12
6
1
電話號碼
29810976
開飯介紹
位於長洲華威酒店的海景粵菜廳,可享用由名廚精心料理的地道廣東菜,海鮮晚飯,早午茶市供應琳瑯滿目的精美點心及各式中國茗茶.\r\n
繼續閱讀
營業時間
今日營業
07:00 - 22:00
星期一至二
07:00 - 22:00
星期三
全日休息
星期四至日
07:00 - 22:00
以上資料只供參考, 請與餐廳確認詳情
招牌菜
平時過嚟長洲探屋企人，都有指定幾間酒樓會聚腳飲下茶。咁過年想坐得舒服啲嘅話都係會過嚟呢一間嘅。如果黎呢間嘅話，有幾樣嘢都會必食嘅，椒鹽魷魚鬚，真係有魷魚味嘅，唔似得出邊嗰啲炸到又薄又燶。另外排骨蒸腸粉，啲排骨嘅汁掛咗落去啲腸粉嗰度係超好食，咁啲排骨亦都係有肉味，但唔係餲味。另外麻蓉包亦都係至愛，唔太甜，出邊都比較少食到。咁過年唔少得都嗌啲特色嘢啦，炸子雞，相當經驗個皮超薄脆無肥膏超嫩，冰鮮雞係做出嚟個效果真係幾好味，好可惜啲蝦片就唔夠熱，應該唔係隔夜嘅，但係就唔夠脆。另外嗌咗個斑球炒飯，個魚粉夠薄唔腥，個炒飯粒粒分明係唯獨是少咗啲鹽花吊一吊味就完美啦。另外值得一讚啲燒賣上面啲蝦都好爽口亦冇雪味處理得幾好。千層糕亦夠軟糯。呢餐相當滿足。
繼續閱讀
大家去長洲呀都少不免會食海鮮🦀🦞而食海鮮除咗喺海旁嗰邊嘅大排檔之外～今次我地就係華威酒店入邊食「蒸氣海鮮火鍋」「🦑🦀蒸氣海鮮火鍋」呢個海鮮火鍋最遲可以即日預訂～例如你今晚食，你朝早就一定要book啦～佢地啲海鮮係即日去買，所以就要睇吓當日有咩海鮮係最新鮮～每一次嘅海鮮都有可能會有少少唔同，total會有4款～每一款都非常新鮮，今次我哋有海魚、鮑魚、帶子同埋蟶子～特別係條魚🐟非常好食👍🏻肉質彈牙魚皮膠原感滿滿，感覺係似龍躉個類海魚～另外就係湯底方面，係一個清熱嘅冬瓜薏米湯～湯底吸收晒所有精華，配合埋當地生曬紫菜，鮮甜濃郁😋😋
繼續閱讀
黃昏了！向露天茶座道別，晚餐在華威酒店的海景粤菜廳， 長洲原居民的同學已經為挑選新鮮食材，交由酒店代烹調，全海鮮宴，豐富又美味。煎大蝦及瀨尿蝦都吸引，特別是煎大蝦肉質爽脆又鮮甜！果皮蒸大大隻南澳鮮鮑與酥炸椒鹽鮮魷。以前我最愛蘇眉，現在新歡是紅星班。吊片、蝦乾和銀魚乾炒飯清爽可口，香氣四溢。豉油皇炒麵味道香濃不鹹。紅豆沙糖水結束今日長洲寫生山行美食行，多謝原居民同學好安排，讓大家渡過豐盛開心又充實的一天，祈望後會有期！16位學生平分18人消費（老師與師母），午晚共兩餐，人均消費$530，十分抵食。
繼續閱讀
我地book 咗華威酒店staycation , 玩2 日1夜， 基本上都係想放下假，舒舒服服休息下， 所以冇特別計劃行程和諗食咩好.朝早工作上嘅手尾先入黎長洲， 有點累，所以想留係酒店hae 下， 連晚餐都懶🉐️離開酒店， 直接係酒店樓下粵菜廳.其實本身對野食質素冇咩期望， 但反而有意外驚喜，覺得味道不錯👍， 價錢合理， 小菜稍貴， 不過環境安靜舒服.紅燒豆腐海班煲 $188- 海班新鮮， 幾野味， 送飯一流海鮮湯米粉 $85-清清地， 2-3人份量
繼續閱讀
原來長洲飲茶都可以咁Chill，呢間位於華威達酒店大堂嘅酒樓，唔一定要住客先可以入嚟。嚟過幾次都唔算多人，唔洗同人迫或者坐得太近。酒樓空間闊落，因為酒店喺山上嘅位置，所以坐近窗邊可以望到一個無敵海景，夏天有冷氣唔熱，冬天店員會開窗，喺呢段疫情時期，空氣夠流通。呢到都有唔少點心選擇，亦都有小菜，唔怕唔夠飽，員工服務亦很好，驚你啲食物凍仲主動問你要唔要用個蓋蓋住，唔似出面酒樓咁商業化，呢到真係好親民。每次呢嚟呢到必食蝦餃、燒賣、紅棗膏、流心奶黃包、灌湯餃同埋金錢肚。蝦餃皮薄，再點埋豆辨醬，一流紅棗膏都好正奶黃包啲流心都好正嚟得長洲都想Chill下，望住個大海景，無左高樓大廈，別有風味。
繼續閱讀