海洋冰室

營業中

休息中

香港海洋公園請你努力做好埋餐飲💪🏻 我真係好唔想海洋公園執笠架。單靠家姐細佬係唔可以賺大錢，餐飲都努力加油，OK?$178 海南雞飯，雞唔得，有微微咖喱嘅味道，肉又柴，醬又唔得，薑蓉唔得，辣椒醬唔得。成個飯只係得個飯合格。合格嘅意思係食得落口，正正常常。主題樂園定價貴啲係十分之合理，但起碼要製作合格嘅食物。如果唔係無人肯消費架啦，旅客都係嚟一次半次，本地人嘅生意都要重視喔！海洋公園係我最愛嘅公園，請你加油！振作！

今日去咗海洋公園玩行行吓好熱，好攰所以入咗海洋冰室飲杯嘢見到個沖天搖擺船好似幾好入面有橙汁 菠蘿汁 紅石榴糖水同埋雪碧幾樣嘢真係都幾夾咁樣hea hea 地飲吓好舒服坐完又可以去玩過

遲了很多寫呢個食評話說早前因為做義工的緣故入了海洋公園，當日天氣超級好，陽光充沛，一班義工帶同一班50+人士入園，加上當中有輪椅人士，午餐可以選擇既餐廳一定要係有無障礙通道，同埋係室內有冷氣的，希望各位可以坐得舒舒服服呢間餐廳雖然去程比較遠要經過一段斜路先到（一般人可經樓梯到達，輪椅人士先要經斜路），但室內環境都寬闊，方便輪椅人士通行。當天我地各自被安排坐8人的圓枱及4人的卡位，職員知道我地人較多，同埋有輪椅人士，都很耐心同有禮貌幫我地安排值得一讚！食物方面，我地點了除了南亞精選同馬來叻沙系列，其餘都有點，因為怕有人唔食得辣，同埋多油/調味，所以都係點了較大路菜式，結果大家都好滿意價錢方面，印象中用visa卡付款可以有八折，所以計返都不是太貴，我地15人，約每人$135左右*另提無套餐選擇，只可只點再另加錢點飲品（如果有套餐選擇可能會較好呢）

其實好少入去海洋公園係坐定定食嘢，但係今日實在太熱，想搵一間餐廳好好咁坐低涼下，我哋就揀咗海洋冰室！仲要好開心咁坐到餐廳嘅落地玻璃位置，雖然有啲曬但係環境非常優美，一路食嘢一路嘆咁靚嘅風景，食都食得開心啲！其實嘢食嘅水準都算唔錯，而且份量都足夠。 我就叫咗碗海鮮喇沙，最開心嘅係有隻超大嘅蝦❤️ 串燒同特飲味道都唔錯，最值得一提嘅就係阿女個兒童餐，火車型嘅賣相超級吸引，而且兒童餐嘅份量好大，多到根本就唔會食得晒！ 仲有買甜品同嘢飲，今次最滿足嗰個一定係阿女啦❤️

🐳海洋冰室胡迪警長趁住自己生日有免費🥳決定同女朋友仔去海洋公園慶祝下🥰🥰難得平日去...食咩做咩都唔洗排隊🤩🤩因為太熱關係，我地決定揀間有冷氣既餐廳食🤪🏆🏆🏆 招牌雞煲皇 $145Omg....初頭我以為佢呢個雞煲係好似出面個種，將舊雞切到勁碎、勁多碎骨🥲點知🧐🧐佢係原塊雞扒😍😍😍勁多舊、每舊都大大舊又厚🤪🤪🤪佢個汁、超好食，撈飯食一流😘😘佢爆得勁香個汁...加上佢連配菜（青椒個d都入哂味，超正）🏆🏆🏆咕嚕蝦球 $150出面普遍就係咕嚕骨、咕嚕雞！但咕嚕蝦球、真心少見😚😚佢個蝦球大大粒、兩個人食平均都有3-4粒🥳🥳🥳佢個皮仲做到脆脆地，食得出佢係炒好，先落咕嚕醬撈，咁就唔會咁快變軟🤤🤤佢個汁，唔會做到太酸太甜，味道拎得岩岩好🥰🥰本身諗緊...間野咁貴，唔係熱真係唔想幫襯...因為驚又貴又難食🥲點知....顛覆咗我嘅想像😱😱勁好食...🥰🥰我諗..下次我都唔會食出面d小食店，會直入呢間海洋冰室到食🥳🥳🥳🥳🏠海洋冰室 (黃竹坑)黃竹坑海洋公園海洋天地（海盜船隔離）味道：5/5環境 : 5/5服務：5/5衛生：5/5價錢：4/5

第一次去海洋冰室。食飽咗無野想點。點咗杯摩天巨輪特飲。有荔枝肉加soda水。個賣相好正。荔枝肉好新鮮。杯摩天巨輪特飲好清甜。入口解渴提神。間餐廳好乾淨。下次再去一定要點菜。

今日到海洋公園玩，在沖天搖擺船附近有間餐廳，幸好唔太多人等位，我哋等左10分鐘左右就可以入座。叫了2款食物：1. 薑蓉乾貝帶子蛋白炒飯 $150熱辣辣即叫即炒，蛋炒飯是炒得乾身，配上肉鬆撈飯好有胃口，飯量不但夠多，帶子、蘿蔔乾等食材都足料，味道也不會太鹹，唔錯的。2.鷄肉沙嗲串燒(6串) $80鷄肉夠嫩，有鷄肉味沒有雪藏味，外面燒得唔錯而不會太燶。沙嗲醬甜甜哋又辣辣哋，連鷄肉串一齊食係好食的。不過鷄肉本身落左辣椒去煮，唔食得辣嘅要留意。餐廳用餐時間只有90分鐘，如果餐廳有lunch set提供更好。

海洋公園有咩設施就吾介紹，因為大家都知，趁佛教假期就同老婆入主題公園玩玩，開心下。 由於一早就入場，玩到攰緊要食嘢加上烈日當空要喺戶外食真係好辛苦，我寧願畀多少少錢入餐廳食。 本身想食有企鵝睇嗰間餐廳，但嗰間特別多人食好多人排隊。 所以唯有揀這間海洋冰室 雖然今日係公眾假期，但而家入公園有人數限制，所以都唔太難搵位。入到餐廳感覺做似茶餐廳order咗巴東牛肉配絲苗白飯，牛肉沙爹串燒(六串)，飛天韆鞦。巴東牛肉配絲苗白飯:牛肉唔會太韌，同埋牛肉嗰份量都算多，個汁好惹味辣辣地用嚟送白飯一流，而絲苗白飯軟硬適中。牛肉沙嗲串燒:串燒上桌時只係微暖，但食落口都不是太乾有少少肉汁，配上沙嗲汁食好夾。飛天韆鞦:是日杯薄荷味的特飲，夏天飲感覺非常涼快，爽!如果下次再嚟海洋公園 ，就會試試海龍王餐廳/企鵝餐廳。

最近因為疫情，已經好耐冇得去旅行，所以呢一日同朋友去海洋公園玩。去到晏晝，大家玩到都肚餓了，見到呢一間海洋冰室排隊人數唔多，所以一齊入咗去食。見到個兒童餐好似幾吸引，除咗有甜品仲有嘢飲送。所以鼓起勇氣問職員大人可唔可以叫兒童餐，點知真係比，所以就叫咗呢一個價值$170嘅兒童餐。食物都唔錯，都算多種類，喺海洋公園來講唔會話特別要價錢都算正常。

香港人抗疫疲勞😷，趁復活節🐣假就梗係同家人👨‍👩‍👧‍👧去玩下啦，好開心book到去海洋公園玩玩，買咗一日遊票，仲每位送2張$50現金券💰，可以用黎買禮物🎁，又可以去買野食🫕。海洋公園啲餐廳出名貴，玩到攰要食嘢，就用現金券去食嘢啦，hehe 😚揀呢間餐廳主要係因為價錢💰較便宜，同埋比較寬敞舒適：）一入去感覺似茶餐廳feel，order 左2個雞肉🐔喇沙、1個巴東牛肉🐂配白飯、1杯可樂🥤。雞肉🐔喇沙同我平時食嘅有啲唔同，唔係用1種麵類，係用米線+油麵，主要係油麵。雖然幾特別，但係我鍾意淨係米線多d🙂。喇沙湯底就一般，雞肉🐔尚算嫩滑。講返嗰巴東牛肉🐂飯先😚，牛肉唔會韌，個汁好惹味，用黎送飯，幾正㗎。😋😋我覺得呢個飯好味過喇沙。因為嗰日係復活節假期，好多人到海洋公園玩。我哋等呢間餐廳等咗成兩個鐘，好彩攞咗飛先，去玩返轉機動遊戲再返嚟食haha😗😗。大家記住要攞咗飛先啦。

今日同朋友用咗生日優惠入海洋公園入場嘅時候職員會送你一張優惠券，係可以喺海洋公園內嘅餐廳享用八折優惠行到攰攰地，我哋就揀咗最近嘅海洋冰室睇咗Menu之後其實選擇唔多，所以我哋揀咗啲比較冇咁「伏」嘅食物我哋叫咗個招牌雞煲同埋雞肉串燒，等候嘅時間都比較耐，因為應該係即時落單，師傅即炒嘅餸菜一嚟到我哋就即刻起筷食啦，味道出奇地好食，一開始以為主題公園內嘅餐廳未必味道好好，但竟然有茶餐廳嘅水準，而且都食得出係好有鑊氣㗎最尾買單用咗折扣優惠券有八折250左右兩個，算係正常價錢

係海洋公園玩完驚嚇血獄鬼屋都成9點了，是但搵左間餐廳食野，呢間餐廳主打「血獄癲牢」哈囉喂全園祭套餐 ，有老鼠，曱甴，腦漿等暗黑食物，但玩完鬼屋已經嚇死，就頹頹地叫左普通餐，呢個嘅餐包一杯野飲同Haagen dazs雪糕，價錢就200蚊樓下，因為太晏去，好多款餐都賣晒....叫左馬來咖哩雞飯，咕嚕蝦飯，豉油皇四季豆肉崧炒飯。份量都好大碟，味道就普普通通，但最好食係咕嚕蝦球，蝦球勁大粒又彈牙，外面又炸到脆卜卜，加上酸甜汁，開胃醒神！餐飲加$16可以轉特飲雪糕有朱古力/雲里拿揀

去哈囉喂玩即管試吓佢啲嘢食有幾特別試咗呢個1點後供應嘅「血獄癲牢」哈囉喂全園祭套餐每位$298有少少貴....最得意同逼真我覺得莫過於以老鼠+蟑螂仲有喺原隻鮑魚配雞粒炒飯唔錯切開老鼠形狀嘅物體後，血紅色嘅芝士就會喺炸帶子飯糰漏出嚟感覺好似自己解剖老鼠咁側邊有啲黑色嘅物體，好似碎石咁其實係泰國蝦+紐西蘭青口，口感脆卜卜甜品仲有柑橘形狀嘅意式芝士餅味道唔錯唔算膩

we ordered a couple of sets. when they brought over the food, we told them to take back the rice (no touching nothing ). the waitress gave us an angry face, saying that its not possible. when we insisted that we want to save this for the next customer, she angrily retrieved it finally, but only to throw the perfectly fresh hot rice into the trash in front of our eyes....really poor service and very angry waiting staff

今日去海洋公園哈囉喂當然要食返個哈囉喂大餐啦！👻見到有幾間餐廳都有Halloween 主題既套餐，最後決定黎海洋冰室食「血獄癲牢」哈囉喂全園祭套餐。入到餐廳見到已經換晒Halloween佈置，枱面換成監獄風格既餐紙。餐廳中心有一個監獄，仲有個假人囚犯😂餐廳天花都掛滿有關監獄既裝飾，都幾切合哈囉喂！「血獄癲牢」哈囉喂全園祭套餐制作需時20分鐘，首先黎左杯特飲-梳打橙汁。跟住主菜同甜品一齊上啦，食物造型都幾逼真，老鼠係炸帶子芝士飯團，飯團好脆口，入口啖啖芝士味，味道不錯！而芝士係紅色架，唔知係咪想營做到有血既效果。而老鼠下面既係炸魷魚🦑，好香脆，但略嫌粉漿多左啲。造型類似大腦既係雜菜，口感清淡，入面包住切成粒粒既小瓜。炒飯好有驚喜! 除左有原隻鮑魚，炒飯本身炒得好香好入味，有雞肉粒，而扮曱甴既係西梅，仲有一塊由薄餅做成既人形公仔。最後到甜品啦！2個甜品造型都好靚，意大利芝士餅真係好似一個橙🍊外面係朱古力，入面係好滑既芝士餅，個人覺得偏甜，鐘意甜食既朋友應該會鐘意。另外有bb手既係迷你朱古力撻，只係隻手已經同朋友玩左好耐😆個撻入口有濃濃朱古力味。走既時候發現原來門口位置有個俾人扮囚犯影相位，