海皇粥店 (已結業)

我住頌安,以前常來吃早餐和下午茶,粥和油器都有水準,以現在水準已經不值了.

某日同朋友去，一入去發覺真係好少人...小貓3~4隻，可能太早掛...所以冇咩人!!入到之後...就坐睇叫野，發覺d服務態度都還可以，起碼我自己個邊個間都冇咁既態度先啦!!之後前後+埋叫左個xo醬炒腸粉+炸兩+豬紅艇仔粥+蘿白糕(蒸)+豆漿。等左幾分鐘後就有得食啦，發覺D野都唔錯...但唯獨個粥同埋個糕好難食，真係食左2啖已經唔想再食...難食到爆，但係其他反而幾好味，點解會咁架?!不過呢間都算過得去既...如果唔講碗粥既話呵呵!!

食物質素：欠佳海皇以粥品馳名，但粥品卻經常太咸，吃後需飲用大量清水，且對身體無益。服務態度：欠揍！客人進入海皇，店員是不會招呼的，客人叫食物要三催四請，店員才肯來落單。

食腸粉加麻醬、甜醬一流炸腸都好味,可惜每次都等到人心煩油器都好即炸即食

終於都食左十穀粥,都係果樣啦,又係怕肥,又唔落糖又唔落salt,不過我都覺得好好食,如果多d 料就好喇~

次次都係麥米粥,今次一終唔理calorie, 叫左菜乾排骨粥加油條!排骨粥好濃味,o岩我鍾意鹹既人,而且我好開心呀, 因為排骨好瘦呀! yeah!不過可惜菜就太少了, 佢用既係白菜仔~比我既話我寧願要多多菜少少肉~至於油條呢...唉,雖然煙煙un un,好好食,不過真係超超超多油呀!我食完真係好後悔... 早知我叫啦!肥死呀!

昨晚又食佢地既艇仔粥,有dd退步左,粥左好"希",只有dd咁多既米,似水多d~而料就一樣咁好,又多~希望下次食會多d米食啦,哈哈

記得幾個月前食芝麻糊,好正好濃,今晚再食,甜多但冇咩芝麻味,有dd失望,可能都係因為自己鍾意甜,所以都覺得好好食既

兩個人坐左好耐唔知食咩, 有個好nice既嬸嬸staff 介紹我食生滾鯪魚球粥, 重話有半價, 嘩, 抵到喊!等左一陣就有得食, 鯪魚唔腥, 好味道,另外叫左蒸蘿蔔糕配魚肉燒賣, 都好好食, 超熱, 可惜蘿蔔糕粉多過蘿蔔~

上星期日晚黎呢度食，叫左南瓜肉碎粥同"鴛鴦雙拼"。碗粥味道唔錯，都幾多南瓜蓉，又夠熱，同埋一d都唔稀。另外，鴛鴦雙拼有幾種選擇，我揀左炒麵同炸腸。呢度o既服務真係幾好，佢拎野埋黎會講聲多謝，唔會擺低d野就算。

次次黎親哩度鬆糕都賣哂,今次終於都乳倒有得賣,哩間分店會問你要熱食定凍食,記得去元朗同沙田分店係冇問我的,我就話要熱食~個鬆糕比起其他分店既濕dd, 不過都係好好食~叫左炒麵同炸兩都好正哩度既serive不嬲都好好,哩次都唔例外

昨晚唔想食飯去左哩度開餐~叫左皮蛋粥, 嘩, d蛋真係好食, 但係比好少ja, 一隻都冇...炸兩同炒麵都ok, 可能我成9:00先去, 炒麵好凍~

連鎖式店舖而水準不一既又一鑯証, 正如係旺角食碗紅豆沙同係銅鑼灣食埋同一款野, 都居然可以前都似開水, 後者食完咀lam lam, 問係怕未~~~

今晚好夜先去買, 叫左凍綠豆沙同麥粥~返屋企一開, 好失望~麥米粥得個兜既70%, 料得碗野既容量60%,我之前o係沙田食, d料係滿哂的, 好似碗飯咁, 幾乎冇咩糖水~今次一定係賣淨底的~綠豆沙就麻麻啦, 又係好少料, 建議大家入沙田又想食海皇既話唔好去頒安哩間

係哩碗要$18.就叫左睇下有咩咁巴閉~原來真係好多好多料~有兩隻蝦~好多魚片, 幾粒肉丸, 蟹柳等等~好抵食