過酸又略帶甘甜,十分開胃.定食內含沙律,茶碗蒸及麵豉湯.茶碗蒸內既蒸蛋夠香滑,放入口直接滑入喉嚨.略嫌高湯及蛋味唔夠香濃,味道偏淡. 繼續閱讀
(以上食評乃用戶個人意見 , 並不代表OpenRice之觀點。)
等級3 2021-04-14
0 瀏覽
前排上網碌碌下見到,海膽!正呀!同朋友講大家都好心動。地點係新蒲崗但其實交通都方便,發現係九龍灣搭小巴去10分鐘就到👍🏻放工怕塞車,約埋朋友6點鐘食😋鋪頭前面係做外賣,入面有坐位入座時店員介紹除咗餐牌都可以行去外面啲櫃睇睇嘩!!!啲貝殼類曉郁,勁新鮮~唔好睇佢店面唔太大咁,信唔到餐牌種類咁多!當然要食海膽啦🤣叫咗個爆膽丼同本地海膽試晒本地,加拿大同日本海膽🤣本地海膽燒過,個口感會特別啲又香~加拿大海膽就清甜啲日本海膽兩舊大大塊就最濃味全部都好新鮮好好食有啲飯,紫菜係到,我地食到好似自己包手卷咁,好fun🤣順帶一提虎蝦燒得好香,啲肉質幾爽口,大大隻冇縮水👍🏻仲叫咗甲羅燒,幾件壽司,同埋可樂餅都好食全部都質素幾好,全枱食物冇一碟失望👍🏻👍🏻埋單$528連加一,幾推薦大家試試 繼續閱讀
(以上食評乃用戶個人意見 , 並不代表OpenRice之觀點。)