33
11
4
招牌菜
被譽為上水最好的酒樓，每次經過都有大批人潮等位。趁着星期六跟媽咪一起飲茶，發現人潮竟然減少，只需等十張枱就有位。一張大枱，坐了三枱客人，而不知是不是因為太過繁忙，每枱都放上熱水壺，讓人客自己加水。牛肉腸粉腸粉皮非常厚，而且口感偏粉，完全不滑嫩，連最基本的腸粉皮都做得差，又怎會好吃。鹹菜豬肚竟然不是熱辣辣的，只是有一點暖。鹹菜正常。豬肚偏韌，還好沒有豬臭味，應該清潔乾淨。腐竹再軟一點會比較好。鮮蝦翠玉餃餃皮又厚又韌，但餡料不錯。翠玉瓜清甜，蝦仁沒有雪藏味，帶有少少姜絲。雞包令人驚喜，雞包軟熟而且餡料多，也不會太油膩。記憶中的上水海港有很多特色點心，而且美味非常。可惜今次再去令人失望，不只水準下降了不少，連款式也減少，更沒有了沙律蝦卷丶灌湯餃... 難怪客人減少，看來再也難以保持上水最好酒樓的美譽。
繼續閱讀
book 左位 食飯都要等20 分鐘 先入得坐。 環境一如已往咁"迫"，12人台好迫，如果12 人都係成人應該唔夠位食，有要求侍應換台，但佢地話張台 14 人都夠座，打發我地唔好咁多要求 .,.... 無言套餐千 4 蚊左右全包，好抵食有金豬仔，成隻上，賣相幾好，皮唔算太脆同唔會好肥，質素唔係叫好好，叫唔難食同唔會太咸大蝦E面，幾香，蝦唔"梅"，份量都好夠，芝士味好重。面有少少過熟咬口唔夠全隻燒鵝好大隻，基本上去海港必食，皮唔太肥，整體咸度適中，唔"蘇"，上菜時仲熱熱地，。全餐又包汽水，夠 12 人食 千幾蚊真係堅抵。如果唔加價，真係誠意推介
繼續閱讀
早前到了「海港燒鵝大皇」晚飯，先賞到了一味正正常常的「貴妃雞」，雞肉無添加，滑滑溜溜好鬼正。再點了碟「一蚊辣子雞」，撞鬼，調味亂咁加，又辣又無味，同樣都係唔整好過整！就咁$1就完全摧毀了隻雞的美味花容喇。一場來到，無理由唔叫碟「海港燒鵝皇」，另加一碟「叉燒皇」，集齊兩條 King。燒鵝好吃，皮不脆，肉卻不鞋。叉燒放涼了，任你如何稱「皇」，都難以力挽狂瀾。兩味送酒小吃「蜜餞雞翼」，「話梅豬手」，像是小朋友餸同阿婆餸的配搭。豬手比較對胃口，原來朕的口味已升格了做阿婆，希望沒有變米雪。「蝦乾醬爆皇帝菜」重口味之選，一上桌已香氣撲鼻，夠哂鑊氣，這道好吃！「酥炸生蠔」蚊子大小的生蠔，炸粉與蠔肉的比例直達1：1。。。其實用來煎蛋好過啦。「三杯雞煲」又是雞，今次味道比辣子雞正常得多。最後追加了「冬菇雜菜煲」，「牛柳干燒伊麵」，「福建炒飯」。
繼續閱讀
上水既海港長期都有人響門口...所以要食最好就係Book位先.......4個叫左4樣野, 半隻燒鵝...平時怕爆暗蒼既我都忍唔住,食左3,4件...個皮仲有d脆, 好香既鵝油同d汁都好正...果然係必食推介男友想食龍蝦, 所以叫左芝士龍蝦加依面低......龍蝦肉唔會太老, 芝士味唔會太濃...都算多肉, 因為係一份份計, 所以唔知夠唔夠一隻龍蝦花膠鵝掌煲...足料低食...炆得好淋...雜菌煮雜菜...一般...同花膠鵝掌煲.一樣價位...所以覺得唔係好低食.............我都會繼續幫襯既...希望唔好加價加得太快la
繼續閱讀
海港水準每況愈下，例如重要節日，如母親節，阿媽生日，想食好啲，唸都唔洗唸，自然會想起海港，但現在我唸要將佢blacklist，我住在粉嶺，因為粉嶺冇乜嘢好食，放假近近地會出去上水食，有時放假想同個女和老婆食餐豐富啲，有時去下海港，有時麗都，稻香，魚米之鄉都有去，因我老婆鐘意飲湯，多數都去海港，但去了幾遍，發覺越食越唔對路，第一，老婆最鐘意飲嘅花膠海螺煲雞湯$108元一盅，啲料越來越縮水，以前啲湯渣都有啲雞肉，雞脾，花膠食下，依家得番啲雞腳，兩，三片花膠加些少碎雞肉算數，沙鍋魚頭煲啲魚頭燶到苦嘅，食唔到落口，重有其他餸都在水準以下，去了幾次我都覺得算了吧，揾過第二間食吧，以前都甘心比時間等下位，有時要等個半鐘或以上都不出奇，因為以前好吃，好有水準，本來都算數，唔好食食第二間囉，但呢次實在太過份，唔出嚟插下唔安樂，事綠八月十一日那晚，我有位朋友專登收工約我去上水麗都打邊爐，但佢遲咗收工，成十點十分先出到來上水，唸下唸下麗都任食打邊爐，十點半已經lastcall，好似唔係0甘抵，打個零鐘要埋單走人，因為麗都比較早收，十一點三，四到，會趕人走，因本人比較喜歡去酒樓食飯，貪佢坐得比較舒服，同呢位朋友去過麗都好幾次，佢都好滿意，所以佢樂於山長水遠收工出來同我食晚飯吹吹水，心唸附近得番間海港可以食耐啲，佢末去過，即管帶佢去下啦，嗰日等位都等咗三個字，入到去我們叫了四樣嘢，第一味貴妃雞，隻雞冇乜肉，算數特價四十幾蚊半隻，第二味牛仔骨，啲牛仔骨可以剪到好似牛柳條0甘細，我拼埋最多三塊牛仔骨，收六十八蚊，我朋友都話離譜，見係我阿媽同個經理識得，我冇出聲，第三味餸海鮮豆腐煲一樣離哂譜，得五，六隻蝦仔，五件豆腐，又收我六十八蚊，你好嘢，第四味窩蛋牛肉煲仔飯，我一開蓋我朋友話嗰塊牛肉比人食咗一半，實情係偷工減料，塊牛肉縮咗水，到了這個地步大家都對桌上的食物都下在乎了，我好後悔冇影底佢，因為冇嘢好講，實在太差，太揾笨，只有揸西瓜汁賣二一蚊，冇比佢賺到0甘盡，冇計唯一辦法叫經理來，但我又不想攪串哂，只有同個朋友講以後永不再來，嗰時都唔好意思，過咗幾曰我阿媽同細妹從天水圍出來同我去麗都食生日飯，我講番個日食飯嗰件事，佢都話啲舊街坊同佢講話海港差咗好多，可能之前走哂班廚房，換咗另外一班廚房，就算換咗班人都唔洗0甘離譜掛。
繼續閱讀