22
1
2
港鐵黃埔站 D2 出口, 步行約3分鐘 繼續閱讀
電話號碼
31690880
營業時間
今日營業
11:30 - 15:00
18:00 - 23:00
星期一至日
11:30 - 15:00
18:00 - 23:00
付款方式
Visa Master AE 現金 銀聯
座位數目
183
其他資料
Wi-Fi
酒精飲品
自帶酒水 詳細介紹
電話訂座
外賣服務
加一服務費
食評 (35)
Happy mother's day 焦點食評
等級4 2018-05-14
1241 瀏覽
呢個百味豆腐炸得外脆內軟小食一流♥️海蜇十分之爽脆可口 絕對開胃🤣呢個蝦球伊麵份量十足 蝦球大大隻不過有少許雪藏味 整體都ok 而且唔會覺得好鹹伊麵嘅軟硬度亦都啱啱好😎呢個懷舊炒魚肚 佢嘅口感比較干身 而且佢中間加咗啲蛋落去一齊炒所以食落個口咁都幾特別但我自己就覺得一般般 味道都唔算太突出😁而呢個療參豬肉煲 煮得好林好入味送飯一流😍呢個賽螃蟹唔好諗住全部都係蛋白呀真係每啖都食到蟹肉㗎而且好新鮮好滑😯呢個瑤柱蛋白炒飯 鑊氣十足 飯粒分明再來呢個炒雞球 我都唔記得咗佢叫咩名但係我哋都係成碟清 因為真係太野味啦😝而呢個蠔有六隻 分別有四隻大兩隻細好夠味 而且佢係外脆內軟 送飯必備佳品😆呢個蜜餞叉燒真係一定要叫豬肉唔會好軟身 調味適中 真係冇幾可食到啲咁高質嘅叉燒😯而呢個鴨肉荷葉飯 好香荷葉味 飯粒分明不過係一位位咁計嘅四十幾蚊一個荷葉飯抵食😃而最後叫呢一個馬拉糕 真係好欣賞佢哋製作十分之用心 中間嗰層蛋黃真係好香佢嘅鹹蛋味非常之突出 而且食落口感唔會覺得好留或者好乾 必叫♥️ 繼續閱讀
(以上食評乃用戶個人意見 , 並不代表OpenRice之觀點。)
年年撈起 焦點食評
等級4 2018-02-26
2769 瀏覽
好不容易又過一年,大家應該都飲飽食醉啦,有冇回顧下呢個新年食左乜野好野? 新年前後一定會食盤菜或其他賀年菜式,今次就等我介紹其中一個吃過不錯的開年晚飯,雖然今日已經初十,不過開年飯係不停嘅,一於繼續食,等我推薦俾大家先。 之前在海福樓來個開年飯,的確叫人吃得賞心悅目,沒有想過這裡的新菜式又名貴又靚,那驚喜令我要為這裡寫一篇食評。 其實這裏剛剛開幕的時候我試過吃了一餐不錯的晚飯,那個時候感覺這是一間典型走高檔精美路線的中菜,地方舒適,菜式不會特別花巧,以傳統為主調,不會令你失望。 今晚吃過的菜色對我來說滿多驚喜,全都是新潮有活力。 先來個粵式老火湯,一個盎裡裝著的是大千世界,茶樹菇湯有料,老火得來入型入格,飲完都忘記了影相。 虎蝦撈起絕對是你認識撈起的新驚喜,平時都是千篇一律的撈起材料,但加了虎蝦後整個撈起都有點睛的效果,特別是那爽到不行的虎蝦,加上蘿蔔絲不同的椒絲青瓜絲和那個特別開胃的麻醬,叫你吃得滿足又痛快。 開年過年做冬都一定要有雞,生財顯貴雞自然是我們的首選,新鮮雞肉嫩得不行。 沒有叫什麼菜類,反而想叫特別的竹笙釀素卷,美淪美奐又好食,配合這類高貴的形象。 平時食得太多盆菜,海味盆菜有花膠鮑魚海參鵝掌冬菇,完全唔係平時嘅元朗盤菜嘅魚蛋燒肉燒鵝,呢個嘅高格調令成件事唔同哂,高級哂。 我最喜歡的其中一個菜式,不過呢度高檔得多,沙爹金菇安格斯牛肉煲,用上安格斯牛肉,成件事唔同左,簡單的不同卻變了魔法一樣。 上次已經吃過的水煮龍蠆片,今次當然再叫,那個水煮當然是依舊不得了,桂花魚魚肉大大件,最重要係個啲浸係水煮汁嘅粉絲,吃得叫人越來越開胃,仲要個湯都可以飲到,同平時你係外邊食用上唔係幾靚嘅油,呢個完全係贏十條街。 當然要吃些單尾,蟹肉瑤柱蛋白炒飯炒得剛剛好,蟹肉大大件,瑤柱蛋白炒得香香,乾身爽朗。 甜品吃最傳統的古法馬拉糕和蛋黃千層糕,自然是令人滿意,甜而不膩,就算吃飽也忍不到口。 大家飲飽食醉,特別高興,也謹祝今晚和我吃飯的好友同今晚最美味的呢個撈起一樣,全年撈起。 海福樓 紅磡德豐街8號黃埔花園第九期九號水產舖位6-7號舖 繼續閱讀
(以上食評乃用戶個人意見 , 並不代表OpenRice之觀點。)
等級4 2017-12-17
3689 瀏覽
黃埔從前是一個靜中帶旺的地方,自從港鐵觀塘延線的開啟後,區內漸漸繁囂起來,大大小小的食肆都陸陸續續入駐區內,其中最為矚目的大項目絕對是主打海鮮的九號水產。內裡有齊水產市場、超市、不同型式的食肆,務求打造另一個水產美食天堂。 由於小時候曾住在這區附近,兒時玩伴及同學皆居於此區,所以偶然都會回來聚下。朋友幾人一起吹下水,食下飯,非常開心。今次則與幾位朋友來到九號水產內的海福樓,一嚐這間唯一在此的中式餐廳。環境優美,清爽簡約,座位間亦不擠迫,坐得十分舒適。 朋友幾人食什麼也沒所謂,叫到幾款前菜頭盤過一下口隱。【蜜餞叉燒皇】口感鬆軟帶嚼感,富蜜香,而且更帶有少許燶焦,更為香口。【宮廷茄子】無論在賣相及味道上,都有著不錯的評價,切成一口大小的茄子炸得香口,配合惹味的炸蒜,令人回味。而【陳醋小排骨】則在香味上取勝,醋香醒胃,酸中帶甜,輕輕掛在一口排骨上,吃得滋味又方便。 占苗其實是一個湯痴,最喜歡就是喝湯,可是近來都是以燉湯為主,雖然香濃好喝,但舌頭上的味蕾卻慢慢被麻痺了,有點疲勞。反而,一碗老火湯卻來得清淡,鮮甜好喝,與燉湯有著不一樣的滋味,可以讓味蕾休息一下。 到此時,主角的海鮮慢慢出來了。首先是【豉椒炒蟶子皇】,一人一隻,火喉鑊氣十足,香噴噴的,味道香濃惹味,真想搶了友人的一份來吃。【螞蟻上樹啫啫肉蟹煲】絕對是精彩的一道,以砂窩來上,不但熱氣騰騰,香味四散外,粉絲吸收了醬汁及蟹的鮮味後,變得非吃不可,中間還夾雜著肉碎及蟹膏,吃至停不了手。 肉蟹煲雖然好吃,但【水煮龍躉片】來到時,將大家的目光都扯開了。辣而不燥,麻而不辣,只留下陣陣麻痺感,加上嫩滑得來結實的龍躉片,不禁令大家回味。可是,最精彩的還數鍋中的粉絲,吸盡精華所在,回味無窮。 【脆皮炸子雞】由於用上新鮮雞的關係,鮮味不絕,而且炸得皮脆肉嫩,十分香口,水準真高。 最後,還有【生炒糯米飯】作結,飯粒分明,煙煙韌韌,內裡更有大量的臘味粒及香菇粒,實在非常好吃,不是誇張,我差點兒吃了大半盤。 甜品不用多,可是幾位大男孩卻點上了數款,有【蛋黃千層糕】,真是買少見少了。雖然只有四層,但餡料咸香好吃,配合鬆軟的糕皮,不錯的。其餘還有【豆沙竹葉角】、【荔茸西米焗布甸】及【楊枝甘露】,非常飽足了。 是夜的菜式水準高上,加上與友人們談天說地,實在開心。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-09-04
1817 瀏覽
九號水產原來係黃埔開左一段時間,但係完全都無發現到!可能係facebook無咩人提,宣傳又唔多,所以無人留意到。九號水產距離黃埔地鐵站都唔係非常遠,大概步行五至八分鐘就到達。九號水產內有幾間日本餐廳,海鮮檔,中餐廳等。我地一家人最後就選擇於海福樓用膳!晚飯時間餐廳用膳既人都唔多,唔使排隊等位就已經可以入座。餐廳裝修都十分優雅簡潔乾淨,比起係鯉魚門海鮮坊食海鮮嘅環境好。因為食嘅人數唔係好多所以都係揀咗兩款海鮮比餐廳煮。海鮮價$300或以下,餐廳會收最低$100代煮燃油費,高過$300就再按比例收費。聽屋企人講喺呢度揀嘅海鮮價錢同街市買差唔多,所以都幾抵架!多人食都會買條魚蒸下!揀咗八條蟶子每條$20再加餐廳代煮燃料費$100!一碟新鮮甜肥美又夠火喉既豉椒炒蟶子成為$260!係九號水產真係即睇即揀即刻煮!除左蟶子,我地仲揀左帶子!每隻帶子海鮮價都只係$10!實在太抵食!經理推介蒜蓉粉絲蒸最好食可能蒸得耐左少少,帶子變硬左,整體來講都唔錯除左海鮮,仲叫左幾款小菜試下!另一推薦蟲草花杞子百合浸豆比較清淡,豆腐又滑,小朋友都食得!對餐廳服務及食物印象都唔錯,下次會再去食但問過包房都係得十幾至二十人既人房,如果設有private細房會更加好 繼續閱讀
(以上食評乃用戶個人意見 , 並不代表OpenRice之觀點。)
等級4 2017-08-16
5387 瀏覽
今日黃埔花園食飯又多了一個選擇,位於9號海產內的海福樓終於開幕了。餐廳設計帶點個性、用水泥做牆身、加上木製船骨作為骨幹。今日晚餐由朋友發板、而且非常豐富。包括了廣東叉燒,脆皮燒雞,上湯煮法國藍龍蝦、淮山螺頭燉湯,釀焗蟹蓋,黑松露滑蛋炒蝦球!首先講下碟叉燒,係用正宗梅頭肉燒烤、燒得好有水準、入口有少少焦香味道、肉質有嚼口帶有小小肥、唔講以為佢係用上了黑毛豬。脆皮燒雞、賣相非常吸引、未上枱,就已經聞到燒雞香味。自己比較鍾意食雞背骨位置、所以特別覺得美味。雞皮入口非常香脆。連雞胸位置都好滑入味。淮山螺頭燉湯,用料充足、非常清甜、還帶點膠口感覺。焗釀蟹蓋,雖然賣相有點浮誇,但餡料非常豐富、有新鮮蟹肉,帶子,鮮蝦等、外面焗得好香口、入口鮮甜。黑松露滑蛋煮蝦球、可能自己唔係太鍾意食黑松露,所以覺得有點畫蛇添足的感覺,影響了整體的味道。幸好蛋炒得好滑、蝦球丈大隻補返數。上湯煮法國藍龍蝦,係今晚主菜。餐廳和9號海產的海鮮檔掛鉤、運作有點似鯉魚門、但是收費亦非常合理。兩隻法國藍龍蝦都加起來都不用1000元。這道餸,炒得夠鑊氣,烹調時間啱啱好。龍蝦有嚼口、龍蝦味強勁。煮得最好的地方、就是這個芡汁夠薄及不太濃味、這樣就能更加凸顯出龍蝦的味道了。餐廳未有酒牌,所以製造了一個理由再去一次! 繼續閱讀
(以上食評乃用戶個人意見 , 並不代表OpenRice之觀點。)