海灣漁港

營業中

休息中

早茶係唔錯既選擇；同屋企人飲早茶🫖我會早餐連午餐一齊食依間既早市優惠真係幾抵；盅仔飯好香且材料又多；芫荽牛肉腸真係皮薄餡料豐富；蝦餃雖然一籠兩件；但包住既蝦肉滿滿；同埋似係即蒸👍🏻到最後不得不讚個香煎蘿蔔糕；屋企人竟然會話食落唔覺好油膩；仲好乾身好香好好食；難得難得🙌🏻

長輩生日 全包宴就啱晒喺黃埔繽紛廣場入邊一樓 海灣漁港 加埋一 都係$3286 服務員仲熱情招待！分別有鴻運乳豬全體 乳豬脆皮爽口！上湯焗澳洲龍蝦，龍蝦亦都啖啖肉！黃金海鮮卷⭐️⭐️⭐️⭐️滋補佛跳牆，佛跳牆味道濃郁入味！蒜蓉龍躉頭腩，蒜蓉粉絲亦都好入味！蠔皇原隻鮑魚扣鵝掌⭐️⭐️⭐️當紅脆皮燒雞⭐️⭐️⭐️瑤柱雞粒炒飯⭐️⭐️⭐️仲有蓮蓉壽包酒樓最後仲送咗紅豆沙老人家好開心，非常豐富嘅一餐！

真人真事自費實測，住咗喺紅磡幾十年，出街食飯無數，而家係半夜12:00，都忍唔住要出post講一講呢間酒樓。今晚同屋企人諗住開開心心食返一餐生日飯，留港消費。我叫左半席$1680餐，有乳豬半飯，雞半隻，龍蝦…..真心呢間唔係平，亦唔係最貴。我地一行5人（兩位老人家），半席對我地黎講係有多既。咁叫佢上菜，10分鐘已經上左3～4味送菜。見唔對路，已經叫佢暫緩一下好喎。啲侍應好似聽唔到咁，繼續上，枱都已經放唔落喇。侍應叫我地同經理講…我： 經理啊，坐低上菜20分鐘都無，啲送上左8成，咁趕時間啊。我話上左3～4味時已經叫停佢地喇。何經理：一味烚熟狗頭咁講唔好意思，又話叫我體諒，叫我聽佢解釋，就話我哋唔係包廳。聽完呢句我真係覺得香港飲食已死之後我聽到佢同啲侍應講，你同廚房講唔掂叫我（何經理）同班廚師講。之後竟然同我講啲送凍啊，我同你拎返入去蒸啊….真係越嚟越火滾。明明說好啲要瑤柱蛋白炒飯，又上錯左瑤柱雞粒炒飯。上至經理下至廚師/侍應，服務態度極差。唔怪得知人要北上消費，$1680 食一個快餐。唔會有下次。完。

早茶驚見老鼠屎想嘔🤮🤮🤮🤮🤮🤮碟點心黐住2粒老鼠屎我哋叫個男經理嚟經理勁唔耐煩咁仲要態度超差 好似做錯事嘅係我哋佢仲話你哋叫嘅係孖寶你哋要取消哩碟咁另一碟就要畀正價 一係就換其他🤬🤬講完佢番偉論唔夠2秒就叫第二個侍應嚟處理後來有個醒目少少嘅女經理走埋嚟立即取消個孖寶餐係咁講唔好意思話已向廚房投訴成件事超嘔心

叫$168鴻圖鍋伊麵 嚟到以為比錯 竟然一堆碎蛋加蟹柳 問侍應有冇畀錯 鴻圖伊麵喎 我話蛋碎加蟹柳嘅？佢答話係咁㗎！嬲到我！反一反入面一條菜一樣其他都冇 奇怪..完全未食過咁嘅鴻圖鍋伊！make me crazy 🤯 導致我要寫食評！！叉腸普通，奇怪..加咗啲炸白飯魚喺面 ？咁就40蚊鮮奶捲炸唔透成條奶實的 完全唔會好似其他酒家咁 食落去應該有少少溶溶地， 佢只得微暖 炸嘅時間短 條奶係實！最尾..紫薯奶黃煎堆 呢個ok正常好食

哩間茶樓，印象中係啱轉手不久，一入門口發覺都多人排隊（下午茶時間）豉油王炒麵（$58）都幾考功夫，太油怕佢痴立立、太乾身又會口感不好。好彩賣相同口感一樣見得人，炒麵好夠鑊氣好香口。而且屋企人唔食韮黃，通知左一聲廚房都好願意就返我地咸水角（$17.8）傳統茶樓必點小食、外脆內軟。有一件我地放左半個鐘先夾起黎食，但仍然脆脆地菜苗餃（$26.8）個皮好晶瑩通透，不過都有少少🤏厚。豆苗食落新鮮（點煮都好食）、入面件蝦好爽口，趁熱食最好食雞扎（$32）平時成日食，呢件同外面一樣水準差不多，芋頭同個皮索左啲汁油好惹味、豬皮冬菇又係一樣，仲有雞肉都幾填肚紫薯流心球（$18）屋企人特別想食呢款點心，望落仲以為係朱古力餡，原來係同流心奶皇包類似嘅小食；外皮有啲粉粉地，可能係因為紫薯嘅關係（同咸水角唔同）。咬開外面就有流心奶皇，同個皮連埋一齊食都好夾百花釀魚肚（$26.8）個人覺得都OK，蝦滑夠新鮮的話點蒸都好食、仲有油汁可以索埋很惹味蝦餃燒賣（各$12.8）又係必嗌的點心，水準保持到都幾好；主要係鐘意佢啲餡料用得好足，燒賣一口咬落去都係肉味、蝦餃啲蝦亦係大大隻

點心整體都算唔錯，蝦餃、燒賣都用足料新鮮又大粒。 天鵝酥做得很精緻，外面酥脆裡面的芋蓉暖暖綿綿又不會太甜，配一啖濃普洱卻是一絕。 鳳爪排骨飯啲飯軟硬適中，不過鳳爪就少咗啲只得一隻。义燒腸粉亦都好好味又滑又多料，灌湯餃亦不過不失勝在湯夠濃又夠熱辣辣。睇到隔離台叫咗碗叉燒燒腩飯都好似幾靚，可惜太飽無叫到，等下次再嚟先試下其他嘢。 以前叫金御我都嚟過不過就真係唔掂，而家轉咗手重新裝修環境好咗好多。服務都可以，服務員同啲街坊茶客都有傾有講有笑容。

今日連同三五知己，走到紅磡行街購物，行到黃埔德民街繽紛購物城，見到海灣漁港酒家，不禁又令我食指大動，於是就同朋友走上去飲杯茶，食個包、吹吓水。豉汁排骨炒河 （$58）這道菜有排骨、青椒、紅椒和洋蔥。排骨醃得入味，且肉質又冧又滑，配上微辣的青紅椒和微甜的洋蔥，再加上野味的醬汁，豐富了我的味蕾，且不覺得油膩。豉汁蒸鳳爪 （$18）脹卜卜的鳳爪醃得入味，且炆得夠冧，不過喜歡食得清淡的我就覺得醬汁略為濃味了一點。蒜香蒸排骨 （$18）熱辣辣的排骨端出來散發著一陣陣蒜蓉和排骨的香味，排骨不覺肥膩，而且又冧又滑，咬落排骨的肉汁和蒜蓉的香味滿佈口腔裏，十分好味。秘製紅油抄手 （$18）粉皮裏混入了免治豬肉和葱花，食落有著豬肉和青葱的香味，再配上辣辣的醬汁，提升了味覺，十分野味。香煎虎皮尖椒 （$18）尖椒裏混入了魚肉、蝦米和葱花，咬落微辣的青椒還是脆脆的，再加上煎香了的饀料，滋味十足。蓮藕魚餅 （$18）蓮藕餅裏混入了魚肉、芝麻和葱花，饀料醃得入味，咬落感覺爽口。香茜牛肉腸 （$18）終於又揾到粉皮夠薄的腸粉了，且饀料又多，食落有著芫茜和牛肉的香味，真是皮薄饀靚。

同家人本來開開心心去呢間酒樓食飯飲茶….結果成肚氣話說食飯其間我哋叫咗幾籠燒賣，每籠各兩粒，當我食其中一籠時食到一粒竟然內有一條膠物體（拉得出嚟而且唔算細條）。於是乎我都呆咗呆，家人話不如唔好食果籠叫人換一籠，好啦咁，我哋就舉手叫侍應，咁啱我哋果一小區有個著淺灰色嘅西裝男人（其實我哋唔知佢係經理還是店長，因為佢嘅衣着明顯同一般員工不同，但佢接住落嚟嘅態度似老闆！）個男人行埋嚟，我指住籠燒賣話入面有膠物體（真心後悔當時無先影果籠燒賣，因為諗住換過一籠就解決事情），點知個男人拎起籠燒賣話：我幫你哋取消（一邊講一邊打算走）我話：吓，唔換一籠俾我哋？個男人突然好憤怒又大聲地話：你鍾意啦！你換咪幫你換囉！換唔換呀！我哋一家俾佢嘅反應嚇親，而我本能反應地用佢同樣聲量話：換！跟住個男人竟然一路拎住籠燒賣離開時一路口up up，轉彎時仲回望睥我又口up up, 做嘢經過我哋附近又再望住我口up up 。明顯係鬧緊我哋！酒樓侍應工作辛苦我一向都認同，遇到食物有問題時每次都係講句唔好意思換過籠正常嘅就算，但從未遇過呢種情況…服務態度差到好似欠咗佢咁！仲要不停俾佢睥受佢氣！一整日嘅好心情完全被佢破壞晒！需要

見新開，同屋企人做冬，點.知中伏，個餐二千幾，碟碟都好少，又唔夠熱又唔好食，大家諗清楚，凈係識sell我地叫餐，啲杯隻隻都有裂紋，洗極都油油地，叫佢換又話耍等陣先，唔知發生咩事，總之，祝佢好運

整體現場嘅服務安排亦都好混亂，餐牌話可以燒味雙拼又話有糖水跟埋，但係到落單同埋單嗰陣，又話唔得雙拼廚房唔肯做，糖水又唔夠分，俾唔到我地細枱😅客人唔算多，但食物嘅溫度都只係微暖，三個人食咗1800百幾蚊，但係咁嘅服務同埋食物嘅質素，真係好差，唔會再黎食🌚蟶子皇😢豉椒炒 微暖有d位置仲要係唔熱，配菜更加冇乜溫度。。蟶子唔大隻口感好un 但味道正常。生猛海中蝦（半斤）😢蒜茸開邊蒸 味道正常，但係太多蒜蓉食落好鹹，蝦肉質唔爽，口感好麻麻，溫度都唔係好熱蒜蓉粉絲蒸元貝 😅最正常嘅菜式 帶子食起嚟都唔會好嚡口或者好韌上湯焗澳州龍蝦 🙂送伊麵 另一款正常菜式 龍蝦比較細隻同鹹生劏大龍躉兩味第一味 碧綠炒球 🙂魚塊數量比較少 食起嚟冇乜溫度。。味道正常第二味 蒜香金菇粉絲蒸頭腩 ❤️全場最熱嘅菜式！ 食起嚟一啲都唔腥 好香口 好味既海南文昌雞 😢冇雞味，仲要勁嚡口同好韌