海堡餐廳 (已結業)

自從轉左工，都唔知幾耐冇去茶記食過早餐啦。😅今日難得男朋友陪返工，一齊去公司附近食早餐。見到呢間鋪頭比較多人，就入去啦。—果到係比較少見既自助形式，自己去reception叫完野食比錢之後，比張單水吧，就可以等拎野食啦。—例牌叫左個沙嗲牛肉麵，跟餐蛋。麵唔會好林，沙嗲汁同湯撈暈之後，唔會好咸，但夠味，唔錯。🤔牛肉偏林，唔太岩藍妹口味。😣太陽蛋煎得唔錯，最怕好生，求其煎兩下咁，呢隻藍妹好滿意！

兩個人睇完戲中午來到工廠區於是漫無目的地找地方午餐。但身上得銀両卻是有限。事關糧尾的日子。茶餐廳也許是最好的目標。這區當中有不少平平地的食肆！但因為街頭麥當勞以及大王美食太多人。而令我地覺得要快過主。行到街尾連續有三間好簡單的茶記！其中有粥舖都有考慮。兜兜轉轉求其入了這海堡茶餐廳一點應該最繁忙時間.但又坐唔多人。一個賣飛。（我）一個揀位我見朋友都好容易就搵到位茶記食物種類果然十分多。但係大致上都同平時茶檔既食物差吾多！平就當然叫午餐吃.乾炒三絲意粉鑊氣夠意粉份量足夠。配料有火腿同雜菜等。味道不夠，要自己再加豉油才夠味。講真三絲點解得火腿同菜無雞又無叉燒。味道不夠突出，而且不太好吃。豉油皇炒麵也炒得乾身！洋蔥絲及銀芽份量十足。似乎是用蝦子麵，有蝦子麵有鹹味。聞起來幾香而加入辣醬也好吃倘若加些韮菜效果會更好！八十元兩份午餐包飲品。可以番兜！

買早餐返公司吃，簡簡單單叫了腸粉+粉果，一打開甜醬顏色好怪，簡直係色素醬，吃一口腸粉粉皮較厚，加理其他醬料，都不咁吃第二啖. 免免強強吃粉果. 吃了兩次午餐，不太好吃，都不明咁多人吃午餐. 我不敢再幫儭！

7月2,放假後當然要食個正常早餐另自己開心D啦其實人，日日都要開心既呢度13蚊，係3條腸粉加粉果2個講真，都幾失望.......D腸粉不熱不單止，不林硬身不滑醬料足夠，至少甜醬無加水既感覺，花生醬油比較多，花生味不足但因為腸粉口感差，所以一直食都沒有享受的感覺粉果反而好正常，味道都不錯，似足酒樓貨，size都算OK，料都幾夠所以下次我會食其實野，搵下有無其他更好配搭

難食到爆呀佢攞一塊鐵片出嚟用界腸粉...我就知瀨嘢未有醬已經有不知名黃色物體勁粉又唔滑我咬唔爛D腸粉!!!really amazing!!!!!腸粉 wor!!??好唔開心呢D腸粉真係好傷心麻醬有苦味豉油難食又冇味甜醬難食又冇味我真係好傷心其中一塊仲附送頭髮...食一半就dum咗...disgusting!!!

外出工作當然先吃個午餐才回公司,附近找間茶記點了個午餐,首先購票十二點吾多人等幾分鐘去取午餐,叉燒意粉,火腿庵列,奶茶意粉普通冇乜特別,湯是保持暖暖的,叉燒係瘦叉燒有點兒乾火腿庵列,火腿萛多,唯獨蛋味欠奉,但味道還好牛油餐飽雖然軟熟,而牛油不多不過這樣的格局下吃這樣港式午餐當然不能有甚麼樣的要求...哈哈反而奶茶味道夠香濃總括來講, 服務及價錢萛唔錯有機會再試吧

天時暑熱眼見附近有食店就找位坐下，原來這店是採用全自助形式---自己去櫃台付款取票，等廚房叫號碼再去自取。可是座位偏狹窄，用自助方式很不方便，既要行出行入，又阻礙其他客人。食物方面：星州炒米（$40）：一般茶餐廳會弄得不是太辣就是只有香味，但這次卻是既無香味也食之無味，連最基本的辣味都欠奉，份量也少，只如下午茶餐的碟。沙爹牛肉公仔麵（$24）：初時以為與雞翼麵是兩者不同，可是問及友人才知道麵底是一樣，但竟然發漲得如上海幼麵（較烏冬幼），味道可想而知。雞翼公仔麵餐（$29連飲品）：公仔麵勉強完成3／4, 雞翼味道尚可。

晚上因為要去美孚接仔，做完例行檢查的我回去觀塘等埋老婆同行。因為要等成個幾兩個鐘，而且街又沒有什麼地方好行，於是我又找來一間工廠區的食堂坐下飲下奶茶。觀塘，準時下班的人特別多，而且藍領人士不像我們白領，下班後仍然在工作地區遊蕩的人不多，街上，多是忙忙碌碌，拼命走去地鐵站及巴士站的人，像我這些回頭進入觀塘工業區的人，或留在吃喝玩樂的人，相比起中環區來說，是少之又少。要等，就在太太公司的附近挑了一間好坐一點的茶餐廳食堂。飲住奶茶等。就近，就因為這店有一個麵包檔仔而吸引我來到這兒輕食輕飲。大部份的工廠食堂，都是先購票後取食的，這一家也不例外，而且有幸昤這樣的安排，才讓我得到了今天賣剩，最後的一隻菠蘿包。那我就黎返一個菠蘿油，傳統一下。菠蘿包，用微波爐翻熱過，所以上面層菠蘿皮不易碎開，不計這個的話，個菠蘿包是甜美可口的，不加牛油其實也夠味夠好食。而菠蘿油，加了份量十足的厚切片牛油，而且是真正是Butter而不是Margarine，味道更香，更可口吸引。奶茶，覺得佢唔夠奶，而且飲落粗粗鞋鞋，令這近乎完美的菠蘿油餐失去重要的分數。坐下坐下，未到七點已經落半閘了，我食完飲完，再沒有什麼籍口留下來阻住

此店門面不起眼, 不是在門前有擺檔子, 也不容易察覺, 還要鑽進小小的門子往下走幾級樓梯才到, 內裡的陳設較陳舊, 此裡的早餐不算便宜, 一份放上了雪菜餐蛋米粉, 再加杯與同區店相比不太差的奶茶, 要賣十八塊, 份量沒有特別多, 少了的是那份味精口感。