海狼 (非門市)

其實都一段時間喇！果次新年冇嘢做（拜年話怕感染.....）唯有行街搵食。都知喇！新年冇咩餐廳開。係附近間粥鋪，難食得黎又要加3嘅茶餐廳同狗狗粉有開。（以上都唔想食）。行到嚟呢間，石板燒牛扒喔！又試吓啦。舖頭好細吓。坐滿14人就會好逼架喇。疫情下都唔好唸住可以坐爆啦！一條友入到去都要坐bar檯。點咗個石板唔記得咩牛（一定唔係西冷！冇錢）咦！OK喔！係啲牛OK！但唔洗100蚊有啲意外。因為質素係唔只100蚊！跟咗個烏冬.....又係有啲驚喜，比想像中好。（你知通常跟餐啲嘢都麻麻哋，係咁咦嘅！）係大碗咗啲，我又玩低碳飲食，食咗兩啖唔敢食落去，唸起有啲浪費....塊石頭真係夠熱，（唔似旺角女人街某石板燒，唔夠熱唔係得我一個覺得，咁大個仔第一次聽到有食客要求加熱石頭）一個唔小心真係好易變10成熟，雖然份量唔算係好大，但真係覺得合理嘅性價比。可能純碎個人觀感，細餐廳感覺溫暖啲。好記得果次埋牆角有個兩人位坐咗個阿伯。唔記得佢食咩但佢應該係食完仲好滋油咁慢慢嘆。我食到一半佢走，老闆好體面咁話“唔坐多陣？”（當時間餐廳已經得吧檯位...)應該係街坊嚟嘅！跟住幾個入嚟買外賣，聽落都係街坊！佢同人吹水時話“

不留意下聞到燒肉的味道入去試試，小店細細，坐位不多，當天得老闆一人。份量是夠，肉汁夠，價錢合理，欠缺少少是沙律轉麻醬及湯減咸，值得去試！我會再試其他食物的。免收加一

小店位於厚福街一處不顯眼的側旁，內裡空間座位亦不多，有種日式小店的感覺。午市套餐會包括前菜、味噌湯和飯。一夜干雞扒 ($68)• 雞扒以香煎的形態呈上，高溫石塊令雞扒帶來微微焦香，同時令熱度保持更久一些。• 一夜干的烹調方式，令雞扒的皮和肉都少了一份香嫩，卻又變得緊緻而有咬口。醃料的味道亦恰到好處，帶來一點醬油的咸香，令雞肉變得更加滋味。• 配菜和白飯份量適中，珍珠米上有點飯素；沙律是椰菜絲加上千島醬。以這個價錢可以得到如此質素，性價比頗高。

星期六晚同朋友行尖沙咀，咁啱行過厚福街又見肚餓，就入左一間名為「海狼」嘅石燒牛肉店舖，之後就order 左，「牛板腱」食落肉🥩質爽口，而「上級牛小排」就有啲脂肪但食落牛味就好香口，兩款味道真係值得推介比大家，加多$30轉套餐，就可以有白飯🍚或薯蓉，轉稻庭烏冬🍜只雖加多$8，仲有可樂或麵鼓湯添，加$10可轉啤酒，食到心身滿足又飽飽🤗，埋單都吾洗🤭$400。講返店內地方雖然係細啲，但光線，同裝修都係坐得舒服，假如大家吾係食開石燒，服務員仲好細心講解每款牛肉食法同得質添。真心一定會再光顧🤤

辛苦搵來志在食，彌漫著疫情的氣氛吓，相信好多食市經營上都甚為艱辛。有見及此，近日需外出搵食都會首選自家經營的小店，希望盡一點綿力，支持吓佢哋撐住經營下去。位於尖沙咀區的一條橫街內，門面低調但暗藏實力的小店 - 海狼，主食石燒牛扒 🥩✏️先講服務都是由一個人service晒全場，下單/制作/上菜到埋單都係一個人包辦晒，呢位全能嘅男職員，斯文又有禮，既一眼關七睇全場，又能細心take care客人嘅需要，主動提供協助，so 暖男呢... ✏️食物方面Order了午市限定套餐，呢個lunch set特別之處係由12:00 - 18:00, 我同朋友分別order set B.牛肋間隔膜(150g) - $88及set C.肩胛肉眼(150g) - $78。- 套餐包菜菜沙律 / 卸飯或薯蓉 / 湯或飲品🥩牛肋間隔膜牛肉味濃，肉質較為煙韌，配搭黑椒+蒜蓉片組合，適合重口味嘅您。🥩肩胛肉眼口感軟諗，鮮味多汁油香四溢，喜愛加少少粉紅岩鹽，感受牛扒原始味道。🥗值得點名一讚- 菜菜沙律爽甜的菜菜子(沒有一點草青味)撈上千島沙律醬，呢個組合無得輸，每次都會清空飯碗。📝個人感覺及意見：~ 店鋪空間及坐位數量太

平日午餐時間去，求其入左呢間，無人排隊，雖然間店細細地，但坐得幾舒服～有不同的調味料掛喺牆上面，利用所有空間👏🏻👏🏻見到有白松露蒜蓉🤩好鐘意食松露又鐘意蒜蓉，見到好新奇～但其實食落都是普通的蒜蓉～哈哈哈當日成間鋪只有一個員工，上菜，落單、煮，見到都是同一個人，不過服務好快～落單到上餐差唔多10分鐘內完成簡左兩個扒餐，除咗有得揀飯仲可以揀薯蓉～未簡過薯蓉，所以簡左，不過薯蓉再加味素好似怪怪地🙈🙈😂下次都是簡返飯會夾點不過不失的一間店😄😄

同落order 個陣有好大出入Menu 寫跟沙律另外應該有個湯跟最後拎左唔理個湯有定無，連沙律都無左賣晒講聲無所謂，但拎個陣通知都無同呃有咩分別折實收68蚊48就差唔多

2月26日本身約左朋友跑步，但落雨🙄朋友想食野，跟住我地遊遍整個尖沙咀都搵唔到咩岩食，經過厚福街有間日本小店，以食牛為主，我都好耐冇食牛，朋友冇所謂，可能都行到攰，見入面又冇乜人，就簡左呢間了。店鋪小小，服務員都是男生，擺了不少日本酒做裝飾，都幾有日本風味😌店鋪採用剔紙仔形式點菜，我選了牛小排配薯蓉，芝士漢堡扒，朋友選了西冷配白飯，鰻魚。剔完交給店員，原來此店是先付費後上菜的🤔️等了唔夠10分鐘，d野食陸續上枱。牛小排唔錯，可用石煎自己調較熟度，芝士漢堡扒芝士味唔出但漢堡肉幾鮮嫩，薯蓉食落口都ok軟滑。也試了朋友的西冷，肉汁尚算鮮嫩，鰻魚比較下去就普普通通。值得一提店員好細心叫我地趁熱食左d肉先，哈哈，因為我地掛住相機食先🤣🤣🤣價錢合理，店鋪位置算方便，食物質素新開黎講算唔錯，都👌下次可再去😌