海港酒家

營業中

休息中

一向主打新鮮海鮮同經典廣東菜既海港成日都有好多唔同晚市優惠，今次突登搵埋屋企人同我一齊試吓佢嘅晚市套餐（脆皮醬燒雞半隻配豉椒炒浦田蟶子）、濃湯鮮竹魚腐浸勝瓜同濃湯花膠雞響螺湯，每款都令人驚喜，味道正宗又足料！🍽️脆皮醬燒雞半隻呢隻脆皮醬燒雞真心係星級水準！雞皮烤得金黃香脆，咬落「卡滋卡滋」，內裏肉質嫩滑多汁，醬汁甜鹹適中，滲透每一絲雞肉，帶點微焦嘅炭香，食落好惹味！半隻份量啱晒2-3人分享，配碗白飯簡直係完美。🍽️豉椒炒浦田蟶子晚市優惠嘅另一款，豉椒炒浦田蟶子係海鮮控嘅心頭好！浦田蟶子新鮮肥美，每粒都彈牙多汁，配上青紅椒同黑豆豉快炒，味道鮮香微辣，豉香濃郁得來唔會蓋過蟶子嘅鮮甜。口感層次分明，辣度適中，食落好開胃，忍不住一啖接一啖！呢款炒蟶子同燒雞嘅組合真係性價比高到爆！🍽️濃湯鮮竹魚腐浸勝瓜呢道係健康又滋補嘅選擇！勝瓜切片炆得軟熟，入口清甜多汁，吸滿濃湯嘅鮮味。湯底用鮮竹同魚腐熬製，帶點海鮮嘅甜香，濃郁得來唔油膩，仲有淡淡嘅中藥味，飲落好似屋企燉湯咁暖心。魚腐滑溜，勝瓜爽脆，兩者搭配好平衡，食完覺得好舒服。🍽️濃湯花膠雞響螺湯呢款湯係滋補派嘅至愛！湯底用響螺同雞熬成，濃郁得來帶點清甜，花膠厚

今日我同啲同事去間中式茶樓食farewell飯，大家心情都幾複雜，唔想分開，但又好開心可以聚埋一齊。每次有同事要走，都係喺呢一度食飯。 茶樓入面好有氣氛，裝潢得好靚。我哋叫咗蒸魚，魚一上桌，香味就撲鼻而來，真係好吸引！魚蒸得剛剛好，肉質滑滑，配上薑絲，味道特別好，食得我不停夾。大家邊食邊傾計，分享工作中嘅趣事，笑聲不斷。雖然即將各奔東西，但今次聚會令我覺得大家嘅友誼好珍貴。能夠一齊食頓飯，真係好開心，呢個回憶我會永遠記住！

母親節爸爸話要食長腳蟹咁梗係諗住去海港啦，點知今次揀咗隻打開瘦到阿媽都唔認得🥺好失望！佢哋話而家唔係季節喎，但係隔籬枱嗰隻係勁肥🫩其餘呢個花膠湯係好好飲嘅個麻辣鮑魚都好好食不過個龍蝦伊麵就好似冇乜味咁樣長腳蟹咁瘦，食完真係唔係幾開心

自己落錯單上錯夾硬要人要我已經同佢講出左一碟食咗喇出餐嗰個阿姐拎走左隔咗一陣個樓面特登拎返張點心紙過嚟係咁話係我哋自己寫落單一攞張紙嚟睇字跡同筆都唔同😑如果你哋真係落錯或者搞錯可以開聲問人介唔介意要埋因為整咗 我覺得完全冇問題但你地用咁嘅態度要人食我唔會接受囉本身屋企人話算數啦跟住我問佢咁大間酒樓係咪取消唔到一個點心？佢即刻態度好差問我係咪唔要 我即刻話唔要食過咁多間海港呢度態度最差

上湯焗澳洲龍蝦伊麵龍蝦爆膏！伊麵吸盡精華犭鴻運燒味拼盤燒鵝油香四溢，叉燒半肥瘦一品脆皮醬燒雞雞皮脆卜卜，蜜糖醬汁好惹味‘蠍皇六頭鮑魚扣花菇鮑魚厚身彈牙，花菇吸晒蠔油精華清蒸蝴蝶沙巴龍躉斑魚肉嫩滑似蒜瓣，蒸得剛剛好①竹笙海皇燴魚翅湯底金黃濃郁，翅針分明好足料百花炸釀蟹鉗外脆內彈牙，蝦膠鮮味十足悉翡翠花枝炒珊瑚蚌鑊氣夠，珊瑚蚌爽脆過癮傘歡樂大蟠桃（十二隻）壽桃鬆軟蓮蓉香，賀壽必備曲追加嘅全體乳豬•係全晚焦點，皮脆到”咔嚓"聲，肉質嫩滑多汁，簡直無敵！

啲報導成日都話 #香港食肆 生意唔好，但係每次要同屋企人食飯，要搵到間性價比高、地點又方便嘅酒樓真係唔容易😅 星期六嘅晚上，#九龍東 呢帶異常好生意，唔係話六點要到、就話八點先有枱😅 好唔容易先book到張枱喺「淘大商場」裡面間「海港酒家」 ... 搵食真係艱難😅😅#小秘書 18:30準時到達，座位幾乎已經坐滿！為咗滿足大家嘅口味，只係10個人嘅我哋，最終叫咗個12份嘅 #龍蝦鮑魚宴 🤭 明明頭盤係 #燒味拼盤，估唔到率先上台嘅係 #竹笙海皇燴魚翅，呢個湯羹嘅用料都唔差嘅，起碼啖啖都有啲魚翅裙邊、竹笙同蟹肉之類，口感都幾豐富😎再嚟有 #清蒸蝴蝶沙巴龍躉班，肉質都幾滑，不過魚味就一般啦😉 成晚最吸睛嘅當然係主角之一 #上湯焗龍蝦伊麵，估唔到份量都唔少，啖啖肉嘅龍蝦非常鮮甜爽口，食到我兩個姪仔真係唔停得口呀😉整體食物味道都唔錯，不過上菜嘅次序就認真混亂🤭 加上我哋叫個白飯🍚都比個服務員嫌我哋分開2次叫「好麻煩」... 唔怪得個個都北上消費啦😌📍海港酒家 (九龍灣) 牛頭角道77號海港酒家淘大商場2期地下G256號舖及1樓

星期五晚上，全場爆，個個都好忙，但服務態度都可以。- 阿拉斯加長腳蟹（4斤）🦀清蒸，好新鮮，唔會過熟，啖啖肉，都算抵食（依家咁多間酒樓都推優惠）- 柚子蜜蝦球🍤有驚喜，酸酸辣辣，蝦肉爽，新鮮，性價比高- 金薯黑椒牛仔骨煲🐂份量好細，牛仔骨普普通通，可能係價錢唔貴- 上湯西澳龍蝦伊麵🦞當日無$398一份，要$456，話斤半，但無咩肉，有少少失望- 招牌燒鵝例牌最失望，可能係翻叮，d肉實晒，偏黑- 西蘭花炒帶子珊瑚蚌🥦珊瑚蚌新鮮好食- 瑤柱蛋白炒飯🍚正常

11月17日揾食肥華陪靚媽，在淘大睇完，因天雨關係為求避雨，就去戲院對面呢間酒楼食午飯，今日原來喺長者免茶錢日，唔怪得此店，高朋滿座。肥華今日特別想食，而今餐在此店所柯打嘅燒鵝，味道和肉質都有極高水準，就算此碟燒鵝嘅，熱度和脆皮度都不如人意，但仍值B+評分。今餐另兩款主食，豉椒斑腩炒河，亦喺值B級評分食品，碟頭夠大，河粉炒得有鑊氣，班腩件数及味道都令人滿意，反知個碗，脆皮乳豬飯，乳豬及碗白飯，則令人有些失望，還好其他兩款點心，酸甜炸雲吞及蒜蓉蒸鮮魷，味道甚得肥華及靚媽歡心，所以今次呢個，由靚媽埋單嘅，假日午餐值！👍👍👍👍😋😋😋😋

屋企人生日，而且指明要食長腳蟹所以一行五人就一早book定枱，仲前一日打定電話問吓有冇蟹😎費事壽星失望坐低冇耐就拉大隊去揀蟹🎉五個人嗌咗五樣嘢食：🦀清蒸阿拉斯加長腳蟹 👯晚市孖寶 --清蒸藍瓜子斑條-- 蒜茸粉絲蒸煙子（4隻）🦐櫻花蝦椰菜粉絲煲 🫘花膠珍菌千層腐皮頭三樣海鮮都好鮮甜～主角長腳蟹係個個都大讚😍啖啖肉～又新鮮另外蟹膏份量都好足夠 大大大大滿足❤️另外嗰兩個煲都好正櫻花蝦同花膠份量好足夠 熱辣辣上枱 冇得彈㊗️㊗️㊗️㊗️㊗️㊗️㊗️㊗️㊗️㊗️㊗️㊗️㊗️㊗️因為屋企人成日嚟食同啲Staff都好熟～所以個Staff知道係當晚係慶祝生日即刻安排送咗一籠壽包俾我哋🌟氹到壽星女幾開心呀人情味滿滿🈵🈵🈵

今晚訂左枱五人晚餐，去左淘大呢間海港酒家度食。有朋友舊年喺度食過阿拉斯加長腳蟹覺得唔錯，今年見佢$188/一斤，平過上年，所以帶我哋嚟試吓。我哋點咗三個小菜一個伊麵，同埋今晚嘅主角清蒸阿拉斯加長腳蟹。❣️薑蔥火箭魷魚：魷魚筒用薑蔥爆香非常惹味，大隻又彈牙。❣️花膠真菌千層腐皮：千層腐皮切成正方形一磚磚，厚實有口感，配埋真菌同花膠再加個濃濃嘅汁，最啱送飯。❣️七味燒牛仔骨：牛仔骨比較乾身，而且肉唔算多，無乜特別。❣️黃金蟹肉蝦球伊麵：芡汁同伊麵比例剛剛好，蝦球大隻又彈牙。❣️清蒸阿拉斯加長腳蟹：蟹肉結實，鮮味啖啖肉，蟹膏有一整碗，送飯送麵最啱！呢一餐人均消費唔使$300 ，抵食！😋

2024國慶海港搞一個11元一條石斑優惠 訂了枱淘大海港，原來他們沒有這個，但有188元一斤的阿拉斯加皇帝蟹$11蚊班係觀塘亞太中心同兩間馬鞍山分店有觀塘海港全晚爆滿，所以照原定去淘大食皇帝蟹啦今晚淘大海港都要分兩輪，去到的時候也滿滿， 超高樓底 ，地方坐得舒服 先點一份三斤半的皇帝蟹，蟹就大隻沒有黴味不新鮮， 蟹黃特別用一隻碗蒸，方便送飯另外孖寶， 蒜蓉粉絲蒸扇貝 新鮮又大隻海蝦球伊麵，味道是好食，色鮮艷也漂亮唯獨稍為多少少油整體都滿意， 員工事前訂抬，落員工到收銀也是禮貌週到，值得一讚，但走之前3-4位員工在旁邊等執枱，比較有壓力但整體都是很不錯體驗中，回味

九龍灣都算係九龍東之中幾方便嘅中間點～屋企人就鍾意食中餐，所以就選擇咗海港海鮮酒家叫咗一個晚市孖寶套餐：馳名燒鵝皇（例）&蒜蓉粉絲蒸蟶子（5隻）、水晶肴肉、辣子雞、櫻花蝦椰菜粉絲煲、花膠珍菌千層腐皮今次食有少少失望因為佢最出名嘅燒鵝皇個皮係un架！所以解釋得到點解個場咁少人 （大約只有三份一嘅人流入咗座）～而且服務嚟講咁少客人，侍應都係要叫幾次先可以攞到醬料俾你🥲辣子雞係好香好惹味，不過就油咗少少最值得讚就係嗰兩個煲啦粉絲煲好好～食炒得好乾身～👍

明明訂左位訂咗套餐竟然話冇record 訂咗餐然後話冇晒燒鵝明明有晒對話訂咗餐都可以冇俾晒對話佢睇 佢都冇諗住理 冇諗住解決淨係識話冇燒鵝咁我訂套餐黎做咩？？我訂餐就係要你留俾我然後黎嘅野又唔同餐牌餐牌係燕窩 黎既唔係燕窩又唔通知唔講聲黎到要我哋問 仲要答得好模糊話係海皇翅講多幾講 又話唔係翅咩廚房整咩就食咩然後碗野又唔係燕窩 又唔係翅都唔知咩黎野食真係好難食一係啲野就好咸一係啲野就冇味冇一樣野係好食服務態度麻麻啲職員愛理不理可以唔洗黎冇下次幾平都冇用啦

前晚去海港食晚飯，野食ok既，菜都幾大碟，燒鵝味道都ok，但係大佬假期前一晚，9點已經開始趕客，直接拎單黎叫你賣單，問佢收幾點佢話10點，然後一直收呢樣收嗰樣，收到無野好收，9點40分直接叫你走。海港特式，趕客，幾好食都係假，下次唔會再去，最憎食到趕死趕命 ！呢個經濟環境，老實講，你咁趕收工，遲早到時你工都唔使返，到時真係恭喜你。。。

淘大商場「海港酒樓」勝在地點方便，我差不多個個星期都嚟呢度同阿媽開餐😄今晚吃的泰式炸蝦餅炸得夠乾身，沒有半點油膩的感覺，煎到卜卜脆的真的十分香口！吃這個蝦餅點啲甜酸醬一齊來吃更開胃，脆口又惹味😊