9
1
0
電話號碼
25350025
開飯介紹
坐落於酒店頂層的海岸扒房,是牛扒及海鮮愛好者的用餐新地標。半開放式廚房配備炭烤爐,餐廳內的玻璃櫃,將乾式熟成牛肉及頂級肉類,盡顯食客眼前。 繼續閱讀
附加資料
Sunset Grill is a rooftop meat and seafood lovers’ paradise to fire and fine meat, featuring an open kitchen with charcoal grill and dry-aged beef. Signature cocktails and fine wines can also be enjoyed at an outdoor terrace bar overlooking the sea. Reservations required Open for lunch and dinner
營業時間
今日營業
12:00 - 22:00
星期一至日
12:00 - 22:00
公眾假期
12:00 - 22:00
公眾假期前夕
12:00 - 22:00
付款方式
現金
座位數目
142
其他資料
網上訂座
酒精飲品
自帶酒水 詳細介紹
賞訂座積分
加一服務費
室外座位
有關獎賞計劃
食評 (11)
逆市又如何?香港又有新酒店!那就是今個12月開幕嘅東涌世茂喜來登酒店!好開心成為第一批玩Staycation嘅人!🤤​身為食怪,最關心當然係入面有咩新餐廳,今次我會一連幾個Post慢慢同大家開心Share!​東涌世茂喜來登酒店共有4間餐廳,當中一定要去就係位於頂層19樓嘅Sunset Grill!​餐廳設計走復古歐陸風,精緻華麗,打卡位處處!😍 ​餐廳仲分室內及戶外兩Part,室內為扒房,主打一系列西班牙式炭火燒肉;戶外則是酒吧區域,提供多款創意Cocktail(後續再詳講呢Part)。▲Sunset Grill裝修充滿懷舊氣息,部分座位貼近廚房,可以令客人即時嘗鮮!▲我對牛扒真係零抗拒力,知道呢度有靚扒房,當然第一時間要試!▲由於採用炭火燒製,火喉要小心掌握。扒房方面,餐廳主要採用西班牙式炭火燒烤,令食物自帶煙燻香氣!以唔同木材燒製,肉類仲會帶著唔同嘅炭火香氣!令人一試難忘!​▲喺餐廳門口,即可見到一排排正在熟成嘅牛肉。Sunset Grill提供嘅牛肉,均採用咗乾性熟成!牛肉一般被宰殺時幾小時,肉質係鬆弛,但過後又會變得僵硬,唔適宜食用。透過放置在恒溫、恒濕嘅冷藏室中熟成21-45天不等,牛肉自身帶嘅醇素又會破壞返肌肉結締組職,令肉質更軟嫩!重點呢個過程仲會去除埋肌肉中多餘水份,令牛肉味道更濃郁飽滿!進入店內,即見走廊旁有一排排正在熟成嘅牛肉,餐廳喺呢方面真係誠意十足!​✦ Porterhouse(850g)呢度最出名係呢款Porterhouse!據店家Menu所講,係用咗超過30日時間熟成嘅T骨牛扒~!呢塊扒足足有850g重!比出面一般餐廳食到嘅T骨牛扒重一倍!大塊到令我嚇一跳!幾個人Share都無問題!🤤​另外,我鍾意T字骨,係因為一面連住西冷,一面連住牛柳,一口氣可以享受到兩個唔同部位嘅牛肉滋味,軟嫩再加上嚼勁,雙重享受,正正子!​T字骨簡單燒烤已經好好食,入口軟嫩無憾,咬上口爽爽聲,超Juicy!其中,連住骨位嘅位置,肉質仲帶少少爽口,食上口真係好有滿足感!十級推薦!🤤🤤🤤​✦ Steak Tartare其實我不太接受到他他牛,純生牛感覺都幾驚,都係朋友食!🤐以佢講法,呢個菜入面溝咗鹽、洋蔥及大蒜,再加蛋黃,感覺都幾惹味!本身店家用嘅肉靚,牛肉新鮮又肉味濃郁,唔抗拒生牛嘅人應該會好滿意。​✦ Sea Bass(for 2)呢款烤鱸魚好清新!魚幾大條,2個人share都ok!魚入面夾咗檸檬及迷迭香,魚肉滑嫩,入口即化,加上魚皮脆脆地,整體味道唔錯。​✦ Brandt Ranch Bone Marrow呢款小食喺牛肉中加咗意式Gremolata醬及香芹沙律,有巴西里、大蒜、檸檬皮、橄欖油等等,味道幾清香,食完好開胃。​▲餐廳在12月1日開幕,現時已換上聖誕裝飾。P.S. 總結嚟講,餐廳嘅烤肉確係正,裝修都夠晒豪華,打卡100分!偶然嚟呢度豪一次,絕對值得! 繼續閱讀
(以上食評乃用戶個人意見 , 並不代表OpenRice之觀點。)
等級2 2021-03-29
164 瀏覽
婚後第五個年頭 要好好慶祝吓🎉🎉🎉 今次揀咗東涌喜來登酒店新開業西餐廳 預早訂位 request window side 呢間餐廳主打 Dry age 嘅beef 一入門口就會見到佈滿牛肉嘅嘢Dry age 櫃 餐牌方面主要做主打菜 午餐同晚餐meau 係一樣仲有一個好好嘅選擇就係可以喺餐前或餐後 出去outside area 嘆吓酒 談談心 可以望到海景機場景 今次就選擇先嘆杯飲前飲🥂坐一陣再回indoor 所以一次過感受晒餐廳氣氛😍餐前面包都係本人好喜歡嘅一個環節 基本上全西餐廳都會自家製 間中都會有驚喜頭盤 帶子 餐廳亦主打炭烤 口感真係有好香嘅炭燒味道 呢種做法都有別於一般西餐廳 今次仲加送咗燒八爪魚🐙🐙🐙,因為本身叫咗帶子,之前就嚟咗碟八爪魚,同番侍應講,佢哋就即時double check 番 我哋就係無叫到八爪魚,最後就送咗俾我哋食除咗自選Dessert 外, 仲另外加送一個5週年Dessert 完全做到5星級services main course Dry age T Bone 900g 口感鬆軟 仲有好香炭烤味 牛味亦很濃 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-05
941 瀏覽
食物味道: 這裡的牛扒烤得剛剛好,七成熟絕對不會韌,肉質仍保持柔軟有口感,兼且無血水,牛味又充足,賣相吸引,還有兩款汁醬可供選擇,再加送兩款免費side dish,豐富到不得了。食物份量: 今次點了Striploin 650gm ,份量非常巨大,兩個人食,加上side dish,飽到極。價錢: 性價比高,絕對超值環境: 遠望機場及海景,無得彈,喜歡戶外曬太陽,亦都可以坐露天位服務: 酒店一流服務回頭指數(10分滿分): 10 繼續閱讀
(以上食評乃用戶個人意見 , 並不代表OpenRice之觀點。)
等級3 2021-01-17
2322 瀏覽
為左試一試個屯門去東涌條新路,順便有藉口去東涌試下新酒店嘅餐廳。酒店位置有點遠,地鐵站穿過東薈城後都要行10分鐘左右先到,而隔離公屋都仲起緊,感覺直係新到去開荒咁。Sherton不嬲都有質素,入到去service好已經唔使講,佢地主要都係以英文serve客人先。我同朋友中午walkin,都有幾枱人。好彩都仲有window seat坐。如果之後想坐window seat最好book位,因為得4至5枱可以坐到window seat. 另外餐廳都有outdoor可以坐,chill一chill就最岩。可能因為疫情關係啦,lunch and dinner都係同一menu. 我同朋友就叫左塊扒試下,選擇困難症下叫waitress recommend 下。 然後就再叫杯cocktail, 睇下有無驚喜。話哂身為偽港女,影張靚相都緊要架。塊扒黎到,我地叫左medium, 都算合格,但唔知係咪有舊骨,所以近骨嘅地方就似medium,出面就熟左少少。等嘅時候,望出去係對住個海,而且係好清楚咁睇住飛機降落。依家唯有望梅止渴,睇左當自己去左旅行啦。到我地finish左,之後再叫多杯酒,waitress都好好,問我地使唔使坐出去outdoor. 咁我地就試下出去坐有咩感覺。出面都幾多枱,但就sofa位唔多,如果多朋友嘅,sofa位都係一個唔錯嘅選擇(我指解除限聚令嘅時候坐),坐落去好舒服,而且仲可以望到日落添。 都多人去outdoor坐同飲嘢,4點幾果陣都已經full哂。講返啲嘢飲先,價錢可以接受,百零蚊杯,話哂係酒店餐廳喎。 繼續閱讀
(以上食評乃用戶個人意見 , 並不代表OpenRice之觀點。)
等級2 2021-01-03
1767 瀏覽
今次係第二次去呢間餐廳用膳。上次感覺幾好,景觀開掦,職員有禮。雖然牛扒質素只係average, 但對於東涌居民黎講,多一個choice都係好事。今日再去試佢地個seafood platter, 水準大失所望。除了oysters係正常,其他海鮮一d都唔新鮮,esp d 蝦同青口,似已經死了幾天,差過一般3星自助餐水準。Crab leg 好咸。呢個seafood platter 收$688,感覺好搵笨,好失望。呢個價錢已經可以食1⃣️餐buffet. 希望酒店管理層見到,多加改善。 繼續閱讀
(以上食評乃用戶個人意見 , 並不代表OpenRice之觀點。)