59
19
3
電話號碼
35636601
開飯介紹
提供精品咖啡,單品咖啡,店中所有自家製作 繼續閱讀
營業時間
今日營業
10:00 - 22:00
星期一至日
10:00 - 22:00
*截單時間21:30
付款方式
現金
座位數目
16
其他資料
Wi-Fi
酒精飲品
泊車 詳細介紹
電話訂座
外賣服務
加一服務費
室外座位
食評 (98)
等級3 2019-10-05
1316 瀏覽
虹橋街尾的咖啡店。起初街尾這邊根本沒有什麼人流,自從海圖開了,多了人氣。海圖擺設充滿夢想、年輕及活力的氣息,而且食物咖啡也很高質,實屬一間高質的cafe。白酒蒜蓉海鮮大蝦意粉,意粉不會炒得很油,連意粉也會有海鮮味,真的炒得很好。忌廉蟹子配雞柳意粉,賣相似日式料理,因為有木魚花紫菜,但內裡會有蟹子雞柳,味道也不錯,但是上面的海鮮意粉比較突出呢!MOCHA,拉花很美,打卡一流,當然也是一個高質的mocha。熱朱古力,是我的最愛,總是帶給溫暖的感覺。小總結,地方座位不多,但屯門也有新分店,有機會也會去試,此屬高質cafe,可以慢慢hea的感覺,充滿夢想的氣味,節奏也可以慢下來,而且價錢也是可接受範圍。 繼續閱讀
(以上食評乃用戶個人意見 , 並不代表OpenRice之觀點。)
等級3 2019-08-01
1078 瀏覽
星期天~ 行山天~ 下晝4點幾同朋友係屯門行完山,覺得肚餓,想搵間靜靜地嘅cafe食下野、傾下偈☺️ 網上見呢間cafe都幾多正評,食物環境睇落都唔錯咁,就決定揀呢間!😆餐廳位置唔多,只有幾張小圓枱,所以環境都幾幽靜舒服,好適合靜靜地傾下偈😉店員都好有禮貌,經常面帶微笑,令人心情變得更好😊All day breakfast $78我同朋友都叫左all day breakfast,材料好豐富,有蜜糖薯角、煎德國腸、炒蛋、煎火腿、粟米粒、番茄、烘麵包和沙律菜!作為薯仔控嘅我表示對呢個薯角好滿意,烤得好香口,配埋蜜糖醬有畫龍點睛嘅作用!炒蛋都唔錯,軟滑可口,食蛋有蛋味!唯一不足係偏多油,尤其係火腿和德國腸,如果可以係上碟之前隔一隔油會更好~😝總結,環境和食物質素都唔錯,適合兩個朋友仔relax下傾下偈!🙌🏻🙌🏻 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-26
994 瀏覽
好少去屯門,難得今次帶狗狗去遊水,就當然係openrice 做定功課啦。又要搵間好食,抵食,仲要狗狗都入得真係唔容易。今次就選擇咗呢間叫海圖嘅小店,門口仲有張枱可以坐出面,唔夠位坐仲可以去隔離Miss Coffee, 2邊嘢食都叫得餐廳好有香港風格,全部玻璃都寫哂唔同引用句子 😁 好啦…講返嘢食先...鮮番茄汁配牛柳粒意粉 📍 $62新鮮番茄整嘅醬汁係唔同啲嘅 😁 酸酸甜甜好開胃。個牛柳粒都煮得岩岩好,好似6成熟左右,唔會靭,好滿意白酒蒜蓉雜錦海鮮 & 虎蝦意粉 📍 $78好新鮮喎 😱 唔單只隻蝦新鮮,連啲意粉都食到鮮味。我諗佢地真係同啲海鮮一齊煮先可以咁入味 👍 推介推介 ~ 繼續閱讀
(以上食評乃用戶個人意見 , 並不代表OpenRice之觀點。)
等級3 2019-05-06
1156 瀏覽
屯門朋友介紹我來呢間cafe 話好好hea 店面較細 大約有十幾張台 是先點餐付款後坐低的 本身想叫all day breakfast 但見隔離台既虎蝦意粉好吸引就改變主意了 個意粉係非常好味 al dente口感 醬汁味道剛好 估唔到響cafe都可以食到咁有水準既意粉好有驚喜 店內牆上寫滿關於生活同夢想既字句 令人慢慢靜下來思考人生總括而言係輕鬆好地方 放空、消磨時間一流 繼續閱讀
(以上食評乃用戶個人意見 , 並不代表OpenRice之觀點。)
等級4 2019-05-05
813 瀏覽
今日老公要返工, 所以同我地食完午餐就要走.佢話好想食個意粉, 所以又過黎幫襯.我地叫左兩個意粉, 分別:1) 香草羅勒豬頸肉意粉個人覺得意粉既份量好似多過以前. 味道黎講, 老公話同以前唔同左, 唔知係咪烹調香料唔同左.不過我又覺得味道還可以, 辛辣味仍保留, 我又幾喜歡喎. 2) 蕃茄牛柳粒意粉 (啱阿仔食)阿仔食到舔舔脷, 蕃茄味好夠濃, 而且牛柳粒又煮得啱好 , 唔太腍又唔太靭, 仲要有牛肉味, 唔錯!另叫左一杯熱Mocha , Long Black我的Mocha甜味, 咖啡味都適中, 係我喜歡的口味, 自己就是怕飲苦的! 繼續閱讀
(以上食評乃用戶個人意見 , 並不代表OpenRice之觀點。)