更多
2025-07-20
223 瀏覽
行完書展之後幫襯咗呢一間酒樓,估唔到人山人海,好彩預先book定位,七個人叫咗六個餸竟然都係每人唔使二百蚊,食物味道唔錯,而且服務非常好,估唔到灣仔都有呢啲咁好嘅地方。羊肚菌燒豆腐清清地幾好食,都有幾多羊肚菌。鮑魚椰菜粉絲煲感覺上唔係好食到鮑魚,不過啲椰菜同埋粉絲都幾好食。呢間酒樓燒鵝好出名所以叫咗半隻,$248都算幾抵食,燒鵝塊皮燒得幾香,不過隻鵝就肥咗少少。黑松露滑蛋蝦球啲黑松露冇電油味,啲蝦球都幾大隻幾新鮮。上湯浸菠菜苗有埋啲杞子喺度幾好。咕嚕肉隻碟幾有型,同埋啲咕嚕肉煙煙韌韌,同平時嗰啲好唔同。
張貼