海福樓 (已改名) 查看

以前好好食，今晚去感覺轉左手，服務雖好但食物好鹹，連以前有的蟹蓋而家都話無左，但餐牌又無改返，失望，食完餐飯好口渴，鹹到唔會再去了，係個例湯幾好飲，其他都偏鹹（今晚食左羊腩煲、炆龍躉球同上湯豆苗）

我們7大兩小，用了17樣菜和點心。先說點心，是新鮮，亦算是色香味俱全的。應是即蒸嘅，而且夠晒熱。燒味呢... 燒腩夠脆，但油脂層略厚。 叉燒是用厚切方式上碟，顏色賣相不俗。對年輕人來說，口感爽，應是不錯的;對老人家來說，有筋位，所以有點韌，口感不好。碌鵝賣相可以，口味較濃，但對我們所有人來說都過鹹。沙薑雞賣相和味道不過不失。服務方面... 環境是舒適的，但無形中，服務員的急快會難讓人感到完全放鬆和舒懷。不太小心，因漏了已點的三樣項目。人手不夠及時照顧每一圍（這叫人有點失望，因此酒樓收費明顯較一般酒樓高，另外位處和內格調都算是有特別要求，我們8人下午點的都算是中上菜，我感到應該可以有更好的體驗）。總的來說，性價比略為不合。

新來了星級大廚第一次係門口海鮮價錢都幾合理，試左一次之後翻唔到轉頭，想食海鮮就諗起海福樓。 門口d 海鮮幾特別， 建議不要只睇菜單， 直接叫伙記去門口海鮮水缸到簡海鮮， 新鮮，零零丁丁一隻瀨尿蝦好鬼大隻新鮮，不過我地覺得太大隻太飽了，最後無叫到。 粉絲炒蟹煲， $498 一隻一煲， 粉絲干身不油， 個鉗正， 最大啖兩個鉗 沙姜雞係一個特別既煮法，係濕的。同平時食野唔同，係沙姜汁雞，一打開蓋好香， 雞肉滑。依到環境好似私房菜咁 每張台之間隔好遠 ， 都一樣會睇到電視。

#海福樓！由總廚黃師傅🤩親自主理，專門為大家帶來精選海鮮及貓粵菜佳餚！👨‍🍳🌊🐟絕不能錯過的是他們的招牌菜😍當紅脆皮燒雞🍗✨ 外皮炸至金黃酥脆，裡面則是嫩滑多汁的雞肉。每一口咬下去，都能夠聽到外皮發出嘎嘣脆的聲音，讓人垂涎欲滴 😋蜜汁燒鱔球🍯 Q彈有嚼勁的口感，蜜汁醬汁則是在烤制過程中逐漸滲透進魚肉中，使得魚肉更加美味可口 😍桃茸生汁蝦球🦐 蝦肉鮮甜無比，搭配上獨特的桃茸生汁，清新怡人，一試難忘！🤤蜜餞叉燒皇🍖精選的叉燒肉為主角，加上特製的蜜餞醬汁，讓整道菜式更加美味。叉燒肉經過特殊的醃製和燒烤，口感鮮嫩多汁，每一口都能夠感受到肉質的精緻安格斯牛肉乾炒河粉 🥩牛肉口感極為嫩滑，加上炒出的香氣和醬汁的滋味，讓人忍不住一直嚐到最後 💯 荔蓉西米布甸🍮獨特的口感和風味，一口下去就能感受到西米的Q彈和椰漿的香濃，再加上荔茸的香濃，讓人回味無窮

話說最近食厭咗西餐，挺愛吃中菜部長介紹咗佢哋店舖嘅推介，都幾值得一試，味道濃郁，精緻又好食蜜汁燒鱔球食得就用咗新鮮嘅白鱔做到好似球一樣魚無骨，而且外脆內滑蜜汁加梅醬濃味，食落好香甜，好有特色又好好味蜜餞叉燒皇唔會肥，用左黑白土豬梅頭肉秘制叉燒汁醃製兩日先再用烤爐燒烤加上佢用咗麥芽糖，食落好香甜而且肉質唔會乾身，喺呢度嘅主打菜當紅脆皮燒雞 用左龍崗雞，用咗佢哋自家製嘅調味料同埋蒜醃製秘製嘅炸雞水同埋風乾之後再油炸，工序繁複難怪咁好食雞滑嫩皮香脆多汁配蝦片 脆到有聲，忍唔住食完再食桃茸生汁蝦球用咗合桃茸包住啲蝦再炸，再加上沙律醬蝦香同大粒厚肉肉，配搭沙律醬感覺好清新因為炸嘅關係都好香口，蝦配合合桃茸第一次食但係估唔到都幾夾魚湯鮮茄雲耳浸時蔬菜嫩口爽甜，蕃茄唔會過淋 魚湯有少少蕃茄味又唔咸，令我更愛吃櫻花蝦叉燒炒飯櫻花蝦好香，加入左招牌叉燒粒同埋蔥花炒，食落去唔會好乾身而且好香安格斯牛肉乾炒河粉乾炒牛河食得多，用安格斯牛肉炒咁高級真係第一次，轉左安格斯牛肉食落去肉嫩，河粉又唔會好油，令到普通嘅乾炒牛河變得高級更出色荔茸西米焗布甸去到尾聲當然要食返個甜品🍮試咗當天嘅西米焗布甸，有少少意外驚喜，

由前「富豪飯堂」餐廳總厨領班在九龍區也可以吃到能問鼎米芝蓮級的粵菜食府蜜餞叉燒皇與蜜汁燒鱔球已納入了喜愛名單❤️❤️· ‑ ‒ – — ‒ – · 🐷首創蜜餞叉燒皇曾被Time Out評為「香港最佳叉燒」，黑白土豬頭肉入口軟稔鬆化，帶豬騷香隨之而來的是薄薄一層麥芽糖🐟蜜汁燒鱔球💯超愛！薄粉漿包裹著肥美鱔球，入口仍焦脆！蜜汁與梅醬的甜度偏高，稍甜但會令人想追著吃。🐔招牌脆皮燒雞用龍崗雞每日限量，燈光下外皮閃閃炩，口感薄脆而內裏雞肉嫩滑。🦐桃茸生汁蝦球原粒大蝦包著合桃茸，手工值回票價！🥬魚湯鮮茄雲耳浸時蔬中段上枱的鮮茄煲濃魚湯浸嫩菜芯，有點解膩作用。🦐櫻花蝦叉燒炒飯炒飯也是門博大精深的學問！飯粒甩甩乾爽晶瑩🐂安格斯牛肉乾炒河粉炒得乾爽香口又惹味，入口沒太油所以吃兩碗也沒有很膩！是鑊氣與優質食材一流組合❤️荔茸西米焗布甸最後是壓軸出場甜品 — 荔茸西米焗布甸❤️這個我可以吃100個，Layer做得很好👍🏻表層是薄薄一層焗西米底層超爆多我最愛的荔蓉配蓮蓉的甜度意料之外地中庸平衡

而家好多大酒樓，點心都係廠房出品，叫嘅時候整返熱俾你。呢間就唔同，點心即叫即做，新鮮熱辣。XO醬炒腸粉夠晒入味，咖喱土魷依家都唔係周圍有得食做得好有水準。除咗飲茶平時都有去食晚飯，餸菜都中上。服務唔錯，門口帶位姐姐友善。環境頗為清潔，枱與枱之間唔太迫呢個都係一個重點。

今日朋友生日，朋友想食中餐，見到間酒樓今日重開，還新開，一行人咪求其試下咯。啲嘢都幾好食，特別系叉燒，芋角舒脆及燒雞外脆。有一晤好啲就係手機信號晤好，除左3台，其他幾乎冇信號

紅磡一向出名多食店而且都係好味抵食居多要搵一間貴夾唔飽真係好難今次竟然咁好彩比我地遇到話說土本身想食拉麵但點知大排長龍小朋友又嗌肚餓於是就去左隔離飲茶成間酒樓好細間午餐時間得小貓幾隻門口裝潢幾靚諗住食物質素會唔錯點知選擇少，上菜慢店員服務態度差又呆點心份量少，唔夠熱未試過叫一碟炒飯但上到枱得一碗多d份量去福臨門都無咁離譜仲要淡而無味食左幾款點心無一款係值得讚唯一灌湯餃叫做比較好食3大2小，食左8xx元完全唔覺得飽以後唔再幫襯相都唔想影

端午節早上同家人食晏，11:30開門就入去，事前訂枱已經知道12:45要還枱，大時大節預咗，冇問題。之前已經來過多次，點心、叉燒⋯食品高質，酒店價錢但絕對物有所值。但侍應不知所謂，食咗半個鐘，一個阿叔侍應12:00已經問可否收咗D位？12:20再問可唔可以收咗D位？火都嚟！即向一個女部長投訴。到12:30同一個阿叔再來問有冇野加？12:45要還枱喎！⋯⋯⋯12:43再來叫埋單，同經理投訴，個經理笑笑口話：係呀？一陣我話下佢⋯明哂！原來係政策。這種黃埔地區酒樓，有這樣水準出品的確不愁客人，所以就只有我呢種外來客有這種趕客態度，其他傍邊熟客無這樣被趕。但好食到會飛都冇用，祝佢好運

一家八口食生日飯，93歲婆婆同家姐後到但被員工拒入內因為沒有手機，沒法出示安心出行，我們告知員工政府指引是老人超過65歲可以填資料代替安心出行apps，亦出示政府公告文件给她，她仍拒絕因為是公司規定，原來一家生日宴便失望收塲，本人同婆婆去過不少餐廳用膳，得到非常友善接受解釋及出示政府文件，唯獨此酒樓傲有慢無知的員工及公司指引，希望其他餐廳引此為鑑。

無人帶路 真係唔知九號水產入面有間酒樓😂枱與枱之間有足夠距離 環境唔會好嘈 有自己私人空間！ 不過價錢方面會比其他酒樓貴啲 但好食！😋😋【花雕醉鮑魚】$68呢個係酒樓經理推薦～ 勁香花雕酒味 仲要勁淋勁入味！【蜜餞叉燒皇】$158呢個係我食過最好食既叉燒！ 肥瘦分明 外邊有少少焦 再加蜜汁 好惹味😋【百花蒸釀魚肚】$48如果點心紙有 我一定會揀！ 勁大舊魚肚 上面勁足料花枝滑🤤 口感豐富 【蟹肉瑤柱灌湯餃】$52大份足料 仲有竹笙～ 自己食晒一碗真係勁飽【香菇滑燒賣】$45【叉燒酥】$48【竹笙上素齋腸】$48

疫情肆虐之下 食肆經營慘淡 顧客不多 就像今日我去了黃埔這店 祇有三四枱客人 簡直慘不忍睹店的門前放有秦俑像 裝修簡單明亮 牆上邊掛有多部液晶電視 播放著國內地方的風景 早午市點心選擇不多 收費比一般的酒樓略貴 2個人要了4款點心和1款小食 其中最好味的是百花蒸釀魚肚 魚肚十分厚 切成長方形塊 釀上鮮的蝦膠 造型漂亮又好味沙茶金錢肚 惹味又不太鹹 配上軟糯的金錢肚 正臘腸卷 不過不失鴻運燒賣王 造型略差 個頭較細 不吸引金沙涼瓜 鹹蛋夠香 可惜外層的漿粉有點厚 而涼瓜不是條狀 是厚圓形 中心點鹹蛋香味不夠 口感稍差綜合來說 環境服務都可以 少少失誤可以接受呢

總結：點心貴 細份 唔飽 味道一般 瑤柱蛋白炒飯好味 份量正常呢度食小炒飯麵可能會開心啲每樣點心都係細細粒 食飯為飽肚 4個人飲餐菜食千0蚊腸粉入面包好似炸倆嘅嘢就食緊空氣招牌叉燒 硬 厚 干 咸蝦腸扁pat pat一坺嘢 但時油係好味咖喱蒸土魷味道偏淡 面嘅唔夠熱黑金流沙包係最好食六件豉油煎雙椒 $78 每件係一隻手指嘅size 幾張紙搭埋嘅厚度 味道正常燒腩卷係最大份 我冇食 所以冇comment3個人啱啱先食完嘢 仲有個屋企人食緊碗飯 侍應已經嚟執走晒我哋3個人嘅碗筷子匙羹 連食緊飯嗰個屋企人嘅筷子都執走埋🤷🏾‍♀️唔好意思我唔係常客，但對比起我之前黎食水準真係差好多 埋單千0蚊4個人每款點心48，50左右

一直無為意原來九號水産有間酒樓，午市飲茶點心價錢拍得住隔離酒店中菜廳！不過我就覺得海福樓點心質素高質好多（除非海雲天點心放題質素有別於散叫拉～）花雕醉鮑魚 $68好香酒味但唔會太濃，鮑魚有咬口但唔會覺韌，超正！蟹肉瑤柱灌湯餃 $48好大隻灌湯餃好足料，仲有竹笙，賣相同味道都掂。蜜餞叉燒皇 $158肉質又腍又嫩，少少外脆內軟，正！晶瑩鮮蝦餃 $48香菇滑燒賣 $45蝦餃燒賣都係飲茶必叫點心，唔算好特別，但蝦餃皮薄餡多，燒賣足料啖啖肉。百花蒸釀魚肚 $48呢個正呀！好大件魚肚，面頭好厚一層花枝膠，彈牙加上軟腍腍，口感豐富。竹笙上素齋腸 $48第一次食齋腸但一啲都唔齋，賣相幾靚，餡料都多，有蘿蔔絲，竹笙，冬菇等等。鳳城鮮蝦粉果 $48蜜汁叉燒酥 $48呢兩個都好食，不過對比其他點心稍為普通。