海港酒家 (已結業)

前幾日見完客就去左上水海港飲茶，第一次黎，環境都唔錯，我地就叫左D點心，包括有蘿蔔糕，煎得好香口，唔會燶，味濃;芋絲角，炸得好香口，芋頭味好濃;而鳳爪亦好惹味，好大隻，少少辣。點心幾有水準，不妨一試

同朋友影完相去食飯，上水食中菜選擇唔多，朋友推介去依間酒家。睇門面以為貴野，但我地大吃大喝都係百三蚊，NOT BAD啦！食物偏淡，食開清淡既人應該岩食。我地無訂位，一行十二人等位等左大半個鐘。招呼一般，個別員工無乜禮貌，上菜都唔幫手執下枱咁。但E間食店D飲品好有誠意，唔同普通酒樓咁只有罐裝汽水同庶汁。有果汁味汽水同韓國橙汁，我地飲完果汁味汽水再點左兩大支韓國橙汁，好好味。

好耐冇黎海港飲茶啦,因為實在太多人,上水有質素既酒樓都唔多,所以海港就算做差左,依然都係有市場雞腳肉依然爽滑彈牙, 不過就真係過甜了,調味冇以前既咁精確燒賣卻保持水準,蝦肉新鮮, 豬肉鬆化, 味精味不會太多不錯!蠔仔粥雖然不夠綿, 但味道不過咸,蠔肉量多且足,幾好幾好!

星期五是爹爹和娘親休息日，當然最近在做米蟲的我也是很閒，陪下兩老飲茶，上水比較有名氣飲茶好味既當然是首選海港，價錢合理、味道不錯。不過等位好耐就真，今日就等左60分鐘！！！終於入到去可以order點心～還好很快就上菜～～首先來個鮑汁雞腳，個雞腳炆得很軟、醬汁香甜，都幾好食，上湯菜心，本來唔鍾意食菜既我居然係咁夾黎食，菜心煮得很軟、又不油膩，完全沒有苦澀味，很好吃。蘿蔔糕當然也是我的第二愛❤️️煎得少少脆身，不會太焦，蘿蔔本身也很香口。正～😁菠菜蝦餃，午市特價，但味道還好、沒有很特別～燒賣～蒸得有點過乾，但味道還可以。也是午市有特價～糯米卷，好久沒有吃過，皮很薄，糯米很香，還不錯。三個人的午餐～食得很飽～海港食物都幾好味～

燒肉的精髓是塊脆皮可以想像叫燒肉叉燒飯，整盒的燒肉一塊皮都沒有嗎？廚師可能想幫我keep fit?但全部都是只有肥膏和肉雖然可以說是一分錢一分貨， 但連皮都沒有的燒肉真係可一不可再⋯

因為婆婆住上水先會咁遠都走入去食野我去左行街，屋企人等位我行完街去到佢地已經入座喇我地只為坐下吹下水咁，所以叫嘅野食唔多以下三樣野食比較好食~呢個叉燒酥，造型好特別，而且好睇又好食外面酥皮好有層次感，做得好紮實唔會一食就散，叉燒唔多肥膏又多料，呢個好好味叉燒包~同叉燒酥一樣叉燒唔多肥膏又多料，包皮好軟熟甜甜地呢個馬拉糕超好味呀~又香又軟，甜度剛剛好，食完一件接一件呀屋企人比錢，所以唔知價錢，不過呢間野唔會貴，D野幾抵食

是日星期二，朋友邀約食飯，喺唔知食咩好既情況下，朋友提議去打邊爐，由於上一次試左稻香，於是今次去食久違了的海港，以前食過，佢既雲吞係最好味，所以今次番去再食，點知。。。。五點九開始可以打邊爐，一入座坐低一口氣叫了10樣野食，二人飲了兩三枝啤酒，點了“安格斯肥牛”，“魚皮”，“珊瑚蚌”，“雲吞”，“響鈴”，“駝鳥肉”，“生菜”，“三文魚刺身”，“蠔”，“火灸芝士丸”，“豆腐芝士丸”......鴛鴦湯底。安格斯肥牛同圖片不附，細碟到呢，仲要賣$88,質素差！駝鳥肉又厚又un,魚皮大塊又鹹，響鈴又大舊，賣相極不討好，生菜又黃又整棵，冇搣過咁！雲吞肉同蝦既比例唔得囉，只有果兩只丸食得吓人，珊瑚蚌都算爽，不得不提三文魚，$42/10塊，又唔肥美，仲食到腥味，又唔新鮮，呢餐真係食到火滾，咁耐冇食，而家啲野仲差過以前，2人埋單仲$61X,又貴又唔好食，仲差過稻香，又貴過稻香，難食到冇朋友，真係一山還有一山低，低處未算低囉！咁既價錢出去出面可以食兩次啦，所以真係不可一不可再囉！

成日聽人話上水海港好食，又成日經過見到總係有人排隊，咁就日頭去同爸媽飲茶試下啦。3個都可以叫左10籠野食，我地都幾肚餓。冬菇燒賣其實我第一次食，果然創意無限，但又真係幾好食，同一般燒賣唔同既分別雖然只係多左舊冬菇，但已經令個肉餡香左好多，不得不讚!另外叫左奶黃包、鳳爪之類既點心，奶黃包好鬆軟，D腸粉超滑，真係要讚，平時飲茶都食唔到咁高質既野食。跟著又叫左D炸芋餅果D，食到好飽，價錢適中，GOOD!!

今日中午與家人來到海港飲茶，雖然住得遠，但我地經常都會返黎上水海港嘆茶鳳爪排骨飯系我地每次黎到必叫的其中一款點心。個人認為好食既並不是鳳爪和排骨，因為味道與一般既沒什麼太大的差別。最能帶出整個排骨飯的是海港既秘製甜豉油，十分香濃美味，有分別一般酒家只有咸味的豉油。沾上豉油的飯粒粒分明，沒有多餘水份。與鳳爪和排骨相比下，我較欣賞豉油撈飯黑椒金錢肚的醬汁味道十分濃厚，有著很重的黑椒醬汁味，配上牛肚確是一絕！雞包仔、雞扎、干蒸牛肉都系非常熱騰騰。雞包仔就是雞包仔的味道，但因為自己原本十分喜歡，所以覺得好味雞扎的腐皮內有有火腿、魚肚、芋頭、豬肚、雞肉，十分足料，雖然味道與一般酒家無異，但真的不錯干蒸牛肉很像「公仔點心」的覺得，味道比「山竹牛肉」差，加上喼汁也不能彌補味道不足的缺點。牛肉腸的確是失敗之作，腸粉皮極厚，而且有點粉粉的感覺，夾起的時候仲有啲「糊糊」既質感。雖然此是大部份酒家所犯的共通點，但不能不指出今次的紅棗糕水準下降，表面水份極多，整個紅棗糕也濕透了。夾起的時候整個紅棗糕也一分為二，質感完全爛透。雖然味道能保持一貫及格水平，但質感完全被破壞掉。

上水酒樓的確唔多，所以食海港一定有排排隊，但為左食近近地食好野，等下都抵！ 唔好睇d相又龍蝦刺身又魚翅咁，其實真係唔貴嘴同有水準，個翅真係經要提，啖啖粗翅拍得住澳門食個d，仲要好似唔洗500蚊 五人份量 抵啦！ 另外，佢地整海鮮刺身都唔錯既，我最中意莫過於龍蝦同海螺刺身，正！個價平過西貢少少。 涷食長腳蟹都唔錯不過要訂，其實間野成日去食 水準係保持到 另外佢既燒鵝都唔錯 未食過就去試下啦 真係同出面海港好唔同架

我真係唔知呢間酒樓係唔係算係上水黎講比較抵食同對得住個價錢, 次次經過門口都一大班人等位. 好似上水冇其他酒樓甘.  呢到我久唔久都會黎一次, 原因都係黎食佢個口水雞. 但其他點心就冇乜特別. 今次2點半左右黎到, 一黎到就見到一大班人係門口等位. 等左大約20分鐘到先有位, 入到去發現一張枱竟然分左4張單  甘當然唔理甘多, 睇下有咩食啦.個口水雞應該一早整好哂, 次次都係第一碟上既菜. 就甘睇佢主要用左蔥花, 蔥頭同白芝麻; 辣油, 麻油, 生抽同醋就做個調味醬. 一隻皮蛋開4邊放左係4個角落到, 但冇乜用到花生. 我真係好想知佢用咩牌子既醬料, 佢既麻香, 酒味同醋酸配合得好好. 隻雞仲要好滑  絕對值得一試, 當然怕油膩既朋友可以唔駛考慮, 因為成個都係比油浸住既. 蘿蔔膏裡面食唔到臘味, 蝦乾得勁少, 仲要煎得比較乾身 呢個賽膀蟹餃要加d 醬油 or 辣椒油先好味, 就甘食一d味都冇 醬汁鳳爪就同其他地方食到既差唔多.唔怕油膩既朋友真係要試下佢個口水雞呀~

上水海港海鮮酒家的食物向來不錯，這裡火鍋的食物錯被我評為上水之冠。可是久別重臨這裡的火鍋，質素卻令我有點失望。8:30pm來輪候宵夜火鍋時段，9pm 左右入坐。火鍋湯底有多款選擇，皮旦莞茜，羅宋湯豬骨，醉雞等等。今次選擇的羅宋湯豬骨鍋真是一般，湯底太咸過辣。配料的質素比從前下降了, 有點失望。嚮鈴- 炸得過老，太硬魚旦-不錯，挺好吃蠔-熟後縮水嚴重，而且有少少腥芝士竹輪卷-芝心滿瀉，不錯, 頗好吃的~花膠筒-有沙, 個人不推介肥牛-都ok埋單差不多$600 (3人吃), 以宵夜時段來說不算抵食。

平時去開海港飲茶，到上黎OpenRice先發覺，乜原來由"海港燒鵝海鮮酒家" 變成 "海港酒家"，唔講真系唔多覺架wo，因為個名都系叫海港雖然上水好多酒樓，但海港要等好耐位是常識吧..... 30mins系算快既一次坐低咩都唔洗諗，第一時間Tick返兩個鳳瓜排骨飯先，呢度既排骨飯系特別好食，可能系因為用上了甜豉油既關係，加上蒸飯能夠做到粒粒分明，乃屬上品。金錢肚幾入味，唔錯唔錯。但"流汁"奶皇包就完全冇流汁了，充其量是"奶皇包"吧.......