電話號碼
24528636
開飯介紹
海岸扒房的餐牌設計以傳統扒房作藍本，是一所適合一家大小的餐廳，提供各式前菜、湯類、主食、甜品及來自世界各地的葡萄酒，可互相自由配搭，讓人大快朵頤。餐廳可遠眺窗外的港灣景致，讓客人在悠閒的環境下享受一頓美味豐膄的晚餐。
繼續閱讀
營業時間
今日營業
14:30 - 22:00
星期一至五
14:30 - 22:00
星期六至日
11:30 - 23:00
公眾假期
11:30 - 23:00
以上資料只供參考, 請與餐廳確認詳情
-
網上訂座服務暫停
招牌菜
食家推介
相關文章
還是假期的今天就帶來甜蜜蜜的下午茶給大家，這次我去到黃金海岸酒店內Gold Coast Prime Rib大嘆新推出的蜜糖松露下午茶，跟大家分享一個悠閒好天氣的愉快下午。蜜糖松露下午茶可以選擇即磨咖啡或川寧茶，或者像我點一杯特色飲品松露白菊蜜，這杯可以選擇冷泡或熱飲怕熱的我當然選擇冷泡茶吧！清香的白菊加上甜美的蜜糖香氣再帶上幽幽的松露，這杯特飲口味非常吸引而且還十分滋潤且解渴，很建議大家要點來試試喝喔。這個下午茶的鹹點總共有五款之多，當中包括了鮮蝦蟹肉松露蜜糖撻、香煎帶子配蜜糖芒果莎莎、煙三文魚配松露忌廉芝士、烤蜜糖雞串燒及脆炸手指魚配蜜糖松露沙律醬，全部也很大件吃罷下午茶相信可以省去晚餐了。先品嚐海鮮點心香煎帶子配蜜糖芒果莎莎，香軟的鮮甜帶子上綴以果香十足的芒果莎莎，吃下不油不膩味道清新怡人。然後這個鮮蝦蟹肉松露蜜糖撻也非常吸引！原隻鮮蝦肉吃下口感爽彈鮮美，下面的蟹肉松露蜜糖撻香氣撲鼻鮮味超凡。喜歡吃魚香滋味的朋友必定會愛上這件煙三文魚配松露忌廉芝士！油潤香滑的煙三文魚配上芬芳的松露忌廉一口吃下盡是鹹香滋味。最後還有香噴噴的烤蜜糖雞串燒及脆炸手指魚配蜜糖松露沙律醬，這份下午茶的鹹點非常滿足到我的慾望。這一刻輪到要品嚐下午茶必備的英式鬆餅！這個蜂巢造型的蜜糖鬆餅香脆甜美，配上少許果醬和Clotted Cream吃已經非常好味道。來到品嚐甜點的時候我們得到五款的精美甜品！當中包括有開心果松露杏仁蛋糕、經典松露朱古力、紅莓白朱古力松露撻、蜜糖慕絲配芒果啫喱及忌廉芝士乳酪配蜜糖啫喱，跟鹹點一樣件頭絕不惹少甜品迷必定非常滿足。於甜品中我一眼便釘上這杯忌廉芝士乳酪配蜜糖啫喱，烤芝士脆片令這個甜品增添了不少層次感，加上香滑的忌廉芝士乳酪和甜美蜜糖啫喱成件事令嘴巴非常享受。接下來這個小蜜蜂造型的蜜糖慕絲配芒果啫喱非常養眼，小蜜蜂朱古力外層包裹著清香的蜂蜜慕絲，再配上甜美的芒果啫喱這味道總會叫人好好享受。喜歡開心果的朋友相信這件開心果松露杏仁蛋糕必定能夠討您歡心！杏仁蛋糕混入了開心果的香氣，加上香醇朱古力的點綴味道好優雅耶。這個耀眼的是紅莓白朱古力松露撻！酸香紅莓配襯甜美的白朱古，酸酸甜甜這口味真的太合我心意了吧。最後還有超級香濃的經典松露朱古力！比一般松露朱古力個子更大粒，朱古力味甘醇而且甜而不膩，絕對會成為朱古力粉絲要吹捧的甜點。這個蜜糖松露下午茶收費$628/兩位，由即日起至12月31日15:00~17:00於Gold Coast Prime Rib供應。
繼續閱讀
早前跟太太係屯門黃金海岸海店二人世界，晚餐不再是Buffet，而是吃得精一點，來個 Fine Dining。Seafood platter 海鮮拼盤Boston lobster, tiger prawns, blue mussels, fresh clams, scallops with caviar份量十足，有齊波士頓龍蝦、虎蝦、藍青口、海蜆、扇貝配黑魚子。波士頓龍蝦肉質雪白爽彈。虎蝦同樣的彈牙；藍青口食落細嫩；海蜆絲毫無砂，而扇貝放上了黑魚子，是更覺矜貴。Butternut squash bisque with crab meat蟹肉南瓜濃湯鮮甜濃稠的質感，雖然未至於每口都有蟹肉，但質地滑溜，美味。***Lemon and lime sorbet檸檬青檸雪葩中間就以一杯清新怡人的青檸雪葩來清清味蕾。***The signature cut (8oz/228g)Seasonal vegetables, Yorkshire pudding and gravy招牌特式切 (8安士/228克)配時令蔬菜、約瑟布甸及燒肉汁Prime Rib 烤至medium rare，是我最喜歡的火喉，嫣紅的肉色，略帶血絲，個人喜歡配上海鹽來提鮮，但肉汁也不錯，用來蘸點伴碟的 Yorkshire Pudding 啱啱好。***Choose one main course 選一款主菜:Grilled seabass filletSeasonal vegetables, roasted new potatoes and dill cream sauce烤鱸魚柳配時令蔬菜、燒新薯及刁草忌廉汁or或Lobster linguineArtichoke, Italian parsley in lobster sauce龍蝦意式扁意粉配朝鮮薊及龍蝦汁係鱸魚同龍蝦之間，就選擇了龍蝦意式扁意粉，原隻褪殼龍蝦鉗，啖啖肉食得令人心花怒放，意粉煮至 al dente，而且掛滿醬汁，惹味到一個點，加入炸蒜令味道更添幽香，我喜歡。***Dessert 甜品Creamy cheesecake with seasonal berries香滑芝士蛋糕配時令雜莓大大份芝士蛋糕，濃香的味道，滑溜的質感，豐腴的口感，就算幾飽都想消滅晒！Premium coffee or tea咖啡或茶最後當然係要一杯Earl Grey 來平衡一下。
繼續閱讀
都一段時間無去屯門黃金海岸酒店，啱啱有親戚返香港住咗呢間酒店，過去同佢哋食餐飯見下面，就揀咗「海岸扒房」，試下呢度嘅「精選海鮮燒牛肉晚市套餐」，整體上大家都好滿意。首先前菜係海鮮拼盤，食材豐富，有波士頓龍蝦、虎蝦、藍青口、海蜆同扇貝，搭配黑魚子。每一種海鮮都新鮮美味，質量上乘。龍蝦同虎蝦肉質鮮嫩多汁，藍青口同海蜆帶有濃郁嘅海味，扇貝就有微妙嘅甜味。搭配黑魚子嘅咸鮮口感增添咗整體嘅層次感。跟住落嚟有蟹肉南瓜濃湯，質地濃稠，口味濃郁，蟹肉嘅鮮甜同南瓜嘅甜味相互融合，帶嚟一種獨特嘅滋味。主菜方面，我點咗招牌特式Prime Rib。呢塊8安士燒牛肉非常嫩滑，每一口都充滿肉汁，配上時令蔬菜、約瑟布甸和燒肉汁，新鮮爽口，約瑟布甸嘅奶香味同燒牛肉完美融合，增添豐富嘅層次感。另外一道主菜係烤鱸魚柳，搭配咗蔬菜、燒新薯同刁草忌廉汁。鱸魚柳燒得剛剛好，肉質鮮嫩，保持咗魚本身嘅鮮味。蔬菜同燒新薯嘅搭配提供豐富嘅營養，刁草忌廉汁則為整道菜帶來了奶香味道，令人回味無窮。最後，甜品係雜莓芝士蛋糕。芝士蛋糕非常柔滑綿密，口感十分細膩，搭配雜莓嘅酸甜味道，讓整個甜品變得更加平衡同美味。呢道甜品，為晚餐帶嚟一個完美嘅結尾。
繼續閱讀
好耐無入黃金海岸扒房食飯，今次仲有個好抵嘅餐，食到佢大部分名物。食牛扒當然有佢嘅質素，而且龍蝦湯同蟹餅都幾常出色，而且佢嘅海鮮拼盤都係好有保證，唔係求其俾啲自助餐食到嘅貨色你。仲有我好愛嘅yorkshire pudding，呢到係做得唔錯，好過好幾間中環名店，而且保持到佢嘅水準。我最鐘意係佢嘅地方好大好闊，望住泳池好有室外感覺，呢d都唔係九龍香港嘅名扒房做到的。最正係今次呢個餐好抵食，基本上前菜湯、扒、乜都有，而家扒房經過左小裝修後仲靚左，有朋友已經約緊再去，要搵個晴天，係屯門玩一個下午，夜晚再入扒房食飯。
繼續閱讀
12尾，同女朋友玩完Gold Coast Hotel嘅陶瓷教室之後， 即刻嚟試下佢新推出嘅蜜糖松露下午茶。首先先讚下個餐廳環境， 成個用餐環境都係好闊落舒適，配上嘅無敵大海景同泳池景， 真係夠曬chill同放鬆！😍Honey Truffle Afternoon Tea ($628/2pp)𝐒𝐰𝐞𝐞𝐭 𝐬甜點方面一共有6款既特色甜品同5款鹹點。甜點方面，紅莓白朱古力松露撻真係好有驚喜，甜度既控制同質地都有好平衡 唔會過甜或者過酸，中間嘅海糕加慕絲食落既味道都好多層次。 而小蜜蜂造型的蜜糖慕絲配芒果啫喱就超級可愛同符合個蜂巢造型，佢見到即刻爭住食啊！最後不得不提嘅松露朱古力，朱古力迷一定會好中意，松露香得嚟朱古力味💕又夠曬濃，配埋杯白菊蜜兼簡直一流。野飲方面就推薦叫翻松露白菊蜜，白菊味好香濃，甘香回味，宜家冬天滋潤得嚟又解膩，用黎送下午茶都好適合💕💕。鹹點方面有5款，雞串燒食落去有浸香噴噴嘅蜜糖味，加埋啲甜椒一齊食，好夾！再嚟試咗魚手指，點埋松露醬令到佢更香口，每人食咗兩條都唔夠喉😭其餘多款就有我最喜歡嘅材料係入面❤️有蝦、蟹肉、帶子、煙三文魚…..鮮蝦蟹肉松露撻有好香嘅蟹肉味，同松露好夾，鮮蝦同蟹肉真新鮮！舔舔脷😋成個tea set雖然話for 2people 但真係好夠食，好滿足啊！期待其他節日限定嘅tea set!我都支持
繼續閱讀